اعاجاي-التاي تورابى   ›   اقپارات ايدىنى   ›   سۋرەتتى حابارلار

ساقتانۋ - تىزگىندەۋ قابىلەتىن جوعارىلاتىپ، ەلەۋلى حاۋىپ - قاتەردەن ساقتانۋعا جانە ونى جويۋعا كۇش سالىپ، ەكونوميكانىڭ ءۇرتىس، اقاۋسىز دامۋىن، قوعامدىق جالپى جاعدايدىڭ ورنىقتىلىعىن ساقتاۋ كەرەك

شي جينپيڭ ولكە، مينيستر دارەجەلى نەگىزگى باسشى كادرلاردىڭ تومەنگى شەكتە ويلاۋعا تاباندى بولىپ، ەلەۋلى حاۋىپ - قاتەردەن ساقتانۋعا جانە ونى جويۋعا كۇش سالۋ جونىندەگى ارناۋلى تاقىرىپتىق زەرتتەۋ - تالقى كۋرسىنىڭ ساباق باستاۋ سالتىندا ماڭىزدى ءسوز سويلەپ، بىلاي دەپ باسا دارىپتەدى

  

لي كىچياڭ باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتىناستى

  ولكە، مينيستر دارەجەلى نەگىزگى باسشى كادرلاردىڭ تومەنگى شەكتە ويلاۋعا تاباندى بولىپ، ەلەۋلى حاۋىپ - قاتەردەن ساقتانۋعا جانە ونى جويۋعا كۇش سالۋ جونىندەگى ارناۋلى تاقىرىپتىق زەرتتەۋ - تالقى كۋرسى 1 - ايدىڭ 21 - كۇنى ورتالىق پارتيا مەكتەبىندە ساباق باستادى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ساباق باستاۋ سالتىندا ماڭىزدى ءسوز سويلەدى.سۋرەتتى شينحۋا اگەنتتىگىنىڭ ءتىلشسى راۋ ايمين تۇسىرگەن

  شينحۋا اگەنتتىگىنىڭ 1 - ايدىڭ 21 - كۇنى بەيجيڭنەن بەرگەن حابارى. ولكە، مينيستر دارەجەلى نەگىزگى باسشى كادرلاردىڭ تومەنگى شەكتە ويلاۋعا تاباندى بولىپ، ەلەۋلى حاۋىپ - قاتەردەن ساقتانۋعا جانە ونى جويۋعا كۇش سالۋ جونىندەگى ارناۋلى تاقىرىپتىق زەرتتەۋ - تالقى كۋرسى 1 - ايدىڭ 21 - كۇنى تۇستەن بۇرىن ورتالىق پارتيا مەكتەبىندە ساباق باستادى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ساباق باستاۋ سالتىندا ماڭىزدى ءسوز سويلەپ، بىلاي دەپ باسا دارىپتەدى: جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىسنىڭ رۋحىن جاپپاي دايەكتىلەندىرىپ، تياناقتاندىرىپ، سىرتقى ورتانىڭ تەرەڭ وزگەرىسى مەن ەلىمىزدىڭ رەفورماسى، دامۋى، ورنىقتىلىعى ءدوپ كەلگەن جاڭا جاعدايلاردى، جاڭا ماسەلەلەردى، جاڭا سىن - سايىستاردى تەرەڭدەي تانىپ جانە ونى دۇرىس يگەرىپ، تومەنگى شەكتە ويلاۋعا تاباندى بولىپ، تاۋقىمەت تانىمىن كۇشەيتىپ، ساقتانۋ - تىزگىندەۋ قابىلەتىن جوعارىلاتىپ، ەلەۋلى حاۋىپ - قاتەردەن ساقتانۋعا جانە ونى جويۋعا كۇش سالىپ، ەكونوميكانىڭ ءۇرتىس، اقاۋسىز دامۋىن جانە قوعامدىق جالپى جاعدايدىڭ ورنىقتىلىعىن ساقتاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋگە، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋگە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا پارمەندى كەپىلدىك ازىرلەۋ كەرەك.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى لي كىچياڭ ساباق باستاۋ سالتىن باسقاردى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ ساباق باستاۋ سالتىنا قاتىناستى.

  شي جينپيڭ مىنانى اتاپ كورسەتتى: كەزەكتە، ەلىمىزدىڭ جاعدايى جالپى جاقتان جاقسى، پارتيا ورتالىق كوميتەتىنىڭ باسشىلىعى باتىل، پارمەندى بولدى، بۇكىل پارتيانىڭ «ءتورت تانىمى»، «ءتورت سەنىمى»، «ەكىنى قورعاۋى» كورنەكتى كۇشەيدى، يدەولوگيا سالاسىنىڭ جاعدايى بەلسەنە، اقاۋسىز العا باستى، ەكونوميكا ورنىقتىلىق بارىسىندا ىلگەرىلەۋ جاعدايىن ساقتادى، بۇكىل ەلدەگى ءار ۇلت حالقى ءبىر نيەتتە جۇمىلىپ، كۇرەسكەرلىك جىگەرىن تاسقىنداتتى، قوعامدىق جالپى جاعداي ورنىقتىلىقتى ساقتادى.

  شي جينپيڭ سوزىندە ساياسي، يدەولوگيا، ەكونوميكا، عىلىم - تەحنيكا، قوعام، سىرتقى ورتا، پارتيا قۇرىلىسى سياقتى سالالارداعى ەلەۋلى حاۋىپ - قاتەردەن ساقتانۋ جانە ونى جويۋ جونىندە تەرەڭ تالداۋ جاسادى، ايقىن تالاپ قويدى. ول مىنانى باسا دارىپتەدى: قۇبىلمالى حالىقارالىق جاعداي، كۇردەلى دە سەزىمتال توڭىرەك ورتاسى، جاپالى دا اۋىر رەفورما، دامۋ، ورنىقتىلىق مىندەتى الدىندا، ءبىز، ءسوز جوق، قاي - قاشان دا وسكەلەڭ قىراعىلىقتى ساقتاۋىمىز كەرەك، «قاراقۋ» ۋاقيعاسىنان وسكەلەڭ قىراعى بولۋمەن بىرگە، «سۇرى ءمۇيىز تۇمسىق» ۋاقيعاسىنان دا ساقتانۋىمىز كەرەك؛ حاۋىپ - قاتەردەن ساقتانۋدىڭ دايىندىعى بولۋمەن بىرگە، حاۋىپ - قاتەردىڭ سىن - سىناقتارىنا توتەپ بەرە الاتىن جانە ونى جوياتىن ۇتىمدى ءتاسىلىمىز دە بولۋ كەرەك؛ حاۋىپ - قاتەردەن ساقتانۋدىڭ جانە وعان قارسى تۇرۋدىڭ دايىندىق شايقاسىن ويداعىداي جۇرگىزۋمەن بىرگە، حاۋىپ - قاتەردى جويۋدىڭ، حاۋىپ - قاتەردى ورايعا اينالدىرۋدىڭ ستراتەگيالىق ىرىقتىلىق شايقاسىن ويداعىداي جۇرگىزۋ كەرەك.

  شي جينپيڭ مىنانى اتاپ كورسەتتى: ءار دارەجەلى پارتكومدار مەن ۇكىمەتتەر جالپى تۇلعالىق مەملەكەت حاۋىپسىزدىگى كوزقاراسىن باتىل دايەكتىلەندىرىپ، پارتيا ورتالىق كوميتەتىنىڭ ساياسي حاۋىپسىزدىكتى قورعاۋ جونىندەگى ءتۇرلى تالاپتارىن تياناقتاندىرىپ، ەلىمىزدىڭ ساياسي حاۋىپسىزدىگىنە كەپىلدىك ەتۋ كەرەك. نەگىزگى قوعامدىق پىكىردىڭ ۇستەم كۇشىن ءۇرتىس بەكەمدەپ، زورايتىپ، قوعامدىق پىكىرگە جەتەكشىلىك ەتۋ تەبىنىن ارتتىرىپ، ينتەرنەتتىك امبەباپ جونگە سالۋ جۇيەسىن قۇرۋدى تەزدەتىپ، ينتەرنەتتى زاڭ بويىنشا جونگە سالۋدى ىلگەرىلەتۋ كەرەك. جاستاردىڭ يدەيالىق - ساياسي قىزمەتىنە وسكەلەڭ ءمان بەرىپ، يدەيالىق - ساياسي قىزمەت جۇيەسىن كەمەلدەندىرىپ، يدەيالىق - ساياسي قىزمەتتىڭ مازمۇنى مەن فورماسىندا ۇزدىكسىز جاڭالىق اشىپ، قالىڭ جاستاردى دۇنيەگە، ومىرگە، قۇنعا دۇرىس كوزقاراس قالىپتاستىرۋعا تاربيەلەپ، جەتەكتەپ، جۇڭگوشا سوتسياليزمنىڭ جول، نازاريا، ءتۇزىم، مادەنيەت سەنىمىن كۇشەيتىپ، جاستاردىڭ سوتسياليزمنىڭ قۇرىلىسشىلارىنا جانە ءىزباسارلارىنا اينالۋىنا كەپىلدىك ەتۋ كەرەك.

  شي جينپيڭ مىنانى اتاپ كورسەتتى: كەزەكتە ەلىمىزدىڭ ەكونوميكالىق جاعدايى جالپى جاقتان جاقسى، الايدا ەكونوميكالىق دامۋ ءدوپ كەلگەن حالىقارالىق ورتا مەن ەل ءىشى جاعدايىندا تۇگەلدەي تەرەڭ ءارى كۇردەلى وزگەرىس تۋىلۋدا، قامداۋ جاعىنداعى قۇرىلىمدىق رەفورمانى ىلگەرىلەتۋ بارىسىندا ءىشىنارا قيىنشىلىقتار مەن سىن - سايىستاردان اۋلاق بولا المايمىز، ەكونوميكالىق اينالىمدا ورنىقتىلىق بارىسىندا وزگەرىس، وزگەرىس بارىسىندا الاڭداۋ ساقتالادى، ءبىز ءارى ستراتەگيالىق تۇراقتىلىقتى ساقتاپ، ەلىمىزدىڭ ەكونوميكالىق دامۋىنىڭ دۇرىس بەتالىستى بويلاي العا باسۋىن ىلگەرىلەتۋىمىز كەرەك؛ ءارى تاۋقىمەت تانىمىن كۇشەيتىپ، كۇن ىلگەرى سايلانىپ، ەكونوميكالىق سالادا تۋىلۋى مۇمكىن ەلەۋلى حاۋىپ - قاتەرگە دالمە - ءدال تۇجىرىم جاساۋىمىز، ۇتىمدى توتەپ بەرۋىمىز كەرەك. جەر - جەر، تاراۋلار ارتۋدى ورنىقتىرۋ مەن حاۋىپ - قاتەردەن ساقتانۋدىڭ قاتىناسىن ويداعىداي تەڭەستىرىپ، ريتىم مەن تەبىندى ويداعىداي يگەرۋ كەرەك. قورا - جاي بازارىن ورنىقتى، اقاۋسىز دامىتۋدىڭ باياندى مەحانيزم جوباسىن لايىقتى اتقارۋ كەرەك. بازارعا پسيحيكالىق تالداۋ جاساۋدى كۇشەيتىپ، ساياسات شىعارۋدىڭ فينانس بازارىنا ىقپالىن باعالاۋدى ويداعىداي ىستەپ، مەجەگە جەتەكشىلىك ەتۋگە شەبەر بولۋ كەرەك. بازاردى باقىلاۋ - ولشەۋدى، باقىلاپ - باسقارۋدى، سايكەستىرۋدى كۇشەيتىپ، كومەسكى حاۋىپ - قاتەردى دەر كەزىندە الاستاۋ كەرەك. ورتا، شاعىن، ۇساق كاسىپورىنداردىڭ قارجى قۇراۋى قيىن بولۋ، قارجى قۇراۋى قىمبات بولۋ ماسەلەسىن شىنايى شەشىپ، كاسىپورىندارعا كومەكتەسۋ، قىزمەت ورنىن ورنىقتىرۋ تەبىنىن ارتتىرىپ، جۇمىستانۋدى الدىمەن ەسكەرۋ ساياساتىن ويداعىداي تياناقتاندىرۋ كەرەك. «تۇرالاعان كاسىپورىنداردى» ءبىر جاقتى ەتۋدە باستاۋ قيىن بولۋ، اتقارۋ قيىن بولۋ، قىزمەتكەرلەردى ورنالاستىرۋ قيىن بولۋ سياقتى ماسەلەلەردى ۇتىمدى ءبىر جايلى ەتۋ تەبىنىن ارتتىرىپ، بازار ارقىلى اداقتاۋدى جەدەل ىلگەرىلەتىپ، قىرۋار قوردالانعان بايلىقتى شىعارۋ كەرەك. جەر - جەر، تاراۋلار ۇتىمدى شارالاردى قولدانىپ، جۇمىستانۋدى ورنىقتىرۋ، فينانستى ورنىقتىرۋ، سىرتقى ساۋدانى ورنىقتىرۋ، شەتەل قارجىسىن ورنىقتىرۋ، قارجى قوسۋدى ورنىقتىرۋ، مەجەنى ورنىقتىرۋ قىزمەتىن ويداعىداي ىستەپ، ەكونوميكالىق اينالىمنىڭ ۇيلەسىمدى اۋماقتا بولۋىن ساقتاۋ كەرەك.

  شي جينپيڭ مىنانى باسا دارىپتەدى: عىلىم - تەحنيكا سالاسىنىڭ حاۋىپسىزدىگى مەملەكەت حاۋىپسىزدىگىنىڭ ماڭىزدى قۇرامداس بولىگى. جۇيە قۇرىلىسى مەن قابىلەت قۇرىلىسىن كۇشەيتىپ، مەملەكەتتىڭ جاڭالىق اشۋ جۇيەسىن كەمەلدەندىرىپ، بايلىقتى جايعاستىرۋداعى قايتالانۋ، عىلمي زەرتتەۋ كۇشىنىڭ بىتىراڭقىلىعى، جاڭالىق اشۋ تۇلعالىق يقۋات ورنىنىڭ ايقىن بولماۋى سياقتى كورنەكتى ماسەلەلەردى شەشىپ، جاڭالىق اشۋ جۇيەسىنىڭ جالپى تۇلعالىق ونىمدىلىگىن جوعارىلاتۋ كەرەك. ولقىلىقتاردى تولىقتاۋدى جەدەلدەتىپ، دەربەس جاڭالىق اشۋدىڭ تۇزىمدىك مەحانيزم ابزالدىلىعىن تۇلعالاۋ كەرەك. كەلەلى جاڭالىق اشۋ سالاسىندا ستراتەگيالىق تۇجىرىم جاساۋدى جانە بولجامپازدىقپەن ورنالاستىرۋ جاساۋدى كۇشەيتىپ، مەملەكەتتىك تاجىريبەحانا ورنالاسۋىن مىقتاپ يگەرىپ، مەملەكەتتىك ءتۇيىندى تاجىريبەحانا جۇيەسىن قايتا ۇيىمداستىرىپ، كەلەلى جاڭالىق اشۋ بازاسى مەن جاڭالىق اشۋ تۇعىرىن ورناتىپ، ءوندىرىس، وقىتۋ، عىلمي زەرتتەۋ ورىندارىنىڭ سەلبەسە جاڭالىق اشۋ مەحانيزمىن كەمەلدەندىرۋ كەرەك. مەملەكەت حاۋىپسىزدىگى مەن ەكونوميكالىق، قوعامدىق دامۋدىڭ جالپى جاعدايىنا قاتىستى كەلەلى عىلىم - تەحنيكا مىندەتىن ءبىر تۇتاس جوسپارلاپ ۇيىمداستىرۋدى كۇشەيتىپ، مەملەكەتتىڭ ستراتەگيالىق عىلىم - تەحنيكا قۋاتى قۇرىلىسىن كۇشەيتۋ كەرەك. عىلىم - تەحنيكا حاۋىپسىزدىگى جونىندەگى ساقتاندىرۋ، باقىلاۋ - ولشەۋ جۇيەسى قۇرىلىسىن جەدەلدەتىپ، جاساندى زەردە، گەندىك رەداكسيالاۋ، ەمدەۋ، دياگنوز قويۋ، اۆتوماتتى كولىك جۇرگىزۋ، ۇشقىشسىز ۇشاق، قىزمەت وتەۋشى قۇلتەمىر سياقتى سالالاردى ارقاۋ ەتىپ، قاتىستى زاڭ شىعارۋ قىزمەتىن جەدەل ىلگەرىلەتۋ كەرەك.

  شي جينپيڭ بىلاي دەپ اتاپ كورسەتتى: قوعامدىق جالپى جاعدايدىڭ ورنىقتىلىعىن قورعاپ، حاۋىپسىزدىكتى ساقتاۋداعى، ورنىقتىلىقتى قورعاۋداعى ءتۇرلى شارالاردى شىنايى تياناقتاندىرىپ، حالىق جۇرتشىلىعىنىڭ ءتول مۇددەسىنە قاتىستى ماسەلەلەردى كۇش سالا ويداعىداي شەشىپ، جۇمىسقا ورنالاستىرۋ، وقۋ - اعارتۋ، قوعامدىق قامتاماسىزداندىرۋ، ەمدەۋ - دەنساۋلىق ساقتاۋ، ازىق - تۇلىك حاۋىپسىزدىگى، ءوندىرىس حاۋىپسىزدىگى، قوعام اماندىعىن جونگە سالۋ، تۇرعىن ءۇي بازارىن رەتتەۋ - مەڭگەرۋ سىندى ءتۇرلى جاقتارداعى قىزمەتتەردى جان - جاقتى ويداعىداي ىستەپ، حالىق جۇرتشىلىعىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. زاڭدى ۇقىق - مۇددەنى قامتاماسىزداندىرۋدىڭ جانە زاڭعا قايشى قىلمىستى ارەكەتتەرگە سوققى بەرۋدىڭ ەكى جاعىن دا قاتاڭ يگەرۋگە، ەكى جاعىن دا تەز يگەرۋگە تاباندى بولۋ كەرەك. بۇقاراعا ساياتىن ەكونوميكالىق دەلولاردا زيانعا ۇشىراعان قاۋىم جونىنەن، قىلمىستان ساقتانۋ جانە وعان سوققى بەرۋدى حاۋىپ - قاتەردى شەشۋمەن، ورنىقتىلىقتى قورعاۋمەن تەڭ جوسپارلاپ، زاڭسىز مال - مۇلىكتى، ادامدى مەڭگەرۋ، مال - مۇلىكتى قايتارۋ، تاربيەلەۋ - جول كورسەتۋ سياقتى قىزمەتتەردى ويداعىداي ىستەۋ كەرەك. قارا، سۇرقيا كۇشتەردى الاستاۋ ارناۋلى كۇرەسىن ۇزدىكسىز ىلگەرىلەتىپ، قارا، سۇرقيا كۇشتەرگە ساياتىن ەلەۋلى دەلولاردى، قارا، سۇرقيا كۇشتەردىڭ ەكونوميكالىق نەگىزىن، پەردە ارتىنداعى «ىلىكتەس تورىن»، «باس قالقالارىن» قاتاڭ قاداعالاپ، سوققى بەرۋ مەن الدىن الۋدى قاتار جۇرگىزۋگە، ۇستىنەن وڭاۋ مەن تۇبىرىنەن وڭاۋعا كۇش سالۋ كەرەك. قوعام اماندىعىن قورعاۋداعى ستەرەولدى، ينفورماتسيالانعان الدىن الۋ، مەڭگەرۋ جۇيەسىندە جاڭالىق جاساپ جانە ونى كەمەلدەندىرىپ، قىلمىستى ىستەرگە قىسىم ءتۇسىرۋدىڭ، سەس كورسەتۋدىڭ تەگەۋرىندى جاعدايىن ساقتاپ، حالىق جۇرتشىلىعىنىڭ حاۋىپسىزدىك سەزىمىن كۇشەيتۋ كەرەك. قوعامدىق جونگە سالۋدى وسىزامانداندىرۋدى ىلگەرىلەتىپ، «فىڭچياۋ تاجىريبەسىندە» تاباندى بولىپ جانە ونى دامىتىپ، تىنىشتىق قۇرىلىسىنىڭ قوعامدىق سايكەستىرۋ مەحانيزمىن اقاۋسىزداندىرىپ، قوعام ورنىقتىلىعىن قورعاۋ قابىلەتى مەن دەڭگەيىن قاينارىنان جوعارىلاتۋ كەرەك.

  شي جينپيڭ مىنالاردى باسا دارىپتەدى: كەزەكتە دۇنيەنىڭ جالپى اۋقىمى جەدەل، تەرەڭ وزگەرىستەرگە ءدوپ كەلۋدە. بۇكىل دۇنيە ءجۇزىنىڭ اۋمالى - توكپەلى قاينارى جانە حاۋىپ - قاتەر ءتۇيىنى ارتا تۇسۋدە. ەلىمىزدىڭ سىرتقى ورتاسى كۇردەلى ءارى قاتاڭ. ءبىز ەل ءىشى جانە حالىقارا ەكى ءىرى جاعدايدى، دامۋ، حاۋىپسىزدىك سىندى ەكى ءىرى ءىستى ءبىر تۇتاس جوسپارلاپ، نازاردى تۇيىنگە شوعىرلاندىرۋمەن بىرگە، جالپى جاعدايدى ءبىر تۇتاس جوسپارلاپ، ءتۇرلى حاۋىپ - قاتەرلەردىڭ تىزبەكتەلۋىنەن، ىقپالداسۋىنان ءونىمدى ساقتانۋىمىز كەرەك. شەتەلدەگى مۇددەمىزدى قورعاۋدى كۇشەيتىپ، شەتەلدەگى ءىرى نىساندار مەن ادامداردىڭ، قۇرىلىمداردىڭ حاۋىپسىزدىگىنە كەپىلدىك ەتۋىمىز كەرەك. «ءبىر بەلدەۋ، ءبىر جول» حاۋىپسىزدىكتى قامتاماسىزداندىرۋ جۇيەسىن بىرگە قۇرۋدى كەمەلدەندىرىپ، يەلىك ۇقىقتى، حاۋىپسىزدىكتى، دامۋ مۇددەسىن باتىل قورعاپ، ەلىمىزدىڭ رەفورماسىنا، دامۋىنا، ورنىقتىلىعىنا تاماشا سىرتقى ورتا ازىرلەۋىمىز كەرەك.

  شي جينپيڭ بىلاي دەپ اتاپ كورسەتتى: پارتيا 18 - قۇرىلتايىنان بەرى، ءبىز وزىنە توڭكەرىس جاساۋ رۋحى ارقىلى پارتيانى جاپپاي قاتاڭ جونگە سالۋدى ىلگەرىلەتىپ، پارتيا ىشىندە ساقتالعان اۋىر كومەسكى حاۋىپ - قاتەرلەردى الاستادىق، ونىڭ ناتيجەسى كورنەكتى بولدى. الايدا بۇل ءبىزدىڭ بەيعامدىققا سالىنۋىمىزعا بولادى دەۋدەن دەرەك بەرمەيدى. پارتيامىز ءدوپ كەلگەن ۇزاق ۋاقىت بيلىك جۇرگىزۋدىڭ سىناعى، رەفورما جاساۋ، ەسىك اشۋ سىناعى، بازار شارۋاشىلىعى سىناعى، سىرتقى ورتانىڭ سىناعى ۇزاق ۋاقىتتىق جانە كۇردەلىلىك سيپاتقا يە، پارتيامىز ءدوپ كەلگەن رۋحاني جاقتان سالعىرتسۋ قاتەرى، قابىلەتتىڭ جەتەرسىز بولۋ قاتەرى، بۇقارادان الشاقتاۋ قاتەرى، كەرەناۋلىق، شىرىكتەسۋ قاتەرى شيەلەنىستى ءارى قاتاڭ سيپاتقا يە، بۇل ءىس جۇزىندىك جاعدايعا ساي جاسالعان ءىرى شەشىم. تۇتاس پارتيا «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، يدەيادا، ساياسيدا، ارەكەتتە پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاپ، پارتيانىڭ ىنتىماعىن، بىرلىگىن سانالىلىقپەن قورعاپ، پارتيانىڭ ساياسي ءتارتىبى مەن ساياسي قاعيدالارىنا قاتاڭ بويسۇنىپ، حالىق بۇقاراسىمەن ەتەنە بايلانىسىن باستان - اياق ساقتاۋ كەرەك. جۇڭحۋا ۇلتى ۇلى گۇلدەنۋدىڭ شەشۋشى ساتىندە تۇر. ءبىزدىڭ رەفورما جاساۋ، دامۋ ىستەرىمىز قيىنشىلىقتاردى جەڭىپ، قامال الۋدىڭ، وتكەلدەردى بۇزىپ، كەدەرگىلەردى الاستاۋدىڭ ماڭىزدى ساتىسىندا تۇر، قايراتتانا العا ۇمتىلاتىن، قۇلشىنا ىسكەرلىك تانىتاتىن، شەشۋشى ساتتە توتەپ بەرە الاتىن كادرلاردى شۇعىل قاجەت ەتەدى. پارتيا 18 - قۇرىلتايىنان بەرى، ءبىز شىرىكتەسۋگە قارسى تۇرۋ كۇرەسىنىڭ ۇستەم جەڭىسىنە قول جەتكىزدىك. دەسەدە، شىرىكتەسۋگە قارسى تۇرۋ كۇرەسىندە تۇبەگەيلى جەڭىسكە قول جەتكىزە العامىز جوق. شىرىكتەسۋگە قارسى تۇرۋ كۇرەس جاعدايى ءالى دە قاتاڭ دا كۇردەلى. استە نولدىك توزىمدىلىك بەكىمىنەن تيتتەي دە اۋىتقۋعا، شىرىكتەسۋگە قارسى تۇرۋ كۇرەسىنىڭ تەبىنىن تيتتەي دە باسەڭدەتۋگە بولمايدى، ءسوز جوق، ماڭگى جالعاسادى دەيتىن قايىسپاس قايسارلىقپەن جانە تاباندىلىقپەن شىرىكتەسۋگە قارسى تۇرۋ كۇرەسىنىڭ قامال الۋ شايقاسىن، ۇزاققا سوزىلاتىن شايقاسىن باتىل ويداعىداي جۇرگىزۋ كەرەك.

  شي جينپيڭ مىنانى باسا دارىپتەدى: ەلەۋلى حاۋىپ - قاتەردەن ساقتانۋ جانە ونى شەشۋ ءار دارەجەلى پارتكومداردىڭ، ۇكىمەتتەردىڭ جانە باسشى كادرلاردىڭ ساياسي جاۋاپكەرشىلىگى، كوپشىلىك ءوز جاۋاپكەرشىلىگىن بىلۋگە، ءوز جاۋاپكەرشىلىگىن ادا ەتۋگە تاباندى بولىپ، ەلەۋلى حاۋىپ - قاتەردەن ساقتانۋ جانە ونى شەشۋ قىزمەتىن شىنايى، تىڭعىلىقتى، ويداعىداي ىستەۋ كەرەك. حاۋىپ - قاتەر تانىمىن كۇشەيتىپ، اۋقىمدى ۇنەمى كۇزەتىپ، جالپى جاعدايدى ۇنەمى ويلاپ، اۋقىمنىڭ دامۋ جاعدايىن جانە ونداعى جاسىرىنعان حاۋىپ - قاتەر، سىن - سايىستارىن عىلمي بولجاپ، ەرتە باستان قامدانۋ كەرەك. حاۋىپ - قاتەردى شەشۋ قابىلەتىن جوعارىلاتىپ، كۇردەلى جاعدايدىڭ نەگىزىن يگەرىپ، ۇرىمتال جەرىن ۇستاپ، سەبەبىن ءداپ باسىپ تاۋىپ، باتىل شەشىم جاساپ، بۇقاراعا جەتەكشىلىك ەتۋگە، بۇقارانى ۇيىمداستىرۋعا، ءار جاقتىڭ كۇشىن بىرىكتىرۋگە، عىلمي ورنالاستىرۋ جاساۋعا شەبەر بولىپ، ءونىمدى ءبىر جاقتى ەتۋ كەرەك. باسشى كادرلار نازاريالىق شىنىعۋدى كۇشەيتىپ، ماركسيزمنىڭ نەگىزگى نازارياسىن ىشكەرىلەي ۇيرەنىپ، جاڭا ءداۋىر جۇڭگوشا سوتسياليزم يدەياسىن جەتە ۇيرەنىپ، جەتە يگەرىپ، شىنايى تياناقتاندىرىپ، ونىڭ تۇتاس بارىسپەن ساباقتاسقان ماتەرياليستىك دۇنيە كوزقاراسىن جانە ءادىسناماسىن يگەرىپ، ستراتەگيالىق جاقتان ويلاۋ، تاريحي جاقتان ويلاۋ، ديالەكتيكالىق جاقتان ويلاۋ، جاڭالىق جاراتۋ جاعىنان ويلاۋ، زاڭمەن جونگە سالۋ جاعىنان ويلاۋ، تومەنگى شەك جاعىنان ويلاۋ قابىلەتىن جوعارىلاتىپ، قىم - قۋىت تا كۇردەلى قايشىلىق بارىسىندا زاڭدىلىقتى يگەرۋگە شەبەر بولىپ، تاجىريبەلەردى ۇزدىكسىز توپتاپ، قابىلەتتى جوعارىلاتۋ كەرەك. حاۋىپ - قاتەردىڭ الدىن الۋ - تىزگىندەۋ مەحانيزمىن كەمەلدەندىرىپ، حاۋىپ - قاتەردى تۇجىرىمداۋ مەحانيزمىن، شەشىمدەردىڭ حاۋىپ - قاتەرىن باعالاۋ مەحانيزمىن، حاۋىپ - قاتەردەن ساقتانۋ - تىزگىندەۋ، سايكەستىرۋ مەحانيزمىن، حاۋىپ - قاتەردەن ساقتانۋ - تىزگىندەۋ جاۋاپكەرشىلىگى مەحانيزمىن قۇرىپ جانە ونى اقاۋسىزداندىرىپ، سايكەسۋدى، سەلبەسۋدى ىرىقتىلىقپەن كۇشەيتىپ، ءبىر دارەجە ءبىر دارەجەنى مىقتى ۇستاۋعا، ساتىلار بويىنشا تياناقتاندىرۋدى يگەرۋگە تاباندى بولۋ كەرەك.

  شي جينپيڭ مىنانى باسا دارىپتەدى: ەلەۋلى حاۋىپ - قاتەردەن ساقتانۋ جانە ونى شەشۋ تاسقىنداعان قايسار كۇرەسكەرلىك رۋحتى قاجەت ەتەدى. باسشى كادرلار جاۋاپكەرشىلىك ارقالاۋعا باتىل بولۋى، كۇرەس جۇرگىزۋگە باتىل بولۋى، كۇرەسكەرلىك رۋحىن ساقتاۋى، كۇرەسكەرلىك قابىلەتىن جوعارىلاتۋى كەرەك، جاس كادرلار ءىرى شايقاس بارىسىندا بەل شەشە كىرىسىپ، شىنايى ىستەۋ كەرەك. ءار دارەجەلى باسشىلىق القالارى جانە باسشى كادرلار كۇرەس بارىسىندا توسەلۋدى كۇشەيتىپ، كۇرەسكەرلىك قابىلەتىن كۇشەيتىپ، كۇرەسكەرلىك رۋحىن ماڭگى ساقتاپ، «تاپتاپ ءوتىپ تار كەشۋدى داڭعىل جولعا نىقتاپ قادام تاستادىق، قاتەرلەر مەن حاۋىپتەردى ىسىرا تاستاپ جاڭا ساپار باستادىق» سىندى قايتپاس رۋحپەن، ءاربىر ەلەۋلى حاۋىپ - قاتەر، سىن - سايىستارعا ويداعىداي توتەپ بەرىپ، رەفورمانىڭ، دامۋدىڭ، ورنىقتىلىقتىڭ ءتۇرلى قىزمەتتەرىن شىنايى تياناقتاندىرىپ، ويداعىداي ىستەۋ كەرەك.

  لي كىچياڭ ساباق باستاۋ سالتىن باسقارعاندا بىلاي دەدى: باس شۋجي شي جينپيڭنىڭ ماڭىزدى ءسوزى ستراتەگيالىق جانە جالپى جاعداي بيىگىنەن كەزەكتەگى جانە بۇدان كەيىنگى ءبىر مەزگىلدە ەلىمىز ءدوپ كەلەتىن حاۋىپسىزدىك جاعدايىنا تالداۋ جاساپ، كۇش سالا ساقتانۋدى جانە جويۋدى قاجەت ەتەتىن ەلەۋلى حاۋىپ - قاتەردى بايانداپ، ءار دارەجەلى پارتكومداردىڭ، ۇكىمەتتەردىڭ جانە باسشى كادرلاردىڭ ەلەۋلى حاۋىپ - قاتەردەن ساقتانۋ جانە ونى جويۋ ساياسي جاۋاپكەرشىلىگىن ارقالاۋى جونىنەن ايقىن تالاپتار ورتاعا قويدى، اسا كۇشتى يدەيالىلىققا، باعىتتامالىلىققا، جەتەكشىلىككە يە. باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ىشكەرىلەي ۇيرەنىپ، سىرتقى ورتادا تۋىلعان تەرەڭ وزگەرىستەر مەن ەل ىشىندەگى رەفورما، دامۋ، ورنىقتىلىق ءدوپ كەلگەن جاڭا جاعدايدى، جاڭا ماسەلەنى، جاڭا سىن - سايىستاردى تىعىز بايلانىستىرىپ، ساياسي دەڭگەيدى جوعارىلاتىپ، ساياسي تانىمدى كۇشەيتىپ، ەلەۋلى حاۋىپ - قاتەردەن ساقتانۋدىڭ جانە ونى شەشۋدىڭ ماڭىزدىلىعىن، كوكەي تەستىلىگىن تولىق تانىپ، سەنىمدى بەكەمدەپ، باتىلدىقپەن جاۋاپكەرشىلىك ارقالاپ، مىندەتتى ۇستىنە الىپ، ەلەۋلى حاۋىپ - قاتەردەن ساقتانۋدىڭ جانە ونى شەشۋدىڭ ءتۇرلى قىزمەتتەرىن شىنايى ويداعىداي ىستەۋ كەرەك.

  ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ پارتيالى ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ پارتيالى ورىنباسار ءتوراعالارى، سونداي - اق ورتالىق اسكەري ىستەر كوميتەتىنىڭ مۇشەلەرى ساباق باستاۋ سالتىنا قاتىناستى.
 ولكەلەردەگى، اۆتونوميالى رايوندارداعى، قالالارداعى جانە شينجياڭ ءوندىرىس - قۇرىلىس بيڭتۋانىنداعى، ورتالىق جانە مەملەكەت ورگاندارىنىڭ قاتىستى تاراۋلارىنداعى نەگىزگى جاۋاپتى جولداستار، ارميانىڭ ءارقايسى ءىرى ورىندارىنداعى، ورتالىق اسكەري ىستەر كوميتەتى ورگانىنىڭ ءارقايسى تاراۋلارىنداعى نەگىزگى جاۋاپتى جولداستار زەرتتەۋ - تالقى كۋرسىنا قاتىناستى. دەموكراتيالىق پارتيا - توپتاردىڭ ورتالىق كوميتەتتەرىندەگى، مەملەكەتتىك ونەركاسىپ - ساۋدا بىرلەستىگىندەگى، سونداي - اق قاتىستى جاقتارداعى جاۋاپتى جولداستار ساباق باستاۋ سالتىنا سىرتتاي قاتىناستى.

جاۋاپتى رەداكتور: ءاننا اكىمقان قىزى
  • باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، نازاردى باس نىساناعا شوعىرلاندىرىپ، پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتەيىك
  • بۋىرشىن اۋدانىنىڭ 3 ـ كەزەكتى قىراۋ مەرەكەسى 1 ـ ايدىڭ 22 ـ كۇنى وتكىزىلەدى
  • 9 مالشى بايىرعى شاڭعىمەن التاي تاۋىنان اسىپ، شاڭعى مادەنيەتىن جاڭعىرتتى
  • گازدان حاۋىپسىز پايدالانۋ بىلىمدەرى