اعاجاي-التاي تورابى   ›   اقپارات ايدىنى   ›   سۋرەتتى حابارلار

بۋىرشىن اۋدانىنىڭ 3 ـ كەزەكتى قىراۋ مەرەكەسى 1 ـ ايدىڭ 22 ـ كۇنى وتكىزىلەدى

  التاي گازەتىنىڭ ۇسىنىس ەتىلگەن ءتىلشىسى لي حۇيليڭ حابارلايدى. 1 ـ ايدىڭ 8 ـ كۇنى ءتىلشى بۋىرشىن اۋداندىق ساياحات مەكەمەسىنەن مىناداي حابار الدى:«ەرتەگىدەگى شەكارا قالاشىعى بۋىرشىندا كەزدەسۋدى» باستى تاقىرىپ ەتكەن بۋىرشىن اۋدانىنىڭ 3 ـ كەزەكتى قىراۋ مەرەكەسى 1 ـ ايدىڭ 22 ـ كۇنىنەن 23 ـ كۇنىنە دەيىن وتكىزىلەدى. قيمىل بارىسىندا ساياحاتشىلار تۇڭعىش كەزەكتى قىراۋ ەكولوگيالىق ورتاسىن جاياۋ ارالاۋ جينالىسىنا قاتىناسىپ، كۇمىستەي جىلتىراعان قىراۋلى ورماندى تاماشالاۋىنا؛ التىنتاۋ كىتاپحاناسىنان تامىلجىعان مۋزيكا اۋەنى ەستي وتىرىپ كىتاپ وقۋىنا؛ «اقتۇبەك كەرىشتى كەمەرى ساۋىتىنىڭ» 3 ـ كەزەكتى فوتو سۋرەت كورمەسى ارقىلى فوتو اپپارات كوزىندەگى بۋىرشىننىڭ اسەم كورىنىسىن تاماشالاۋىنا؛ قاناس تەاترحاناسىندا مادەنيەت مايەگى تەرەڭ «قىسقى ەرتەگىدەگى بۋىرشىننىڭ» ويىن ءنومىرىن تاماشالاۋىنا؛ ەرتەگىدەگى كىتاپ ۇيىندە «بۋىرشىن ەلگەزەك ەلشىسىنىڭ» ءتۇرلى وزگەرىسىن بىلۋىنە؛ «ەرتەگىدەگى شەكارا قالاشىعى __ بۋىرشىن ءدامى» تاعامداردى تانىستىرۋ جينالىسىنان بۋىرشىنداعى ايگىلى اسپازداردىڭ ءدامدى تاعامدارىنان ءدام تاتۋىڭىزعا؛ «قىرۋلى شاعىن قالاشىق» شۇڭقىردا قارداعى دۋماندى دەنە تاربيە قيمىلىن تاماشالاۋعا بولادى...

  بۇرىنعىدان وزگەشەلىگى ساياحاتشىلار بۋىرشىننىڭ بوگەنايى بولەك ۇلتتىق سالت ـ ساناسىن ۇقساماعان تۇرعىدان سەزىنە الادى. وسى رەتكى قىراۋ مەرەكەسى 24 ساعاتتان 48 ساعاتقا ۇزارتىلىپ، توڭىرەكتىڭ ءتورت بۇرىشىنان كەلگەن ساياحاتشىلار قىراۋ كورىنىسىن ءار قىرىنان تاماشالاي الادى.

  «وتكەن جىلدارى 24 ساعاتتىق شەكتى مەرەكە مەزگىلىندە ساياحاتشىلاردىڭ باسىم كوبى قىراۋ مەرەكەسىندەگى كوركەم كورىنىستى تاماشالاپ، جەرگىلىكتى ءدامدى تاعامداردان اۋىز ءتيىپ، جەرگىلىكتى ورىننىڭ ۇلتتىق سالت ـ ساناسىن عانا كورە الاتىن، مۇنداي تاماشالاۋ ساياحاتشىلاردى بۋىرشىننىڭ قىزىققا تولى مادەني تۇرمىسىنان تولىق سۋسىنداتا الماعان ەدى. 48 ساعاتقا ۇزارتىلعاننان كەيىن اناعۇرلىم كوپ مادەني مازمۇندار قوسىلۋمەن بىرگە، ساياحاتشىلارعا بۋىرشىندى كەشتە ساياحاتتاتۋ ارقىلى بۋىرشىننىڭ وزگەشەلىگىن، قالاشىقتىڭ نەگىزگى جاعدايىن سەزىنە الاتىن ەتتى» ـ دەدى بۋىرشىن اۋداندىق ساياحات مەكەمەسىنىڭ ورىنباسار باستىعى جۋ باۋيان.

  ۇعىسۋعا قاراعاندا، بۋىرشىن اۋدانىنىڭ 3 ـ كەزەكتى قىراۋ مەرەكەسىندە قىراۋلى ەكولوگيانى جاياۋ ارالاۋ جينالىسى، ءدامدى تاعامداردى تانىستىرۋ، الاۋ كەشى، قىراۋدىڭ فوتو سۋرەتى، ات شانامەن قار كورىنىسىن تاماشالاۋ، كوكپار تارتۋ قاتارلى 50 نەشە قيمىل جۇرگىزىلىپ، ساياحاتشىلار ەرتەگىدەگى بۋىرشىننىڭ وزگەشە كورىنىسىن ءار جاقتان تاماشالايدى ەكەن.

  بيىل بۋىرشىن اۋدانى «جۇڭگو شينجياڭ بۋىرشىن» 3 ـ كەزەكتى قىراۋ مەرەكەسى، 3 ـ كەزەكتى «ەرتەگىدەگى شەكارا قالاشىق __ بۋىرشىن ءدامى» ءدامدى تاعامدار مەرەكەسى، 5 ـ كەزەكتى «قىستاعى ەرتەگى قالاشىق» كوركەمونەر مەرەكەسى جانە قىسقى ساياحات بازارى تيجاراتىن نەگىزگى مازمۇن ەتكەن «ءۇش مەرەكە، ءبىر قالا» قىسقى ساياحات ايگىلى ماركاسى مەرەكەسى قيمىلدارىن دانەكەر ەتىپ، «قار ـ مۇز ەرتەگى الەمى» باستى تاقىرىبىن تىعىز توڭىرەكتەپ، قار ـ مۇز بايلىعى جانە ۇلتتىق سالت ـ سانا مادەنيەتىندەگى ەكى ماركانى ويداعىداي جانداندىرادى. قاردى تاماشالاۋ، ساياحاتتاۋ، ءدامدى تاعام سەرۋەن ساياحاتى، كىتاپ وقۋ، ۇلتتىق قونالقى ساياحاتى، «وزەن اڭعارىن ساياحاتتاۋ»، قىستى تاماشالاۋ جەلىسى قاتارلى ساياحاتتىڭ ءتۇرلى قيمىلدارىن جۇرگىزىپ، وزەن اڭعارىندا قار ـ مۇزدا كوڭىل اشۋ رايونىندا قىسقى قار ـ مۇز ساياحات ونىمدەرى جۇيەسىن ۇزدىكسىز تولىقتىرىپ، بۋىرشىننىڭ قىسقى ساياحاتىنا قىزمەت وتەۋ ايگىلى ماركاسىن بار كۇشپەن جاراتادى.

جاۋاپتى رەداكتور: ءاننا اكىمقان قىزى
  • بۋىرشىن اۋدانىنىڭ 3 ـ كەزەكتى قىراۋ مەرەكەسى 1 ـ ايدىڭ 22 ـ كۇنى وتكىزىلەدى
  • 9 مالشى بايىرعى شاڭعىمەن التاي تاۋىنان اسىپ، شاڭعى مادەنيەتىن جاڭعىرتتى
  • گازدان حاۋىپسىز پايدالانۋ بىلىمدەرى
  • جاڭ يان اقپارات دانەكەرلەرىنىڭ تىلشىلىگىن قابىلداعاندا بىلاي دەدى