اعاجاي-التاي تورابى   ›   اقپارات ايدىنى   ›   سۋرەتتى حابارلار

9 مالشى بايىرعى شاڭعىمەن التاي تاۋىنان اسىپ، شاڭعى مادەنيەتىن جاڭعىرتتى

  بايىرعى تەرى شاڭعىمەن التاي تاۋىنان اسىپ، 300 كيلومەتر جول باسقان 9 مالشى 1-ايدىڭ 16-كۇنى تۇستەن كەيىن گەنارال تاۋى شاڭعى الاڭىنا ءساتتى جەتتى.

  9 مالشى تەرى شاڭعىمەن گەنارال تاۋىنان تۇسكەن ساتتە شاڭعى الاڭى دۋمانعا بولەندى.

  وسى 9 مالشى بيىل 1-ايدىڭ 5-كۇنى قابا اۋدانىنىڭ اققابا قىستاعىنان شىعىپ، التاي تاۋىنىڭ سولتۇستىك بولەگىنەن اسىپ، قاناس قىستاعىن، قوم قىستاعىن، سۇمدايرىق اسۋىن، دالالىق شاڭعى باقشاسىن، قاندىعاتى اۋىلىن باسىپ، سوڭىندا التاي قالاسىنىڭ گەنارال تاۋى شاڭعى الاڭىنا جەتتى، وسى 9 مالشى بايىرعى شاڭعىمەن 10 كۇندە 300 كيلومەتردەن استام جول باستى.

  وسى مالشىلار جٶلعا شىققاننان كەيىن، تەرى شاڭعىمەن جول باسۋدان تىس، تەرى قورجىنىنا كەرەك-جاراقتارىن سالىپ، دالادا تۇنەدى.

  بايىرعى تەرى شاڭعى اترەتىنىڭ باستىعى مالشىن: قورجىنىمىزدا نان، ەت سەكىلدى ازىقتار مەن ىشىك، قازان، شاتىر سەكىلدى زاتتاردان سىرت تاعى وسىزامانعى ەلەكترلى وتتىق، ىڭعايلى كورپە سەكىلدى قاجەتتى زاتتاردا بار.

  ءتىلشى: قاراسام ءىشى ۇلكەن كورىنەدى، وسىنشاما كوپ نارسە سالۋعا بولاما، ىشىندە نەشە كۇندىك ازىق بار؟

   كۇتاش: اققابادان شىققاندا سالماعى 30 كيلوگرامنان اساتىن، قازىر ەكى كۇندىك كەرەك-جاراعىمىز عانا قالدى، ءار كىم ءوز ازىعىن الىپ ءجۇردى.

  وسى رەتكى ساپاردا ولار ءار كۇنى ورتا ەسەپپەن تەرى شاڭعىمەن 10 ساعات جٶل باسىپ، ارەدىكتە ەڭ كوپ بولعاندا 4 رەت دەمالىپ وتىردى، ءار رەتكى دەمالىسىنىڭ ۋاقىتى 5 مينۋتقا جەتپەيدى. ولاردىڭ ىشىندە جاسىنىڭ ەڭ ەگىدەسى 47 جاستا بولسا، جاسى ەڭ كىشىسى 26 جاستا.

  بايىرعى تەرى شاڭعى اترەتىنىڭ باستىعى مالشىن: ساپارىمىزدىڭ سوڭىنا تامان قالىڭ ورماننان ءوتىپ، جول باسۋىمىز قيىنعا سوقتى، جول ەڭ قيىن بولعان كەزدە كۇنىنە 27 كيلومەتر جٶل باستىق. تۇندە دالادا وت جاعىپ، وتتىڭ ماڭىندا تۇنەدىك.

  بايىرعى شاڭعى اترەتىنىڭ مۇشەسى كۇتاش: تەرى شاڭعىمەن وسىنشاما ۇزاق جٶلدى تۇڭعىش رەت باسۋىمىز، بۇرىن تەرى شاڭعىمەن قىسقا جٶل باسىپ كورگەمىز، تەرى شاڭعىنى قاتىناس قۇرالى رەتىندە پايدالانۋشى ەدىك. ادامدارعا بايىرعى تەرى شاڭعىنى كورسەتكەنىمىزدى، ادامدارعا بايىرعى تەرى شاڭعى مادەنيەتىن تانىستىرعانىمىزدى ماقتانىش ەتەمىن.

  وزىكتەرىنەن ۇيىمداسىپ تەرى شاڭعىمەن جٶل باسقان وسى مالشىلار بايىرعى تەرى شاڭعى مادەنيەتىن ۇگىتتەپ، بايىرعى تەرى شاڭعى سپورتىنىڭ بۇكىل ەلىمىز كولەمىندە تانىلىپ، جالپىلاسۋىن ىلگەرىلەتىپ، بايىرعى تەرى شاڭعى سپورتىن جانداندىرۋدى ماقسات ەتكەن.

   جۇڭگونىڭ مەملەكەت بويىنشا وتكىزىلگەن شاڭعى جارىسىنىڭ تۇڭعىش اعا جۇلدەگەرى، جٷڭگو بۇقارالىق شاڭعى قار-مۇز مادەنيەتى كاسىپتىك كوميتەتىنىڭ مەڭگەرۋشىسى شان جاۋجيان: مەن مۇنى باقىت، داڭق، ماقتانىش سانايمىن، مەن بۇل ءىستى دۇنيە جۇزىندەگى شاڭعىشىلارعا بەلسەنە ايتىپ، التاي تاۋىنا بارىپ وسى ازاماتتارمەن بىرگە التايدىڭ بايىرعى شاڭعى مادەنيەتىن بىرتىندەپ كادەگە جاراتىپ، تەكسەرۋ جۇرگىزەمىن.

سۋرەتتەر شينحۋا اگەنتىگىنەن الىندى

جاۋاپتى رەداكتور: ءاننا اكىمقان قىزى
  • گازدان حاۋىپسىز پايدالانۋ بىلىمدەرى
  • جاڭ يان اقپارات دانەكەرلەرىنىڭ تىلشىلىگىن قابىلداعاندا بىلاي دەدى
  • اۆتونوميالى رايوندىق ماماندار گرۋپپاسى التاي جوعارى كاسىپتىك شۋەيۋانىن قۇرۋ قىزمەتىن كوزدەن كەشىرىپ باعالادى
  • ايماقتىق ۋاكىلدەر ۇيىرمەسى «ۇكىمەت قىزمەتىنەن باياندامانى» تالقىلادى