اعاجاي-التاي تورابى   ›   اقپارات ايدىنى   ›   سۋرەتتى حابارلار

اۆتونوميالى رايوندىق ماماندار گرۋپپاسى التاي جوعارى كاسىپتىك شۋەيۋانىن قۇرۋ قىزمەتىن كوزدەن كەشىرىپ باعالادى

  ەرىكتى ٴتىلشى دۇڭ شىجۇي حابارلايدى. 1 ـ ايدىڭ 11 ـ كۇنى اۆتونوميالى رايوندىق وقۋ ـ اعارتۋ مەڭگەرمەسىنىڭ شارلاۋشىسى اي گۋاڭحۇي شينجياڭ جوعارى مەكتەپ قۇرۋدى باعالاۋ كوميتەتىنىڭ 8 مامانىن باستاپ التايعا كەلىپ، ايماقتىڭ جوعارى كاسىپتىك شۋەيۋان قۇرۋ قىزمەتىن كوزدەن كەشىردى، باعالادى. ايماقتىق پارتكومنىڭ شۋجيى جاڭ يان كوزدەن كەشىرۋ، باعالاۋ گرۋپپاسىنىڭ ماماندارىمەن جوعارى كاسىپتىك شۋەيۋان قۇرۋداعى ٴتۇيىندى ماسەلەلەر جونىندە ىشكەرىلەي اڭگىمەلەستى. ايماقتىق پارتكومنىڭ ورىنباسار شۋجيى، وقۋ ـ اعارتۋ قىزمەت كوميتەتىنىڭ شۋجيى دوۋ جاۋحۇي كوزدەن كەشىرۋدە، باعالاۋدا بىرگە بولدى.

  2017 ـ جىلى ايماقتىق پارتكوم كاسىپتىك وقىتۋ رايونىنا 530 ميلليون يۋان قارجى قوسىپ، جوعارى كاسىپتىك شۋەيۋان قۇرۋدى ۇيعاردى. شۋەيۋاننىڭ جالپى يەلەيتىن جەر اۋماعى 550 مۋ، قۇرىلىس اۋماعى 125 مىڭ 500 شارشى مەتر. سونىمەن بىرگە، جوعارى كاسىپتىك شۋەيۋاننىڭ وقىتۋشى قوسىنى قۇرىلىسىن، ٴوتىنىش بەرۋ ماتەريالدارىن جازۋ قىزمەتىن باستاپ، شۋەيۋاندا ساياحات باسقارۋ، ساياحات جابدىقتارى، ساياحات ساۋدا ىستەرى، دەمالىس ساياحاتى، مادەنيەت ساياحاتى، كۇتىمدەۋ ساياحاتى، تۇسەلحانا باسقارۋ قاتارلى 7 كاسىپ اشۋدى جوسپارلادى.

  دوۋ جاۋحۇي شۋەيۋاندى قۇرۋ قىزمەتىن كوزدەن كەشىرۋگە، باعالاۋعا كەلگەن مامانداردى قىزۋ قارسى الاتىندىعىن ٴارى شىنايى العىس بىلدىرەتىندىگىن ايتا كەلىپ، وسى رەتكى كوزدەن كەشىرۋدىڭ، باعالاۋدىڭ ٴبىر رەتكى ٴىرى تەكسەرۋ بولىپ قالماستان، التاي ايماعىنىڭ كاسىپتىك وقۋ ـ اعارتۋدى دامىتۋ، كاسىپتىك وقىتۋشىلار قوسىنىن قۇرۋدىڭ تاماشا ورايى ەكەندىگىن ٴبىلدىردى.

  باعالاۋدان مالىمەت بەرۋ جيىنىندا اكىمشىلىك مەكەمەسىنىڭ ورىنباسار باس حاتشىسى، جوعارى كاسىپتىك شۋەيۋاندى جوسپارلاپ قۇرۋ كەڭسەسىنىڭ مەڭگەرۋشىسى ۋ جيانجۇن ايماعىمىزدىڭ نەگىزگى احۋالىن، شۋەيۋاننىڭ قۇرىلىم ورنالاسۋى، سونداي ـ اق قىزمەتتى ورىستەتۋ احۋالى، مەكتەپتىڭ نەگىزگى قۇرىلىس احۋالى، شۋەيۋاننىڭ ۇيىمدىق جۇلگەسى، ٴتۇزىم قۇرىلىسى، ٴوتىنىش بەرۋ ماتەريالدارىن ازىرلەۋ احۋالى، التايدا ساياحات ىستەرى كاسىپتىك شۋەيۋانىن قۇرۋدىڭ 5 ٴىرى ابزالدىلىعى قاتارلى 10 جاقتان جوعارى كاسىپتىك شۋەيۋاندى قۇرۋ قىزمەتىنەن ماماندارعا ەگجەي ـ تەگجەيلى مالىمەت بەردى.

  جيىننان كەيىن ماماندار گرۋپپاسى قۇرۋ قىزمەتىنىڭ ارحيۆ ماتەريالىن مۇقيات تەكسەردى ٴارى ماتەريالداعى ناقتى مازمۇندار جونىندە قىزمەتكەرلەرمەن ىشكەرىلەي تالقى ورىستەتتى. ىلە ـ شالا، ماماندار گرۋپپاسى شۋەيۋاننىڭ ەندى سالىناتىن نەگىزگى قۇرىلىسىن، قۇرىلعى جابدىقتاردى ازىرلەۋ احۋالىن جانە وقىتۋ، تۇرمىس ورتاسىن كوزدەن كەشىردى.

  سول كۇنى ماماندار گرۋپپاسى كوزدەن كەشىرۋدى، باعالاۋدى اڭىس ەتۋ جيىنىن اشتى. جيىندا ماماندار گرۋپپاسى سالىناتىن شۋەيۋاننىڭ مەكتەپ اشۋ وي جەلىسىن، نىساناسىن تولىق تۇراقتاندىرىپ، قۇرۋ قىزمەتىندە ساقتالعان ماسەلەلەردى العا قويدى ٴارى تاجىريبە جاتتىعۋ جابدىقتارىن تولىقتاۋ، كاسىپتىك كىتاپتاردى ساتىپ الۋ، ينفورماتسيالاندىرۋ قۇرىلىسىن ىلگەرىلەتۋ قاتارلى جاقتاردان ۇسىنىس ـ پىكىر بەردى. سونىمەن بىرگە، ماماندار گرۋپپاسى التاي ايماعىندا قۇرىلاتىن جوعارى كاسىپتىك شۋەيۋاننىڭ جۇمساق، قاتتى بولشەك قۇرىلعى شارت ـ جاعدايى جوعارى كاسىپتىك شۋەيۋان قۇرۋدىڭ ولشەمىنە جەتەدى دەپ قارادى.

  دوۋ جاۋحۇي بىلاي دەدى: «جوعارى كاسىپتىك شۋەيۋان قۇرۋ قىزمەتىندە وسى رەتكى كوزدەن كەشىرۋدى، باعالاۋدى وراي ەتىپ، ماماندار العا قويعان پىكىر ـ ۇسىنىستار مەن تالاپتار بويىنشا رەتكە سالىپ تۇزەتۋدى تەزدەتىپ، قۇرىلىس ساپاسىن جوعارىلاتىپ، مەكتەپتىڭ ەرەكشەلىگىن كۇشەيتىپ، مەكتەپ قۇرۋ دەڭگەيىن جوعارىلاتىپ، ەرەكشەلىگى ايقىن جوعارى دەڭگەيدەگى كاسىپتىك شۋەيۋان قۇرۋعا كۇش سالامىز».

جاۋاپتى رەداكتور: ءاننا اكىمقان قىزى
  • ايماقتىق ۋاكىلدەر ۇيىرمەسى «ۇكىمەت قىزمەتىنەن باياندامانى» تالقىلادى
  • الداعى ءۇش كۇندىك اۋا رايىنان الدىن-الا مالىمەت
  • شينجياڭداعى قارلى اۋىلدا كىرەشى شانالار جۇيتكىدى
  • شينجياڭداعى قارلى اۋىلدا كىرەشى شانالار جۇيتكىدى