اعاجاي-التاي تورابى   ›   اقپارات ايدىنى   ›   سۋرەتتى حابارلار

شينجياڭداعى قارلى اۋىلدا كىرەشى شانالار جۇيتكىدى

سۋرەتتە: شينجياڭ بۋىرشىن اۋدانى قوم قىستاعىندا، نۇربولات اتتىڭ كەكىلىندەگى قاردى قاعۋدا
(سۋرەت 1 – ايدىڭ 9 – كۇنى تۇسىرىلگەن)

  قارلى اۋىل اتانعان قوم قىستاعى شينجياڭنىڭ التاي ايماعىنىڭ سولتۇستىك بولەگىندە، قازىر بۇل ارادا قار – مۇز ساياحاتىنىڭ جاندانعان شاعى. بيىل 27 جاستاعى نۇربولات جۇمابەك ۇلىنىڭ ءۇيى قوم قىستاعىندا تۇرادى. نولدەن تومەن 35 سەلسي گرادۋس اينالاسىندعى سۋىق نۇربولاتتىڭ ات جەككەن شانامەن ساياحاتشىلاردى تاسۋىنا ەشقانداي ىقپال ەتپەيدى دەۋگە بولادى. ونىڭ ايتۋىنشا، ساياحاتشىلار كوپ كەزدە ات شانامەن كۇنىنە 600 يۋانعا دەيىن كىرىس كىرگىزۋگە بولادى. ات شانا كەزىندە قوم قىستاعىنداعى تۇرعىنداردىڭ قىس مەزگىلىندەگى نەگىزگى قاتىناس كولىگى بولعان.
  قاتىناس نەگىزدىك قۇرىلعىلارىنىڭ جاقسارۋىنا، تۇرعىنداردىڭ كىرىسىنىڭ ارتۋىنا بايلانىستى ات شانانىڭ ورنىن وتباسىلىق اۆتوكولىكتەر باسقان. قازىر بۇل ءداستۇرلى قاتىناس قۇرالى قىسقى ساياحات مەزگىلىندەگى قوم قىستاعىنىڭ باستى ساياحات كولىگىنە اينالىپ، ساياحاتشىلار وعان «ات جەككەن تاكسي» دەپ قىزىق ەسىم قويىپ العان. نۇربولاتتىڭ ايتۋىنشا، قوم قاناستىڭ كورىنىسى كوركەم بولعاندىقتان، ولاردىڭ ساياحات كىرىسى بارعان سايىن ارتا تۇسكەن، قىستا ات جەككەن شانامەن كىرەشىلىك ىستەسە، جازدا سەرۋەندەۋگە شىققان ساياحاتشىلارعا اتتى مايعا بەرەدى، تۇرعىنداردىڭ تۇراعى دا جىل بويى جاتىن ورىنمەن قامداۋ ارقىلى كىرىس كىرگىزە الادى. قوم قاناستىڭ قىسى ۇزاق، جۋىرداعى جىلداردان بەرى، «قىس مەزگىلىندە قومعا كەلىپ قاردى تاماشالايتىن» ساياحاتشىلاردىڭ سانى بارعان سايىن ارتىپ، تاۋ قويناۋىنداعى قارلى اۋىل مالشىلارىنىڭ تابىسىن مولايتتى. شينحۋا اگەنتتىگى، حۋ حۋحۋ فوتوسى

جاۋاپتى رەداكتور: ءاننا اكىمقان قىزى
  • شينجياڭداعى قارلى اۋىلدا كىرەشى شانالار جۇيتكىدى
  • اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 2 - ءماجىلىسى اشىلدى
  • جۇڭگو قارلى مەكەنىندە اققايىڭ قار باقشاسى اشىلدى
  • پارتيانى جاپپاي قاتاڭ جونگە سالۋدىڭ اناعۇرلىم زور ستراتەگيالىق جەتىستىگىنە قول جەتكىزىپ، شىرىكتەسۋگە قارسى تۇرۋ كۇرەسىنىڭ ۇستەم جەڭىسىن بەكەمدەۋ، دامىتۋ كەرەك