اعاجاي-التاي تورابى   ›   مادەنيەت ارناسى   ›   بىلگەنگە مارجان

جاس كەلە ۋاقىت نەگە جىلدام ءوتىپ جاتقانداي كورىنەدى؟

  تاڭ اتادى، كەش باتادى. كۇندەلىكتى كۇيبەڭ تىرشىلىكپەن ءبىر كۇننىڭ قالاي وتە شىققانىن اڭعارماي قالامىز. ۋاقىت زۋلاپ ءوتىپ بارا جاتقانداي. ال بالا كەزدە شە؟

  بالا كەزدە ءبارى باسقاشا سەكىلدى ەدى. ۋاقىت ۇزاق بولىپ كورىنەتىن. كەيدە كۇتكەن كۇنىڭدى جەتكىزە الماي سارىلۋشى ەدىك. ەسەيۋدى اڭسايتىنبىز. قالاعان دۇنيەمىزگە قول جەتكىزىپ، قيالداعى تاڭعاجايىپ ويلاردى جۇزەگە اسىرۋعا اسىعاتىنبىز. ەسەيگەندە بارىنە ۋاقىت تاپشى بولىپ تۇرعانداي كورىنەدى.

  جاس كەلە ۋاقىت جىلدام ءوتىپ جاتقانداي كورىنەتىنى راس. كەشە عانا جيىرما بەستە بولىپ، بۇگىن وتىزدان اسىپ، ەرتەڭ قىرىققا تاياپ قالعانىن اڭعارماي قالعان جاندار از ەمەس. ولاردىڭ قاتارىندا ءوزىڭىز دە بولساڭىز، تاڭ قالماڭىز. سىناپتاي سىرعىعان ۋاقىت دەپ بەكەر ايتپاسا كەرەك.

  ەسەيگەندە ۋاقىتتىڭ نەگە جىلدام وتەتىنىن اركىم ارقالاي تۇسىندىرەدى. وسى ورايدا ۋاقىت شىنىمەن جىلدام وتە مە؟ جىلدام ءوتۋى مۇمكىن ەمەس قوي. جۋىردا ديۋك ۋنيۆەرسيتەتىنىڭ پروفەسسورى ادريان بەدجان بۇل قۇبىلىستى ءوز زەرتتەۋى بويىنشا ءتۇسىندىرىپ شىعۋعا تىرىسىپتى.

  - ۋاقىت سول ءباز-باياعى قالپىندا قالادى. تەك ادام سونى ارقالاي قابىلداي باستايدى. بىردە تەز ءوتىپ جاتقانداي كورىنەدى. ەندى بىردە ۋاقىت توقتاپ قالعانداي كورىنەدى.

  ۋاقىتتىڭ 12 قۇپياسى جاس كەزدە مي بارلىق اقپاراتتى جىلدام قابىلدايدى ءارى تەز قورىتىندى شىعارادى. سوندىقتان دا ادامعا ۋاقىت جاي ءوتىپ جاتقانداي سەزىلەدى. ەسەيە كەلە كوگنيتيۆتىك قىزمەت وزگەرە باستايدى. ميدىڭ قابىلداۋى دا باسەڭدەپ، ۋاقىتتان قالىپ بارا جاتقانداي كۇيگە سالادى. وسىدان بارىپ ادامعا ۋاقىت جىلدام ءوتىپ جاتقانداي اسەر ەتەدى، - دەيدى عالىم.

  زەرتتەۋگە ساككاد تاجىريبەسىن دە نەگىزگە العان. كوزدى جىلدام ءبىر باعىتقا بۇرعاندا مي ۆيزۋالدى اقپاراتتى قابىلداپ ۇلگەرۋى كەرەك. جاس كەزدە مي جىلدام قابىلداسا، ەسەيگەندە قابىلداۋ ۋاقىتى ارتا تۇسەدى.

  زەرتتەۋشى مامان ەسەيگەندە ۋاقىتتىڭ جىلدام ءوتىپ جاتقانىن سەزىنبەۋدىڭ جولىن دا قاراستىرىپتى. ول ءۇشىن ۇيقىنى رەتتەۋ ماڭىزدى ەكەن.

  - ۋاقىتىلى تىنىعىپ، ۋاقىتىلى ويانۋ - ميدىڭ جۇمىسىن جاقسارتادى. ناتيجەسىندە اقپاراتتى قابىلداۋ دا جاقسارا تۇسەدى، - دەيدى ادريان.

جاۋاپتى رەداكتور: ءاننا اكىمقان قىزى
  • جۇڭگو قارلى مەكەنىندە اققايىڭ قار باقشاسى اشىلدى
  • پارتيانى جاپپاي قاتاڭ جونگە سالۋدىڭ اناعۇرلىم زور ستراتەگيالىق جەتىستىگىنە قول جەتكىزىپ، شىرىكتەسۋگە قارسى تۇرۋ كۇرەسىنىڭ ۇستەم جەڭىسىن بەكەمدەۋ، دامىتۋ كەرەك
  • قومنىڭ قىسقى كورىنىسى كوز سۇرىندىرەدى
  • جەمەنەي اۋدانىنىڭ تۇڭعىش كەزەكتى «ساۋىر وتارى مادەنيەت، ساياحات مەرەكەسى» باستالدى