اعاجاي-التاي تورابى   ›   اقپارات ايدىنى   ›   سۋرەتتى حابارلار

جەمەنەي اۋدانىنىڭ تۇڭعىش كەزەكتى «ساۋىر وتارى مادەنيەت، ساياحات مەرەكەسى» باستالدى

  

     التاي گازەتىنىڭ ءتىلشىسى ارداق بەيىسقان ۇلى حابارلايدى. 2019 ـ جىلى 1 ـ ايدىڭ 9 ـ كۇنى جەمەنەي اۋداندىق حالىق ۇكىمەتى ۇيىمداستىرعان جەمەنەي اۋدانىنىڭ تۇڭعىش كەزەكتى «ساۋىر وتارى مادەنيەت، ساياحات مەرەكەسى» قويتاس ساياحات كورىنىس رايونىندا وتكىزىلدى.

  اق قارمەن قىمتالعان كوركەم قويتاس ساياحات رايونىندا وتكىزىلگەن تۇڭعىش رەتكى بۇل مەرەكەگە اۆتونوميالى رايونىمىزدىڭ ءىشى ـ سىرتىنان كەلگەن اقپارات ورىندارىنىڭ تىلشىلەرى مەن فوتو سۋرەتشىلەر ۇلتىمىزدىڭ ءداستۇرلى توي سالتى، كوشى ـ قون، قىزقۋار قاتارلى ات ءۇستى مادەني دەنەتاربيە قيمىلىن نەگىزگى مازمۇن ەتكەن ٴتۇرلى تاقىرىپتاعى كوركەم كورىنىستەردى فوتو كوزدەرىنە ءتۇسىردى.

  اۆتونوميالى رايوندىق فوتو سۋرەتشىلەر قوعامىنىڭ مۇشەسى چيۋ ميڭجياڭ بىلاي دەدى: «بۇرىن قازاق ۇلتىنىڭ كوشى ـ قون مادەييەتىن فوتو كوزىنە تۇسىرگەم، الايدا، قىس ماۋسىمىنداعى كوشى ـ قوندى، اسىرەسە، وسى قويتاس سىندى كوركەم جەردە بۇل قيمىلدى فوتو كوزىنە تۇسىرە الماعان ەدىم. وسى رەتكى بۇل قيمىل قوي تاستىڭ تابيعاتىنا ساي جۇرگىزىلدى».

  ايماقتىق ساياحات مەكەمەسىنىڭ ورىنباسار باستىعى ليۋ كىچۋان بىلاي دەدى: «بۇل رەتكى جەمەنەي اۋدانىنىڭ تۇڭعىش كەزەكتى ‹ساۋىر وتارى مادەنيەت، ساياحات مەرەكەسى› ايماعىمىزدىڭ قىسقى ساياحات جوباسىنىڭ ءبىر مازمۇنى. جاقىنعى جىلداردان بەرى، جەمەنەي اۋدانى قويتاس ساياحات كورىنىس رايونىنان، شەكارادان، سولتۇستىك قۇم كورىنىس رايوننان، شەكارا اتتاپ ساياحاتتاۋدان، توڭكەرىستىك تاربيە بازاسىنان پايدالانىپ، ساياحات ىستەرىن كۇش سالا دامىتتى».

  ۇعىسۋعا قاراعاندا، بىلتىر جەمەنەي اۋدانىنا كەلگەن ساياحاتشى سانى 400 مىڭ ادامعا (رەتكە)، ساياحات كىرىسى 300 ميلليون يۋانعا جەتىپ، الدىنعى جىلعىدان جەكە ـ جەكە %45، %76 ارتقان.

جاۋاپتى رەداكتور: ءاننا اكىمقان قىزى
  • جەمەنەي اۋدانىنىڭ تۇڭعىش كەزەكتى «ساۋىر وتارى مادەنيەت، ساياحات مەرەكەسى» باستالدى
  • شينجياڭدىق 9 مالشى تەر شاڭعىمەن 300 كيلومەتر ءجۇرۋ ساپارىن باستادى
  • 12 ەلدىڭ جۇڭگودا تۇراتىن ەلشىلەرى شينجياڭدا ەكسكۋرسيادا، ساپاردا بولدى
  • بوراننان ساقتانۋدىڭ كوك ءتۇستى ساقتىق سيگىنالىن تاراتتى