اعاجاي-التاي تورابى   ›   مادەنيەت ارناسى   ›   بىلگەنگە مارجان

ادامدى ءوز جاعىڭىزعا تارتقىڭىز كەلسە

 

 «ەگەر ءسىز ماعان كەلگەن كەزدە جۇدىرىعىڭىزدى ءتۇيىپ كەلسەڭىز، − دەيدى ۆۋدرو ۆيلسون، وندا مەن دە جۇدىرىعىمدى ءتۇيۋىم مۇمكىن. ال ەگەر «كەلىڭىز ەكەۋمىز وتىرىپ وڭاشا سويلەسەيىك، ەگەردە پىكىر قايشىلىعى بولىپ جاتسا، قاي جەردەن قاتە جىبەرگەنىمىزدى تۇسىنۋگە تىرىسايىق» − دەسەڭىز شىنىندا دا اقىر اياعىندا ءبىزدىڭ قايشىلىقتارىمىز ايتۋعا تۇرمايتىنداي بولىپ شىعادى. كەمشىلىك جىبەرگەن جەرلەرىمىز از دا، ويىمىزدىڭ ۇشتاسۋى، بىرىگۋى ارتىعىراق بولادى. ال ەگەر بىزدە ازعانتاي شىدامدىلىق، كەلىسىم جاساۋعا دەگەن ىنتا-ىقىلاس بولسا، وندا ءبىز كەلىسىمگە كەلۋىمىز مۇمكىن».

  "ەگەر ادامنىڭ جۇرەگىندە سىزگە دەگەن كوڭىل تولماۋشىلىق پەن كۇماندىلىك ورىن السا، ول ادام ءسىزدىڭ كوزقاراسىڭىزعا، وي-پىكىرىڭىزگە ەشقاشان قوسىلا المايدى. ۇرسۋ، جەكۋ نەمەسە دوق كورسەتۋ ارقىلى ولاردىڭ ءوز كوزقاراستارىن وزگەرتپەيتىنىنە ۇرىسقاق اتا-انانىڭ، قاتىگەز قوجايىننىڭ، دولى ايەل مەن اشۋشاڭ كۇيەۋدىڭ كوز جەتكىزەتىن كەزى بولادى. ادامداردى مەنىڭ نە ءسىزدىڭ پىكىرىڭىزگە قوسىل دەپ ءماجبۇر ەتۋگە بولمايدى. ال ەگەر جىلى-جىلى سويلەپ، اقىلمەن ارەكەت جاساساڭ، بۇعان قول جەتكىزۋگە بولار ەدى".

  لينكولن بۇل ءسوزدى بۇدان ءجۇز جىل بۇرىن ايتقان بولاتىن. «ءبىر تاباق اششى وتتەن گورى ءبىر تامشى بالعا شىبىن كوپ ۇيىرمەلەيدى» دەگەن ەسكى ماقال دۇرىس ايتىلعان. بۇل ءسوزدى ادامدارعا قاتىستى ايتار بولساق: ەگەر ادامدى ءوز جانىڭىزعا تارتقىڭىز كەلسە، الدىمەن ونى شىن نيەتتەس دوس ەكەندىگىڭىزگە سەندىرە ءبىلىڭىز. مىنە جوعارىدا ايتىلىپ وتىرعان ونىڭ جۇرەگىن جاۋلاپ الار ءبىر تامشى بال وسى. وسى ارقىلى ونىڭ اقىل-ويىنا جول تاباسىز.

  ءوزىن ۇلى ادام سانايتىن دەنيەل ۋەبستەر الدىڭعى قاتارلى ادۆوكاتتاردىڭ ءبىرى بولدى. ول سوت كەزىندە كوز جەتكىزگەن ناقتى دالەلدەرىنىڭ ءوزىن دوستىق قالىپتاعى مىناداي سوزدەرمەن باستايتىن. مىسالى، «ايتىلعان ءسوزدى نازارعا الۋ-الماۋ – القادا وتىرعانداردىڭ ءوز ەركى...»، «بۇل تۋرالى مىرزالار، ويلانۋعا تۋرا كەلەدى»، «مىنا ءبىر-ەكى دالەلدەمەنى سىزدەر ەستەن شىعارمايدى دەپ ويلايمىن»، «سىزدەردىڭ ءبىلىم دەڭگەيلەرىڭىزبەن بۇل ءسوزدىڭ استارىن ءتۇسىنۋ قيىنعا سوعا قويماس» ت.ب. ول ەش قينالماستان وسىنداي قاراپايىم سوزدەر ايتاتىن. ول ەشكىمگە ءوزىنىڭ پىكىرىن تاڭىپ جاتپاي-اق وسىنداي قاراپايىم دا جايلى ءادىستى قولدانىپ، سول ارقىلى زور تابىسقا جەتىپ، اتى ەلگە تانىمال بولدى.

جاۋاپتى رەداكتور: ءاننا اكىمقان قىزى
  • بوراننان ساقتانۋدىڭ كوك ءتۇستى ساقتىق سيگىنالىن تاراتتى
  • جاڭا داۋىردە اۋىل ـ قىستاقتاردى گۇلدەندىرۋدىڭ تىڭ داستانىن جازايىق
  • شينجياڭداعى قوم قاناستا ساياحاتشىلار قار – مۇز ساياحاتىنان ءلاززاتتاندى
  • الداعى ءۇش كۇندىك اۋا رايىنان الدىن-الا مالىمەت