اعاجاي-التاي تورابى   ›   مادەنيەت ارناسى   ›   بىلگەنگە مارجان

لاس ويدان تازارۋدىڭ جولى

 

 بۇكىل اۋرۋ مەن قايعىلى جاعداي ميىڭىزعا ورنىعىپ العان لاس ويدىڭ كەسىرىنەن بولىپ جاتادى.

  اۋىرىپ قالدىڭىز با؟ ويتكەنى ءبىر ادام سىزگە جالا جاپقان. اياعىڭىز تايىپ كەتىپ، قۇلاپ قالدىڭىز با؟ ويتكەنى ءسىز جايىندا بىرەۋ جامان ءسوز ايتقان. قاتتى قالجىراپ، ءومىردىڭ ءمانىن جوعالتىپ العانداي كۇي كەشسەڭىز، ءسىزدى ءبىر ادام قاتتى رەنجىتكەن. جۇمىسقا كىرىسۋگە باتىلىڭىز بارماسا، بىرەۋ سىزگە قولىڭىزدان تۇك كەلمەيتىنىن ايتقان. ءسىز السىرەپ قالعانسىز. ءسىزدىڭ ميىڭىزدى وزگەلەر جاۋلاپ العان.

  جوعارىداعى جايتتىڭ ءبارى – پسيحولوگيالىق ۋدىڭ كەسىرى. ۋ يممۋنيتەتىڭىزدى السىرەتىپ، قورعانىش كۇشىن بۇزادى. وكىنىشكە وراي، ءبىز جۇرتتىڭ اۋىزىنا قاقپاق بولا المايمىز. ءبىراق جۇرەگىڭىزگە اۋىر سالماق سالاتىن سىندى تىڭداۋ، تىڭداماۋ – ءسىزدىڭ ەركىڭىزدە. بىرەۋمەن ۇرسىسىپ جاتىپ: "اۋىزىڭدى جاپ! ەشتەڭە ايتپا!" دەپ قارسى سويلەسەڭىز دە، "اقىماق، ماعان بىردەڭە دەپ قويادى عوي! ءاي، بالەم، وسىدان كورەرسىڭ" دەگەن ويمەن كۇنىڭىزدى وتكىزسەڭىز، بۇل – ءسىزدىڭ اۋىر سوزدەردى قابىلداعانىڭىزدى بىلدىرەدى. دۇرىسى – ول ءسوزدى وزىڭىزگە قابىلداماي تاستاۋ. ونى قالاي جاسايمىز؟ ميىڭىزدى لاستاۋشى ادام سىزگە سويلەپ جاتقاندا: "بۇل ءسوز ماعان ۇناماي تۇر، دەمەك، ونىڭ ماعان قاجەتى جوق!" دەپ قايتالاي بەرىڭىز. قوسىمشا: "وتىرىك"، "قىزىق ەمەس" دەپ ءوز-وزىڭىزگە ايتا بەرىڭىز. بۇل – ميدى قورعاۋ. سوندىقتان ونى سىرتقا شىعارماي، وزىڭىزگە عانا ايتىڭىز.

  ءسىزدى بىرەۋ ورىنسىز سىناعاندا – بۇل ءسوز ماعان ۇناماي تۇر، دەمەك، ونىڭ ماعان قاجەتى جوق!

  سىزگە بىرەۋ جالا جاۋىپ، كىنا تاققاندا – بۇل ءسوز ماعان ۇناماي تۇر، دەمەك، ونىڭ ماعان قاجەتى جوق!

  ءسىزدى قورقىتقاندا - وتىرىك! ءسىزدىڭ بەدەلىڭىزگە نۇقسان كەلتىرەتىن ءسوز ايتىلعاندا - بۇل ءسوز ماعان ۇناماي تۇر، دەمەك، ونىڭ ماعان قاجەتى جوق!

  اينالاڭىزدا بولىپ جاتقان جاعىمسىز جايتتى ەستىگەندە - قىزىق ەمەس دەڭىز!

  بۇل باعدارلامانى ميىڭىزعا ورناتا الساڭىز، ءومىرىڭىز الدەقايدا كوڭىلدى بولماق. ارتىق اۋىر ويدان ارىلىپ، ميىڭىزدى تازارتاسىز، كۇش-قۋاتىڭىزدى، ءبىلىم-بىلىگىڭىزدى پايدالى ىسكە جۇمسايسىز.

جاۋاپتى رەداكتور: ءاننا اكىمقان قىزى
  • بوراننان ساقتانۋدىڭ كوك ءتۇستى ساقتىق سيگىنالىن تاراتتى
  • جاڭا داۋىردە اۋىل ـ قىستاقتاردى گۇلدەندىرۋدىڭ تىڭ داستانىن جازايىق
  • شينجياڭداعى قوم قاناستا ساياحاتشىلار قار – مۇز ساياحاتىنان ءلاززاتتاندى
  • الداعى ءۇش كۇندىك اۋا رايىنان الدىن-الا مالىمەت