اعاجاي-التاي تورابى   ›   مادەنيەت ارناسى   ›   بىلگەنگە مارجان

قىسىلۋدان ارىلۋدىڭ 6 جولى

  كوپشىلىك ورتادا قىسىلىپ، توماعا-تۇيىق جۇرەتىن جاندار بولادى. ولار كوبىنە ىشىندەگى ۋايىم-قايعىسىن وزگەلەرمەن بولىسە بەرمەيدى. نەگىزىنەن كوپشىلىك ورتادا قىسىلۋ، ىڭعايسىز سەزىنۋ كوبىنە سەنىمدىلىك پەن تاۋەلدىلىك دەگەن قاسيەتتەردىڭ السىزدىگىنەن شىعادى.

  قىسىلۋدىڭ پايدا بولۋى ساتسىزدىكتەن، كەمسىتۋ، قورلاۋ، مازاق ەتۋ، ۇرىستان جانە وزگە دە اۋىر جاعدايلاردان تۋىنداۋى مۇمكىن. ءدال وسىنداي جاعداي سالدارىنان بويىڭىزدا كوپ رەتتە قىسىلىپ، بۇعىپ قالاتىن ساتتەرىڭىز بولسا پسيحولوگتىڭ كومەگىنە جۇگىنگەنىڭىز ابزال

  . ال ءبىز قىسىلۋدان ارىلۋدىڭ 6 التى جولىن ايتا كەتكەندى ءجون ساناپ وتىرمىز.

  1. قىسىلۋدان ارىلۋدىڭ ءبىر جولى – ءوزىڭدى ءسۇيۋ جانە قۇرمەتتەۋ. «ۇيالماعان بۇيىرماعاندى الادى» دەمەكشى، كوپ رەتتە ءوز ويىڭىزدى سىرتقا شىعارۋعا تىرىسىڭىز.

  2. جاقىن جانداردىڭ ىستەگەن ىسىنە، وزىنە دەگەن سەنىمدىلىگىنە باسا نازار اۋدارىڭىز. ونىڭ جەتىستىككە جەتۋ قۇپياسى، ءوزىن ورتادا ۇسستاۋ ءتارتىبى، جاعدايلاردان قالاي شىعاتىنى، مۇنىڭ بارىنە زەرتتەۋ جۇرگىزىڭىز. جاقسى قاسيەتتەرىن، ومىرلىك ۇستانىمىن، ماقساتقا جەتۋ جولىنداعى تاباندىلىعىن، ومىرلىك تاجىريبەسىنەن پايدالى تۇستارىن وزىڭىزگە الا ءبىلىڭىز.

  3. سىندى «شىن» قابىلداي بەرمەڭىز. سەبەبى، ءسىزدى اياقتان شالعىسى كەلەتىن جاندار بولماشى تىرلىگىڭىزگە ءمىن تاعىپ شىعا كەلۋى مۇمكىن. ءار ايتىلعان سىننىڭ دۇرىسى مەن بۇرىسىن سارالاي ءبىلىڭىز. وزگەلەردىڭ كوزقاراسى مەن پىكىرلەرىمەن ءومىر سۇرۋگە بولمايدى. وزىندىك كوزقاراسىڭىزدى قالىپتاستىرىڭىز.

  4. ومىردەگى جەتىستىگىڭىز بەن جەڭىسىڭىزدى وي ەلەگىنەن وتكىزىپ تۇرىڭىز. وزىڭىزگە دەگەن سەنىمدىلىگىڭىزدى ارتتىرىڭىز. ءوزىڭىزدى ءار ساتتە ەركىن سەزىنىڭىز.

  5. ءارقاشان قولىڭىزدان كەلەتىن ىستەن باستاۋعا تىرىسىڭىز. قيىن ىستەن بىردەن باستاماڭىز. پسيحولوگيالىق تۇرعىدان ءبىرىنشى دايىندىقتى باستاپ بارىپ، سوسىن ارەكەتكە كوشىڭىز.

  6. كەز كەلگەن كەدەرگىلەرگە مويىنسۇنباي، ۋاقىتىندا جاۋاپ بەرۋگە تىرىسىڭىز. شەشىلمەيتىن ءتۇيىن سەكىلدى كورىپ، كەيىنگە قالدىرا بەرمەڭىز.

  ۇيالشاقتىق پەن قىسىلۋ، قىمسىنۋدان ارىلۋعا دايىنسىز با؟ ەندەشە ىسكە ءسات!

جاۋاپتى رەداكتور: ءاننا اكىمقان قىزى
  • بوراننان ساقتانۋدىڭ كوك ءتۇستى ساقتىق سيگىنالىن تاراتتى
  • جاڭا داۋىردە اۋىل ـ قىستاقتاردى گۇلدەندىرۋدىڭ تىڭ داستانىن جازايىق
  • شينجياڭداعى قوم قاناستا ساياحاتشىلار قار – مۇز ساياحاتىنان ءلاززاتتاندى
  • الداعى ءۇش كۇندىك اۋا رايىنان الدىن-الا مالىمەت