اعاجاي-التاي تورابى   ›   اقپارات ايدىنى   ›   سۋرەتتى حابارلار

جاڭا داۋىردە اۋىل ـ قىستاقتاردى گۇلدەندىرۋدىڭ تىڭ داستانىن جازايىق

ايماعىمىز ٴتۇرلى شارا ارقىلى اۋىل ـ قىستاقتاردى گۇلدەندىرۋ ستراتەگياسىن ىلگەرىلەتتى

  التاي گازەتىنىڭ ٴتىلشىسى جۇڭ چۇنچۇن حابارلايدى. بىلتىر جىل باسىنان بەرى، ايماعىمىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ «1+3+3+ رەفورما جاساپ، ەسىك اشۋ» تۇلعالىق ورنالاستىرۋ تالابىن ارقاۋ ەتىپ، اۋىل ـ قىستاقتاردى گۇلدەندىرۋ ستراتەگياسىنىڭ ٴتۇرلى قىزمەتىن ٴتارتىپتى ورىستەتتى.

  پارتيا 19 ـ قۇرىلتايىندا اۋىل ـ قىستاقتاردى گۇلدەندىرۋ ستراتەگياسى العا قويىلىپ، «اۋىل شارۋاشىلىعى، اۋىل ـ قىستاق، شارۋالار» قىزمەتىنىڭ ٴتۇيىنىن تۇراقتاندىرىپ، جاڭا داۋىردەگى «اۋىل شارۋاشىلىعى، اۋىل ـ قىستاق، شارۋالار» قىزمەتىنىڭ تىڭ ساپارىن باستادى. جاڭا داۋىرگە قادام تاستاعاندا اۋىل ـ قىستاقتاردى گۇلدەندىرۋ ستراتەگياسىنىڭ لەبىمەن اۋىل شارۋاشىلىعى، اۋىل ـ قىستاق تىڭ دامۋعا قادام تاستادى. ايماعىمىز ٴتۇرلى شارا ارقىلى اۋىل ـ قىستاقتاردى گۇلدەندىرۋ ستراتەگياسىن تىڭعىلىقتى ىلگەرىلەتىپ، ەگىنشى ـ مالشىلاردى باي ـ باقىتتى كوركەم تۇرمىسقا باستادى.

  اۋىل ـ قىستاقتى گۇلدەندىرۋدە كاسىپتىڭ گۇلدەنۋى ٴتۇيىن سانالادى. كاسىپ دامۋدىڭ نەگىزى، كاسىپ گۇلدەنسە، ەگىنشى ـ مالشىلاردىڭ كىرىسى دە ورنىقتى ارتاتىن بولادى. ايماعىمىز اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىشكەرىلەتىپ، اۋىل ـ قىستاق كاسىبىن گۇلدەندىرىپ، ٴبىرىنشى كاسىپتىڭ ساپاسىن جوعارىلاتىپ، ونىمدىلىگىن ارتتىرۋدى بەلسەنە ىلگەرىلەتتى. «شەكىلدەۋىك ەگىلگەن جەر اۋماعىن ازايتۋ، جەم ـ ٴشوپ ەگىلەتىن جەر اۋماعىن كەڭەيتۋ، ٴبيدايدى ساپالاندىرۋ، قارا استىق ەگۋدى جەبەۋ» پرينسيبىندە تاباندى بولىپ، قىستىق ٴبيداي، تالشىقتىٴبيداي قاتارلىلاردى قامسىزداندىرۋ ساياساتىن تياناقتاندىرىپ، ٴداندى جۇگەرى ەگىمشىلىگىن بەلسەنە جالپىلاستىردى. اۋىل شارۋاشىلىق داقىلدارىن ەگۋدە استىق، جەم ـ ٴشوپ داقىلدارىنىڭ اۋماعى ارتۋ، ەكونوميكالىق داقىلداردىڭ اۋماعى ازايۋداي جاعداي بايقالىپ، استىق، ەكونوميكالىق داقىل، جەم ـ ٴشوپتىڭ قۇرىلىمدىق سالىستىرماسى 23:44:33 قاتىناسىنداي بولدى. بىلتىر ايماعىمىز اۋلا شارۋاشىلىعىن دامىتۋدان ۇلگى كورسەتۋ اۋىلىنان 4 ىن، ۇلگى كورسەتۋ قىستاعىنان 32 سىن، ۇلگى كورسەتۋ وتباسىنان 2191 ىن قۇرىپ، اۋلا شارۋاشىلىعىن دامىتقان وتباسى سانى 46 مىڭ 128 گە جەتىپ، ايماعىمىزداعى ەگىنشى ـ مالشىلار جالپى وتباسى سانىنىڭ %46 ىن يەلەدى.

  اۋىل ـ قىستاقتى گۇلدەندىرۋدە دارىندى تىرەك سانالادى. ايماعىمىز اۋىل ـ قىستاقتاعى كاسىپتىك دارىندىلار قوسىنىن بەلسەنە كۇشەيتىپ، جاڭا تۇردەگى كاسىپتىك شارۋالاردى باۋلىپ، اۋىل ـ قىستاقتاعى دارىندىلاردى تاربيەلەۋدى ىلگەرىلەتتى. جاڭا تۇردەگى كاسىپتىك شارۋالاردى، اۋىل ـ قىستاق دارىندىلارىن تاربيەلەۋدى كۇشەيتىپ، اۋىل شارۋاشىلىعى عىلىم ـ تەحنيكاسىنان ۇلگى كورسەتۋ وتباسىن قۇلشىنا قۇردى، ايماعىمىزداعى اۋىل شارۋاشىلىعى عىلىم ـ تەحنيكاسىنان ۇلگى كورسەتۋ وتباسى 1613 كە جەتتى؛ اۋىلىنا قايتىپ كاسىپ كوزىن اشقانداردى تاربيەلەۋ قىزمەتىن ويداعىداي ىستەپ، 11 ـ ايدىڭ سوڭىنا دەيىن ايماعىمىز 19 مىڭ 899 ادامدى تاربيەلەپ، 483 ادامدى كاسىپ كوزىن اشۋعا ارنايى باۋلىدى.

  بىلتىر ايماعىمىز اۋىل ـ قىستاق مادەنيەتىن گۇلدەندىرۋگە كۇش سالىپ، زاتتىق مادەنيەت پەن رۋحاني مادەنيەتتى قاتار يگەرۋدە تاباندى بولىپ، اۋىل ـ قىستاقتىڭ يدەيا ـ ٴمورالى مەن الەۋمەتتىك مادەنيەت قۇرىلىسىن كۇشەيتىپ، اۋىل ـ قىستاقتىڭ ەسكى سالت ـ ساناسىن وزگەرتىپ، اۋىل ـ قىستاقتىڭ يدەولوگيا سالاسىنىڭ حاۋىپسىزدىگىن قورعاپ، ٴتورت قيمىلدى جۇيەلەندىرىپ تياناقتاندىرۋدى مىقتى يگەرىپ، وركەنيەتتى اۋىل سالتىن، تاماشا وتباسى سالتىن، قاراپايىم حالىقتىق سالتتى جەتىلدىرىپ، ەگىنشى ـ مالشىلاردىڭ ۇيىسقىشتىق قۋاتىن ارتتىرىپ، تاماشا قوعامدىق سالت قالىپتاستىرىپ، اۋىل ـ قىستاق وركەنيەتىنىڭ تاماشا وبرازىن جاراتتى.

  قارىزگە دەيىن، ايماعىمىزداعى 5 قىستاق، قالاشىق مەملەكەتتىك وركەنيەتتى قىستاق، قالاشىق، 40 قىستاق اۆتونوميالى رايوندىق وركەنيەتتى قىستاق بولىپ قۇرىلسا، اۋدان دارەجەلىدەن جوعارى وركەنيەتتى قىستاق، قالاشىق سالىستىرماسى %61 كە جەتتى. 2018 ـ جىلى، ايماعىمىزدان 2 وتباسى مەملەكەتتىك «بەستە جاقسى وتباسى»، 3 وتباسى اۆتونوميالى رايوندىق «بەستە جاقسى وتباسى» بولىپ باعالانىپ، ٴارۇلت بۇقاراسىنىڭ تاماشا وتباسى سالتىن باسقا وتباسىلارىنىڭ تۇرمىس تاسىلىنە، تۇرمىس ادەتىنە اينالدىرىپ، تاماشا وتباسى سالتى ارقىلى تاماشا حالىقتىق سالت ـ سانانى تاماشا قوعامدىق سالتتى قالىپتاستىردى.

  اۋىل ـ قىستاقتى گۇلدەندىرۋدە جانعا جايلى ەكولوگيالىق ورتا شەشۋشى ٴتۇيىن سانالادى. تاماشا ەكولوگيالىق ورتا اۋىل ـ قىستاقتىڭ ەڭ ٴىرى ابزالدىلىعى جانە باعالى بايلىعى. بىلتىر ايماعىمىز ەكولوگيا قىزىل سىزىعىن باتىل قورعاپ، اۋىل ـ قىستاقتىڭ ەكولوگيالىق ورتاسىن جاقسارتىپ، وزەن (كول) باستىقتارى ٴتۇزىمىن كۇش سالا جالپىلاستىردى. قازىرگە دەيىن 28 مەڭگەرمە دارەجەلى باسشى ايماعىمىزداعى باستى وزەندەر مەن كولدەردىڭ باستىعى مىندەتىن ۇستىنە الدى؛ ايماقتىق ٴتورت باسشىلىق القاسىنداعى 133 باسشى اۋدان دارەجەلى اكىمشىلىك وڭىردەگى 78 وزەن مەن 4 كولدىڭ باستىعى مىندەتىن ۇستىنە الدى؛ اۋىل ـ قالاشىقتاعى 185 باسشى اۋىل ـ قالاشىق اكىمشىلىك وڭىرىندەگى 150 وزەن مەن 8 كول بولەگىنىڭ باستىعى مىندەتىن ۇستىنە الدى، اۋىل ـ قىستاق وزەن بولەگىن شارلاۋشىدان 871 ىن، تازالىقشىدان 906 سىن تۇراقتاندىرىپ، وزەن (كول) باستىعى ٴتۇزىمىن جاپپاي جالپىلاستىردى. سونىمەن بىرگە، ايماعىمىز 20 ميلليون 250 مىڭ مۋ جەردە مال جايۋعا تيىم سالىپ، 85 ميلليون 800 مىڭ مۋ جەردە جايلىم مەن مالدىڭ تەپە ـ تەڭدىگىن ساقتادى. مىڭ شاقىرىمدىق جاسىل كاريدور ينجەنەرياسى بويىنشا 29 مىڭ مۋ جەردى جاسىلداندىرىپ، مىڭ شاقىرىمدىق گۇل ـ ٴشوپ ينجەنەرياسى بويىنشا 400 مۋ جەرگە گۇل ـ ٴشوپ ەگىپ، 24 مىڭ 300 مۋ جەرگە اعاش ەگىپ ورمان ٴوسىرىپ، 95 مىڭ مۋ ەگىستىك جەردى ورمانعا اينالدىردى.

  نەگىزگى ساتى پارتيا قۇرىلىسى اۋىل ـ قىستاقتاردى گۇلدەندىرۋ ستراتەگياسىن اتقارۋدىڭ تىرەگى. اۋىل ـ قىستاقتىڭ نەگىزگى ساتى پارتيا ۇيىمى كۇشتى مە، جوق پا، نەگىزگى ساتى پارتيا ۇيىمىنىڭ شۋجيى قىزمەتتى ىستەي الدى ما، جوق؟ بۇل اۋىل ـ قىستاقتى گۇلدەندىرۋ ستراتەگياسىن اتقارۋدىڭ ونىمدىلىگىنە تىكە بايلانىستى. ايماعىمىز پارتيانىڭ جاپپاي باسشىلىعىندا تاباندى بولىپ، قىستاق دارەجەلى ۇيىمنىڭ قۇرىلىمىن ۇزدىكسىز كەمەلدەندىرىپ، اۋىل ـ قىستاق ۇيىمىن گۇلدەندىرىپ، قىستاق پارتيا ياچەيكا شۋجيلارىن سۇرىپتاپ ساپالىلاندىرۋ، اۋىل ـ قىستاق كادرلارىن تاربيەلەۋ جاعىندا، قىستاق تۇرعىندارى باقىلاۋ كوميتەتىنىڭ باقىلاۋىن كۇشەيتۋ جاعىندا، پارتيا قۇرىلىسى ارقىلى وداق قۇرىلىسىنا، ايەلدەر ۇيىمى قۇرىلىسىنا جەتەكشىلىك ەتۋ جاعىندا كۇش سالىپ، قىستاق دارەجەلى ۇيىمدى ۇزدىكسىز كۇشەيتتى، نازاردى باس نىساناعا شوعىرلاندىرىپ، تىنىش اۋىل ـ قىستاق قۇرىلىسىن ۇزدىكسىز ىشكەرىلەتتى، الدىن الا جوسپار جاساۋدا تاباندى بولىپ، جوسپارلاۋ، باسقارۋ قىزمەتىن ۇزدىكسىز جوعارىلاتتى، جەردى كوتەرەگە بەرىپ شارۋاشىلىق جۇرگىزۋ جاعىنداعى قايشىلىقتاردى زاڭ بويىنشا شەشۋدە تاباندى بولىپ، جاراستىرۋ، تورەلىك ايتۋدى ۇزدىكسىز جۇيەلەندىردى.

  ايماقتىق پارتكومنىڭ ورىنباسار باس حاتشىسى، ايماقتىق پارتكوم اۋىل شارۋاشىلىق كەڭسەسىنىڭ (ساياساتتى زەرتتەۋ ٴبولىمى) مەڭگەرۋشىسى لي گوچياڭ بىلاي دەدى: «كەلەسى قادامدا شي جينپيڭنىڭ جاڭا ٴداۋىر جۇڭگوشا سوتسياليزم يدەياسى مەن چىن چۋانگو شۋجيدىڭ التايدا قىزمەت تەكسەرگەن كەزدەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، وزەكتى توڭىرەكتەپ، ەگىنشىلىك كاسىبىنىڭ قۇرىلىمىنا تەڭشەۋ جۇرگىزۋ تەبىنىن كۇشەيتەمىز، ٴتۇيىندى يگەرۋدە تاباندى بولىپ، ەگىنشىلىك رايونىندا مال شارۋاشىلىعىن دامىتۋ قىزمەتىن جەبەيمىز، جوعارى باستامامەن جەبەۋدە تاباندى بولىپ، اۋىل شارۋاشىلىعىن كاسىپ سالالاندىرىپ اقاۋسىز دامىتامىز، تيۆ ارقىلى جەتەلەۋدە تاباندى بولىپ، كورىكتى اۋىل ـ قىستاق قۇرىلىسىنان ۇلگى كورسەتۋ قسىتاعىن قۇرىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىلگەرىلەتىپ، 1 ـ كاسىپتىڭ دەڭگەيىن جوعارىلاتىپ، اۋىل ـ قىستاقتاردى گۇلدەندىرۋ ستراتەگياسىن كۇش سالا اتقارىپ، ايماعىمىزدىڭ اۋىل شارۋاشىلىعىن وسىزامانداندىرۋ قۇرىلىسىنىڭ تىڭ جاعدايىن جاراتۋعا كۇش سالامىز».

جاۋاپتى رەداكتور: ءاننا اكىمقان قىزى
  • جاڭا داۋىردە اۋىل ـ قىستاقتاردى گۇلدەندىرۋدىڭ تىڭ داستانىن جازايىق
  • شينجياڭداعى قوم قاناستا ساياحاتشىلار قار – مۇز ساياحاتىنان ءلاززاتتاندى
  • الداعى ءۇش كۇندىك اۋا رايىنان الدىن-الا مالىمەت
  • ايماقتىق پارتكوم نازاريا ۇيرەنۋ وزەكتى گرۋپپاسى 2018 ـ جىلعى 26 ـ رەتكى ۇيرەنۋىن وتكىزدى