اعاجاي-التاي تورابى   ›   مادەنيەت ارناسى   ›   بىلگەنگە مارجان

اقشا جيناۋدىڭ قاراپايىم 8 ءتاسىلى

  1.قاي جەردە اقشا تۋرالى اڭگىمە قوزعالسا دا ءسىز اقشانى جامانداماڭىز. بۇل ءسىزدىڭ ومىرلىك سالت-ءداستۇر، داعدىڭىزعا اينالسىن.

  «اقشام جوق، اقشا جەتپەيدى» دەپ ەشقاشاندا ايتپاڭىز. ولاي دەسەڭىز، سىزدەن اقشا قاشادى. كەرىسىنشە، ءسىز «مەنى اقشا جاقسى كورەدى»، «كۇننەن - كۇنگە مەنىڭ قاراجاتىم كوبەيىپ، تابىسىم ارتىپ كەلەدى» دەگەن ءسوزدى ءجيى-ءجيى ايتىڭىز، ولاي دەۋگە قىمسىنباڭىز، قورىقپاڭىز.

  2. اقشا جيناڭىز. تەك اقشانى تويعا، جاقسىلىققا، وقۋعا، جاڭا دۇنيە ساتىپ الۋعا، ساياحاتقا شىعۋعا، جاقسى دەمالۋعا جينايتىن بولىڭىز. اقشانى «قارا كۇنگە» دەپ جيناماڭىز.

  3. اقشا جيناۋدا، ونى ۇساتىپ جۇمساۋدا باي ادامداردىڭ پسيحولوگياسىن زەرتتەڭىز، سولارعا ەلىكتەڭىز. ءوزىڭىزدى باي ادامنىڭ ورنىندامىن دەپ ەسەپتەڭىز. قوعامدىق كولىكپەن جۇرسەڭىز «مەن مۇنى قاراپايىم ادامداردىڭ تىنىس-تىرشىلىگىن ءبىلۋ ءۇشىن ۋاقىتشا ءمىنىپ ءجۇرمىن» دەگەن ويدا بولىڭىز. ءوزىڭىزدىڭ بۇل ءىسىڭىزدى بايۋعا پسيحولوگيالىق تۇرعىدا دايىندالۋ دەپ ءتۇسىنىپ، كۇندەلىكتى ومىردە ۇساق-تۇيەكتەرگە كوپ كوڭىل بولمەڭىز.

  4.اقشانى ادال جولمەن قالاي تاپساڭىز، وعان دا سولاي ادال بولىڭىز. بىرەۋگە ارتىق اقشا بەرمەۋدى، بىرەۋدەن ارتىق اقشا الماۋدى قاداعالاڭىز. ساتۋشى جاڭىلىسىپ، سىزگە ارتىق اقشا قايتارسا، نەمەسە ءبىر زاتىڭىزدى ساتىپ الۋشى قۇنىنان ارتىق اقشا ۇسىنسا، ونى قايتارىپ بەرىڭىز. قيانات جاساعاندى اقشا ۇناتپايدى.

  5.ەشقاشان تىڭ ويلاردان، جاڭا قادامداردان، جاڭالىقتاردان، جاقسى ىستەردەن باس تارتپاڭىز. ولار ءسىزدى جاڭا تابىستارعا جەتەلەيدى.

  6. اقشا ــ ۇلكەن قۋات كوزى بولعاندىقتان، ءارى ۇقىپتىلىقتى جاقسى كورەتىندىكتەن ەڭ ءبىرىنشى جاقسى ءاميان تاڭداپ الىڭىز. سوسىن وعان ءار تيىندى دۇرىستاپ تۇرىپ سالىڭىز، ءاميانىڭىزدى سىرتىنان سيپاپ، وعان جىلى سوزدەر ايتىڭىز، اقشانىڭ ەركەلەتكەندى جاقسى كورەتىنىن ەستەن شىعارماڭىز.

  7. ماڭدايعا بىتكەن داۋلەت ءۇشىن وتەم تولەۋ جاقسى. بايلىقتى ساقتاپ قالۋ ءۇشىن قايىرىمدىلىق شارالارىنا مول شىعىن شىعارىپ، جامانشىلىقتىڭ الدىن الادى.

  8. اقشا ءوزىڭدى جاقسى كورۋى ءۇشىن الدىمەن ءسىز اقشانى جاقسى كورىڭىز. الايدا اقشانى ار-ۇياتتان، ۇلتتىق ماقسات-مۇددەدەن جوعارى قويماڭىز. جەتپەي، تاۋسىلىپ، قارىزعا باتىپ قالعان كەزدە عانا اقشانى ويلاماي، ونى ءاردايىم بايلىق رەتىندە جاقسى كورىپ، ونىڭ مولاياتىنىنا كامىل سەنىڭىز.

  اقشا جولى بولمايتىن، وزىنە- ءوزىنىڭ سەنىمى جوق ادامداردان قاشادى. «ماعان سونداي جالاقى، سونداي اقشا جەتەدى»، - دەپ، اقشاعا شەكتەۋ قويىپ، ءوزىڭىزدىڭ تابىس كوزىڭىزدى جاۋىپ تاستاماڭىز. تابىسىڭىز ءوز قاجەتتىلىگىڭىزدەن ارتىلىپ جاتسا، قايىرىمدىلىق جاساڭىز. اقشا قايىرىمدىلىقتى جاقسى كورەدى.

جاۋاپتى رەداكتور: ءاننا اكىمقان قىزى
  • شينجياڭداعى قوم قاناستا ساياحاتشىلار قار – مۇز ساياحاتىنان ءلاززاتتاندى
  • الداعى ءۇش كۇندىك اۋا رايىنان الدىن-الا مالىمەت
  • ايماقتىق پارتكوم نازاريا ۇيرەنۋ وزەكتى گرۋپپاسى 2018 ـ جىلعى 26 ـ رەتكى ۇيرەنۋىن وتكىزدى
  • مەملەكەت ءتوراعاسى شي جينپيڭ 2019 - جىلعى جاڭا جىلدى قۇتتىقتاۋ ءسوزىن سويلەدى