اعاجاي-التاي تورابى   ›   اقپارات ايدىنى   ›   سۋرەتتى حابارلار

ايماقتىق پارتكوم نازاريا ۇيرەنۋ وزەكتى گرۋپپاسى 2018 ـ جىلعى 26 ـ رەتكى ۇيرەنۋىن وتكىزدى

  التاي گازەتىنىڭ ءتىلشىسى جىڭ ميڭ حابارلايدى. 12 ـ ايدىڭ 29 ـ كۇنى ايماقتىق پارتكوم نازاريا ۇيرەنۋ وزەكتى گرۋپپاسى 2018-جىلعى 26-رەتكى ۇيرەنۋىن وتكىزدى. ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى قادەن كابەن ۇلى ءماجىلىستى باسقاردى. ايماقتىق ءتورت باسشىلىق القاسىنىڭ قىزمەت ورنىندا بار باسشىلارىنان ليۋ بين، زىڭ شۋلا، باقىت ينايات ۇلى، دوۋ جاۋحۇي، چىن بو، ياڭ ۋىنگۋاڭ، ٴسابيت قازەز ۇلى، اقجول انەس ۇلى، ۋاڭ جۇن ـ ان، لان شىڭشين، تاراۋلاردىڭ (ورىنداردىڭ) قاتىستى جاۋاپتىلارى ۇيرەنۋگە قاتىناستى.

  ايماقتىق پارتكوم ۇيىمداستىرۋ ءبولىمى، ۇگىت ءبولىمى، ايماقتىق ءتارتىپ تەكسەرۋ كوميتەتى، باقىلاۋ-تەكسەرۋ كوميتەتى، ايماقتىق دامۋ جانە رەفورمالاۋ كوميتەتى قاتارلى ورىنداردىڭ قاتىستى جاۋاپتىلارى قاتىستى حۇجاتتاردىڭ رۋحىن باستاپ ۇيرەندى.

  ماجىلىستە مىنالار اتاپ كورسەتىلدى: «كونە جىلدىڭ سوڭى، جاڭا جىلدىڭ باسىندا ايماعىمىزداعى ءار دارەجەلى تاراۋلار ‹4 تانىمدى› بەرىك ورناتىپ، اۆتونوميالى رايوندىق پارتكومنىڭ ورنىقتىلىقتى قورعاۋداعى ءتۇرلى شاراسىن قاز-قالپىندا ويداعىداي تياناقتاندىرىپ، ورنىقتىلىقتى قورعاۋدى بوساڭسىتپاي مىقتى يگەرۋى، باسشى كادرلار سەرگەك وي-سانانى ۇزدىكسىز ساقتاپ، ساقتىقتى كۇشەيتىپ، ساقتىق دابىلىن ۇدايى قاعىپ، جاۋاپكەرلىكتى باستان-اقىر كۇشەيتىپ، تياناقتاندىرۋدى مىقتى يگەرىپ، ‹ءۇشتىڭ تۋىلماۋىنا› كەپىلدىك ەتۋ كەرەك. بۇقارالىق قىزمەتتى ويداعىداي ىستەپ، قيىنشىلىعى بار بۇقارانىڭ ءوندىرىس-تۇرمىس احۋالىنا ىرىقتىلىقپەن كوڭىل ءبولىپ، نازار اۋدارىپ، ولاردىڭ ارمان-تىلەگىن، قاجەتىن ۇعىسىپ، ءوندىرىس-تۇرمىس بارىسىنداعى قيىنشىلىقتارىن كۇش سالا شەشىپ، مەملەكەتتە ءبىر تۇتاس قولدانىلاتىن ءتىل-جازۋدى ۇيرەنۋ قىزمەتىن مىزعىماستان مىقتى يگەرىپ، نەگىزگى ساتىداعى بۇقارامەن بىرگە تاماقتانىپ، بىرگە تۇرىپ، بىرگە ەڭبەك ىستەپ، بىرگە ۇيرەنۋ كەرەك. تاراۋلار (ورىندار) حاۋىپسىز دامۋ تانىمىن، حالىقتى وزەك ەتە وتىرىپ دامۋ تانىمىن بەرىك ورناتىپ، باس نىسانانى ارقاۋ ەتىپ، ءوندىرىس حاۋىپسىزدىگى قىزمەتىن مىقتى يگەرىپ، حالىق بۇقاراسىنىڭ باس اماندىعى مەن مال-مۇلىك حاۋىپسىزدىگىن شىنايى قامتاماسىزداندىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن پارمەندى دە سەنىمدى ءوندىرىس حاۋىپسىزدىگى نەگىزىن قالاۋ كەرەك».

  ماجىلىستە مىنالار باسا دارىپتەلدى: جاڭا دامۋ ۇستانىمىن دايەكتىلەندىرىپ، ساياحات كاسىبىن نەگىز ەتكەن ەكونوميكانىڭ جوعارى ساپالى دامۋىن بەلسەنە ىلگەرىلەتۋ كەرەك. ساياحات كاسىبىن دامىتۋدى كۇش سالا ىلگەرىلەتۋ كەرەك. اۆتونوميالى رايوندىق پارتكومنىڭ «1+3+3+ رەفورما جاساپ، ەسىك اشۋ» قىزمەت ورنالاستىرۋىن جاپپاي دايەكتىلەندىرىپ، «ساياحات كاسىبىن نەگىز ەتۋ، 1-كاسىپتى جەتەلەۋ، 2-كاسىپتى سۇيەمەلدەۋ» دامۋ جۇلگەسىن كۇش سالا قۇرىپ، ورنىقتىلىق نەگىزىندە ساياحات كاسىبىن بوساڭسىتپاي مىقتى يگەرۋ كەرەك. ساياحات كاسىبىنە ۇكىمەتتىڭ تۇراقتى جاۋاپتى بولۋ ءتۇزىمى وزگەرمەۋگە تاباندى بولىپ، ساياحات كاسىبىنىڭ قامداۋ جاعىنداعى قۇرىلىمدىق رەفٶرماسىن ءتۇيىندى تۇردە ىشكەرىلەتىپ، 1ـ، 2ـ، 3ـ كاسىپتىڭ توعىسپالى دامۋىن ىلگەرىلەتىپ، اۋىل ـ قىستاقتاردى گۇلدەندىرۋ ستراتەگياسىن جەبەپ، «جەر ءجانناتى ــ قاناس، قارلى مەكەن ــ التاي» ساياحات وزەكتى ماركاسىن اسقاقتاتۋ، قىسقى ساياحاتتى دامىتۋدان قامال الۋ، اناعۇرلىم كوپ ساياحاتشىنى باۋراۋ، اناعۇرلىم كوپ ساياحات تۇتىنۋىن جانداندىرۋ قاتارلى جاقتاردا زور قامال الۋ كەرەك. ساياحات كاسىبىنىڭ دامۋىنداعى نەگىزگى قۇرىلعى قۇرىلىسىنىڭ ولقىلىقتارىن كۇش سالا شەشۋ كەرەك. ساياحات كاسىبىن دامىتۋدا بازاردان ومىرشەڭدىك كۇش، قوزعاۋشى كۇش الۋعا تاباندى بولىپ، قارجى قوسۋ تاسىلىندە جاڭالىق اشىپ، اناعۇرلىم كوپ فينانس كاپيتالدى، قوعامدىق كاپيتالدى ساياحات كاسىبى مەن نەگىزگى قۇرىلعى قۇرىلىسىنا باستاپ اكەلۋگە كۇش سالۋ كەرەك. «3 ءىرى قامال الۋ شايقاسىن» ويداعىداي جۇرگىزۋدىڭ جەڭىسىنە قول جەتكىزۋ كەرەك. ءىرى حاۋىپ-قاتەلەردەن ساقتانۋ جانە شەشۋ جاعىندا، ۇكىمەتتىڭ قارىزدانۋ ماسەلەسى تۋىلماۋدى ەڭ تومەنگى شەك، قىزىل سىزىق رەتىندە قاراۋ كەرەك. كەدەيلىكتەن قۇتىلدىرۋدان قامال الۋ جاعىندا، قوعام ورنىقتىلىعى مەن كەدەيلىكتەن قۇتىلدىرۋدان قامال الۋ قىزمەتىن ءبىر تۇتاس جوسپارلاپ ويداعىداي ىستەپ، ورنىقتىلىقتى قورعاۋ ارقىلى كەدەيلىكتەن قۇتىلدىرۋدان قامال الۋعا تاماشا قوعامدىق ورتا جاراتىپ، كەدەيلىكتەن قۇتىلدىرۋدان قامال الۋ ارقىلى قوعامنىڭ ورنىقتىلىعىن جۇزەگە اسىرىپ، بۇقارالىق نەگىز قالاپ، قوعام جالپى جاعدايىنىڭ جاپپاي ورنىقتى بولۋىنا كەپىلدىك ەتىپ، كەدەيلىكتەن ۋادەلى ۋاعىندا قۇتىلىپ، جاپپاي دوڭگەلەك داۋلەتتى قوعام قۇرىپ شىعۋعا كەپىلدىك ەتۋ كەرەك. كەدەيلىكتەن قۇتىلدىرۋدان قامال الۋدىڭ «قىس ماۋسىمىنداعى جورىعى» قىزمەتىن ءتۇيىندى تۇردە ويداعىداي ورىستەتىپ، كەدەيلىكتەن قۇتىلدىرۋدان قامال الۋدىڭ شەشۋشى جەڭىسىنە قول جەتكىزۋگە پارمەندى نەگىز قالاۋ كەرەك. ەكولوگيالىق ورتانى قورعاۋ جاعىندا، ساقتىق ۇيرەنۋ، تاربيە مەن دەلو ارقىلى تۇزەتۋدى ىلگەرىلەتۋ قىزمەتىن مىقتى يگەرىپ، تەرەڭ تولعانىپ، ءوز ـ ٴوزىن سەرگەك ۇستاپ، ساياسي تۇرعىنى جوعارىلاتىپ، «4 تانىمدى» تىكتەپ، «4 سەنىمدى» كۇشەيتىپ، «ەكىنى قورعاۋدى» جۇزەگە اسىرىپ، بارلىق پارتيالى كادرلاردىڭ، بۇقارانىڭ يدەياسى مەن ارەكەتىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەكولوگيالىق وركەنيەت قۇرىلىسى مەن ورتانى قورعاۋ قىزمەتى جونىندەگى كەلەلى شەشىم ـ ورنالاستىرۋىمەن شىنايى بىرلىككە كەلتىرىپ، جالپى حالىقتى ەكولوگيالىق ورتانى قورعاۋ ارەكەتىنە سانالىلىقپەن ات سالىسىپ، «جاسىل تاۋ، ءمولدىر سۋ ـــ باعا جەتپەس بايلىق» كوزقاراسىن ورناتۋعا جەتەلەۋ كەرەك.

  ماجىلىستە مىنالار تالاپ ەتىلدى: كوز الداعى قىزمەتتەردى ءبىر تۇتاس جوسپارلاپ ويداعىداي يگەرۋ كەرەك. باسشى كادرلار «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلى قاتارلىلارعا ۇشتاستىرىپ، وتباسىلارىن ارالاپ، جاعداي ۇعىسۋ، حال سۇراۋ قىزمەتىن باستاماشىلدىقپەن ورىستەتىپ، نەگىزگى ساتىداعى بۇقارا ەڭ كوڭىل بولەتىن، ەڭ رەال، شەشۋدى ەڭ قاجەت ەتىپ وتىرعان ماسەلەلەردى شىنايى شەشۋ كەرەك. ءار ۇلت بۇقاراسىنىڭ ءوندىرىس ـ تۇرمىس قاجەتىن كۇش سالا قامتاماسىزداندىرۋ، قاتىستى تاراۋلار (ورىندار) حالىق تۇرمىسىنىڭ ەڭ نەگىزگى قامداۋ قاجەتىنە، بازار باعاسىنىڭ تۇلعالىق جاقتان ورنىقتى بولۋىنا، ازىق ـ تۇلىك، ءدارى ـ دارمەك حاۋىپسىزدىگىنىڭ مۇلدە حاۋىپسىز بولۋىنا كەپىلدىك ەتىپ، ٴتورت تۇلىكتىڭ قىس قىرىنان امان ءوتۋىن جەم ـ ٴشوپ قاجەتىمەن قامتاماسىزداندىرۋ كەرەك. پارتيالى باسشى كادرلار «ورتالىقتىڭ 8 ءتۇرلى بەلگىلەمەسىنە»، سونداي ـ اق ەگجەي ـ تەگجەيلى اتقارۋ ەرەجەسىنە جانە اۆتونوميالى رايوندىق پارتكومنىڭ «وندى جاقسارتۋ، وندى بولعىزباۋ» تالابىنا باستاماشىلىقپەن بويسۇنىپ، شەكتەن، ەرەجەدەن اتتاماۋ كەرەك. 2019 ـ جىلعى قىزمەتكە ويداعىداي جوسپار جاساپ، مەكەمە ـ ورىننىڭ ىشكى جاقتاعى باسقارۋىن كۇشەيتىپ، عىلمي ورنالاستىرۋدى كورنەكتىلەندىرىپ، ءبىر تۇتاس جوسپارلاپ سايكەستىرۋدى كۇشەيتىپ، قىزمەت بىرىككەن كۇشىن قالىپتاستىرۋى، اسىرەسە، پارتيا ـ ۇكىمەت ءبىرىنشى باسشىلارى ءبىر تۇتاس ورنالاستىرۋ مەن تەگىس ءمان بەرۋدى ءوزى باس بولىپ ورنالاستىرىپ، باستاماشىلدىقپەن تياناقتاندىرىپ، قايراتتانا كۇش ۇستىنە كۇش قوسىپ، كۇشتى ازايتپاۋ، ءتۇيىندى بىتىراتپاۋ، نىسانانى وزگەرتپەۋدى جۇزەگە اسىرۋ كەرەك. تاراۋلار (ورىندار) باس نىسانانى، اۆتونوميالى رايوندىق پارتكومنىڭ «1+3+3+ رەفورما جاساپ، ەسىك اشۋ» ورنالاستىرۋىن، اسىرەسە، چىن چۋانگو شۋجيدىڭ «التى جاقتان تىڭ جاعداي جاراتۋ» نۇسقاۋ تالابىن ارقاۋ ەتىپ، ءبىر جىلداعى قىزمەتتى تۇيىندەپ قورىتىندىلاۋ نەگىزىندە، كەلەر جىلعى ءتۇرلى قىزمەتكە ويداعىداي جوسپار جاساپ، قىزمەتتى تاماشا باستامامەن، تىڭ قاداممەن باستاۋعا كەپىلدىك ەتۋ كەرەك.

جاۋاپتى رەداكتور: ءاننا اكىمقان قىزى
  • مەملەكەت ءتوراعاسى شي جينپيڭ 2019 - جىلعى جاڭا جىلدى قۇتتىقتاۋ ءسوزىن سويلەدى
  • رەفورما جاساپ ەسىك اشۋدىڭ 40 جىلدىعىن قۇتتىقتاۋ ساۋىق كەشى قويىلدى
  • ​جەر ءجانناتى ــ قاناستىڭ قىسقى كورىنىسىن تاماشالاڭىز
  • بوراننان ساقتانۋدىڭ كوك ءتۇستى ساقتىق سيگىنالىن تاراتتى