اعاجاي-التاي تورابى   ›   مادەنيەت ارناسى   ›   بىلگەنگە مارجان

جاقسى ءومىر سۇرۋگە قانداي وي كەدەرگى كەلتىرەدى؟

  ويدىڭ كۇشى جويقىن. وي ءبىزدى شىڭعا دا جەتەلەيدى، قۇردىمعا دا قۇلاتادى. سوندىقتان ەڭ الدىمەن ويىڭىزعا ساق بولىڭىز.

  جاقسى ءومىر سۇرۋگە قانداي وي كەدەرگى كەلتىرەتىنىن ءتۇسىنۋ وڭاي. ول ءۇشىن نە جايىندا كوپ ويلايتىنىڭىزدى ەسكە ءتۇسىرىڭىز.

   وتكەندى ويلاۋ

  وتكەندى ساراپقا سالعان جاقسى، ءبىراق وتكەنمەن ءومىر سۇرەتىن ادامدار دا بار. ولار وتكەندى ويلايمىن دەپ قازىرگى ءساتىن، بولاشاقتى ۇمىتادى. ءسىزدىڭ قازىرگى ارەكەتىڭىز بولاشاقتىڭ نەگىزىن قالاماق. قىسقا ءومىرىڭىز وكىنىشپەن ءوتىپ كەتپەسىن.

   جاعىمسىز وي

  عالىمدار ادامنىڭ باسىنا كۇنى بويى كەلەتىن ويدىڭ %80 ى جاعىمسىز وي ەكەنىن انىقتادى. كوپ ادام ومىرىنە شاعىم ايتۋمەن ۋاقىتىن وتكىزەدى، ءبىراق ءوزى باستاپ بىردەڭەنى وزگەرتۋگە تالپىنبايدى. كەز كەلگەن تىعىرىقتان شىعاتىن جول بار، سوندىقتان الدىمەن ويىڭىزدى باقىلاپ، جاقسى نارسەگە ۇمتىلىڭىز.

   ءبىر عاجايىپتى كۇتۋ

  كەز كەلگەن ادام «الدىمنان ءبىر قاپ اقشا شىقسا ەكەن» دەپ ارماندايدى. سوسىن جىلى پەشتىڭ تۇبىنە جاتىپ الىپ، سول اقشا تولى قاپشىقتىڭ «اياعىمەن ءجۇرىپ كەلۋىن» كۇتەدى. بۇلاي ويلاۋدىڭ ءوزى دۇرىس ءتاسىل ەمەس. ويتكەنى ماڭداي تەرىڭمەن تاپپاعان دۇنيەڭنىڭ بەرەكەسى از بولادى. سوندىقتان ءدال قازىردەن باستاپ ءوز-ءوزىڭىزدى قولعا الىپ، شىن ومىرگە شىنايى كوزقاراسپەن قاراڭىز.

   قورقىنىشتى وي

  كوپتەگەن ادام ميىن باقىتتى، قۋانىشتى سەزىممەن ەمەس، قورقىنىشپەن تولتىرادى. تۇندە جالعىز قالعاننان پايدا بولاتىن قورقىنىش پەن ءبىر نارسەنى باستاۋدان جۇرەكسىنۋ جاقسى ءومىر سۇرۋىڭىزگە كەدەرگى كەلتىرەدى. ارىلىڭىز!

   اينالانى كىنالاۋ

  ساتسىزدىككە كەزىككەندە ءوزىڭىزدى ەمەس، وزگە بىرەۋدى كىنالاۋمەن بولساڭىز، جاعدايدىڭ تۇزەلىپ كەتۋى ەكىتالاي. ادام ءومىرىن ءوز قولىمەن جاسايدى. سول سەبەپتى ەڭ الدىمەن ءوزىڭىزدى باقىلاۋعا الىڭىز. كىنانى ءبىرىنشى وزىڭىزدەن ىزدەپ، ءومىردىڭ ءار ساتىنەن ساباق الۋعا تىرىسىڭىز.

   كەك، قىزعانىش

  بىرەۋگە كەكتەنۋ، بىرەۋدى جەك كورۋ ارقىلى ءسىز كۇندىز كۇلكىدەن، تۇندە ۇيقىدان ايىرىلاسىز. ءسىز ۇناتپايتىن تانىسىڭىزدىڭ تاسى ورگە دومالاسا، ونىڭ ساتتىلىگىن كورە الماي، قىزعانۋ ارقىلى وعان ەمەس، ءوز جۇرەگىڭىزگە اۋىرلىق تۇسىرەسىز. ال بىرەۋگە كەكتەنىپ، ءوش الۋ ماقساتىمەن ءومىر سۇرسەڭىز، جان-دۇنيەڭىز كىرلەپ، جامان ادامعا اينالا بەرەسىز. ءيا، وپاسىز دوس بارىندە بار، تەك ودان كەك الۋ - ءسىزدىڭ ءىسىڭىز ەمەس. ءومىردىڭ ءوزى ءالى-اق ءبارىن ورىن-ورنىنا قويادى.

جاۋاپتى رەداكتور: ءاننا اكىمقان قىزى
  • بوراننان ساقتانۋدىڭ كوك ءتۇستى ساقتىق سيگىنالىن تاراتتى
  • بۋرىلتوعاي ساياحات كاسىبىن ارقاۋ ەتىپ، «قۇبا تۇزدەگى بالىق مەكەنىن» جاراتتى
  • التايدا وتكىزىلگەن جالاڭ شاڭعىمەن ونەر كورسەتۋ جارىسى اياقتادى
  • رەفورمالاپ ەسىك اشۋدىڭ 40 جىلدىعىن قۇتتىقتاۋ جينالىسى اشىلدى