اعاجاي-التاي تورابى   ›   اقپارات ايدىنى   ›   سۋرەتتى حابارلار

بۋرىلتوعاي ساياحات كاسىبىن ارقاۋ ەتىپ، «قۇبا تۇزدەگى بالىق مەكەنىن» جاراتتى

  «شينجياڭ ەكونوميكا گازەتىنىڭ» ءتىلشىسى رىن جياڭ حابارلايدى. ەلىمىزدەگى 10 ۇلكەن ىشكى قۇرلىق تۇششى كولدىڭ ءبىرى بولعان ۇلىڭگىر كولىنىڭ سۋ ايدىن اۋماعى شياڭگاڭ ەرەكشە اكىمشىلىك رايونىنىڭ جالپى اۋماعىمەن قارايلاس.باعىمشىلىق سۋ اۋماعى تۇتاس شينجياڭنىڭ التىدان ءبىرىن ۇستايدى. بۇگىنگى كۇنى وسىنداي بالىق شارۋاشىلىق بايلىعىنا يە بۋرىلتوعاي اۋدانى بايلىق ابزالدىلعىن تولىق ساۋلەلەندىرىپ، «قۇبا تۇزدەگى بالىق مەكەنى. باقىتتى بۋرىلتوعاي» ايگىلى ماركاسىن جاراتتى.

  12 ـ ايدىڭ 20 ـ كۇنى بۋرىلتوعاي اۋدانىنىڭ ورىنباسار اكىمى ءدىلدا ءنابي قىزى بىلاي دەدى: «ورايدى مىقتى يگەرىپ، ساياحات كاسىبى، سۋ ونىمدەرى كاسىبى، وسىزامانعى مال شارۋاشىلىعى، وسىزامانعى ەگىن شارۋاشىلىعى قاتارلىلاردى بارىنشا دامىتىپ، دوڭگەلەك داۋلەتتى بۋرىلتوعاي، جاراسىمدى بۋرىلتوعاي، وركەنيەتتى بۋرىلتوعاي، ءتىلسىم بۋرىلتوعاي نىساناسىنا قادام تاستاۋدى جەدەلدەتتىك». بۋرىلتوعايدىڭ دامۋ نىساناسىندا «قۇبا تۇزدەگى بالىق مەكەنىن» جاراتۋ ادامنىڭ نازارىن بارىنشا اۋدارادى. بۇل بۋرىلتوعاي اۋدانىنىڭ وزىندىك ابزالدىلىعىنا نەگىزدەلىپ بەلگىلەگەن دامۋ نىساناسى.

  بۋرىلتوعاي اۋدانىنىڭ سۋ ايدىن اۋماعى 1035 شارشى كيلومەتر. شينجياڭداعى ەڭ ماڭىزدى بالىق شارۋاشىلىق بازاسىنىڭ ءبىرى، «باتىستاعى بالىق مەكەنى» اتاعىنا يە. 2017-جىلى بۋرىلتوعاي اۋدانىنىڭ سۋ ونىمدەرى جالپى ساۋدا مولشەرى 8430 تونناعا، ءونىم قۇنى 184 ميلليون يۋانعا جەتىپ، بۋرىلتوعايدىڭ سۋىق سۋ بايلىعىن ۋاكىل ەتكەن «بۋرىلتوعاي بالىق قوناعاسىسى» شارتاراپقا اتى ايگىلى بولدى. بۋرىلتوعاي اۋدانىندا العاشقى ادىمدا قالىپتاسقان «كوكتەمدە جىل قۇستارىن كوزدەن كەشىرىپ، جازدا سۋعا مالتاپ، كۇزدە كوركەم كورىنىستى تاماشالاپ، قىستا بالىق اۋلاۋ» سىندى 4 ماۋسىمدىق ساياحات جۇلگەسىندەگى «قىسقى بالىق اۋلاۋ» بۋرىلتوعايدىڭ ەلدەن ەرەك، وزىندىك ەرەكشەلىككە يە قىسقى ساياحاتتاعى ايگىلى ماركاسىنا اينالدى.

  2019 ـ جىلى 1 ـ ايدىڭ 21 ـ كۇنى وتكىزىلەتىن 2018 ـ، 2019 ـ جىلعى ۇلىڭگىر كولىنىڭ قىسقى بالىق اۋلاۋ مادەنيەت ـ ساياحات قيمىلىنا كوپتەگەن وزگەشە مازمۇندار قوسىلدى. ساياحاتشىلار سالتاناتتى قىسقى بالىق اۋلاۋدى تاماشالاپ قالماستان، التايدىڭ ەلدەن ەرەك قار ـ مۇز مادەنيەتىن سەزىنىپ، ءدامى ءتىل ۇيرەتىن تابيعي بالىق قوناعاسىسىنان ءدام تاتادى. بۇدان سىرت، باي مازمۇندى مۇز ٴۇستى نىساندارىن باستان كەشىرىپ، وزىندىك ەرەكشەلىككە يە بالىق مادەنيەتىن سەزىنىپ، 10 مىڭ ادام ناق مايداندا بالىق قوناعاسىسىنان ءدام تاتۋ قاتارلى قيمىلدارعا قاتىناسادى. بۇدان سىرت، قيمىل مايدانىندا قار ويما، مۇز ويما كوركەمونەر تۋىندىلارى قويىلىپ، ساياحاتشىلار الۋان ءتۇرلى قار ويىندارىن ويناۋىنا بولادى. ۇلىڭگىر كولىنىڭ قىسقى بالىق اۋلاۋىن ءتىپتى دە ويداعىداي ۇگىتتەۋ ءۇشىن، بۋرىلتوعاي اۋدانى ٴۇرىمجى قالاسىنا ارنايى بارىپ، قىسقى ساياحات قيمىلدارىن تانىستىرۋ ءماجىلىسىن وتكىزەدى.

جاۋاپتى رەداكتور: ءاننا اكىمقان قىزى
  • بۋرىلتوعاي ساياحات كاسىبىن ارقاۋ ەتىپ، «قۇبا تۇزدەگى بالىق مەكەنىن» جاراتتى
  • التايدا وتكىزىلگەن جالاڭ شاڭعىمەن ونەر كورسەتۋ جارىسى اياقتادى
  • رەفورمالاپ ەسىك اشۋدىڭ 40 جىلدىعىن قۇتتىقتاۋ جينالىسى اشىلدى
  • رەفورما جاساپ، ەسىك اشۋدىڭ 40 جىلدىعىن قۇتتىقتاۋ ءماجىلىسى بەيجيڭدە سالتاناتپەن اشىلدى