اعاجاي-التاي تورابى   ›   اقپارات ايدىنى   ›   سۋرەتتى حابارلار

التايدا وتكىزىلگەن جالاڭ شاڭعىمەن ونەر كورسەتۋ جارىسى اياقتادى

  «التاي تارتۋى» اتىنداعى 2- كەزەكتى تاۋ بەتكەيىندەگى كەدەرگىدەن جالاڭ شاڭعىمەن سەكىرىپ ونەر كورسەتۋ باسەكەلى جارىسى 12- ايدىڭ 23- كۇنى التاي قالاسىنداعى گەنارال تاۋى شاڭعى الاڭىندا اياقتادى. ەلىمىزدىڭ جەر- جەرىنەن كەلگەن 40 سپورتشى وسى رەتكى جارىسقا قاتىناستى.

  وسى رەتكى جارىس تەكشەدەن سەكىرۋ ونەرى جانە شاڭعى تەبۋگە قاجەتتى جابدىق ارقىلى ونەر كورسەتۋ سىندى ەكى بولەككە ءبولىندى. جارىس جولىنىڭ جالپى ۇزىندىعى 375 مەتر، كەڭدىگى 60 مەتر، بيىكتىك پارقى 70 مەتر، كولبەۋلىگى 15- 25 گرادۋس كەلەدى، تەكشەدەن سەكىرۋ جارىسىنا ەكى گرۋپپا، جابدىق ارقىلى ونەر كورسەتۋ جارىسىنا 4 گرۋپپا قاتىناستى، تەكشەدەن سەكىرۋدە 4 مەترلىك جانە 6 مەترلىك تەكشەدەن سەكىرۋ جارىسى وتكىزىلدى. بۇل التايداعى كاسىپتىك دەڭگەيدەگى بەتكەيدەگى كەدەرگىدەن سەكىرۋ ونەرىن كورسەتەتىن تۇڭعىش جارىس جولى ەسەپتەلەدى. جابدىق ارقىلى ونەر كورسەتۋ جارىسى تۇتقا، بولات تۇتىك جانە جالاڭ شاڭعى تەبۋگە ارنالعان داۋال قاتارلىلاردى قامتىدى، تورەشى سول جەردىڭ وزىندە ءنومىر قويدى.

  جارىس مايدانىندا سپورتشىلار كورەرمەندەرگە ورەلى شاڭعى تەبۋ ونەرىن كورسەتتى. ءبىر كۇندىك قيان كەسكى جارىستان كەيىن قوم قىستاعىنان كەلگەن دىبا ازاماتى سۋكى زور باسىمدىلىق تانىتىپ، 90 نومىرلىك تولىق نومىرمەن اعا جۇلدەگەر بولدى، بەيجيڭنەن كەلگەن وسى جارىسقا قاتىناسقان بىردەن- ءبىر ايەل سپورتشى ەكىنشى دارەجەلى سيلىققا يە بولدى.

  التايلىق سپورتشى سۋكى: بالا كەزىمنەن بايىرعى تەرى شاڭعى تەبۋگە اۋەس بولدىم، شاڭعى سپورتىنا ايىرىقشا قىزىعامىن، وسى جارىس وتكىزىلەدى دەگەندى ەستىپ ارناۋلى كەلىپ قاتىناسىپ، جارىستا ءبىرىنشى بولىپ ەرەكشە قۋاندىم، ەلىمىزدىڭ جەر- جەرىنەن كەلگەن مىقتى سپورتشىلارمەن جارىسقانىما قۋانىشتامىن، التايلىق بولعان مەن وسىنداي جارىستاردىڭ التايدا كوبىرەك وتكىزىلۋىن تىلەيمىن، اناعۇرلىم كوپ ادامداردىڭ ادامزات شاڭعى ونەرىنىڭ جارىققا شىققان جەرى التايدا شاڭعى تەبۋىن قارسى الامىن.

  بەيجيڭدىك سپورتشى جۋ تيان: شينجياڭعا، التايعا تۇڭعىش رەت كەلۋىم، بۇل ارانىڭ شاڭعى تەبۋ شارت- جاعدايى جاقسى ەكەن، كوپشىلىكپەن بىرگە شاڭعى تەۋىپ ونەرىمدى ۇشتاي تۇستىم.

  بەتكەيدەگى كەدەرگىدەن جالاڭ شاڭعىمەن سەكىرىپ ونەر كورسەتۋ جارىسى جالاڭ شاڭعى جارىسىنىڭ ءبىر ءتۇرى ەسەپتەلەدى، جارىسى جولى ۇزىن، جارىس جولىنا كەدەرگى جانە جابدىق ورنالاستىرىلادى، وسى جارىس ءتۇرى جالاڭ شاڭعى سپورتشىلارىنىڭ ورەلى ونەرىن ايگىلەيتىن ايىرىقشا قىزىقتى جارىس ءتۇرى ەسەپتەلەدى. 2012- جىلى 6- ايدا حالىقارالىق وليمپيادا سپورت جارىسى كوميتەتى 2014- جىلعى سوچي قىسقى وليمپيادا سپورت جارىسىنداعى جارىس تۇرىنە رەسىمي ەنگىزدى.

  التاي «يۋانجىڭ» مادەنيەت ساياحات ىستەرىن دامىتۋ شەكتى سەرىكتەستىگى «التاي تارتۋى» ساۋدا شەكتى سەرىكتەستىگىنىڭ باس ديرەكتورى چىن جۇڭباۋ: وسىنداي جارىستاردى وتكىزۋ ارقىلى قارلى مەكەن التايدىڭ تانىمالدىعىن، ادامزات شاڭعى ونەرى جارىققا شىققان جەر دەگەن تانىمالدىقتى ارتتىرىپ، قىسقى ساياحاتتىڭ مازمۇنىن بايىتىپ، اناعۇرلىم كوپ ادامنىڭ التايعا كەلىپ ساياحاتتاۋىنا مۇمكىندىك جاساۋدى ماقسات ەتتىك.

  

جاۋاپتى رەداكتور: ءاننا اكىمقان قىزى
  • رەفورمالاپ ەسىك اشۋدىڭ 40 جىلدىعىن قۇتتىقتاۋ جينالىسى اشىلدى
  • رەفورما جاساپ، ەسىك اشۋدىڭ 40 جىلدىعىن قۇتتىقتاۋ ءماجىلىسى بەيجيڭدە سالتاناتپەن اشىلدى
  • التاي قوعامدى جونگە سالۋدا جاڭالىق اشىپ، تىنىشتىق تابىستارىن ايگىلەدى
  • رەفورما جاساپ، ەسىك اشقان 40 جىلدان بەرگى ٴىرى وقيعالار