اعاجاي-التاي تورابى   ›   مادەنيەت ارناسى   ›   بىلگەنگە مارجان

ءسىز نە ءۇشىن بايىمايسىز؟

  باسقالاردىڭ اۆتوكولىگىڭىزگە قالاي قارايتىنىنا وتە كوڭىل بولەسىز

  اۆتوكولىك ءسىزدى ءبىر جەردەن ەندى ءبىر جەرگە اپاراتىن قاتىناس قۇرالى عانا. دەگەنمەن كوپتەگەن ادام اۆتوكولىكتى سالاۋاتتىڭ سيمۆولى دەپ قاراپ، كولىك ءۇشىن جىل ارالاتپاي قىرۋار اقشا جۇمسايدى. استە كونەرگەن كولىكتەردى جۇرگىزىپ، ۇنەمدەپ قالعان اقشانى قارجى قوسۋعا جۇمسامايدى. راسىندا، اۆتوكولىك ءبىر مىسال عانا. ءسىز كيىم-كەشەك، ازىق-تۇلىك، تۇرعىن ءۇي جاقتاردا باسقالاردىڭ قالاي قاراۋىمەن، بەت-بەدەل ءۇشىن «ءبورى ارىعىن بىلدىرمەس» دەگەندەي جۇرسەڭىز، مۇلدە قور جيناي المايسىز.

   ۇنەمى جاقسى كۇن كورۋىم كەرەك دەپ قارايسىز

  ەگەر ءسىز ءمالىم ەرەكشە فورمامەن تۇرمىس كەشىرەمىن دەسەڭىز، ءسوزسىز، ەرەكشە نارسەلەرىڭىز بولۋى، ءسوز جوق، بەلگىلى مولشەردە اقشا جۇمساۋىڭىز كەرەك. ەگەر ءسىز قازىر بۇل ىستەردى ىستەۋگە ءال-اۋقاتىڭىز جەتپەسە، قارىز الىپ ءالىڭىزدى بىلمەي الەككە تۇسەسىز. كوپ قارىز ىسىڭىزگە ىقپالىن تيگىزەدى، ءسىز دە بايلىق توپتاي المايسىز.

  قازىنا جيۋ ادىسىڭىزدە جاڭالىق جوق «بەس ساۋساقتى اۋىزعا بىراق سالۋعا بولمايدى». بۇل بايلىق جيۋعا قاراتىلعان ەڭ كونە، ەڭ قۇندى ءسوز. قارجى قوسۋ ارناسىن كوبەيتكەندە عانا، بايلىعىڭىزدىڭ زىم-زيا جوعالۋىنان ساقتانۋعا بولادى.

   مەزگىلىن وتكىزىپ الاسىز

  قارجى قوسىپ قازىنا جيۋدا «قاباتتاما ءوسىم» دەگەن ءسوز بار، ءوسىم ۇستىنە ءوسىم جامالعانعا ۇقساس، ءبىراق «قاباتتاما ءوسىمنىڭ» كەرەمەتى ۇزاق ۋاقىتتان كەيىن بايقالادى. ەگەر ءسىز ۇنەمى كەيىن دە اقشا جياتىن، قارجى قوساتىن ۋاقىتىم بار دەپ قاراساڭىز، كۇندەردىڭ بىرىندە زەينەتكە شىعاتىن ۋاقىتتىڭ الىس ەمەس ەكەنىن، ال ەسەبىڭىزدە ماردىمدى ەشتەمە جوق ەكەنىن بايقايسىز.

   قىزمەتىڭىزدى ۇناتپايسىز

  قىزمەتىڭىز، ءسوز جوق، ارمانداعانىڭىزداي بولماسا دا، ۇناتۋىڭىز كەرەك. ەگەر ءسىز اقشا ءۇشىن ۇناتپاعان قىزمەتتى تاڭداساڭىز، بولاشاقتا بارلىق اقشاڭىزدى جۇمساپ، وسى ۇناتپاعان قىزمەت تۋدىرعان قىسىمدى جەڭىلدەتەتىن بولاسىز.

  ۇيرەنۋگە زاۋقىڭىز سوقپايدى

  ءسىز «ۋنيۆەرسيتەت بىتىرگەن سوڭ جالعاسىن ۇيرەنۋىمنىڭ قاجەتى جوق» دەپ ويلاۋىڭىز مۇمكىن، وسى ويىڭىزبەن ءبىر قىزمەتتى ۇستاپ قالۋىڭىز دا عاجاپ ەمەس، ءبىراق ماڭگى باي بولا المايسىز. ەگەر باي بولعىڭىز كەلسە، ءتۇرلى بىلىمدەردى بەلسەنە ۇيرەنۋىڭىز، قىزمەت ساپاڭىزدى جوعارىلاتىپ، قازىنا جيۋ ءبىلىمىڭىزدى مولايتۋىڭىز وتە قاجەتتى.

   ۇنەمى وزىڭىزگە مۇلدە قاجەتى جوق

  نارسەلەردى ساتىپ الاسىز ۇيىڭىزدە، قابىرعا شكابىڭىزدا، جەر استى بولمەڭىزدە، اۆتوكولىك ۇيىڭىزدە وتكەن ءبىر جىلدا مۇلدە ىستەتپەگەن نارسەلەرىڭىز بار ما ەكەن، قاراپ كورىڭىز. ەگەر بار بولسا، ءسىز ساتىپ العان بۇل نارسەلەر داۋلەتىڭىزدىڭ قۇنىن ارتتىراتىن اقشانى ىسىراپ قىلعان بولۋى مۇمكىن.

   قۇننىڭ نە ەكەنىن تۇسىنە بەرمەيسىز

  ءسىز ءتۇرلى سەبەپتەرمەن كوپ نارسەلەردى ساتىپ الاسىز، الايدا وزىڭىزگە قانداي پايداسى بارلىعىن مۇلدە بىلە بەرمەيسىز. مۇنداي جاعدايلار تەك ەڭ قىمبات نارسەلەردى الاتىن ادامداردا عانا ەمەس، تەك ارزان نارسەلەردى عانا الاتىن ادامدار اراسىندا دا بار. بۇل ءادىس ءونىمنىڭ ناعىز قۇنىن بەينەلەپ بەرە المايدى. تەك ءسىز قۇندى نارسەلەردى ساتىپ الۋدى ۇيرەنگەنىڭىزدە عانا، كەلەشەگىڭىزگە قارجى قوسۋعا ارتىق اقشاڭىز بولادى.

   ءۇيىڭىز وتە ۇلكەن

  ەگەر ءسىز ەكونوميكالىق جاعدايىڭىز جار بەرمەيتىن ءۇيدى ساتىپ العان بولساڭىز، ۇزاق ۋاقىت قارىز قايتاراسىز، كوپ سالىق تولەيسىز، ءۇيدى جوندەۋ قاراجاتىن جۇمسايسىز، تاعى دا كوپ نارسەلەردى الىپ ءۇيدىڭ ءىشىن تولىقتىراسىز. كوپ ادامدار ءۇيدىڭ قۇنى جوعارىلاپ وتىراتىندىقتان، ءۇي ساتىپ الۋدى ەڭ جاقسى قارجى قوسۋ دەۋى مۇمكىن. ءبىراق ءسىز ءۇي ساتۋعا شەبەر بولىڭىز نەمەسە ءوزىڭىزدىڭ قونىستانۋ ولشەمىڭىزدى تومەندەتۋگە دايىن بولساڭىز، بيىل 100 شارشى مەترلىك، كەلەر جىلى 50 شارشى مەترلىك ۇيدە تۇرىڭىز.

   ورايدى ۇستاي المايسىز

  ءسىز كەيبىرەۋلەردىڭ تاسى ورگە دومالاپ، بايىپ كەتكەنىن تالاي رەت ەستىگەن شىعارسىز، بۇل ۋاقىتتا «مەن دە ويلاي الاتىن ەدىم، مەن دە ىستەي الار ەدىم» دەپ وكىنۋىڭىز مۇمكىن. ەگەر سىزدە اينىماس سەنىم، تاباندى دايىندىق بولسا، جاقسى ورايدىڭ كوپ ەكەنىن بايقايسىز. ماسەلە سىزدە وسىنداي اينىماس سەنىم مەن تاباندىلى.

جاۋاپتى رەداكتور: ءاننا اكىمقان قىزى
  • رەفورمالاپ ەسىك اشۋدىڭ 40 جىلدىعىن قۇتتىقتاۋ جينالىسى اشىلدى
  • رەفورما جاساپ، ەسىك اشۋدىڭ 40 جىلدىعىن قۇتتىقتاۋ ءماجىلىسى بەيجيڭدە سالتاناتپەن اشىلدى
  • التاي قوعامدى جونگە سالۋدا جاڭالىق اشىپ، تىنىشتىق تابىستارىن ايگىلەدى
  • رەفورما جاساپ، ەسىك اشقان 40 جىلدان بەرگى ٴىرى وقيعالار