اعاجاي-التاي تورابى   ›   اقپارات ايدىنى   ›   سۋرەتتى حابارلار

رەفورمالاپ ەسىك اشۋدىڭ 40 جىلدىعىن قۇتتىقتاۋ جينالىسى اشىلدى

   رەفورمالاپ ەسىك اشىلعاندىعىنىڭ 40 جىلدىعىن قۇتتىقتاۋ جينالىسى 12 ـ ايدىڭ 18 ـ كۇنى تۇستەن بۇرىن بەيجيڭدە سالتاناتپەن اشىلدى، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەت ءتوراعاسى شي جينپيڭ جينالىستا ماڭىزدى ءسوز سويلەدى. شي جينپيڭ مىنالاردى باسا دارىپتەدى: 40 جىلدىق ءاماليات پارتيا 11 ـ كەزەكتى ورتالىق كوميتەتىنىڭ 3 ـ جالپى ماجىلىسىنەن بەرى پارتيامىزدىڭ بۇكىل ەلدەگى ءار ۇلت حالقىن ىنتىماقپەن باستاپ اشقان جۇڭگوشا سوتسياليزم جولىنىڭ، نازارياسىنىڭ، ءتۇزىمىنىڭ، مادەنيەتىنىڭ بۇكىلدەي دۇرىس ەكەندىگىن؛ قالىپتاستىرعان پارتيا نەگىزگى نازارياسىنىڭ، نەگىزگى لۋشيانىنىڭ، نەگىزگى باعىتىنىڭ بۇكىلدەي دۇرىس ەكەندىگىن تولىق دالەلدەدى.

  شي جينپيڭ مىنالاردى باسا دارىپتەدى: 40 جىلدىق ءاماليات جۇڭگونىڭ دامۋىنىڭ دامۋ جولىنداعى مەملەكەتتەردىڭ وسىزاماندانۋىنا تابىستى تاجىريبە دايىنداپ، نۇرلى بولاشاق كورسەتىپ بەرگەندىگىن؛ دۇنيەنىڭ دامۋى مەن بەيبىتشىلىگىن جەبەيتىن قۇدىرەتتى كۇشكە اينالعاندىعىن؛ جۇڭحۋا ۇلتتارىنىڭ ادامزات وركەنيەتىنىڭ العا باسۋىنا ماڭىزدى ۇلەس قوسقاندىعىن تولىق دالەلدەدى.

  شي جينپيڭ مىنالاردى باسا دارىپتەدى: 40 جىلدىق ءاماليات رەفورمالاۋ، ەسىك اشۋ ـ پارتيامىز بەن حالقىمىزدىڭ زامانا كوشىنە قوسىلۋىنداعى ماڭىزدى اسىل قازىناسى؛ جۇڭگوشا سوتسياليزىمدە تاباندى بولۋ جانە ونى دامىتۋدا ءسوزسىز باسىپ وتەتىن جول؛ وسىزامانعى جۇڭگونىڭ تاعدىرىن بەلگىلەيتىن شەشۋشى ءتاسىل ءارى قوس 100 جىلدىق كۇرەس نىساناسىن، جۇڭحۋا ۇلتتارىنىڭ ۇلى كوركەيۋىن جۇزەگە اسىرۋداعى شەشۋشى ءتاسىل ەكەندىگىن تولىق دالەلەدى.

  لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان جينالىسقا قاتىناستى.

  حالىق سارايى ايبىندى دا اسقاق رۋحقا، 10 مىڭ ادامدىق الىپ زال ءىشى شىراقتارمەن نۇرعا تولىپ، مەرەيگە بولەنگەن. ءتوراعالار مىنبەسىندە «رەفورمالاۋ، ەسىك اشۋعا 40 جىل تولعاندىعىن قۇتتىقتاۋ جينالىسى» دەگەن ءماجىلىس بەلگىسى اسىلعان. ودان ارى قاراي كوز سالعاندا، جۇڭحۋا حالىق رەسپۇبليكاسىنىڭ مەملەكەت گەربى جانە «1978 ــ 2018» دەگەن جازۋلار كوزگە شوقتاي باسىلادى، ونىڭ ەكى جاعىنا نارتتاي قىزىل 10 تۋ قويىلعان.

  شي جينپيڭ قاتارلى باسشىلار ءماجىلىس مايدانىنا كىرگەندە تۇتاس مايدانداعىلار ورىندارىنان تۇردى، شاتىرلاعان شاپالاق ءۇنى كوتەرىلدى.

ساعات 10 بولعاندا لي كىچياڭ، قۇتتىقتاۋ جينالىسى باستالعاندىعىن جاريالادى، بارلىق ادام ورىندارىنان تۇرىپ، مەملەكەت گيمىنىن اسقاقتاتا شىرقادى.

  ۋاڭ حۋنيڭ ج ك پ ورتالىق كوميتەتىنىڭ، مەملەكەتتىك كەڭەستىڭ رەفورمالاپ ەسىك اشۋ ىستەرىنە كورنەكتى ۇلەس قوسقان اۋانگاردتارى ماداقتاپ سيلاۋ جونىندەگى بەلگىلەمەسىن جاريالادى. بەلگىلەمەدە مىنالار انىق ايتىلعان: پارتيا ورتالىعى، مەملەكەتتىك كەڭەس يۇي مين قاتارلى 100 جولداسقا رەفورمالاپ ەسىك اشۋ اۋانگادتارى اتاعىن بەرىپ، رەفورما اۋانگاردتارى وردەنىمەن سيلاۋدى؛ حالىقارالىق قوعامنىڭ جۇڭگونىڭ رەفورمالاۋ، ەسىك اشۋ ىستەرىن قولداعاندىعىنا جانە كومەكتەسكەندىگىنە العىس ايتۋ ءۇشىن، الان مەريە قاتارلى حالىقارالىق 10 دوسقا جۇڭگونىڭ رەفورما دوستىق وردەنىن بەرۋدى بەلگىلەدى. جينالىستا رەفورما اۋانگاردتارى، جۇڭگو رەفورما دوستىق وردەنى بەرىلگەندەردىڭ ەسىمدىگى وقىلدى.

  «كوكتەمدەگى اڭگىمە» اتتى مۋزيكانىڭ دەمەۋىندە، شي جينپيڭ قاتارلىلار رەفورما اۋانگارتى، جۇڭگو رەفورما دوستىق وردەنى بەرىلگەندەردىڭ ۋاكىلدەرىنە سيلىق تاراتتى.

  قىزۋ قول شاپالاق ءۇنى كوتەرىلىپ، شي جينپيڭ ماڭىزدى ءسوز سويلەدى. ول مىنالاردى باسا دارىپتەدى: پارتيامىزدىڭ رەفورمالاپ ەسىك اشۋ ساياساتىن اتقارۋدى بەلگىلەگەن تاريحي شەشىمى ـ پارتيا مەن مەملەكەتتىڭ بولاشاق تاعدىرىن تەرەڭ تولعانا يگەرۋ نەگىز ەتىلگەن؛ سوتسياليستىك قۇرىلىس پەن توڭكەرىس ءامالياتىن تەرەڭ تولعانا قورتىندىلاۋ نەگىز ەتىلگەن؛ ءداۋىر اعىمىن تەرەڭ تولعانا يگەۋ نەگىز ەتىلگەن؛ حالىق جۇرتشىلىعىنىڭ تىلەگىن مەن ءۇمىتىن تەرەڭ تولعانا ءدال كوزدەۋ نەگىز ەتىلگەن تاريحي شەشىم. رەفورمالاۋ، ەسىك اشۋ ـ پارتيامىز جونىنەن ءبىر رەتكى ۇلى ويانۋ بولدى، ءدال وسى ۇلى ويانۋ پارتيامىزعا ءنازاريادان ءامالياتقا ۇلاسقان ۇلى جاسامپازدىق سيلادى. رەفورمالاۋ، ەسىك اشۋ ـ جۇڭگو حالقىنىڭ جانە جۇڭحۋا ۇلتتارىنىڭ تاريحىنداعى ءبىر رەتكى ۇلى توڭكەرىس بولدى، ءدال وسى ۇلى توڭكەرىس جۇڭگوشا سوتسياليزم ىستەرىنىڭ ۇلى سەكىرمەلى دامۋىن جەبەدى.

  شي جينپيڭ مىنالاردى انىق ايتتى: جۇڭگو كوممۇنيستىك پارتياسىن قۇرۋ، جۇڭحۋا حالىق رەسپۇبليكاسىن قۇرۋ، رەفورمالاۋ، ەسىك اشۋدى جانە جۇڭگوشا سوتسياليزم ىستەرىن ىلگەرىلەتۋـ4ـمامىر قوزعالىسىنان بەرى ەلىمىزدە تۋىلعان 3 زور تاريحي ءىس، تاياۋ زامان تاريحىنان بەرى جۇڭحۋا ۇلتتارىنىڭ ۇلى كوركەيۋىندەگى 3 ماڭىزدى ەسكەرتكىش بولىپ تابىلادى.

  شي جينپيڭ بىلاي دەدى: ماۋزىدوڭ جولداس نەگىزگى ۋاكىل بولعان جۇڭگو كوممۇنيستەرى جاڭا دەموكراتيالىق توڭكەرىستى ورىنداپ، جۇڭحۋا حالىق رەسپۇبليكاسىن قۇرىپ، وسىزامانعى جۇڭگونىڭ بارلىق دامۋلارى مەن العا باسۋلارىنا ءتۇبىرلى ساياسي العى شارت جانە تۇزىمدىك نەگىز دايارلادى. دىڭ شياۋپيڭ جولداس نەگىزگى ۋاكىل بولعان جۇڭگو كوممۇنيستەرى پارتيا مەن مەملەكەت قىزمەتىنىڭ وزەگىن شارۋاشىلىق قۇرىلىسقا ويىستىرىپ، رەفورمالاۋ، ەسىك اشۋداي تاريح شەشىم جاساپ، جۇڭگوشا سوتسياليزم جولىن اشۋدا تابىسقا جەتتى. جياڭ زىمين جولداس نەگىزگى ۋاكىل بولعان جۇڭگو كوممۇنيستەرى سوتسياليستىك بازار شارۋاشىلىعى ءتۇزىلىسىنىڭ رەفورما نىساناسى مەن نەگىزدىك جۇلگەسىن ورناتىپ، جالپى بەتتىك تەفورمالاپ ەسىك اشۋ جاڭا جاعدايىن جاراتىپ، جۇڭگوشا سوتسياليزىمدى 21ـعاسىرعا تابىستى ۇلاستىردى. حۋ جينتاۋ جولداس نەگىزگى ۋاكىل بولعان جۇڭگو كوممۇنيستەرى ادامدى وزەك ەتۋدە، جالپى بەتتىك سايكەستى، ۇلاسپالى دامۋدا تاباندى بولىپ، پارتيانىڭ بيلىك جۇرگىزۋ قابىلەت قۇرىلىسى مەن العاباسارلىق قۇرىلىسىن ىلگەرىلەتىپ، جاڭا تاريحي باستامادا جۇڭگوشا سوتسياليزىمدە تاباندى بولۋدا جانە دامىتۋدا تابىسقا جەتتى.

شي جينپيڭ مىنالاردى باسا ايتتى: پارتيا 18ـقۇرىلتايىنان بەرى، پارتيا ورتالىعى بۇكىل پارتيانى، بۇكىل ەلدەگى ءار ۇلت حالقىن ىنتىماقپەن باستاپ، ەل ىشىندەگى جانە حالىقارالىق جاڭا جاعداي وزگەرىسىن سىن كوزبەن جان جاقتى ساراپتاپ، ءامالياتتى قورتىندىلاۋ، بولاشاقتى كوزدەۋ ارقىلى جاڭا داۋىردە قانداي ۇلگىدەگى جۇڭگوشا سوتسياليزىمدە تاباندى بولۋ جانە دامىتۋ كەرەكتىگى، جۇڭگوشا سوتسياليزىمدە قالاي تاباندى بولۋ جانە دامىتۋ كەرەكتىگى سىندى وسىناۋ كەلەلى ءداۋىر سۇراۋىنا تەرەڭ تولعاي جاۋاپ بەرىپ، جاڭا داۋىردەگى جۇڭگوشا سوتسياليزم يدەياسىن قالىپتاستىردى؛ «بەستى ءبىر تۇلعالاندىرۋ» جالپى بەتتىك ورنالاستىرۋىن ءبىر تۇتاس ىلگەرىلەتۋدە، «4 جالپى بەتتىك» ستراتەگيالىق ورنالاستىرۋىن سايكەستى جۇرگىزۋدە، ورنىقتىلىق بارىستا العا ىلگەرىلەۋ جالپى قىزمەت باعىتىندا تاباندى بولدى؛ پارتيا مەن مەملەكەتتىڭ ءتۇرلى جاقتارداعى قىزمەتتەرىنە قاراتا ءبىر سىپىرا جاڭا تانىم، جاڭا يدەيا، جاڭا ستراتەگيالاردى العا قويدى؛ پارتيا مەن مەملەكەت ىستەرىندە تاريحي سيپاتتى وزگەرىس جاساۋدى، تاريحي ناتيجە جاراتۋدى جەبەدى؛ جۇڭگوشا سوتسياليزم ىستەرى جاڭا داۋىرگە قادام باستى.

  شي جينپيڭ مىنالاردى انىق ايتتى: بەينەت ءتۇبى ـ زەينەت. 40 جىلدان بەرى، ءبىز يدەيانى ازات ەتۋ، شىندىقتى ءىس جۇزىنەن ىزدەۋ، جۇرەكتىلىكپەن سىناپ كورۋ، باتىلدىقپەن وزگەرتۋ ارقىلى جاڭا ءورىس اشتىق. رەفورمالاپ ەسىك اشقان 40 جىلدان بەرى، جاڭا ءداۋىردى باستاۋدان 21 ـ عاسىرعا قادام تاستاۋعا دەيىنگى، جاڭا باستاماعا شىعۋدان جاڭا داۋىرگە وتۋگە دەيىنگى داۋىلدى ـ نوسەرلى جىلداردا تىنىستاس ـ تاعدىرلاس بولعان 40 جىلدى؛ وعاشتىقتارى وڭاپ، كەسىرلەردى كەسكەن 40 جىلدى؛ قايسارلىقپەن ۇدىرە العا تارتقان 40 جىلدى باستان كەشىرۋ ارقىلى پارتيامىز حالىقتى باستاپ بولاشاعى شالقار، ايبىنى اسقاق تاريح تومىن، بۇكىل الەمدى تەبىرەنتەرلىك اسقاق كۇرەس جىرىن جازدى.

  شي جينپيڭ ءنازاريادا جاڭالىق جاراتۋ، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى، مەملەكەت قورعانىسى جانە ارميا قۇرىلىسى، وتاندى بىرلىككە كەلتىرۋ، دەپلوماتيا قىزمەتى، پارتيا قۇرىلىسى قاتارلى جاقتاردان بايانداپ رەفورمالاۋ، ەسىك اشۋدا قولعا كەلگەن ۇلى تابىستاردى جان جاقتى قورتىندىلادى. ول مىنالاردى باسا ايتتى: 40 جىلدان بەرى قول جەتكەن تابىستار استە اسپاننان تۇسكەندەي تابىلا كەتكەن جوق، ول باسقالار بەرە سالعان وڭاي ولجا دا ەمەس، ول ـ بۇكىل پارتيانىڭ، بۇكىل ەلدەگى ءار ۇلت حالقىنىڭ قاجىرلى ەڭبەگىمەن، اقىل پاراساتىمەن، ەرلىك جىگەرىمەن قول جەتكىزگەن جەڭىس جەمىستەرى بولىپ تابىلادى. ءبىز ونداعان جىلدار جۇمساپ دامىعان ەلدەر جۇزدەگەن جىلداردا باسىپ وتكەن ونەركاسىپتەندىرۋ بارىسىن ورىندادىق. جۇڭگو حالقى وزەرىنىڭ قوس قولدارى ارقىلى مۇمكىن ەمەس دەلىنگەن ىستەردى مۇمكىندىككە اينالدىردى. ءبىز ادامزات الەمىندە تاڭعالارلىق تابىستار جاراتقان جۇڭگولىقتار ءۇشىن شەكسىز اسقاق، شەكسىز ماقتانىش سەزىنەمىز.

  شي جينپيڭ بىلاي دەدى: رەفورما جاساپ ەسىك اشقان 40 جىلدا قولعا كەلگەن قىمباتتى تاجيربە- پارتيا مەن حالىقتىڭ ەرەكشە اسىل رۋحاني بايلىعى سانالادى ٴارى جاڭا داۋىردە جۇڭگوشا سوتياليزمگە تاباندى بولۋ جانە ونى دامىتۋدا اسا ماڭىزدى جەتەكشىلىك مانگە يە، ونى ٴسوز جوق ەرەكشە قاستەرلەپ، وعان ۇزاق ۋاقىت تاباندى بولىپ، اماليات بارىسىندا ۇزدىكسىز بايىتۋىمىز جانە دامىتۋىمىز كەرەك. 1-، پارتيانىڭ بارلىق قىزمەتكە باسشىلىق ەتۋىنە ٴسوز جوق تاباندى بولىپ، پارتيانىڭ باسشىلىعىن ۇزدىكسىز كۇشەيتىپ جانە جاقسارتىپ، «4 تانىمدى» كۇشەيتىپ، «4 سەنىمدى» بەكەمدەپ، پارتيا ورتالىق كوميتەتىنىڭ بەدەلى مەن ورتالىقتانعان بىرتۇتاس باسشىلىعىن باتىل قورعاپ، رەفورما جاساپ ەسىك اشۋ سىندى وسى الىپ كەمەنىڭ دۇرىس باعىتپەن العا تارتا بەرۋىنە كەپىلدىك ەتۋىمىز كەرەك. 2-، حالىقتى وزەك ەتۋگە ٴسوز جوق تاباندى بولىپ، حالىقتىڭ تاماشا تۇرمىسقا كەنەلۋ ارمانىن ۇزدىكسىز جۇزەگە اسىرىپ، حالىقتىڭ قالاۋىنان شىعىپ، حالىقتىڭ تىلەگىنە قۇرمەت ەتىپ، حالىق جاعدايىنا نازار اۋدارىپ، حالىق تۇرمىسىن جاقسارتۋعا كۇش سالىپ، حالىقتى رەفورما جاساپ ەسىك اشۋدىڭ جەتىستىكتەرىنەن ورتاق يگىلىكتەندىرىپ، رەفورما جاساپ ەسىك اشۋ جانە سوتسياليستىك وسىزامانداندىرۋ قۇرىلىس ىستەرىنە سانالى تۇردە اتسالىسۋعا شابىتتاندىرۋىمىز كەرەك. 3 -، ماركسيزمنىڭ جەتەكشىلىك ورنىنا ٴسوز جوق تاباندى بولىپ، اماليات نەگىزىندە نازاريادا جاڭالىق جاراتۋدى ۇزدىكسىز جەبەپ، ءداۋىر سۇراعىنا، حالىق سۇراعىنا دەر كەزىندە جاۋاپ بەرىپ، ماركسيزمدى دامىتۋدىڭ تىڭ ورەسىن جالعاستى اشۋىمىز كەرەك. 4 -، جۇڭگوشا سوتسياليزم جولىمەن جۇرۋگە ٴسوز جوق تاباندى بولىپ، جۇڭگوشا سوتسياليزمگە ۇزدىكسىز تاباندى بولىپ جانە دامىتىپ، رەفورما جاساپ ەسىك اشۋدىڭ العا باسۋ باعىتىن مىقتى يگەرۋىمىز كەرەك. 5 -، جۇڭگوشا سوتسياليستىك تۇزىمىن كەمەلدەندىرۋ جانە دامىتۋعا ٴسوز جوق تاباندى بولىپ، ەلىمىز ٴتۇزىمىنىڭ ابزالدىلىعىن ۇزدىكسىز ساۋلەلەندىرىپ جانە كۇشەيتىپ، جۇڭگوشا سوتسياليستىك ءتۇزىمدى اناعۇرلىم كەمەلدەندىرىپ، بارىنشا تۇراقتاندىرۋىمىز كەرەك. 6 -، دامۋدى ماڭداي الدى ورىنعا قويۋعا ٴسوز جوق تاباندى بولىپ، ەلىمىزدىڭ ۋنيۆەرسال قۋاتىن ۇزدىكسىز كۇشەيتىپ، شارۋاشىلىق پەن قوعامنىڭ ءۇرتىس اقاۋسىز دامۋىن جەبەپ، جۇڭگوشا سوتسياليزمگە تاباندى بولۋ جانە دامىتۋ، جۇڭحۋا ۇلتىنىڭ ۇلى كوركەيۋىن جۇزەگە اسىرۋعا اسا مىعىم زاتتىق نەگىز قالاۋىمىز كەرەك. 7 -، ەسىك اشۋدى كەڭەيتۋگە ٴسوز جوق تاباندى بولىپ، ادامزاتتىڭ تاعدىرلاس ورتاق تۇلعاسىن ۇزدىكسىز جەبەپ، بەيبىتشىلىك، دامۋ، سەلبەستىك، ورتاق يگىلىككە كەنەلۋ تۋىن بيىك كوتەرىپ، حالىقارالىق قوعامنىڭ تەڭ ادىلدىگىن قورعاپ، حالىقارالىق قاتىناستى دەموكراتيالاندىرۋدى دارىپتەپ، جەر شارىندىق وڭاۋ جۇيەسىن رەفورمالاۋ جانە قۇرۋعا بەلسەندى قاتىناسىپ، ساۋدا، قارجى قوسۋدى ەركىندەستىرۋ، قولايلاستىرۋدى جەبەۋىمىز كەرەك. 8 -، پارتيانى جالپى بەتتىك قاتاڭ باسقارۋعا ٴسوز جوق تاباندى بولىپ، پارتيانىڭ جاسانپازدىق، ۇيىستىرعىش، جاۋىنگەرلىك قۋاتىن ۇزدىك جوعارىلاتىپ، پارتيانىڭ ساياسي باسشىلىق كۇشىن، يدەيادا جەتەكشىلىك ەتۋ كۇشىن، حالىق بۇقاراسىن ۇيىمداستىرۋ كۇشىن، قوعامدى اتتانىسقا كەلتىرۋ كۇشىن ۇزدىكسىز كۇشەيتىپ، شىرىكتەسكەن بارلىق ەلەمەنتتەردى باتىل الاستاپ، پارتيانىڭ حالىق بۇقاراسىمەن ەتەنە قاتىناسىن باستان -اياق ساقتاۋعا كەپىلدىك ەتۋىمىز كەرەك. 9 -، دەيالەكتيكالىق ماتەرياليزم مەن تاريحي ماتەرياليزمدىك دۇنيە كوزقاراسى - ٴادىس نازارياسىنا ٴسوز جوق تاباندى بولىپ، ماسەلەلەردى شەشۋدى باعىت ەتىپ، رەفورما، دامۋ، ورنىقتىلىقتىڭ قاتىناسىن دۇرىس ٴبىرجايلى ەتىپ، باتىلدىقپەن سىناق ەتۋگە، باتىلدىقپەن جاڭالىق اشۋعا شابىتتاندىرۋمەن بىرگە شىندىقتى ٴىس جۇزىنەن ىزدەۋ، ىستەردى شبەرلىكپەن تىندىرىمدى ىستەۋگە تاباندى بولىپ، رەفورما جاساپ ەسىك اشۋدى بايسالدى قاداممەن باياندى ىلگەرىلەتۋگە كەپىلدىك ەتۋىمىز كەرەك.

  شي جينپيڭ مىنالاردى باسا دارىپتەدى: جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن جالپى بەتتىك دايەكتىلەندىرىپ، پارتيانىڭ ارمياعا مۇلدە باسشىلىعىنا، جۇڭگوشا ەرەكشەلىككە يە ارميانى قۇدىرەتتەندىرۋ جولىندا تاباندى بولىپ، مەملەكەت قورعانىسى مەن ارميا رەفورماسىن جاپپاي تەرەڭدەتىپ، پارتيانىڭ قولباسشىلىعىنا قۇلاق اساتىن، جەڭىستى شايقاستار جۇرگىزە الاتىن، ٴستيلى تاماشا حالىق ارمياسىن، دۇنيە ٴجۇزى بويىنشا وزىق ارميانى قۇرۋعا قۇلشىنىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن، دۇنيە ٴجۇزىنىڭ بەيبىتشىلىگى مەن ورنىقتىلىعىن قورعاپ، جۇڭحۋا ۇلتتارىنىڭ ۇلى كوركەيۋىن ىسكە اسىرۋعا مىعىم قورعان جاساۋىمىز كەرەك.

شي جينپيڭ مىنالاردى اتاپ كورسەتتى: ”ٴبىر ەل ەكى ٴتۇزىم“، ”شياڭگاڭدى شياڭگاڭدىقتار باسقارۋ“، ” اۋمىندى اۋمىندىقتار باسقارۋ “ وسكەلەڭ اۆتونوميا باعىتىن جالپى بەتتىك دۇرىس دايەكتىلەندىرىپ، ٴ نەگىزگى زاڭ مەن نەگىزدىك زاڭعا قاتاڭ بويسۇنىپ ءىس جۇرگىزىپ، شياڭگاڭ مەن اۋمىندى مەملەكەتتىڭ دامۋ جالپى جاعدايىمەن اناعۇرلىم ويداعىداي توعىستىرىپ، شياڭگاڭ مەن اۋمىنداعى باۋىرلاستاردى وتان حالقىمەن بىرلىكتە ۇلتتى كوركەيتۋ تاريحي جاۋاپكەرشىلىگىن ارقالاپ، وتاننىڭ گۇلدەنىپ كوركەيگەن ۇلى داڭقىنان بىرلىكتە يگىلىكتەنەتىن ەتۋىمىز كەرەك. وتاننىڭ تۇتاستىعىن جۇزەگە اسىرۋ - جۇڭحۋا پەرەزەنتتەرىنىڭ ورتاق تىلەگى، بۇل جۇڭحۋا ۇلتىنىڭ تۇبىرلى مۇددەسىنە سايادى. ٴبىز ”ٴبىر جۇڭگو پرينسىبىندە“ جانە” 92-جىلعى ورتاق تانىمدا“ تاباندى بولىپ، ەكى جاعالاۋ قاتىناسىنىڭ بەيبىت دامۋ نەگىزىن بەكەمدەپ جانە دامىتىپ، ەكى جاعالاۋدىڭ شارۋاشىلىق مادەنيەت اۋىس-كۇيىس سەلبەستىگىن ىشكەرىلەتىپ، ەكى جاعالاۋداعى باۋىرلاستارعا باقىت جاراتۋىمىز كەرەك.

  شي جينپيڭ مىنالاردى اتاپ ايتتى: ۇلى ارمان كۇتىپ وتىرۋمەن، قۇر ايعايمەن ىسكە اسپايدى، ول جاپالى كۇرەسۋمەن، تىنباي ەڭبەكتەنۋمەن كەلەدى. ٴبىز قازىر بەينە كەمەنىڭ ارىندى وزەننىڭ اساۋ تولقىندى جەرىنە جەتكەنىندەي، جولاۋشىنىڭ جول ورتاسىنداعى ەڭ تىگىل جەرىنە كەلگەندەي ۇرىمتال كەزەڭدە تۇرمىز،ساپار جولىمىزداعى قينشىلىقتار بارعان سايىن كوبەيە، كۇردەلەسە تۇسكەن، العا ۇمتىلماسا ارتقا كەتەتىن، العا باسپاسا بولمايتىن تۇسقا كەلدىك. رەفورما جاساپ ەسىك اشۋ تالاي -تالاي قيىن بارىستاردى باستان وتكەرگەن بولسادا ٴالى دە بۇراڭ بارىستاردى كەشىرۋگە تۋرا كەلەدى. بۇكىل پارتيانىڭ، بۇكىل ەلىمىزدەگى ٴار ۇلت حالقىنىڭ ارقالايتىن بورىشى داڭىقتى، مىندەتى اسا جاپالى، سايىستار ٴتىپتى دە قاتاڭ، قىزمەتتەر ٴتىپتى دە ۇلى. جۇيرىكتەر جارىسىپ ۇزدىكتەر باسەكەلەسكەن داۋىردە ٴبىز تيتتەي دە اسپەنسىپ توقمەيىلسىمەۋىمىز، توقىراپ العا باسپاي قويماۋىمىز ٴارى ەشقانداي ٴارى -ٴسارى بولماۋىمىز كەرەك. ۇلى كۇرەستەردى، ۇلى ينجەنەريالاردى، ۇلى ىستەردى، ۇلى ارمانداردى ٴبىر تۇتاس جوسپارلاپ، ەرلىكپەن ارىنداي العا تارتىپ، قايسارلىقپەن كۇرەسە ٴبىلۋىمىز كەرەك.

  شي جينپيڭ مىنالاردى اتاپ كورسەتتى: تاياۋ زاماننان بەرگى تاريحي بارىستا جۇڭگو حالقى ازاپتى كۇندەردى باستارىنان وتكىزىپ، اسا كوپ بوداۋ بەرىپ، ەسەپسىز كۇرەستەر جۇرگىزدى. قازىر جۇڭگو حالقى مەن جۇڭحۋا ۇلتىنىڭ تاريحتىڭ العا دامۋ بارىسىندا توپتاعان قۇدىرەتتى كۇشى تاسقىندادى، جۇڭحۋا ۇلتتارىنىڭ ۇلى كوركەيۋىنە توسۋعا بولمايتىن جويقىن كۇش قالىپتاستى.

  شي جينپيڭ ءسوزىنىڭ سوڭىندا بىلاي دەدى: بۇكىل پارتيا مەن بۇكىل ەلىمىزدەگى ٴار ۇلت حالقى پارتيا ورتالىعىنىڭ توڭىرەگىنە تىعىز توپتاسىپ، جۇڭگوشا سوتسياليزم ۇلى تۋىن بيىك كوتەرىپ، العاشقى ماقساتتى ۇمىتپاي، بورىشتى ەستە بەرىك ساقتاپ، رەفورمانى سوڭىنا دەيىن جۇرگىزىپ، حالىقتىڭ تاماشا تۇرمىسقا ارمانىن ۇزدىكسىز ىسكە اسىرىپ، جاڭا داۋىردە جۇڭحۋا ۇلتىنىڭ تاڭعالارلىق ىستەرىن كوپتەپ جاراتىپ، دۇنيە ٴجۇزىنە تامسانا قارايتىن كەرەمەتتەر سيلاۋ قاجەت.

  لي كىچياڭ جينالىستى باسقارعان كەزدە ٴسوز سويلەپ بىلاي دەدى: باس شۋجي شي جينپيڭ ماڭىزدى سوزىندە رەفورما جاساپ ەسىك اشقان 40 جىلدان بەرى پارتيا مەن مەملەكەت ىستەرىندە قول جەتكىزگەن ۇلى تابىستار مەن قىمباتتى تاجىريبەلەردى تەرەڭ قورتىندىلاپ، جۇڭگو حالقىنىڭ رەفورما جاساپ ەسىك اشۋ ىستەرىنە قوسقان ەلەۋلى ۇلەستەرىن جوعارى باعالادى، جۇڭگونىڭ رەفورما جاساپ ەسىك اشۋىنىڭ جالعاسا بەرەتىندىگىن استە توقتاپ قالمايتىندىعىن، رەفورمانى سوڭىنا دەيىن جۇرگىزۋ سەنىمى مەن بەكىمىندە تاباندى بولاتىندىعىن جاريالاپ، رەفورمانى مىزعىماي جالپى بەتتىك ىشكەرىلەتۋ، اشىق ۇستاۋدى كەڭەيتۋ، جاڭا داۋىردەگى رەفورما جاساپ ەسىك اشۋدى ۇزدىكسىز العا باستىرۋ نسانا تالابىن ايقىن العا قويدى. ٴبىز شي جينپيڭ جولداس ۇيتقى بولعان پارتيا ورتالىعىنىڭ توڭىرەگىنە اناعۇرلىمٴ تىپتى دە تىعىز توپتاسىپ، جۇڭگوشا سوتسياليزم ۇلى تۋىن بيىك كوتەرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، رەفورما جاساپ ەسىك اشۋدى ۇزدىكسىز ىشكەرىلەتىپ، قوس ٴجۇز جىلدىق كۇرەس نساناسىن ىسكە اسىرىپ، باياشاتتى، دەموكراتيالى، وركەنيەتتى، جاراسىمدى،كوركەم سوتسياليستىك وسىزاماندانعان مەملەكەت قۇرىپ، جۇڭحۋا ۇلتىنىڭ ۇلى كوركەيۋىندەي جۇڭگو ارمانىن ىسكە اسىرىپ، دۇنيە ٴجۇزىنىڭ بەيتشىلىگىن قورعاپ، ورتاق دامۋدى جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ جولىندا قاجىماي- تالماي كۇرەسۋىمىز كەرەك.

  قۇتتىقتاۋ جينالىسى اياقتالعاننان كەيىن شي جينپيڭ ماداقتالعان قىزمەتكەرلەرمەن جانە ولاردىڭ تۋىستارىنىڭ ۋاكىلدەرىمەن كەزدەسىپ كوپشىلىكپەن سۋرەتكە تۇسىپ ەستەلىك قالدىردى.

  بەيجيڭدەگى ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق شۋجيچۋدىڭ شۋجيىلارى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلار، مەملەكەت ىستەر جورالارى، ەڭ جوعارى حالىق سوتىنىڭ باستىعى، ەڭ جوعارى حالىق پراكراتۋراسىنىڭ باستىعى، مەملەكەتتىك ساياسي كەڭەس ٴتوراعاسىنىڭ ورىنباسارلارى سونداي-اق ورتالىق اسكەري كوميتەتىنىڭ مۇشەلەرى جينالىسقا قاتىناستى.

  ورتالىقتاعى پارتيا، ۇكىمەت، ارميا تاراۋلاردىڭ، بۇقارالىق ۇيىم تاراۋلاردىڭ جانە بەيجيڭ قالاسىنىڭ نەگىزگى جاۋاپتى جولداستارى، ٴارقايسى دەموكراتيالىق پارتيا توپتار ورتالىعىنىڭ، مەملەكەتتىك ونەركاسىپ ساۋدا بىرلەستىگىنىڭ جاۋاپتىلارى جانە پارتيادا توپتادا جوق قايراتكەر ۋاكىلدەرى، ساقا پارتيا مۇشەلەرى، ساقا كادىرلار ۋاكىلدەرى، رەفورما جاساپ ەسىك اشۋدا ەسەلى ەڭبەك سىڭىرىپ ماداقتالعاندار مەن ولاردىڭ تۋىستارىنىڭ ۋاكىلدەرى، شياڭگاڭدىق اۋمىندىق باۋىرلاستار، تايۋاندىق باۋىرلاستار، شەتەلدەگى باۋىرلاستار، وتانعا ورالعان ازاماتتار، شەتەلدەگى جۇڭگو ازاماتتارىنىڭ تۋىس ۋاكىلدەرى، استاناداعى ٴارسالا بۇقارا ۋاكىلدەرى، ازاتتىق ارميا جانە قارۋلى ساقشى قوسىنداعى كاماندير جاۋىنگەرلەر ۋاكىلدەرى، ٴارەلدىڭ جۇڭگوداعى ەلشىلەرى، ٴارقايسى حالقارالىق ۇيىمىنىڭ جۇڭگوداعى ۋاكىلدەرى مەن جۇڭگودا قىزمەت ىستەپ جاتقان شەتەلدىك مامان ۋاكىلدەرى قاتارلىلاردان 3000 عا تارتا ادام جينالىسقا قاتىناستى.

جاۋاپتى رەداكتور: ءاننا اكىمقان قىزى
  • رەفورما جاساپ، ەسىك اشۋدىڭ 40 جىلدىعىن قۇتتىقتاۋ ءماجىلىسى بەيجيڭدە سالتاناتپەن اشىلدى
  • التاي قوعامدى جونگە سالۋدا جاڭالىق اشىپ، تىنىشتىق تابىستارىن ايگىلەدى
  • رەفورما جاساپ، ەسىك اشقان 40 جىلدان بەرگى ٴىرى وقيعالار
  • پويەز قوناقجايىنىڭ ساۋداسى جانداندى