اعاجاي-التاي تورابى   ›   حابارلاندىرۋ

ايماق ورتالىقتىڭ سەگىز ٴتۇرلى بەلگىلەمەسىنىڭ رۋحىنا قايشىلىق جاساعان 4 ماسەلەنى حابارلاندىردى

  جاقىندا، التاي ايماقتىق ٴتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى ۇكىمەت كولىكتەرىن باسقارۋ، پايدالانۋ بارىسىندا «جاسىرىن»، «ٴتۇرى وزگەرگەن» ماسەلەلەردى اشىق حابارلاندىردى. ولار جەكە ـ جەكە:

  1. التاي قالاسى لاستى اۋىلى ۇكىمەتىنىڭ شوفەرى لي جياچياڭنىڭ مەكەمەنىڭ ماي قۇيۋ كارتوچكاسىن بەلگىلەمەگە قايشى ىستەتۋ ماسەلەسى. 2017 ـ جىلى 11 ـ ايدان 2018 ـ جىلى 5 ـ ايعا دەيىن لي جياچياڭ مەكەمەنىڭ ماي قۇيۋ كارتوچكاسىنان پايدالانۋ، باسقارۋ قولايلىعىنان پايدالانىپ، ىلگەرىندى ـ كەيىندى 10 رەت ماي قۇيۋ كارتوچكاسىمەن 3320 يۋانعا ماي قۇيۋ پۋنكتىندەگى دۇكەننەن تەمەكى، ازىق ـ تۇلىك قاتارلىلاردى ساتىپ الىپ جەكە پايدالانعان ٴارى ماي قۇيۋ قاراجاتى فورماسىندا اۋىلدىق قازىناسىنان ەسەپتەن كوتەرگەن. 2018 ـ جىلى 10 ـ ايدا لي جياچياڭعا پارتيا ىشىندە قاتاڭ ەسكەرتۋ جازاسى بەرىلدى. تارتىپكە قايشى قارجى جيناپ الىندى.

  2. بۋىرشىن اۋداندىق حالىق شيپاحاناسى «120» شۇعىل قۇتقارۋ كولىك اترەتىنىڭ جاۋاپتىسى جەڭىس ابدىكەرىم ۇلىنىڭ ماي قۇيۋ كارتوچكاسىن بەلگىلەمگە قايشى ىستەتۋ ماسەلەسى. 2017 ـ جىلى 8 ـ ايدان 2018 ـ جىلى 4 ـ ايعا دەيىن جەڭىس ابدىكەرىم ۇلى بۋىرشىن اۋداندىق حالىق شيپاحاناسىنىڭ شۇعىل قۇتقارۋ كولىگىنە ماي قۇيعان كەزدە مەكەمەنىڭ ماي قۇيۋ كارتوچكاسىمەن 1590 يۋانعا ماي قۇيۋ پۋنكتىندەگى دۇكەننەن كوپ رەت تەمەكى ساتىپ الىپ ٴوزى پايدالانعان. تەكسەرۋ بارىسىندا جەڭىس ابدىكەرىم ۇلى ۇيىمعا ٴوزىنىڭ تارتىپكە قايشى ماسەلەسىن ناقتى ٴتۇسىندىرىپ، تارتىپكە قايشى قارجىنى ىرىقتىلىقپەن تاپسىردى. 2018 ـ جىلى 8 ـ ايدا جەڭىس ابدىكەرىم ۇلىنا پارتيا ىشىندە ەسكەرتۋ جازاسى بەرىلدى.

  3. بۋرىلتوعاي اۋدانى جەتارال قالاشىعى بوتامويىن قىستاعى قىستاق كوميتەتىنىڭ ورىنباسار مەڭگەرۋشىسى نۇردىبەك كوجەباي ۇلىنىڭ بەلگىلەمەگە قايشى ماي قۇيۋ ماسەلەسى. 2017 ـ جىلى 4 ـ ايدا نۇردىبەك كوجەباي ۇلى بۋرىلتوعاي اۋدانى اردا اۋىلىنىڭ تۇرعىنى قۋ xx قا قىستاقتىڭ 45 مۋ كوللەكتيۆ جەرىن ٴوز بىلگەنىنشە جالعا بەرىپ، 1350 يۋان كوتەرەگە بەرۋ قاراجاتىن الىپ، ونى كوللەكتيۆ ەسەبىنە تاپسىرماي، ٴوزىنىڭ موتوتسيكلىنە ماي قۇيۋعا جۇمساعان. 2018 ـ جىلى 7 ـ ايدا نۇربەك كوجاباي ۇلىنىڭ كانديدات پارتيا مۇشەسى مەرزىمى ٴبىر جىل ۇزارتىلدى. تارتىپكە قايشى قارجى جيناپ الىندى.

  4. التاي ايماقتىق پوچتا ىستەرىن باسقارۋ مەكەمەسى پارتگرۋپپاسىنىڭ شۋجيى، مەكەمە باستىعى اسان ابدوللا ۇلىنىڭ ۇكىمەت قارجىسىمەن جەكەلىك كولىككە ماي قۇيۋ ماسەلەسى. 2016 ـ جىلى 6 ـ ايدىڭ 7 ـ كۇنىنەن 11 ـ ايدىڭ 25 ـ كۇنىنە دەيىن اسان ابدوللا ۇلى جەكەلىك كولىگىنە 7 رەت ماي قۇيىپ، قىزمەت قولايلىعىنان پايدالانىپ، 1850 يۋاندىق ماي قۇيۋ بەلەتىن مەكەمە ورىننىڭ ەسەبىنەن كوتەرتىپ العان. 2018 ـ جىلى 10 ـ ايدا اسان ابدوللا ۇلىنا پارتيا ىشىندە قاتاڭ ەسكەرتۋ جازاسى بەرىلدى، تارتىپكە قايشى قارجى جيناپ الىندى.

جاۋاپتى رەداكتور: ءاننا اكىمقان قىزى
  • رەفورما جاساپ، ەسىك اشقان 40 جىلدان بەرگى ٴىرى وقيعالار
  • پويەز قوناقجايىنىڭ ساۋداسى جانداندى
  • اۋا رايىنان الدىن-الا مالىمەت
  • 3 ـ توپتاعى ساياحات اۋەسكەرلەرى التاي قالاسىنا جەتتى