اعاجاي-التاي تورابى   ›   البۋم   ›   كورىكتى التاي

بۋىرشىن اۋدانىنداعى قىراۋ مەرەكەسىن، ءدامدى تاعام مەرەكەسىن، تەگىن كونسەرت نومىرلەرىن كەلىپ تاماشالاڭىزدار

  شينجياڭ بۇگىنگى حابارىنىڭ باس ءتىلشىسى يۇي جياڭيان حابارلايدى. 11-ايدىڭ 30-كۇنى، ءتىلشىمىز بۋىرشىن اۋدانى ساياحات مەكەمەسىنەن ۇعىسۋىنشا، بۋىرشىن قىسقى ساياحاتى ساياحاتشىلارعا تەگىن كوڭىل اشۋ قيمىلدارىن ورنالاستىرادى ەكەن، بۇدان سىرت ءتۇستى كەرىش، كەستەشىلىك بازاسى، ۇلتتىق سالت-سانانى تاماشالاۋ ورنى قاتارلىلاردىڭ بارلىعى تەگىن اشىلادى، بۇدان سىرت ءوز كولىكتەرىمەن 60 ادام ءبىر گرۋپپا بولىپ كەلگەن ساياحاتشىلارعا ءبىر جولدا ون مىڭ يۋاندىق ۇگىت سيلىعى ۇسىنىلادى.

  بيىلدان باستاپ بۋىرشىن اۋدانى ساياحات قۇرىلعىلارىن جاڭالاپ، 100 ميلليون يۋان جۇمساپ قوناقجاي مەن جىلۋ جۇيەسى جابدىقتارىنا جان-جاقتىلى وڭاۋ جۇرگىزدى، بۇكىل اۋدان بويىنشا قىسقى ساياحاتشى قابىلداۋ توسەگى 10 مىڭنان اسىپ، بىلتىرعىمەن سالىستىرعاندا 6000 توسەك ورىن ارتتىرىلعان.

  بۋىرشىن اۋدانى ساياحات بارىسىنداعى نازىك بۋىندارعا باسا ءمان بەرىپ ، دارەتحانا قۇرىلىسىن جاپپاي وڭادى. قىسقى ساياحات مەرزىمىندە اۋدان كولەمىندە 20 الەۋمەتتىك دارەتحانا بولۋعا كەپىلدىك ەتىلدى، ساياحات جەلىسى بويىنداعى تەكسەرۋ فۋنكىتتەرى، شۇڭقىر، ەلامان قاتارلى قالاشىق-اۋىلداردىڭ الەۋمەتتىك دارەتحاناسى مەن اۋدان ىشىندەگى قوناق ۇيلەر مەن ساۋدا دۇكەندەرىندەگى دارەتحانالار تۇگەلدەي اشىلادى.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى
  • كوكتوعاي كورىنىس رايونىنا حوش كەلدىڭىز! حوش بول، كەن رايونى!
  • الداعى ءۇش كۇندىك اۋا رايىنان الدىن-الا مالىمەت
  • التايدىڭ ءتىل جەتكىسىز التىن تاۋ ءمولدىر سۋى
  • مەملەكەتتىك كەڭەس كەڭسەسى 2019 – جىلعى مەرەكەلىك دەمالىس كۇندەرى جونىندەگى ورنالاستىرۋدى جاريالادى