اعاجاي-التاي تورابى   ›   مادەنيەت ارناسى   ›   بىلگەنگە مارجان

قويدىڭ ەمدىك قاسيەتتەرى

  ناۋقاس ادامنىڭ ەكى اياعىن كوسىلتىپ، ىڭعايلاپ وتىرعىزادى دا، جاڭا سويىلعان سەمىز قويدىڭ قارنىن جىلى كۇيىندە ونىڭ قۇرساعىنا قويىپ، سىرتىنان وراپ تاستايدى.

  ءبىرازدان سوڭ ناۋقاس اعىل-تەگىل تەرلەيدى. تەرى قالماس ءۇشىن ەكى-ءۇش ساعاتتان سوڭ كيىمىن اۋىستىرۋ قاجەت. بۇدان كەيىن دە بىرنەشە كۇن سورپا ءىشىپ كۇتىنگەن ءجون.

  قوي ءوتى ــ شاشتىڭ اراسىنا ۇساق بورتپە تۇسكەندە قولدانادى. شاشتى تاقىرلاپ الىپ تاستاپ، باستى سابىنداپ جۋعاننان كەيىن بورتپەنىڭ بەتىن سۋ قوسىلعان وتپەن سۇرتسە، بورتپە تەز جازىلادى.

  قويدىڭ جىلىك مايى ــ تۋبەركۋلەزبەن اۋىرعان ءالسىز ادامدار، جيى اۋىراتىن جاس بالالار جەسە، مىڭ دا ءبىر داۋا.

  جاڭا سويىلعان قوي ەتى ـــ جۇقالاپ ءتىلىپ، جىعىلعاندا پايدا بولعان ىسىككە تاعىپ تاستاسا، ىسىك تەز قايتادى ءارى جارا ىرىڭدەمەيدى. شيقانعا، سىزداۋىققا تاڭسا، جارا اۋزى اشىلادى.

  قويدىڭ ەتىن كۇيدىرىپ، كۇلىن سىركە سۋىنا ەزىپ، جىلان، شايان شاققان جەرگە تاڭسا، ۋىتتى قايتارادى، سىزداپ اۋىرعانىن باسادى.

  ەتى سىلىنىپ الىنعان قويدىڭ سۇيەگىن شاۋىپ، ۇزاق ۋاقىت قايناتىپ، سورپاسىن موشەل بالاعا ۇنەمى ىشكىزسە، نارەستە تەز وڭالادى. بۇل ەم سىنىقتىڭ تەز بىتۋىنە دە كومەكتەسەدى.

جاۋاپتى رەداكتور: ءاننا اكىمقان قىزى
  • كوكتوعاي كورىنىس رايونىنا حوش كەلدىڭىز! حوش بول، كەن رايونى!
  • الداعى ءۇش كۇندىك اۋا رايىنان الدىن-الا مالىمەت
  • التايدىڭ ءتىل جەتكىسىز التىن تاۋ ءمولدىر سۋى
  • مەملەكەتتىك كەڭەس كەڭسەسى 2019 – جىلعى مەرەكەلىك دەمالىس كۇندەرى جونىندەگى ورنالاستىرۋدى جاريالادى