اعاجاي-التاي تورابى   ›   مادەنيەت ارناسى   ›   بىلگەنگە مارجان

شايدى قاي كەزدە ىشۋگە بولمايدى؟

  اش قارىنعا شاي ىشپەڭىز. اس قورىتۋ جولىنداعى ىشكى مۇشەلەر شايدىڭ كەسىرىنەن زاقىمدانۋى مۇمكىن.

  شايدى وتە ىستىق كەزىندى ىشۋگە بولمايدى. ىستىق شاي اۋىز بەن جۇتقىنشاقتى، ارى قارايعى اس قورىتۋ جولدارىن كۇيدىرەدى.

  شايدى سۋىپ قالعان كۇيىندە ىشۋگە بولمايدى. ونداي شايدىڭ كەسىرىنەن قاقىرىق تۇرىپ قالۋى مۇمكىن.

  شايدى تىم اشى قىلىپ ىشپەڭىز. ول دەنساۋلىققا زيان. ەگەر ءتۇن ۋاقىتى بولسا، ۇيقىڭىز كەلمەي، باسىڭىزدى اۋىرتۋى مۇمكىن.

  ءدارى- دارمەك قابىلداعان كەزدە شاي ءىشۋشى بولماڭىز. سەبەبى شاي قۇرامىنداعى زاتتار ىدىراعاندا پايدا بولاتىن ءتانيننىڭ اسەرىنەن ءدارى سىڭىمدىلىگى تومەندەيدى. ول ءدارىنىڭ كۇشىن جويادى.

  تۇرىپ قالعان شايدى ىشۋگە بولمايدى. نەگىزىندە، شايلار دەمدەگەننەن 20-30 مينۋتتاي كەيىن ءوزىنىڭ قۇرامىنداعى زاتتارىمەن قىشقىلدانۋ پروتسەسىن باستايدى. حوش ءيىستى زاتتار مەن پايدالى دەگەن قۇرامداس بولىكتەرى (فەنول، ليپويد، ەفير مايى) جارامسىز بولىپ قالادى.

  قايتا-قايتا دەمدەگەن شايدىڭ پايداسى جوق. كەرىسىنشە، زيانى كوپ. العاشقى رەت دەمدەگەن شايداعى پايدالى زاتتاردىڭ جارتىسىنا جۋىعىن الساڭىز، ەكىنشى رەت دەمدەگەندە %30، ءۇشىنشى رەت دەمدەگەندە %20، ال ودان كەيىنگىسىن دە %10 پايدالى زاتتاردى الا الاسىز.

  كوپ مولشەردە ىشۋگە بولمايدى. اسىرەسە، قارا شايدى كوپ ءىشۋ اعزاعا زيان. سوندىقتان، كۇندەلىكتى قالىپتى مولشەردى ساقتاعان ءجون. قالىپتى مولشەر اشى ەمەس شايدىڭ 4-5 شىنى اياعى بولۋ كەرەك.

  تاماقتان سوڭ بىردەن شاي ىشپەگەن ءجون. ىشكىڭىز كەلسە، جارتى ساعات كۇتىڭىز. ويتكەنى شاي قۇرامىنداعى تانين، پروتەين مەن تەمىردىڭ قاتقىلدانۋى تاعام سىڭىمدىلىگىن تومەندەتە تۇسەدى.

جاۋاپتى رەداكتور: ءاننا اكىمقان قىزى
  • كوكتوعاي كورىنىس رايونىنا حوش كەلدىڭىز! حوش بول، كەن رايونى!
  • الداعى ءۇش كۇندىك اۋا رايىنان الدىن-الا مالىمەت
  • التايدىڭ ءتىل جەتكىسىز التىن تاۋ ءمولدىر سۋى
  • مەملەكەتتىك كەڭەس كەڭسەسى 2019 – جىلعى مەرەكەلىك دەمالىس كۇندەرى جونىندەگى ورنالاستىرۋدى جاريالادى