اعاجاي-التاي تورابى   ›   اقپارات ايدىنى   ›   ءوز حابارلارىمىز

«ءدامى ءتىل ۇيىرەتىن تاس كاۋاپ»

  ءوز ءتىلشىمىز قۇرمانگۇل جەڭىسبەك قىزى حابارلايدى. 12-ايدىڭ 5-كۇنى تەمپەراتۋرا نولدەن تومەن ℃30. قالا تۇرعىندارى جىلى ۇيىندە ساماۋرىن سورپاسىن ءىشىپ وتىرعان ساتتە شىڭگىل اۋدانى ارال قالاشىعى دورگىن قىستاعىنىڭ تۇرعىنى باۋىرجان ماناپ ۇلى وتباسىمەن بىرگە جەسەڭىز «ءدامى اۋزىڭىزدا قالاتىن تاس كاۋاپ» جاساۋدىڭ قامىندا ەدى.

«مىنا تاستى ەكى ساعات ىلگەرى ىسىتىپ قويۋ قاجەت، تاس كاۋاپ جاساۋدا ادەتتە 4 ايدان 10 ايعا دەيىنگى قوزىنىڭ قابىرعا ەتى ىستەتىلەدى، وسىلاي بولعاندا كاۋاپ وتە ءدامدى پىسادى»،-دەدى باۋىرجان اعاي.

  «ءۇي ىشىندە، بازارداعى ساتىلاتىن كاۋاپتى ۇنەمى جەپ جۇرەمىن، كەڭ دالادا، اسىرەسە، اق قار كوك مۇزدا كاۋاپ جەۋ مەن ءۇشىن ەرەكشە سەزىلدى، تاس كاۋاپتىڭ ءدامى تاڭدايدا قالادى ەكەن. وسى جولى شىڭگىلگە كەلىپ وزەن بويىنداعى اۋەلگى تاس كاۋاپتان اۋىز تۇيىپ قايتامىن دەپ ويلاماپ ەدىم، شينجياڭعا كەلۋ وڭاي بولسادا، تاس كاۋاپ جەپ قايتۋ وڭاي ءىس سانالمايدى »،-دەدى دوسىنىڭ قولىنان كاۋاپتى الىپ جاتقان ساياحاتشى سۇي جياجيا.

  ەرجانات «تاس كاۋاپتىڭ» ءۇشىنىشى ۇرپاق جالعاستىرۋشىسى، ەرجاناتتىڭ اكەسى باۋىرجان اعاي بيىل 55 جاستا، 13 جاسىنان باستاپ اكەسىنە ەرىپ تاس كاۋاپ جاساۋدى ۇيرەنگەن ەكەن، ودان بەرى تابانى كۇرەكتەي 42 جىل ۋاقىت ءوتىپتى. قازىر باۋىرجان اعايدىڭ وتباسى دورگىن قىستاعىنداعى اۋىل ساياجايىن اشىپ اۋقاتتانعان تيپتىك وتباسى سانالادى، ساياجاي «تاس كاۋاپ» جاساپ شىعاراتىندىقتان ساۋدا باستان-اياق توتەنشە كۇسەت بولىپ كەلگەن ەكەن.

  «بۇرىن ءبىزدىڭ ساياجاي تەك جاز ماۋسىمىندا اشىلاتىن، ءبىر جىلدا 50ـ60 مىڭ يۋان شاماسىندا كىرىس كىرگىزەتىنبىز، ساۋدامىز ايتارلىقتاي ەدى. ۇلىم جوعارى مەكتەپ بىتىرىپ كەلگەننەن بەرى ونىڭ ويى بويىنشا قىس ماۋسىمىندا دا ساياجايدىڭ ساۋداسىن ۇزبەي جالعاستىرىپ كەلەمىز»،-دەدى باۋىرجان اعاي.

  كىشكەنتايىنان اكەسىنىڭ جاساعان تاس كاۋابىن جەپ وسكەن ەرجانات جوعارى مەكتەپ بىتىرىپ كەلگەن سوڭ اكەسىنىڭ ونەرىن جالعاستىرىپ، شارۋاشىلىقتى شالقىتۋدى جوسپارلايدى. ەرجانات بىلاي دەدى: «ءبىزدىڭ ءۇي ساياجاي ساۋدانمەن شۇعىلدانعالى تالاي جىلدار بولدى، الايدا ءار جىلى قىس ماۋسىمىندا ساياجاي جابىلىپ قالاتىن، قازىر التاي ايماعىنىڭ ساياحاتتى زور كۇشپەن دامىتۋ ساياساتى بىزگە ۇلكەن وراي الا كەلدى، مەن وسى ورايدى مىقتى ۇستاپ، وتباسىمىزدىڭ ساياجايىن ۇزدىكسىز دامىتىپ ءتىپتى دە كوپ ادامداردىڭ ءبىزدىڭ ءۇيدىڭ تاس كاۋابىنان ءدام تاتۋىنا جاعداي جاراتسام دەيمىن».

  كەزەكتە شىڭگىل اۋدانى قىسقى ساياحاتتى دامىتۋعا بار كۇشىن سالىپ كىرىسۋدە، باۋىرجان اعايدىڭ وتباسى دا وسى ابزال ساياساتقا ءۇن قوسىپ، قىستا دەمالۋداي تيجارات تاسىلىنە بۇكىلدەي وزگەرىس ەنگىزدى.

  «قىس ماۋسىمى كىرگەننەن بەرى ءبىز اۋدانىمىزداعى ساياحات بايلىقتارىن ىشكەرىلەي اشا تۇسۋگە بار كۇشىمىزدى سالىپ جاتىرمىز. ساياحاتشىلاردىڭ ىشەر-اس، تۇرار جايىنان باستاپ تولعانىپ، ساياحاتشىلار ءۇشىن ءبىر جاعىنان تاماشا تابيعات كورىنىسىنەن ءلاززات السا، ەندى ءبىر جاعىنان تاڭدايدان كەتپەيتىن وڭىرلىك ەرەكشەلىككە باي ءدامدى تاعامداردان ءدام تاتىپ قايتۋدى ىسكە اسىراتىن ساياحات ورتاسىن دايىنداپ بەرۋدى ماقسات ەتىپ وتىرمىز. وسىلايشا ساياحاتشىلاردىڭ قالانىڭ ۋ-شۋىنان ءبىر ءسات بولسادا الىستاپ، جانعا جايلى، تىنىش تابيعاتتان ءلاززات الىپ، تىنىستاپ، دەمالىپ قايتۋىنا جاعداي جاساماقشىمىز. سونىمەن بىرگە ساياحاتشىلاردىڭ قاجەتىن قاناعاتتاندىرۋ ماقساتىندا ءبىز تاس كاۋاپ جاسايتىن گرۋپپا تاربيەلەمەكشىمىز، وسى ارقىلى ساياحاتشىلاردىڭ تاس كاۋاپقا بولعان قاجەتىن قاناعاتتاندىرۋمەن بىرگە شىڭگىل اۋدانى ساياحاتىنىڭ جاندانا تۇسۋىنە جانە ءبىر قىرىنان جول اشپاقشىمىز»،-دەدى شىڭگىل اۋداندىق ساياحات مەكەمەسىنىڭ ورىنباسا باستىعى جاڭ يانبيڭ.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى
  • التايدىڭ ءتىل جەتكىسىز التىن تاۋ ءمولدىر سۋى
  • مەملەكەتتىك كەڭەس كەڭسەسى 2019 – جىلعى مەرەكەلىك دەمالىس كۇندەرى جونىندەگى ورنالاستىرۋدى جاريالادى
  • اۆتونوميالى رايوندىق راديو ـ تەلەۆيزيا مەكەمەسى «كورىكتى شينجياڭنىڭ 40 جىلى» اتىنداعى كولەمدى حۇجاتتى فيلمدى تاراتادى
  • باس شۋجي شي جينپيڭنىڭ ەكولوگيالىق وركەنيەت قۇرىلىسى جونىندەگى ماڭىزدى بايىمداۋىن ىشكەرىلەي دايەكتىلەندىرىپ، وزەن - كول باستىعى ءتۇزىمىن جاپپاي اتقارىپ، شينجياڭنىڭ وزەن - كولدەرىنىڭ اناعۇرلىم تازا، تۇنىق بولۋىنا مۇمكىندىك جاساۋ كەرەك شوكىرات زاكىر، لي پىڭشين ماجىلىسكە قاتىناستى