اعاجاي-التاي تورابى   ›   اقپارات ايدىنى   ›   سۋرەتتى حابارلار

اۆتونوميالى رايوندىق راديو ـ تەلەۆيزيا مەكەمەسى «كورىكتى شينجياڭنىڭ 40 جىلى» اتىنداعى كولەمدى حۇجاتتى فيلمدى تاراتادى

  اۆتونوميالى رايوندىق راديو ـ تەلەۆيزيا مەكەمەسى ٴبىر جىلعا جۋىق ۋاقىت جۇمساپ جاساعان 10 سەريالى حۇجاتتى فيلم «كورىكتى شينجياڭنىڭ 40 جىلى» 12 ـ ايدىڭ 6 ـ كۇنى شينجياڭ تەلەۆيزياسىنىڭ حانزۋ ٴتىلى، ۇيعۇر ٴتىلى، قازاق ٴتىلى جالپىلىق ارناسىندا ٴبىرۋاقىتتا كورەرمەندەرمەن جۇزدەسەدى.

  2018 ـ جىل جۇڭگونىڭ رەفورما جاساپ، ەسىك اشقان 40 جىلى، شينجياڭ ەلىمىزبەن بىرگە رەفورمانىڭ شۋاعىنا شومىلدى. اسىرەسە، پارتيا 18 ـ قۇرىلتايىنان بەرى، اۆتونوميالى رايوندىق پارتكوم شينجياڭداعى ٴار ۇلت حالقىن ىنتىماقتاستىرىپ باستاپ، قيىنشىلىقتاردان قامال الىپ، كورىكتى شينجياڭنىڭ، جاراسىمدى شينجياڭنىڭ، باي ـ باقىتتى شينجياڭنىڭ كوركەم كارتيناسىن سىزىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تامىر تارتىپ تياناق تابۋىنا، اۆتونوميالى رايونىمىزدىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا بەرىك نەگىز قالادى.

  اۆتونوميالى رايوندىق پارتكوم ۇگىت ٴبولىمىنىڭ ورنالاستىرۋىمەن اۆتونوميالى رايوندىق راديو ـ تەلەۆيزيا مەكەمەسى رەفورما جاساپ، ەسىك اشقان 40 جىلدى قۇتتىقتاۋ ٴۇشىن، «كورىكتى شينجياڭنىڭ 40 جىلى» اتتى كولەمدى حۇجاتتى فيلمدى جوسپارلاپ جاساپ شىقتى. جان ـ جاقتىلى جوسپار جاساۋ جانە تەكسەرۋ ـ زەرتتەۋ نەگىزىندە بيىل شاعان مەرەكەسى باستالىسىمەن 100نەشە ادامنان قۇرالعان كەسكىنگە الۋ گرۋپپاسى 12 گرۋپپاعا ٴبولىنىپ، شينجياڭنىڭ جەر ـ جەرىنە بارىپ كەسكىنگە الۋ قىزمەتىن باستادى. كەسكىنگە الۋ گرۋپپاسىنداعىلار ٴتۇرلى قيىنشىلىقتى جەڭىپ، نەگىزگى ساتىعا بارىپ جان تەبىرەنتەرلىك اڭگىمەلەردى كەسكىنگە الىپ، شينجياڭنىڭ بايتاق دالاسىنداعى العا باسۋ مەن وركەنيەتتى اپپارات كوزى ارقىلى كەسكىنگە ٴتۇسىردى. 10 سەريالى حۇجاتتى فيلمدە 80 نەشە كەيىپكەردىڭ جاندى اڭگىمەسى باياندالدى، ولار شينجياڭنىڭ جەر ـ جەرىندەگى قوعامنىڭ ٴار سالاسىنداعى جاندى مىسال، رەفورما جاساپ، ەسىك اشۋدىڭ امالياتىن باستان كەشىرۋشىلەر، كۋاگەرلەر، قۇرۋشىلار جانە يگىلىكتەنۋشىلەر.

  

جاۋاپتى رەداكتور: ءاننا اكىمقان قىزى
  • باس شۋجي شي جينپيڭنىڭ ەكولوگيالىق وركەنيەت قۇرىلىسى جونىندەگى ماڭىزدى بايىمداۋىن ىشكەرىلەي دايەكتىلەندىرىپ، وزەن - كول باستىعى ءتۇزىمىن جاپپاي اتقارىپ، شينجياڭنىڭ وزەن - كولدەرىنىڭ اناعۇرلىم تازا، تۇنىق بولۋىنا مۇمكىندىك جاساۋ كەرەك شوكىرات زاكىر، لي پىڭشين ماجىلىسكە قاتىناستى
  • شي جينپيڭ ليسسابونعا بارىپ، پورتۋگاليا رەسپۋبليكاسىنداعى مەملەكەتتىك ساپارىن باستادى
  • شەكاراداعى ەرتەگى قالا ساياحاتشىلاردى باۋرادى
  • بوراننان ساقتانۋدىڭ كوك ءتۇستى ساقتىق سيگىنالى