اعاجاي-التاي تورابى   ›   اقپارات ايدىنى   ›   سۋرەتتى حابارلار

شي جينپيڭ ليسسابونعا بارىپ، پورتۋگاليا رەسپۋبليكاسىنداعى مەملەكەتتىك ساپارىن باستادى

  ورتالىق راديو-تەلەۆيزيا باس ستانسياسىنىڭ حابارى. جەرلىك ۋاقىت 12-ايدىڭ 4-كۇنى، مەملەكەت ءتوراعاسى شي جينپيڭ ليسسابونعا بارىپ، پورتۋگاليا رەسپۋبليكاسىنداعى مەملەكەتتىك ساپارىن باستادى.

  شي جينپيڭ وتىرعان ارناۋلى ايروپلان پورتۋگاليا كەڭىستىگىنە ەنگەن كەزدە، پورتۋگاليانىڭ ەكى اۋە ارميا تىك ۇشارى اۋەگە كوتەرىلىپ، قورعاۋشى بولدى. جەرلىك ۋاقىت تۇستەن بۇرىن ساعات 9 دان 20 مينۋت وتكەندە، ارناۋلى ايروپلان ليسسابون حالقارالىق اۋەجايىنا قوندى. شي جينپيڭ مەن زايىبى پىڭ لي يۋان ايروپلان بولمەسىنەن سىرتقا شىققاندا، پورتۋگاليانىڭ سىرتقى ىستەر مينيسترى شيرۆا قاتارلى ۇكىمەتتىڭ جوعارى دارەجەلى باسشىلارى ايروپلان ساتىسىنىڭ جانىندا تۇرىپ ىززەتپەن قارسى الدى. قىزىل كىلەم توسەلىپ، ەكى جاعىندا قۇرمەت قاراۋىلى قاز قاتار ءتىزىلىپ تۇردى.

  شي جينپيڭ جۇڭگو ۇكىمەتى مەن حالقى اتىنان پورتۋگاليا ۇكىمەتى مەن حالقىنا ىقلاستى سالەم جولدادى ءارى ىزگى تىلەك ءبىلدىردى. ول بىلاي دەدى: جۇڭگو مەن پورتۋگاليا ءداستۇرلى دوس ەلدەر. ەكى ەل قاتىناسى تارلان تاريحتى باستان كەشىرىپ، ۋاقىت پەن حالىقارالىق اۋمالى توكپەلى جاعدايلاردىڭ سىناعىنان سۇرىنبەي ءوتىپ، ۋاقىت وتكەن سايىن جاڭالانىپ، بەكي ءتۇستى. جۇڭگو مەن پورتۋگاليا قاتىناسى ءوزارا سەنىمدىلىك نەگىزىندە دامىپ كەلەدى. 1999-جىلى، ەكى ەل دوستىق كەڭەس ارقىلى اۋمىن ماسەلەسىن ۇيلەسىمدى شەشىپ، ەل مەن ەل اراسىنداعى تاريحي قالدىق ماسەلەنى شەشۋدىڭ ۇلگىسىنە اينالدى. جۇڭگو مەن پورتۋگاليا قاتىناسى سەلبەستىك بارىسىندا دامىدى. 2005-جىلى، ەكى ەل جالپى بەتتىك ستراتەگيالىق سەرىكتەستىك قاتىناس ورناتىپ، ءوزارا پايدا جەتكىزىپ سەلبەستىك جاساپ، قارقىندى دامۋدىڭ ارناسىنا ءتۇسىپ، ەكى ەل حالقىنا ناقتىلى يگىلىكتەر جاراتتى.

  شي جينپيڭ بىلاي دەپ باسا دارىپتەدى: كەلەر جىلى جۇڭگو مەن پورتۋگاليانىڭ ديپلوماتيالىق قاتىناس ورناتقاندىعىنا 40 جىل تولادى. بۇل ەكى جاقتىلى قاتىناستىڭ دامۋىنداعى تىڭ تاريحي باستاما. مەن دى سو سا پرەزيدەنت، كوستا زۇڭلي قاتارلى پورتۋگاليا باسشىلارىمەن كەڭەس وتكىزىپ جانە كەزدەسىپ، ەكى ەل سەلبەستىگىنىڭ بولاشاق دامۋ جوسپارىن پلانداۋدى اسىعا كۇتەمىن. ەكى جاقتىڭ ورتاق قۇلشىنىسىندا، جۇڭگو مەن پورتۋگاليانىڭ جالپى بەتتىك ستراتەگيالىق سەرىكتەستىك قاتىناسىنىڭ بولاشاعىنىڭ ءتىپتى دە كوركەم بولاتىندىعىنا كامىل سەنەمىن.

  ديڭ شۇە شياڭ، ياڭ جيەچى، ۋاڭ يي، حى ليفىڭ قاتارلىلار ارناۋلى ايروپلانمەن بىرگە باردى.

  جۇڭگونىڭ پورتۋگالياداعى باس ەلشىسى ساي رۇن اۋەجايعا بارىپ قارسى الدى. شي جينپيڭ پاناماداعى مەملەكەتتىك ساپارىن اياقتاعاننان كەيىن، پورتۋگالياعا بارعان بولاتىن. پانامادان اتتاناردا، پانامانىڭ پرەزيدەنتى ۆارەللا اۋەجايعا ارنايى بارىپ اتتاندىرىپ سالدى.

جاۋاپتى رەداكتور: ءاننا اكىمقان قىزى
  • شەكاراداعى ەرتەگى قالا ساياحاتشىلاردى باۋرادى
  • بوراننان ساقتانۋدىڭ كوك ءتۇستى ساقتىق سيگىنالى
  • ايماقتىڭ قىسقى ساياحاتى جاندانا ءتۇستى
  • اۆتونوميالى رايوندىق 9- كەزەكتى پارتكومنىڭ التىنشى جالپى ءماجىلىسى اشىلدى