اعاجاي-التاي تورابى   ›   اقپارات ايدىنى   ›   سۋرەتتى حابارلار

شەكاراداعى ەرتەگى قالا ساياحاتشىلاردى باۋرادى

  التاي گازەتىنىڭ ٴتىلشىسى لي چاڭدا مەن پراكتيكانت ٴتىلشى حان ليڭ حابارلايدى. 11 ـ ايدىڭ 30 ـ كۇنى اۆتونوميالى رايوندىق مادەنيەت جانە ساياحات مەڭگەرمەسى ۇسىنىس ەتكەن «ٴۇش 100» قىسقى قار ـ مۇز ساياحاتىن باستان كەشىرۋ ۇيىرمەسىندەگىلەر بۋىرشىن اۋدانى شۇڭقىر قالاشىعى قىزىلقايىڭ قىستاعىنداعى «قىزىل جاپىراق ۇلتتىق سالت ـ سانا قوناقجايىنا» بارىپ، ٴدامدى تاعامداردىڭ ٴدامىن تاتتى.

  سول كۇنى، 19 ـ ٴنومىرلى قوناقجايدىڭ يەسى گاۋھار ساياحاتشىلارعا قۇرت، باۋىرساق، ايران، اق شاي قاتارلى ەرەكشە ونىمدەردى ازىرلەدى. ودان كەيىن قوي ەتى، قۋىرداق قاتارلى قازاق ۇلتىنىڭ ٴدامدى تاعامدارىن ساياحاتشىلاردىڭ الدىنا تارتتى. «قۋىرداقتى سيىر ەتىنەن قۋىردىق، بۇل سوعىمنىڭ العاشقى قۋىرداعى، بيىلعى مول تابىس پەن كەلەر جىلعا دەگەن زور ٴۇمىتتى بەينەلەيدى» ـ دەدى گاۋھار.

  ساياحاتشىلار ٴدامدى تاعامداردىڭ ٴدامىن تاتىپ قالماستان، كوپشىلىك ازىرلەگەن ويىن نومىرلەرىن دە كوردى.

  ەرەكشە تاعامداردىڭ ٴدامىن تاتقاننان كەيىن، باستان كەشىرۋ ۇيىرمەسىندەگىلەر «قىزىل جاپىراق جاينار كەستەشىلىك بازاسىن» كوزدەن كەشىردى. سەلبەستىك كووپەراتيۆىنە ساياحات ەستەلىك بۇيىمدارى، ۇلتتىق كيىم قاتارلىلار قويىلعان، كوپشىلىك بۇل جەردەن دوس ـ جاراندارىنا ۇسىناتىن ساياحات بۇيىمدارىن ساتىپ الدى. ۇعىسۋعا قاراعاندا، 2017 ـ جىلى «قىزىلقايىڭ قىستاعى قىزىل جاپىراق جاينار كەستەشىلىك بازاسىن» قۇرىپ، 48 ايەل كووپەراتيۆكە مۇشە بولىپ، كووپەراتيۆ ماڭىنداعى 80 نەشە ايەلدى جۇمىستاندىرعان.

  ٴتىلشىنىڭ ۇعىسۋىنشا، قىستاق تۇرعىندارىنىڭ ٴوندىرىس ـ تۇرمىس شارت ـ جاعدايىن جاقسارتىپ، وزەن اڭعارىنداعى ەكولوگيالىق ورتانى قورعاۋ ٴۇشىن، قىزىلقايىڭ قىستاعى ساياحات لەنياسىنا جاقىن ورىننان 34 بەيقۇت ٴۇي سالىپ، بۋىرشىننان قاناسقا باراتىن تاس جولدىڭ بويىنا ورنالاسۋداي ابزالدىلىعىنا سۇيەنىپ، ۇلتتىق سالت ـ سانا قوناقجايى ساياحات قوعامىن قۇرىپ، قىستاق تۇرعىندارىن ۇلتتىق سالت ـ سانا قوناقجايىن دامىتىپ، ساياحاتشىلاردى جاتار ورىن، اس ـ سۋ قاتارلىلارمەن قامداۋعا جەتەلەگەن.

  ساناققا قاراعاندا، 11 ـ ايدىڭ 25 ـ كۇنىنە دەيىن بۋىرشىن اۋدانىنىڭ قابىلداعان ساياحاتشى سانى 5 ميلليون 386 مىڭ 800 ادامعا (رەتكە) جەتىپ، ۇقساس مەزگىلدەگىدەن %39.51 ارتقان. بيىل قىس پەن كەلەر جىلى كوكتەمدە بۋىرشىن اۋدانى شۇڭقىر قالاشىعىندا قىراۋ مەرەكەسى وتكىزىلەدى. سول كەزدە ساياحاتشىلار ات شاناعا وتىرىپ، اق كورپەسىن قىمتانعان ورماندى ارالاپ ساياحاتتايتىن بولادى.

جاۋاپتى رەداكتور: ءاننا اكىمقان قىزى
  • بوراننان ساقتانۋدىڭ كوك ءتۇستى ساقتىق سيگىنالى
  • ايماقتىڭ قىسقى ساياحاتى جاندانا ءتۇستى
  • اۆتونوميالى رايوندىق 9- كەزەكتى پارتكومنىڭ التىنشى جالپى ءماجىلىسى اشىلدى
  • الداعى ءۇش كۇندىك اۋا رايىنان الدىن–الا مالمەت