اعاجاي-التاي تورابى   ›   حابارلاندىرۋ

مىناداي ارەكەتتەردى اشكەرەلەسە، ەڭ جوعارى بولعاندا 600 مىڭ يۋان سيلىق بەرىلەدى

  12-ايدا، ءبىر قاتار جاڭا بەلگىلەمەلەر اتقارىلماقشى، ەندەشە بىرلىكتە نازار سالا كەتەيىك:

  مەملەكەتتىك زاڭ-بەلگىلەمەلەر

  ەڭ جوعارى بولعاندا 600 مىڭ يۋان سيلىق بەرىلەدى!

   «سارى، زاڭسىز باسىلىمداردى الاستاۋ» دى مالىمدەۋدەگى سيلاۋ ولشەمى جوعارلاتىلادى

  مەملەكەتتىك «سارى، زاڭسىز باسىلىمداردى الاستاۋ» قىزمەت شاعىن گرۋپپا كەڭسەسى، قازىنا مينستىرلىگى، مەملەكەتتىك احبارات باسپا ءسوز مەكەمەسى، مەملەكەتتىك باسپا ۇقىعى مەكەمەسى قاتارلى ءتورت سالا بىرلەسىپ، جاقىندا جاڭادان جاسالعان« ‹سارى، زاڭسىز باسىلىمداردى الاستاۋ قىزمەتىندەگى مالىمدەۋدى سيلاۋ امالىن» بىرلەسىپ وڭدەدى جانە جاريالادى، بۇل امال 12-ايدىڭ 1-كۇنى اتقارىلادى.

  امالدا،«سارى،زاڭسىز باسىلىمداردى الاستاۋ» دى مالىمدەۋدەگى سيلاۋ كولەمى، ولشەمى، ءتارتىبى جانە باقىلاۋ قاتارلى مازمۇندارىنا جىنتىكتەي تالداۋ جاسالىپ، كەمەلدەندىرىلدى. «سارى، زاڭسىز باسىلىمداردى الاستاۋ» دى مالىمدەۋدەگى سيلاۋ كولەمىنە جاتاتىن 16 ءتۇرلى جاعداي ايقىندالىپ، توراپتا جانە توراپتان سىرت يديالوگيا، مادەنيەت حاۋىپسىزدىگىنە، ازامات جاسىنا تولماعانداردىڭ دەنساۋلىق اقاۋسىزدىعىن زيانداۋعا، احبارات باسپا ءسوز سالاسىنىڭ تارتىبىندەگى ءارتۇرلى ‹سارى›عا ساياتىن ‹زاڭسىز› ماسەلەلەر قامتىلدى.

  امالدا تاعى مالىمدەۋدە ەڭبەك سىڭىرگەن ادامداردى سيلاۋ ولشەمىندەگى 11 ءتۇرلى احۋالعا ەگجەي-تەگجەيلى بەكتىم جاسالىپ، قاتىستى سيلاۋ ولشەمى جوعارلاتىلدى. ماسەلەن: زاڭسىز باسىلىم قيمىلدارىن مالىمدەسە، ەڭ جوعارى بولعاندا 600مىڭ يۋانمەن سيلانادى؛ ال ازامات جاسىنا تولماعانداردىڭ دەنساۋلىق اقاۋسىزدىعىن زيانداۋعا، الەۋمەتتىك ءمورال سيپاتىنداعى توراپ ينفورماتسياسى مەن توراپ پايدالانۋدى زيانداۋعا ساياتىن ىستەردى مالىمدەسە، ەڭ جوعارى بولعاندا 50 مىڭ يۋانمەن سيلانادى.

   بۇكىل مەملەكەتىمىزدەگى تاسجول جولاۋشى تاسىمالىندا‹ اسكەري كىسىلەردىڭ زاڭ بويىنشا الدىمەن ءجۇرىپ-تۇرۋىن› قامتاماسىزداندىراتىن بولدى

  جاقىندا، مەملەكەتتىك قاتىناس تاسىمال مينستىرلىگى، ورتالىق اسكەري ىستەر كوميتەتىنىڭ ارتقى شەپ قامتاماسىزداندىرۋ ءبولىمى بىرلەسىپ بۇكىل مەملەكەتتىك تاسجول جانە جولاۋشى تاسىمالى اۋماعىندا اسكەري كىسىلەردىڭ الدىمەن ءجۇرىپ-تۇرۋ ۇقىعىن قامتاماسىزداندىرۋ قىزمەتىن قانات جايدىرۋدى ورنالاستىردى.

  2018-جىلى 12-ايدىڭ 1-كۇنىنەن باستاپ، بۇكىل مەملەكەت كولەمىندەگى اۆتوموبيل جولاۋشى تاسىمال بەكەتى، تاسجول جولاۋشى تاسىمال جەلىسىندەگى تيجاراتشىلار بەلەت ساتۋ، حاۋىپسىزدىك تەكسەرۋ، كولىك كۇتۋ، كولىككە ءتۇسۋ قاتارلى تۇيىندەردە، اسكەري كىسىلەرگە زاڭ بويىنشا الدىمەن قىزمەت وتەۋدى ۇيعاردى.

  بۇل ءىس بۇكىل ەلىمىزدەگى تەمىرجول، تاسجول، سۋ جولى، اۆياتسيا قاتارلى قاتىناس تاسىمال ىستەرىنىڭ كوپ جاقتىلىقپەن اسكەري كىسىلەرگە زاڭ بويىنشا الدىمەن قىزمەت اۋقىمىن قالىپتاستىرۋىن ايگىلەگەندەي بولدى.

   كونە كينولاردى قايتالاي قويۋدا قايتا تەكسەرىلىپ، قويىلاتىن كينوحانالار 2500 دەن اسپاۋ تالاپ ەتىلدى

  مەملەكەتتىك كينو مەكەمەسى وتكەندە «ەل ىشىندە جاسالعان كينولاردى قايتالاي قويۋ ۋاقىتتىق بەلگىلەمەسىن» تاراتىپ، قايتالاي قويىلاتىن كينولاردىڭ ۋاقىتىن، كولەمىن، ءتارتىبىن تۇگەلدەي ارناعا ءتۇسىردى، بۇل جاڭا بەلگىلەمە 12-ايدىڭ 1-كۇنىنەن باستاپ اتقارىلادى.

  مۇندا قايتالاي قويىلاتىن كينولاردىڭ ءسوزسىز مازمۇنىن قايتالاي تەكسەرۋ مەن اشىق قويۋ رۇحسات كۋالىگىن قايتالاي تاراتۋ بەلگىلەندى، تاعى بارلىعىنىڭ قويىلاتىن كولەمى 2500 كينو زالىنان اسپاۋى، ءاربىر كينوحانالاردا قويىلعان قايتالاپ قويىلاتىن كينولاردىڭ كينو زالى بىرەۋدەن اسپاۋى بەلگىلەندى.
جاڭا نۇسقاداعى قاتەرلى زاتتاردى تاسجولدا تاسىمالداۋ ەرەجەسى اتقارىلاتىن بولدى

  2018-جىلى 8-ايدىڭ 29-كۇنى قاتىناس تاسىمال مينستىرلىگى «قاتەرلى زاتتاردى تاسجولدا تاسىمالداۋ ەرەجەسىن» جاريالادى (JT/T 617)، مۇندا ولشەمى 7 ءتۇرلى ءبولىمدى، 600 دەن استام بەتتى، 400 مىڭنا استام ءارىپتى قامتىپ، مازمۇنى تولىق تا جۇيەلى بولدى. بۇل ولشەم 2018-جىلى 12-ايدىڭ 1-كۇنىنەن باستاپ اتقارىلادى. 2018-جىلعى نۇسقاداعى «ەرەجە» 2004-جىلعى نۇسقاداعىمەن سالىستىرعاندا قاتەرلى زاتتاردى تاسجولدا تاسىمالداۋ حاۋىپسىزدىگىن باسقارۋ جاعىندا ءتىپتى دە ولشەمدەسكەن، قاعيدالاسقان جانە جۇيەلەسكەن ەدى.

  جاڭا «ەرەجە» دە قاتەرلى زاتتاردىڭ ادەتتەگى تالابى، تاسىمال تەكتەمەلىگى، كوپ ءتۇرلى ۇلاسپالىعى، ادام جەتىستىرۋ، قاتەرلى زاتتاردىڭ ءبولىنۋى، قوراپتالۋى، بەلگىسى، اماناتتامالى تاسىمال ءتارتىبى، ودان سوڭ تاسىمال مىندەتىنىڭ تالابى، تيەۋ-ءتۇسىرۋدى باسقارۋ تالابى، قوراپسىز تيەۋ-قۇمىرا فورماسىندا تاسىمالداۋدىڭ تيەۋ-ءتۇسىرۋ شارتى جانە مىندەتتىك تالابى قاتارلىلارعا تۇگەلدەي ايقىن بەلگىلەمە قويىلدى. «ەرەجە»دە قاتەرلى زاتتاردى تاسىمالداۋ شارتىنداعى تەكتەمەلىك، حالىقارالىق كوپ ءتۇرلى ۇلاسپالىعىنا قاتستى تالاپتار قوسىلىپ، ادام جەتىستىرۋ تالابى كەمەلدەنىپ، ءارقايسى قاتىسۋشى جاقتاردىڭ قىزمەتى مەن مىندەتى ىشكەرلەي ايقىندالدى.

  جامان ويمەن نەسيە كارتاسىندا امانات قويعانىنان ارتىق اقشا العانى 50 مىڭنان جوعارى بولسا، بەس جىلدان جوعارى مەرزىمدى قاماق جازاسى نەمەسە قاماۋ جازاسى بەرىلەتىن بولدى

ەڭ جوعارى حالىق سوتى، ەڭ جوعارى حالىق پروكراتۋراسى وسى ايدىڭ 28-كۇنى 12-ايدىڭ 1-كۇنى اتقارىلاتىن ءادىليالىق تۇسىنىكتى جاريالادى، جامان ويمەن نەسيە كارتاسىندا امانات قويعانىنان ارتىق اقشا الىپ، سانى 50 مىڭنان جوعارى بولىپ 500 مىڭعا تولماعان بولسا، قىلمىستى ىستەر زاڭىندا بەلگىلەنگەن جامان ويمەن نەسيە كارتاسىندا امانات قويعانىنان ارتىق اقشا الۋدىڭ‹سانى ءبىر شاما كوپ› بولىپ تۇراقتاندىرىلاتىن بولدى.

  ەلىمىزدىڭ قىلمىستى ىستەر زاڭىنىڭ 196-تارماعىنداعى بەلگىلەمەگە نەگىزدەلگەندە، جامان ويمەن نەسيە كارتاسىندا امانات قويعانىنان ارتىق اقشا الۋدا، سانى ءبىر شاما كوپ بولسا، بەس جىلدان تومەن مەرزىمدى قاماق جازاسى نەمەسە قاماۋ جازاسى بەرىلەدى، ءارى 20مىڭ يۋاننان جوعارى 200مىڭ يۋاننان تومەن ايىپ سالىنادى؛ سانى قوماقتى نەمەسە باسقالاي زاردابى اۋىر بولعاندار، بەس جىلدان جوعارى، ون جىلدان تومەن مەرزىمدى قاماق جازاسىنا ۇكىم ەتىلىپ، ءارى 50مىڭنان جوعارى 500مىڭنان تومەن ايىپ سالىنادى؛ سانى وتە قوماقتى نەمەسە باسقالاي زاردابى وتە اۋىر بولعاندار، ون جىلدان جوعارى مەرزىمدى قاماق جازاسىنا نەمەسە مەرزىمسىز قاماق جازاسىنا ۇكىم ەتىلەدى، ءارى 50مىڭنان جوعارى 500مىڭنان تومەن ايىپ سالىنادى نەمەسە مال-مۇلكى ءمۇسادىرالانادى .

  اۋدارعان: مارالبەك ابدىكارىم ۇلى

جاۋاپتى رەداكتور: ءاننا اكىمقان قىزى
  • بوراننان ساقتانۋدىڭ كوك ءتۇستى ساقتىق سيگىنالى
  • ايماقتىڭ قىسقى ساياحاتى جاندانا ءتۇستى
  • اۆتونوميالى رايوندىق 9- كەزەكتى پارتكومنىڭ التىنشى جالپى ءماجىلىسى اشىلدى
  • الداعى ءۇش كۇندىك اۋا رايىنان الدىن–الا مالمەت