اعاجاي-التاي تورابى   ›   مادەنيەت ارناسى   ›   بىلگەنگە مارجان

دوسىڭ قالاي بولسا ءومىرىڭ دە سولاي

  ءبىر جاس جىگىتتى تانۋشى ەدىم، مىنەزى اشىق-جارقىن، تانىس-بىلىستەرى دە مول بولاتىن، الايدا 8 جىل قىزمەت ىستەسەدە قىزمەتىنەن ەشقانداي ناتيجە جاراتا المادى، 8 جىلدا ايلىق كىرىسى تەك 800 يۋان عانا ارتقان.

  ول ۇنەمى تۇرمىستىڭ ادىلەتسىزدىگىن ايتىپ شاعىناتىن، مەن كەيىن ءبىراق بايقادىم، ونىڭ العا باسپاۋىنداعى سەبەپ بار ەكەن، ونىڭ قىزمەتتەن كەيىنگى ۋاقىتى الپىس اعايىن جەتپىس جەزدەسىمەن باس قوسۋدان اسا المايتىن ەدى.

  بىرەر جىلدىڭ الدىندا ول ءبىر قىزمەتتەسىمەن بىرلىكتە باتىس تاعامىن جاساۋ كلاسىنا تىزىمدەلىپ باتىس تاعامدارىن ۇيرەنبەكشى بولادى، الايدا ماڭايىنداعى ءبىر اقىلگوي دوسى وعان: « سوپتالداي جىگىت بولا تۇرىپ ۇيالماي تاماق جاساۋدى ۇيرەنەسىڭ بە»،- دەگەن ءبىر اۋىز سوزىنەن قايمىعىپ، بۇل ءىستى سول جەردە قويا سالادى.

  ال تاعام جاساۋ كلاسىنا قاتىناسقان قىزمەتتەسى بىرنەشە جىل ىشىندە شاعىن باتىس تاعامدارى اشحاناسىن اشىپ الادى، ساۋداسىنىڭ كولەمى ۇلكەن بولماسادا كىرىسى سەرىكتەستىكتە قىزمەت ىستەپ جۇرگەن كەزىنەن ەكى-ءۇش ەسە جوعارىلايدى.

  ءبىر جولى ول تاعى ءبىر قىزمەتتەسىمەن بىرلىكتە اعىلشىن ۇيرەنۋ كلاسىنا تىزىمدەلمەكشى بولىپ اعايىندارىنا ويىن بولىسكەن ساتتە اعايىندارى وعان: «بىزگە جوعارى ماعلۇماتتىڭ كەرەگى قانشا، ۇيرەنسەڭ دە ەش ءونىم شىعارا المايسىڭ، اقشانى بەكەر ءسىراپ ەتكەننەن باسقا ەشتەڭە جوق»،-دەيدى. اعىلشىن ۇيرەنگەن قىزمەتتەسى ەكى جىل تاباندىلىقپەن ۇيرەنۋدىڭ ارقاسىندا اعىلشىنشانى مۇدىرمەي سويلەيتىن دارەجەگە جەتەدى ءارى قىزمەتىن تاستاپ شەتەلدەگى ەل ارالىق سەرىكتەستىككە قىزمەتكە تۇرىپ كەتەدى.

  بايىپتاپ ويلاپ كورسەم، ونىڭ وسى كۇنگە قالۋى وزىنە ءتان يدەيا، سەنىمنىڭ جوق بولۋىمەن بىرگە ماڭايىنداعى اعايىندارى ونىڭ العاباسۋىنا ورالعى، كەسە كولدەنەڭ بولعان ەكەن. ادەتتە جۇمىس جوق بولا قالسا بولعانى باس قوسىپ، اراق ءىشىپ، ءبىر-بىرىنە قۇر ماقتانعانىمەن ماڭىزدى ساتكە كەلگەندە كەۋدەسىن قاعىپ شىعىپ كومەكتەسەر، جول سىلتەپ، كۇش-قايرات بەرەتىن بىرەۋى دە جوق ەدى. سوندىقتان مەن ۇنەمى مىنا ءبىر اۋىز ءسوزدى ايتقاندى ۇناتامىن:

  ءبىر عانا رەت كەلەتىن ءومىرىڭدى بەكەرگە وتكىزىپ المايىن دەسەڭ كەراناۋ ادامداردان ارالىقتى ساقتاپ جۇر، بۇل وتە ماڭىزدى.

  ويتكەنى، دوسىڭ قالاي بولسا ءومىرىڭ دە سولاي بولادى. سەنىڭ كىم ەكەنىڭ ماڭىزدى ەمەس، ەڭ ماڭىزدىسى سەنىڭ اينالاڭداعىلار كىمدەر.

  جاقسىلاردىڭ نۇر-شۋاعى ساعان دا جارىق سيلايدى

  جاقىندا ميكرو بلوكتا «وزات قىزدار جاتاعى» ەرەكشە دۇمپۋ قوزعادى. ءبىر جاتاقتاعى ءتورت قىز تۇگەلىمەن ايگىلى مەكتەپتەرگە ەمتيحانسىز اسپيرانتتىققا قابىلدانعان.

  قىزدار جوعارى مەكتەپكە قابىلدانعان العاشقى كۇنى كلاس جەتەكشىلەرى ەمتيحانسىز اسپيرانتتىققا قابىلدانۋ ءۇشىن، 100 وقۋشىنىڭ ىشىندە 3 جىل الدىڭعى ۇشتىك ورىندى تۇراقتى ساقتاي العان وقۋشى ەمتيحانسىز اسپيرانتتىققا قابىلدانا الادى دەيدى، بۇل ايتۋعا وڭاي بولعانىمەن ورىنداي الۋ توتەنشە قيىن ءىس ەدى.

  بۇل ءسوز بۇيجەتكەندەردىڭ ارمانىنا قانات بىتىرگەندەي بولادى، سول كۇننەن باستاپ-اق جاپالى ۇيرەنۋلەرىن باستاپ كەتەدى.

  ءتىلشى جاتاقتاس بويجەتكەندەرمەن سۇحباتتاسقاندا، ولار ءبىر اۋىزدان: «ءبىز ءاركۇنى ءبىر-بىرىمىزدى باقىلاپ، جەتەلەپ وتىردىق، بىرەۋىمىز ەرتە تۇرساق قالعانىمىز ونىمەن بىرلىكتە تۇرىپ كەتەمىز، ەگەر ىشىمىزدەگى بىرەۋ تۇرعىسى كەلمەسە، قالعانىمىز زورلاپ بولسادا ونى تۇرعىزىپ الىپ، كىتاپحاناعا بىرلىكتە باراتىنبىز»،-دەيدى. ايتا كەتەرلىگى، تاعى ءبىر بويجەتكەن قىزداردىڭ جاتاعىندا بولماسادا قىزدارمەن وتە تاتۋ ارالاسادى، ءار كۇنىءتورت بويجەتكەنمەن بىرلىكتە ۇيرەنۋدىڭ ارقاسىندا بۇل بويجەتكەن دە تاماشا ناتيجەمەن چيڭحۋا داشۋەسىنە ەمتيحانسىز اسپيرانتتىققا توتە قابىلدانادى.

  ادەت تەز اسەر ەتەدى، مەيلى ول جاقسى نە جامان بولسىن، قاسىڭداعى جانداردىڭ جاقسى ادەتى بەينە شام-شىراق سەكىلدى جانىڭا جارىق، نۇر ، كۇش-قۋات ، سەنىمدىلىك سيلايدى، ال جامان ادەت سەنى كۇننەن-كۇنگە ارتقا سۇيرەپ، كەرى كەتىرەدى.

  اقشانى ورىندى ىستەتە بىلەتىن ادامنىڭ شاشقىش دوسى بولمايدى؛

  كۇندەي كۇلىمدەپ جۇرەتىن جاننىڭ قاباعىنان قارجاۋىپ جۇرەتىن دوسى بولمايدى؛

  اق كوڭىل، اڭقاۋ ادامنىڭ ارامزا، پايداكوس دوسى بولمايدى.

  ۇزدىك، العاباسار ادامنىڭ ءبىر ماسەلەگە قاراتقان كوزقاراسى مەن ويلاۋ ءتاسىلى دارا بولادى، ال وسى ەرەكشەلىك اقىرىن-اقىرىن ماڭىنداعى ادامعا اسەر ەتە كەلە، كۇندەرىڭ كۇنىندە ول ادام ءوزىنىڭ وزگەرىپ كەتكەنىن سەزبەي دە قالادى.

  سەنىڭ ارالاساتىن دوستارىڭ مىنەزىڭە، سىر-سيپاتىڭا، جۇرىس-تۇرىسىڭا، ءتىپتى جەڭسىكە جەتە الۋ-الماۋىڭا تىكەلەي اسەر ەتەدى، ال مۇنداعى ەڭ ماڭىزدى ءتۇيىن ۋاقتتىڭ ەرتە-كەشتىگىندە ەمەس، سەنىڭ وسى مۇمكىندىكتى بايقاي الۋ-الماۋىڭدا.

اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى
  • الىپ تاۋلار ويعا شومىپ، جاسىل قاراعاي اق سىرعاسىن تاعىنىپتى-اۋ....
  • شينجياڭنىڭ قىسقى قار ـ مۇز ساياحات ونىمدەرىن جوبالاۋ جارىسىنىڭ سيلىق تاراتۋ سالتى التاي قالاسىندا وتكىزىلدى
  • الداعى ءۇش كۇندىك اۋا رايىنان الدىن-الا مالىمەت
  • قاپالاقتاپ قار گۇلى جاۋدى اپپاق...