اعاجاي-التاي تورابى   ›   مادەنيەت ارناسى   ›   بىلگەنگە مارجان

تاڭەرتەڭ ەرتە تۇراتىن ادام بارعان سايىن جاس كورىنەدى

  كەيدە ساعات بىرنەشە رەت شىرىلداعان كەزدە كوزىڭىزدى ازەر اشىپ، ورنىڭىزدان قينالا تۇرىپ، بەتى – قولىڭىزدى جۋىپ، اسىعىس – ۇسىگىس قىزمەتكە كەتەتىن شىعارسىز، ۋاقىتپەن جارىسقان مۇنداي جاعداي ءسىزدى ونان ارى شارشاتىپ، ميدىڭ قىزمەتىن باياۋلاتىپ، قىزمەت ونىمدىلىگىن تومەندەتەدى.

  زەرتتەۋ ناتيجەلەرىنە قاراعاندا، تاڭەرتەڭ ەرتە تۇراتىن ادام اناعۇرلىم جالىندى، اناعۇرلىم جاس كورىنەدى ەكەن. ەندەشە، ورنىڭىزدان ەرتەرەك تۇرىپ سىناپ كورىڭىز.

  ۇزاق ۋاقىت بويى ەرتە تۇرۋعا داعدىلانعان ادامدا ادەتتە تۇندە جاي ۇيىقتاۋ ادەتى بولمايدى، مۇنداي ادەت جاي ۇيىقتاۋدان تۋىندايتىن كوپتەگەن ناۋقاستاردىڭ الدىن الادى، وسىنداي جاقسى ادەتكە ءۇيىر ادامنىڭ دەنساۋلىعى اناعۇرلىم اقاۋسىز بولادى.

  ۇزاق ۋاقىت بويى ەرتە ۇيىقتاپ، ەرتە تۇرۋدى ادەتكە اينالدىرعان ادامنىڭ دەنەدەگى زات الماستىرۋى ىركىلىسسىز بولىپ، تەرىسى اناعۇرلىم جاقسى بولادى، مۇنداي ادەتتى ۇزاق ۋاقىت بويى جالعاستىرسا، كوز اينالاسىنداعى شارشاۋدان پايدا بولاتىن قارا داق تا وشكىندەيدى. كەشتە جاي ۇيىقتايتىن، ءتۇنى بويى ۇيىقتامايتىن، تاڭەرتەڭ ورنىنان جاي تۇراتىن ادامدارمەن سالىستىرعاندا، ەكەۋىنىڭ دە ۇيىقتاعان ۋاقىتى 7 ساعات بولعانىمەن، جاي ۇيىقتاپ، جاي تۇراتىن ادامدار قۋارىڭقى كورىنەدى.

  دەنەدەگى بيولوگيالىق ساعات جاقسى تارتىپكە تۇسسە، ىشەك-اسقازان قىزمەتى اناعۇرلىم تەبىندى بولىپ، تاڭەرتەڭ دارەتكە وتىرۋ ادەتىن قالىپتاستىرۋعا پايدالى بولادى. سوندىقتان، تەك تاڭەرتەڭ ورنىڭىزدان ەرتە تۇرا الساڭىز، تاماشا اجارلانۋ ونىمدىلىگىنە قول جەتكىزە الاسىز.

  ەندەشە، تاڭەرتەڭ قانداي ارەكەتتەرمەن شۇعىلدانسا، ءونىمى ەڭ جاقسى بولادى؟ ارينە، كەرىلىپ-سوزىلۋ، گيمناستيكا ويناۋ ارقىلى دەنەنى ارەكەتتەندىرۋ كەرەك.

  ۇيىقتاۋ بارىسىندا دەنە ارەكەتى توقتايتىندىقتان، «ۇيۋ» كۇيىندە بولادى. تاڭەرتەڭ ورنىڭىزدان تۇرعاندا ءبىرشاما جەڭىل ارەكەتتەردى جاساساڭىز، قول-اياقتى جازىپ، قان اينالىسىن تەزدەتۋگە بولادى، سونىمەن بىرگە، دەنەنىڭ جىلۋىنا ىلەسە زات اينالىسى دا جاقسارا تۇسەدى، وسىلايشا كۇنى بويى جالىندى جۇرەسىز.

  تاڭەرتەڭ ەرتە تۇرۋ ءسىزدى بارعان سايىن سۇلۋلاندىرۋدان سىرت، بارعان سايىن زەرەك بولا تۇسەسىز. ويتكەنى، ۇزاق ۋاقىت بويى ەرتە تۇراتىن ادامنىڭ مي كلەتكالارى بولسىن، نەرۆ كلەتكالارى بولسىن، عۇمىرى مەن ومىرشەڭدىك قۋاتى اناعۇرلىم كۇشتى بولادى، بۇل ولاردىڭ اناعۇرلىم ويداعىداي سەرگەكتىك پەن شۇعىل رەفلەكس قابىلەتىنە يە ەكەنىن كورسەتەدى، سوندىقتان، ادام بارعان سايىن قاعىلەز، زەرەك بولىپ، جۇمىس ونىمدىلىگى مەن تابىستى بولۋ مولشەرى الدە قايدا جوعارى بولادى.

  ەرتە تۇرۋ ارقىلى مازاسىزدانۋ سەزىمىن باسەڭدەتۋگە بولادى، كۇندىزگى ۋاقىتىڭىز «ۇزارىپ»، باسقالاردان 2 ساعات ارتىق ۋاقىتىڭىز بولعانداي بولاسىز، مۇنداي ساتتە ۋاقىتپەن تاي-تالاسىپ جۇمىس ىستەمەيسىز، قايتا ۋاقىت ءسىزدىڭ «بيلىگىڭىزدە بولادى». سونىمەن بىرگە، ۋاعىندا دەمالىپ، تاڭەرتەڭ ەرتە ورنىنان تۇراتىن ادامنىڭ جابىعۋ ناۋقاسىنا شالدىعۋ حاۋپى اناعۇرلىم تومەن بولادى.

  تاڭەرتەڭ ەرتە تۇرۋعا ادەتتەنەمىن دەسەڭىز، الدىمەن ءوزىڭىز ۇناتاتىن ىستەردەن باستاپ سىناپ كورىڭىز.

  ءوزىڭىز ۇناتاتىن ءىس ءۇشىن ءبىر ساعات، ياكي، جارىم ساعات بۇرىن ورنىڭىزدان تۇرىڭىز، ءتىپتى بۇرىنعىدان 10 مينۋت بۇرىن ورنىڭىزدان تۇرا الساڭىز دا بۇرىنعىدان وزگەرە باستاعانىڭىزدى بايقايسىز. بۇل بۇكىلدەي سىزگە تاۋەلدى ۋاقىت، بۇل شاقتا ءسىز جازىپ-سىزۋ، گۇل باپتاۋ، جۇگىرۋ، سۋرەت سالۋ قاتارلى وزىڭىزگە ۇنايتىن ءارقانداي ىسپەن شۇعىلداناسىز، بەينە، بۇل ۋاقىت سىزگە سىرتتاي سيعا بەرىلگەندەي سەزىنەسىز.

جاۋاپتى رەداكتور: ءاننا اكىمقان قىزى
  • ءار كۇنگە ارنالعان ءتيىمدى 8 داعدى
  • «شينجياڭدى قىستا ساياحاتتاۋــ جۇڭگوداعى قارلى مەكەن التايعا ساياحات» اتىنداعى قار-مۇز ساياحات بايلىعىن ۇگىتتەۋ-تانىستىرۋ جينالىسى التاي قالاسىندا وتكىزىلدى
  • التاي قالاسىنىڭ تۇنگى كورىنىسى
  • كوكتوعاي قالاشىعىنداعى تالات قىستاعىنىڭ «ەرتىس وزەنىندەگى ءبىرىنشى قىستاق» دەگەن داڭقى بار