اعاجاي-التاي تورابى   ›   اقپارات ايدىنى   ›   سۋرەتتى حابارلار

«شينجياڭدى قىستا ساياحاتتاۋــ جۇڭگوداعى قارلى مەكەن التايعا ساياحات» اتىنداعى قار-مۇز ساياحات بايلىعىن ۇگىتتەۋ-تانىستىرۋ جينالىسى التاي قالاسىندا وتكىزىلدى

      ءوز ءتىلشىمىز جۋ ءداندان حابارلايدى. 11-ايدىڭ 26-كۇنى، «شينجياڭدى قىستا ساياحاتتاۋ ــ جۇڭگوداعى قارلى مەكەن التايعا ساياحات» اتىنداعى قار-مۇز ساياحات بايلىعىن ۇگىتتەۋ-تانىستىرۋ جينالىسى التاي قالاسىندا وتكىزىلدى. اۆتونوميالى رايوندىق مادەنيەت-ساياحات مەڭگەرمەسى پارتگرۋپپاسىنىڭ مۇشەسى جانە ورىنباسار باستىعى گۇلي ءابىلىم، اۆتونوميالى رايوندىق مادەنيەت-ساياحات مەڭگەرمەسىنىڭ باسقارما باستىعى جاڭ جيە، اۆتونوميالى رايوندىق مادەنيەت-ساياحات مەڭگەرمەسىنىڭ باسقارما باستىعى جاڭ چۋنميڭ، ايماقتىق پارتكومنىڭ مۇشەسى گۇلنۇر نۇرقالي قىزى، ايماقتىق پارتكومنىڭ مۇشەسى جانە ايماقتىق اكىمشىلىك مەكەمەسىنىڭ ورىنباسار ءۋاليى ۋاڭ جيۇن–ان قاتارلىلار وسى جولعى جينالىسقا قاتىناستى.

  ايماقتىق ساياحات مەكەمەسى ۇگىتتەۋ-تانىستىرۋ ورتالىعىنىڭ مەڭگەرۋشىسى نيە پيڭ التايدىڭ ساياحات بايلىعىنا تانىستىرۋ- ۇگىتتەۋ جاسادى، بۇل جولعى ۇگىتتەۋ جينالىسىندا حايۋاناتتاردى ساياحات وبرازى ەتىپ الۋ ارقىلى جەرگىلىكتى مالشى پەرەزەنتتەرىنىڭ پاك تە شىنايى كۇلكىسى، قىستاعى اپپاق قارمەن قاناس كولىنىڭ ءموپ-ءمولدىر كوگىلدىر سۋى قاتارلى كوپتەگەن ەلەمەنتتەر تولىق ايگىلەندى.

  التايداعى جەرگىلىكتى ساياحات-ساۋدا جاۋاپتىسى كورىنىس رايونىمەن ساياحات جەلىسىنە قاتىستى تانىستىرۋلار جاسادى. وسى جولعى ساياحات بايلىعىن ۇگىتتەۋ-تانىستىرۋ جينالىسىنىڭ ماقساتى: ءتىپتى دە كوپ ساياحاتشىلاردى قىستا التايعا كەلىپ ساياحاتتاۋعا باۋراۋ .

  سۋجوۋ قار شاڭعى كلوبىنىڭ جاۋاپتىسى جۇڭ بيڭ بىلاي دەدى: «التايدىڭ قار-مۇز ساياحات بايلىعى مول، ۇكىمەتتىڭ ساياحات ىستەرىنە بولعان ىقىلاسى مەن قولداپ-قۋاتتاۋى توتەنشە بەلسەندى. التاي ساياحاتىنداعى جەرگىلىكتى پايدالاناتىن العاشقى ماتەريال قۇرىلعىلارىنىڭ كولەمىن بۇرىن تەك ۇگىت قاعازىنان كورەتىنبىز، وسى جولى شىنايى كورىنىس ارقىلى بەينەلەپ ءبىزدى تاڭ-تاماشا ەتتى، ءبىز قايتىپ بارعاننان كەيىن قاتىستى قار- مۇزدان سىرعاناۋ ساياحات ونىمدەرىن جوبالاپ، وڭتۇستىك جۇڭگوداعى قوناقتاردىڭ التايعا، شينجياڭعا كەلىپ ساياحاتتاۋىنا ۇگىت جاسايتىن بولامىز».

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى
  • «شينجياڭدى قىستا ساياحاتتاۋــ جۇڭگوداعى قارلى مەكەن التايعا ساياحات» اتىنداعى قار-مۇز ساياحات بايلىعىن ۇگىتتەۋ-تانىستىرۋ جينالىسى التاي قالاسىندا وتكىزىلدى
  • التاي قالاسىنىڭ تۇنگى كورىنىسى
  • كوكتوعاي قالاشىعىنداعى تالات قىستاعىنىڭ «ەرتىس وزەنىندەگى ءبىرىنشى قىستاق» دەگەن داڭقى بار
  • الداعى ءۇش كۇندىك اۋا رايىنان الدىن-الا مالىمەت