اعاجاي-التاي تورابى   ›   اقپارات ايدىنى   ›   ماڭىزدى حابارلار

شي جينپيڭ ورتالىق اسكەري ىستەر كوميتەتىنىڭ ساياسات - ءتۇزىم رەفورماسى قىزمەتى ماجىلىسىندە اسكەري ىستەر ساياسات - ءتۇزىم رەفورماسىن ىلگەرىلەتۋدىڭ ماڭىزدىلىعى مەن كوكەي تەستىلىگىن جەتە تانىپ، جۇڭگوشا سوتسياليستىك اسكەري ىستەر ساياسات - ءتۇزىم جۇيەسىن ورناتۋدى، اقاۋسىزداندىرۋدى باسا دارىپتەدى

  ورتالىق اسكەري ىستەر كوميتەتىنىڭ ساياسات - ءتۇزىم رەفورماسى قىزمەتى ءماجىلىسى 11 - ايدىڭ 13 - كۇنىنەن 14 - كۇنىنە دەيىن بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق اسكەري ىستەر كوميتەتى مەملەكەت قورعانىسى مەن ارميا رەفورماسىن تەرەڭدەتۋگە باسشىلىق ەتۋ گرۋپپاسىنىڭ باستىعى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

  شينحۋا اگەنتتىگىنىڭ 11 - ايدىڭ 14 - كۇنى بەيجيڭنەن بەرگەن حابارى (تىلشىلەر لي شۋانلياڭ، مەي شىشيۇڭ). ورتالىق اسكەري ىستەر كوميتەتىنىڭ ساياسات - ءتۇزىم رەفورماسى قىزمەتى ءماجىلىسى 11 - ايدىڭ 13 - ، 14 - كۇندەرى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق اسكەري ىستەر كوميتەتى مەملەكەت قورعانىسى مەن ارميا رەفورماسىن تەرەڭدەتۋگە باسشىلىق ەتۋ گرۋپپاسىنىڭ باستىعى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. ول مىنالاردى باسا دارىپتەدى: اسكەري ىستەر ساياسات - ءتۇزىم اسكەري ىستەر قارىم - قاتىناسىن رەتتەپ، اسكەري ىستەر امالياتىن جۇيەگە ءتۇسىرىپ، اسكەري ىستەردىڭ دامۋىن قامتاماسىز ەتەدى، اسكەري ىستەر ساياسات - ءتۇزىم رەفورماسى پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن ىسكە اسىرۋدا، حالىق ارمياسىن دۇنيە ءجۇزى بويىنشا ماڭدايعا باسار ارميا ەتىپ جاپپاي قۇرىپ شىعۋدا، «قوس 100 جىلدىق» كۇرەس نىساناسىن ىسكە اسىرۋدا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا كەلەلى مانگە يە. اسكەري ىستەر ساياسات - ءتۇزىم رەفورماسىن ىلگەرىلەتۋدىڭ ماڭىزدىلىعى مەن كوكەي تەستىلىگىن جەتە تانىپ، يدەيانى بىرلىككە كەلتىرىپ، سەنىمدى بەكەمدەپ، قادامدى بىركەلكىلەندىرىپ، اسكەري ىستەر ساياسات - ءتۇزىم رەفورماسى مىندەتىن جاقسى ورىنداۋ كەرەك.

  شي جينپيڭ سوزىندە بىلاي دەپ اتاپ كورسەتتى: توڭكەرىس، قۇرىلىس، رەفورما سىندى ءاربىر تاريحي كەزەڭدە پارتيامىز جاعدايدىڭ دامۋ وزگەرىسىنە، پارتيانىڭ تاريحي بورىشىنا، حالىق ارمياسى ارقالاعان جاۋاپكەرشىلىك پەن مىندەتكە ساي، ارميانى قۇرۋ، ارميانى جونگە سالۋ ەرەكشەلىگىنە، قاعيداسىنا جانە امالياتتىق تالابىنا نەگىزدەلىپ، اسكەري ىستەردەگى ساياسات - ءتۇزىمدى ۇزبەي رەتتەپ جانە كەمەلدەندىرىپ، حالىق ارمياسىنىڭ قاسيەتى مەن ماقساتىن ماڭگى ساقتاۋىن، جەڭىپ شىعۋ قابىلەتىن جوعارىلاتۋىن، جەڭىستەن - جەڭىسكە ۇزبەي جەتە بەرۋىن ماڭىزدى كەپىلمەن قامدادى.

  شي جينپيڭ بىلاي دەپ باسا دارىپتەدى: جۇڭگوشا سوتسياليزم جاڭا داۋىرگە ءوتتى، مەملەكەت قورعانىسى مەن ارميا قۇرىلىسى دا جاڭا داۋىرگە ءوتتى، اسكەري ىستەر ساياسات - ءتۇزىمىنىڭ تەرەڭ قاتپارلى قايشىلىقتارى مەن ماسەلەلەرىن شەشۋ، مەملەكەت قورعانىسى جانە ارميا رەفورماسىن تەرەڭدەتۋ رولىن جاپپاي ىسكە قوسۋ، ارميانى قۇدىرەتتەندىرۋ ءىسىنىڭ جاڭا جاعدايىن اشۋ، اسكەري باسەكە مەن سوعىس ىرىقتىلىعىن يگەرۋ اۋقىمنىڭ، مىندەتتىڭ دامۋ تالابىنا ۇيلەسۋدى، اسكەري ىستەردىڭ ساياسات - تۇزىمىنە جۇيەلى، تەرەڭ رەفورما جاساۋدى قاجەت ەتەدى.

  شي جينپيڭ بىلاي دەپ اتاپ كورسەتتى: اسكەري ىستەر ساياسات - ءتۇزىم رەفورماسىنىڭ جەتەكشى يدەياسى − جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن جەتەكشى ەتىپ، جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، پارتيانىڭ ارمياعا ابسوليۋتتى باسشىلىعىن نۇسقاۋ ەتۋگە، جاۋىنگەرلىك قۋاتتى بىردەن - ءبىر ءتۇبىرلى ولشەم ەتۋگە، اسكەريلەردىڭ بەلسەندىلىگىن، ىرىقتىلىعىن، جاسامپازدىعىن قوزعاۋدى كۇش سالۋ ءتۇيىنى ەتۋگە كەپىلدىك ەتىپ، جۇيەلى جوسپارلاپ، كورەگەندىكپەن جوبالاپ، جاڭالىق اشا دامىپ، جالپى جاقتان قايتا سومداپ، جۇڭگوشا سوتسياليستىك اسكەري ىستەر ساياسات - ءتۇزىم جۇيەسىن ورناتىپ، اقاۋسىزداندىرىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋدى، حالىق ارمياسىن دۇنيە ءجۇزى بويىنشا ماڭدايعا باسار ارميا ەتىپ جاپپاي قۇرىپ شىعۋدى ساياسات، ءتۇزىم جاعىنان پارمەندى قامتاماسىز ەتۋ كەرەك.
 شي جينپيڭ بىلاي دەپ باسا دارىپتەدى: ارميامىزدىڭ پارتيا قۇرىلىسى ءتۇزىمى رەفورماسىن تەرەڭدەتىپ، جاڭا داۋىردەگى پارتيا قۇرىلىسىنىڭ باس تالابىن دايەكتىلەندىرىپ، پارتيا ۋستاۆىن ءتۇبىرلى ولشەم ەتىپ، ارميانىڭ پارتيا ساياسي قۇرىلىسى، يدەيا قۇرىلىسى، ۇيىمدىق قۇرىلىسى، ستيل قۇرىلىسى، ءتارتىپ قۇرىلىسى ءتۇزىمىن كەمەلدەندىرىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعايتىن، پارتيانىڭ ارمياعا ابسوليۋتتى باسشىلىعىنا كەپىلدىك ەتەتىن ارميامىزدىڭ پارتيا قۇرىلىسى ءتۇزىمىن قالىپتاستىرۋ كەرەك.

  ورتالىق اسكەري ىستەر كوميتەتىنىڭ ساياسات - ءتۇزىم رەفورماسى قىزمەتى ءماجىلىسى 11 - ايدىڭ 13 - كۇنىنەن 14 - كۇنىنە دەيىن بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق اسكەري ىستەر كوميتەتى مەملەكەت قورعانىسى مەن ارميا رەفورماسىن تەرەڭدەتۋگە باسشىلىق ەتۋ گرۋپپاسىنىڭ باستىعى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

  شي جينپيڭ بىلاي دەپ اتاپ كورسەتتى: اسكەري كۇشتەرگە قولدانىلاتىن ساياسات - تۇزىمگە جاڭالىق ەنگىزىپ، مەملەكەتتىڭ حاۋىپسىزدىك ستراتەگيالىق قاجەتىنە ۇيلەسىپ، نازاردى سوعىس جۇرگىزە الۋعا، جەڭىستى سوعىس جۇرگىزۋگە شوعىرلاندىرىپ، اسكەري ستراتەگياعا جەتەكشىلىك ەتۋ ءتۇزىمىن جاڭالاپ، بىرلەسىپ شايقاس جۇرگىزۋ زاڭ ەرەجە جۇيەسىن ورناتىپ، سوعىسقا دايىندالۋ ءتۇزىمىن رەتتەپ، كەمەلدەندىرىپ، بىرلەسكەن، جايشىلىقتا سوعىسقا ازىرلەنۋ مەن سوعىستا شۇعىل جاعدايعا توتەپ بەرۋ ءبىر تۇلعالانعان نەگىزىندەگى اسكەري كۇشتەرگە قولدانىلاتىن ساياسات - ءتۇزىمدى قالىپتاستىرىپ، جاڭا داۋىردەگى ارميامىزدىڭ بورىشى مەن مىندەتىن جاپپاي اتقارۋ كەرەك.

  شي جينپيڭ بىلاي دەپ باسا دارىپتەدى: اسكەري كۇش قۇرىلىسى ساياسات - ءتۇزىمىن قايتادان سومداپ، اسكەري ادام كۇش بايلىعى ءتۇزىم جۇيەسىن جوبالاۋدى كۇشەيتىپ، وفيتسەرلەردى كاسىبيلەندىرۋ ءتۇزىمىن ورناتىپ، اسكەريلەردىڭ مامىلەسىن قامتاماسىز ەتۋ ءتۇزىمىن ساپالىلاندىرىپ، اسكەرلەردىڭ داڭق جۇيەسىن ورناتىپ، كەمەلدەندىرىپ، اسكەري جاتتىعۋ، جابدىقتاردى دامىتۋ، ارتقى شەپ قۇرىلىسى، اسكەري ىستەر عىلمي زەرتتەۋى، مەملەكەت قورعانىسىنا جۇمىلدىرۋ، اسكەري سالا مەن ازاماتتىق سالانى توعىستىرۋ قاتارلى جاقتارداعى ساياسات - ءتۇزىم رەفورماسىن ءبىر تۇتاس جوسپارلاپ ىلگەرىلەتىپ، نازاردى سوعىس جۇرگىزۋگە، جاڭالىق اشۋعا شابىتتاندىرۋعا، اسكەري سالا مەن ازاماتتىق سالانى توعىستىرۋعا شوعىرلاندىرعان اسكەري كۇش قۇرىلىسى ساياسات - ءتۇزىمىن قالىپتاستىرىپ، جاۋىنگەرلىك قۋاتتى اناعۇرلىم جاقسى ازات ەتۋ جانە دامىتۋ كەرەك.

  شي جينپيڭ بىلاي دەپ اتاپ كورسەتتى: اسكەري ىستەردى باسقارۋ ساياسات - ءتۇزىم رەفورماسىن ىلگەرىلەتىپ، ستراتەگيالىق باسقارۋ ءتۇزىمىن جاڭالاپ، اسكەري قاراجاتتى باسقارۋ ءتۇزىمىن ورناتىپ، اسكەري بايلىقتى ءبىر تۇتاس جوسپارلاپ ورنالاستىرۋدى كۇشەيتىپ، زاڭ ەرەجە، ءتۇزىم قۇرىلىسىنىڭ شوعىرلانۋىن، اسكەري زاڭ ەرەجەلەردىڭ زاڭ جيناعىنا اينالۋىن ىلگەرىلەتىپ، اسكەري، ءادىليا ءتۇزىم رەفورماسىن ىلگەرىلەتىپ، ءدال، جوعارى ءونىمدى، جاپپاي ارناعا تۇسكەن، قاتاڭ شەكتەيتىن اسكەري ىستەردى باسقارۋ ساياسات - ءتۇزىمىن قالىپتاستىرىپ، اسكەري ىستەر جۇيەسىنىڭ اينالىم قۋاتىن جوعارىلاتىپ، ارميامىزدىڭ جوعارى ساپامەن دامۋىن ىلگەرىلەتۋ كەرەك.

  شي جينپيڭ مىنالاردى باسا دارىپتەدى: بۇكىل ارميا پارتيا ورتالىق كوميتەتى مەن ورتالىق اسكەري ىستەر كوميتەتىنىڭ اسكەري ىستەر ساياسات - ءتۇزىم رەفورماسى جونىندەگى شەشىمدەرىن، ورنالاستىرۋلارىن تياناقتاندىرۋدى كەلەلى ساياسي جاۋاپكەرشىلىك ساناپ، بورىش پەن جاۋاپكەرشىلىكتى كۇشەيتىپ، تىڭعىلىقتى ۇيىمداستىرىپ اتقارىپ، پارمەندى، ءتارتىپتى ىلگەرىلەتۋ كەرەك. يدەيانى بىرلىككە كەلتىرۋ قىزمەتىن مىقتاپ يگەرىپ، بۇكىل ارميانى اسكەري ىستەر ساياسات - ءتۇزىم رەفورماسىنىڭ كەلەلى ءمانىن تەرەڭ تانۋعا جانە يگەرۋگە جەتەكشىلىك ەتىپ، ساياسي جانە جالپى جاعداي تۇرعىسىندا سانالىلىقپەن تۇرىپ رەفورمانى تانۋ، رەفورمانى قولداۋ، رەفورماعا بويسۇنۋ كەرەك. ءار دارەجەلى، اسىرەسە، جوعارى دارەجەلى كادرلار «ءتورت تانىمدى» كۇشەيتىپ، باستاماشىلدىقپەن ساياسيدى دارىپتەپ، جالپى جاعدايمەن ساناسىپ، تارتىپكە بويسۇنىپ، رەفورمانى جەبەپ، جاۋاپكەرشىلىكتى ادا ەتۋ كەرەك. جاۋاپكەرشىلىكتى تياناقتاندىرۋ قىزمەتىن مىقتاپ يگەرىپ، فۋنكتسيا جانە مىندەت ءبولىسى بويىنشا ساياسات - ءتۇزىمدى بەلگىلەۋ جانە تياناقتاندىرۋ قىزمەتىن مىقتاپ يگەرىپ، رەفورما شارالارىن سايكەستىرۋدى، ۇشتاستىرۋدى كۇشەيتىپ، رەفورما ءۇردىسىن جالپىلىق مەڭگەرۋدى كۇشەيتىپ، رەفورمانى تياناقتاندىرۋ احۋالىن قۋزاۋ - تەكسەرۋدى كۇشەيتىپ، رەفورمانىڭ تۇراقتانعان ورنالاستىرۋعا ساي العا ىلگەرىلەۋىنە كەپىلدىك ەتۋ كەرەك. ءبىر تۇتاس جوسپارلاپ سايكەستىرۋ قىزمەتىن مىقتاپ يگەرىپ، رەفورمانىڭ شۇعىل سۇرانىسىن، سوعىس دايىندىعى زارۋلىگىن، كوماندير - جاۋىنگەرلەردىڭ كوكەي تەستى تىلەگىن كورنەكتىلەندىرىپ، ءبىر توپ ساياسات - ءتۇزىمدى دەرەۋ العا قويۋ كەرەك.

  شي جينپيڭ بىلاي دەپ اتاپ كورسەتتى: اسكەري ىستەر ساياسات - ءتۇزىم رەفورماسىن ىلگەرىلەتۋ − ارميا مەن جەرگىلىكتى ورىننىڭ ورتاق مىندەتى، ورتالىق پەن مەملەكەت ورگاندارى، جەرگىلىكتى ءار دارەجەلى پارتكومدار مەن ۇكىمەتتەر ارميا رەفورماسىنا كوڭىل ءبولۋى، قولداۋى، ارقالاعان رەفورما مىندەتتەرىن جاقسى تياناقتاندىرۋى، ارميا مەن جەرگىلىكتى ورىن بىرلەسكەن تاماشا جاعداي قالىپتاستىرۋى كەرەك.

  ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى، ورتالىق اسكەري ىستەر كوميتەتى مەملەكەت قورعانىسى مەن ارميا رەفورماسىن تەرەڭدەتۋگە باسشىلىق ەتۋ گرۋپپاسىنىڭ ۇنەمىلىك ىستەرگە جاۋاپتى ورىنباسار باستىعى شۇي چيلياڭ رەفورمانى اتقارۋ قىزمەتىنە ورنالاستىرۋ جاسادى، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى، ورتالىق اسكەري ىستەر كوميتەتى مەملەكەت قورعانىسى مەن ارميا رەفورماسىن تەرەڭدەتۋگە باسشىلىق ەتۋ گرۋپپاسىنىڭ ورىنباسار باستىعى جاڭ يوۋشيا رەفورما مىندەتتەرىن تياناقتاندىرۋ جونىندە تالاپ قويدى.
 ورتالىق اسكەري ىستەر كوميتەتىنىڭ مۇشەلەرى ۋي فىڭحى، لي زوچىڭ، مياۋ حۋا، جاڭ شىڭمين ماجىلىسكە قاتىناستى. اسكەري ىستەر كوميتەتى ورگانىنىڭ ءارقايسى تاراۋلارىنداعى، بۇكىل ارميانىڭ ءارقايسى ۇلكەن ورىندارىنداعى جاۋاپتى جولداستار ماجىلىسكە قاتىناستى، ورتالىقتىڭ جانە مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.

جاۋاپتى رەداكتور: ءاننا اكىمقان قىزى
  • وڭتۇستىك اۆياتسيا سەرىكتەستىگى التايدا ۇگىت قيمىلىن ورىستەتتى
  • قار شاڭعى الاڭدارى ىركەس ـ تىركەس اشىلدى
  • الداعى ءۇش كۇندىك اۋارايىنان الدىن-الا مالىمەت
  • ايماقتىق پارتكوم ايماقتىق پارتكوم مۇشەلەرىنىڭ 20 ـ رەتكى (كەڭەيتىلگەن) ٴماجىلىسىن اشتى