اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

تامشىلاتىپ سۋارۋ ارقىلى سۋ ۇنەمدەپ قىستاق تۇرعىندارىنىڭ كىرىسىن ارتتىرۋعا كومەكتەستى

  التاي گازەتىنىڭ ءتىلشىسى جۇڭ چۇنچۇن مەن ەرىكتى تىلشىلەر ليۋ ليانليان، لۇي فىڭپيڭ حابارلايدى. 10 ـ ايدىڭ 27 ـ كۇنى قابا اۋدانى كولىباي اۋىلى قايىڭدى ارال قىستاعىنىڭ تۇرعىنى لياڭ داجٷننىڭ ەگىس اتىزىندا ەكى ءىرى تۇرپاتتى اۋىل شارۋاشىلىق ماشيناسى سۋ قۇبىرىن جەرگە كومىپ جاتتى. جۇمىس جۇرگىزىپ جاتقان ماشينانى كورىپ لياڭ داجۇن تىلشىگە بىلاي دەدى: «بۇرىن ەگىن سالۋدىڭ وزىندىك قۇنى جوعارى بولعاندىقتان، جەر سۋارعاندا ءار مۋ جەرگە ءار ايدا 50 يۋان ارتىق تولەيتىنبىز، ونىڭ ۇستىنە، ەكى ادام سايكەسىپ سۋاراتىندىقتان، ارتىق اقشا جۇمساۋمەن قوسا، ارتىق ەڭبەككۇش جۇمسايمىز.سول سەبەپتى، 70 مۋ جەرىمە وزىندىك قۇنى ءبىرشاما تومەن، كىرىسى دە مول ەمەس جوڭىشقا ەگۋىمە تۋرا كەلەتىن، مۇنداي بولعاندا ۋاقىت شىعارىپ جالداما جۇمىس ىستەۋىمە دە بولادى».

  قايىڭدى ارال قىستاعى ەگىن شارۋاشىلىعىن نەگىز ەتكەن قىستاق، ەگىستىك جەرى ويلى ـ شۇڭقىرلى بولعاندىقتان، سۋارۋعا كوپ ۋاقىت جانە ەڭبەككۇش جۇمسالادى، قىستاق تۇرعىندارىنىڭ تەڭ جارىمىنان استامى ديزەل ماتورى جانە سۋ ناساسوسى ارقىلى سۋ شىعارىپ ەگىن سۋارادى. قىستاق تۇرعىندارىنىڭ سۋلاندىرۋداعى وزىندىك قۇنىنىڭ جوعارى بولۋ ماسەلەسىن شەشۋ ءۇشىن، قابا اۋداندىق حالىق پروكۋراتۋراسىنىڭ قىستاقتا تۇراتىن قىزمەت اترەتى 2017 ـ جىلى 6 ميلليون 300 مىڭ يۋاندىق اتىز سۋارۋ قۇرىلىعىلارى نىسانىن جوعارى ورىنعا ٴوتىنىش ەتىپ جولداپ، 2018 ـ جىلى 7 ـ ايدا جۇمىس باستادى. قازىرگە دەيىن سۋ كولشىگى، ناسوس ءۇيى جانە سايكەستى ەلەكتر ۇلەستىرۋ قۇرىلعىلارى سالىنىپ بولىپ، جەر تەگىستەۋ ماشيناسى اتىزدا تامشىلاتىپ سۋارۋ قۇبىرى جاتقىزىلعان جەردى تەگىستەۋدە.

  قايىڭدى ارال قىستاعىنىڭ ءبىرىنشى شۋجيى، قىزمەت اترەتىنىڭ باستىعى ۋاڭ گولياڭ تىلشىگە بىلاي دەدى: «قايىڭدى ارال قىستاعىنىڭ توپىراق ساپاسى توتەنشە جاقسى، سۋلاندىرۋ قيىن بولۋ ماسەلەسى سالدارىنان ەگىن شارۋاشىلىق ەكونوميكاسىنىڭ دامۋى شەكتەۋگە ۇشىراپ، قىستاق تۇرعىندارىنىڭ پىكىرى كوپ بولىپ، قىستاق كوميتەتىنىڭ باس قاتىراتىن ماسەلەسىنە اينالعان. ءبىز ءوتىنىش بەرىپ اتقارعان اتىز سۋارۋ قۇرىلىعىلارى نىسانى، مەجەمەن، بيىل 11 ـ ايدىڭ سوڭىندا جۇمىس اياقتاتىپ، 5000 مۋ ەگىستىك جەردى سۋارۋعا جەتەتىن سۋعا كەپىلدىك ەتىپ، سۋ ۇنەمدەپ سۋارۋ مولشەرىن جوعارىلاتىپ، قىستاق تۇرعىندارىنىڭ وندىرىس قىزعىندىلىعىن قوزعادى».

  لياڭ داجۇن تىلشىگە بىلاي دەدى: «بيىل قىزمەت اترەتى مەن قىستاق ‹ەكى كوميتەتى› القاسى جارعاق استىندا تامشىلاتىپ سۋارۋ ينجەنەرياسىن اتقاردى، كەلەر جىلى كوپشىلىك ەگىن سالۋدان الاڭدامايتىن بولدى. جارعاق استىندا تامشىلاتىپ سۋارۋ ارقىلى اتىز سۋارۋعا تەك ازعانتاي توك اقىسىن تولەسە بولعانى، ەڭبەككۇش پەن ۋاقىتتى ۇنەمدەۋگە بولادى. كەلەر جىلى ءتۇسىمدى شەكىلدەۋىك ەگىپ، ەگىمشىلىك كولەمىن جالعاستى كەڭەيتپەكپىن».

جاۋاپتى رەداكتور: ءاننا اكىمقان قىزى
  • الداعى ءۇش كۇندىك اۋارايىنان الدىن-الا مالىمەت
  • ايماقتىق پارتكوم ايماقتىق پارتكوم مۇشەلەرىنىڭ 20 ـ رەتكى (كەڭەيتىلگەن) ٴماجىلىسىن اشتى
  • التاي ايماقتىق تاسجول تاراۋلارى جولدىڭ بوگەتسىز بولۋىنا بار كۇشىمەن كەپىلدىك ەتتى
  • التاي قالاسى گەنەرال تاۋى قار شاڭعى الاڭى اشىلدى