اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

تەمىرجول قورعاۋشىلارىنىڭ ەرشىمدى ەڭبەگى

  تاياۋدا بۋرىلتوعاي اۋدانىندا العاشقى قار جاۋىپ، قيىس باتىستان 5 - 6 بال بوران سوعىپ، اۋا تەمپەراتۋراسى نولدەن تومەن ون نەشە سەلتسي گرادۋسقا ءتۇستى. اۋدان ورتالىعىنان 30 كيلومەتر قاشىقتىقتاعى كۇيتۇن-بەيتۇن تەمىر جولىنىڭ بويىنداعى يانتيان ۇلكەن كوپىرى ماڭىندا تەمىر جول قورعاۋشىلارى ءوز قىزمەتتەرىن تىڭعىلىقتى ىستەپ، بۋرىلتوعاي اۋدانىنداعى تەمىر جولدىڭ حاۋىپسىز، ىركىلىسسىز بولۋىنا ۇنسىز ۇلەس قوسۋدا.

  تاڭ اتىسىمەن، بۋرىلتوعاي اۋدانىنداعى حالىق جاساقتارىنان ۇيىمداسقان تەمىر جول قورعاۋ بولىمشە اترەتىندەگىلەر ءبىر كۇنگى شارلاۋ قىزمەتىنە كىرىستى، كۇيتۇن-بەيتۇن تەمىر جولى بويىنداعى يانتيان ۇلكەن كوپىرىنىڭ جالپى ۇزىندىعى 2300 مەتر، كوپىردى ءبىر رەت شارلاپ شىعۋ ءۇشىن 5 كيلومەتر جٶل باسۋعا تۋرا كەلەدى، سۇركەيلى اۋاريى تەمىر جول قورعاۋ اترەتىندەگىلەردىڭ قىزمەتىنە ىقپالىن تيگىزە المادى، ولار اۋەلگىسىندەي، يانتيان كوپىرىنىڭ ماڭىنداعى كومەسكى قاتەردى مۇقيات اداقتاپ، كوپىردىڭ حاۋىپسىزدىگى مەن ىركىلىسسىزدىگىنە كەپىلدىك ەتتى. بيىل ەلۋدى ەڭسەرگەن ساڭ جيانگو حالىق جاساقتارىنان ۇيىمداسقان تەمىر جول قورعاۋ بولىمشە اترەتىنە جاڭادان قابىلدانىپتى، ول وسى اترەتتىڭ مۇشەسى بولعانىن ايىرىقشا ماقتانىش ەتەدى ەكەن.

  بۋرىلتوعاي اۋدانىنداعى حالىق جاساقتارىنان ۇيىمداسقان تەمىر جول قورعاۋ بولىمشە اترەتىنىڭ مۇشەسى ساڭ جيانگٶ: بۇرىن ديقان بولاتىنمىن، وسىندا ىستەگەنىمە 3- 4 اي بولدى، تەمىر جول قورعاۋشىسى بولعانىمدى داڭق سانايمىن، تاۋلىك بويى كەزەكپەن قىزمەت ىستەپ تەمىر جولدىڭ حاۋىپسىزدىگىن قامتاماسىز ەتەمىز.

  ساڭ جيانگٶ باسقا قىزمەتتەستەرى سياقتى ءار ايدا 3 كۇن كەزەكپەن دەمالادى ەكەن، بۇل جەر ۇيىنەن الىس بولعاندىقتان ۇنەمى ۇيىنە قايتا المايدى، وتباسىنداعىلاردى ساعىنعاندا تەلەفون بەرىپ نەمەسە ۆيچات ارقىلى حابارلاسىپ تۇرادى ەكەن.

  بۋرىلتوعاي اۋدانىنداعى حالىق جاساقتارىنان ۇيىمداسقان تەمىر جول قورعاۋ بولىمشە اترەتى 2011- جىلى 6- ايدا قۇرىلعان، كۇيتۇن- بەيتۇن تەمىر جولى بويىنداعى حىلى ۇلكەن كوپىرى مەن يانتيان ۇلكەن كوپىرىندەگى كومەسكى قاتەردى ارىلتۋ جانە تەمىر جولدىڭ ىركىلىسسىزدىگىن قامتاماسىز ەتۋ مىندەتىن اتقارادى.

  بۋرىلتوعاي اۋدانىنداعى حالىق جاساقتارىنان ۇيىمداسقان تەمىر جول قورعاۋ بولىمشە اترەتىنىڭ باستىعى جيە يۇنلۇڭ: قىزمەتكەرلەر وسىندا تاۋلىك بويى كەزەكپەن شارلاۋ جۇرگىزەدى، قازىر بىزدە ادام از، مىندەت اۋىر، الايدا مىندەتىمىزدى ويداعىداي ادا ەتىپ تەمىر جولدىڭ حاۋىپسىزدىگى مەن ىركىلىسسىزدىگىنە كەپىلدىك ەتەمىز.

جاۋاپتى رەداكتور: ءاننا اكىمقان قىزى
  • الداعى ءۇش كۇندىك اۋارايىنان الدىن-الا مالىمەت
  • ايماقتىق پارتكوم ايماقتىق پارتكوم مۇشەلەرىنىڭ 20 ـ رەتكى (كەڭەيتىلگەن) ٴماجىلىسىن اشتى
  • التاي ايماقتىق تاسجول تاراۋلارى جولدىڭ بوگەتسىز بولۋىنا بار كۇشىمەن كەپىلدىك ەتتى
  • التاي قالاسى گەنەرال تاۋى قار شاڭعى الاڭى اشىلدى