اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

جەر- جەردە قاتىناستى قامتاماسىز ەتۋ قىزمەتى تىڭعىلىقتى ىستەلدى

  سولتۇستىكتەگى سۋىق اۋا اعىسى مەن باتىس وڭتۇستىكتەگى جىلى ىلعالدى اۋا اعىسىنىڭ بىردەي ىقپال جاساۋىنان، تاياۋدان بەرى ايماعىمىزدا تولاسسىز قار جاۋدى، قار جاۋعاننان كەيىن اۋا تەمپەراتۋراسى كورنەكتى تومەندەپ، مەملەكەت جولى مەن ولكە جولدارىندا جول بەتىنە تۇرلىشە دارەجەدە مۇز قاتىپ، قاتىناس ىقپالعا ۇشىرادى.

  تاياۋدان بەرى التاي قالاسىندا تولاسسىز جاۋعان قاردان ءىشنارا جول بولەكتەرىنە مۇز قاتىپ تۇرعىنداردىڭ جۇرىس- تۇرىسىنا قولايسىزدىق تۋدىردى، التاي قالالىق قوعام حاۋىپسىزدىگى مەكەمەسى قاتىناس ساقشى ۇلكەن اترەتى شۇعىل جاعدايعا توتەپ بەرۋ جوباسىن جەدەل ىسكە قوسىپ، قاتىناس ساقشىلارىن ءتۇيىندى جول بولەكتەرىندە قاتىناسقا نۇسقاۋشىلىق ەتۋگە ورنالاستىردى.

  التاي قالالىق قوعام حاۋىپسىزدىگى مەكەمەسى قاتىناس ساقشى ۇلكەن اترەتىنەن نۇرجانات: بۇقاراعا ىڭعايلى قاتىناس ورتاسىن ازىرلەپ بەرۋ ءۇشىن قاتىناس ءتارتىبىن ساقتاۋ، قاتىناسقا نۇسقاۋشىلىق ەتۋ قىزمەتىن تىڭعىلىقتى ورىستەتتىك.

  بەيتۇن- التاي سايراعىندا جاۋعان قاردىڭ ىقپالىنان اۆتوكولىكتەردىڭ جۇرۋى قيىنعا سوقتى، بۇل جاعدايدان حابار تاپقان قاتىناس ساقشىلارى قاتىناس ىقپالعا ۇشىراعان جول بولەگىنە دەر كەزىندە بارىپ قاتىناسقا نۇسقاۋشىلىق ەتۋ قىزمەتىن ورىستەتتى.

  التاي قالالىق قوعام حاۋىپسىزدىگى مەكەمەسى قاتىناس ساقشى ۇلكەن اترەتىنىڭ ورىنباسار باستىعى حى چىڭ: بارلىق قاتىناس ساقشىلارى قاتىناسقا نوسقاۋشىلىق ەتۋ قىزمەتىنە بەلسەنە اتسالىسىپ قاتىناستىڭ ىركلىسسىزدىگىنە كەپىلدىك ەتتى، شوفەرلارعا اۆتوكولىكتى اقىرىن جۇرگىزىپ حاۋىپسىزدىككە كوڭىل ءبولۋدى ەسكەرتەمىز.

  11-ايدىڭ 9-كۇنى تاڭعى ساعات تورتتەن باستاپ، ءۇرتىس قار جاۋعاندىقتان مەملەكەت جٶلى 216-جەلىسىنىڭ كوكتوعاي اۋدانىنداعى بولەگىندە قاتىناس بوگەلدى. وسى رەتكى سۇركەيلى اۋارايىنا توتەپ بەرۋ ءۇشىن، كوكتوعاي اۋداندىق تاسجٶل تاراۋىنداعىلار شارلاپ تەكسەرۋ جانە تازالاۋ تەبىنىن ارتتىرىپ، جۇرگىنشىلەردىڭ اماندىعى مەن جٶلدىڭ ىركىلىسسىز بولۋىنا كەپىلدىك ەتتى.

  كوكتوعاي اۋدانىنداعى شوفەر گى جىفىڭ: اۆتوكولىگىمىزدىڭ جولدا ءجۇرۋى قيىنعا سوقتى، تاڭەرتەڭ ساعات 9 دا جٶلعا شىققان ەدىك، وسى جەرگە دەيىن ءتورت ساعات جۇردىك، وسى اراعا كەلگەندە اۆتوكولىگىمىز بۇزىلىپ قالدى.

  وسىمەن بىرگە، كوكتوعاي اۋدانىنداعى 60 قاتىناس ساقشىسى نەگىزگى جٶل اۋىزدارىندا، كۇزەت ورىندارىندا مىندەت اتقارىپ اۆتوكولىكتەردىڭ حاۋىپسىز قاتىناۋىن قامتاماسىزداندىردى.

  كوكتوعاي اۋداندىق قوعام حاۋىپسىزدىگى مەكەمەسى قاتىناس ساقشى ۇلكەن اترەتى ءتارتىپ ساقتاۋ ورتا اترەتىنىڭ باستىعى حۋا ياڭ: شوفەرلەردىڭ حاۋىپسىز ارالىق ساقتاپ، قىسقى دوڭگەلەك اۋىستىرىپ، حاۋىپسىزدىككە كوڭىل ءبولۋىن ەسكەرتەمىز.

  تولاسسىز قار جاۋعاندىقتان التاي قالاسىندا قاردىڭ قالىڭدىعى 32 سانتيمەترگە جەتتى. التاي قالاسىندا ءىرى تۇرپاتتى 36 قار سىپىرۋ اۆتوكولىگى، 16 قار كۇرەۋ اۆتوكولىگى تىنباي قار تازالادى. التاي تاسجٶل باسقارۋ مەكەمەسى شىعارعان 6 قار تازالاۋ ماشيناسى دا مەملەكەت جولى مەن ولكە جٶلدارىندا قار تازالادى.

  التاي تاسجٶل باسقارۋ مەكەمەسى قار تازالاۋ اۆتوكولىگىنىڭ شوفەرى قىزىرقان: تاڭەرتەڭ ساعات 8 دەن باستاپ قار تازالادىق، 11-ايدىڭ 9-كۇنىنەن باستاپ ءۇرتىس قار جاۋىپ، بوران سوعىپ، جٶلعا مۇز قاتقاندىقتان جٶلداعى قاردى تازالاۋىمىز قيىنعا سوقتى، ادەتتە ءبىر ساعاتتا 30 كيلومەتر ارالىقتاعى قاردى تازالايتىن ەدىك، قازىر ساعاتىنا 10 كيلومەتر ارالىقتاعى قاردى تازالادىق.

  قازىرگە دەيىن، التاي تاسجٶل باسقارۋ مەكەمەسى 50 نەشە ماشينا، 150 قىزمەتكەر شىعارىپ، 544 مىڭ 295 تەكشە مەتر قار تازالاپ، جولدارعا 321.5 توننا قار ەرىتكىش شاشتى.

  التاي تاسجٶل باسقارۋ مەكەمەسىنىڭ كادرى ەرعات: اۋارايى وزگەرىسىنە قاداعالاي نازار اۋدارىپ، مەملەكەت جولى مەن ولكە جولدارىنىڭ جانە ماڭىزدى جولداردىڭ حاۋىپسىز، ىركىلىسسىز بولۋىنا كەپىلدىك ەتەمىز.

  شىڭگىل اۋدانىندا 11-ايدىڭ 12-كۇنى تاڭ سارىدەن باستاپ قالىڭ قار جاۋدى، اۋدان قالاشىعىندا قاردىڭ قالىڭدىعى 25 سانتيمەترگە جەتتى، تاۋلى رايونداردا ايىرىقشا قالىڭ قار جاۋىپ، قاردىڭ ەڭ قالىڭ جەرى 2 مەترگە جەتتى، وسىنىڭ سالدارىنان جٶل قاتىناسى بوگەلىپ، تۇرعىنداردىڭ ءجۇرىس-تۇرىسى ىقپالعا ۇشىرادى. شىڭگىل اۋدانى شىڭگىل قالاشىعىنداعىلار قار تازالاۋ ماشيناسىن شىعارىپ قاردى دەركەزىندە تازالادى.

  شىڭگىل اۋدانى «جيەمەي» ورتا تازالىعى سەرىكتەستىگىنىڭ جاۋاپتىسى تان يۇڭحٷڭ: جٶل بەتىنە مۇز قاتا باستاعاندىقتان، جٶل تايعاق بولۋدا، جولداعى قاردى 12 ساعات ىشىندە تازالاپ بولۋعا كەپىلدىك ەتەمىز.

  شىڭگىل اۋدانىنداعى جول بولەكتەرىندە تۇرلىشە دارەجەدە قار جاۋىپ، ءىشىنارا جٶل بولەكتەرىندەگى جٶل بەتىنە مۇز قاتتى. شىڭگىل اۋداندىق قاتىناس ساقشى تاراۋىنداعىلار سۇركەيلى اۋارايىندا شۇعىل جاعدايعا توتەپ بەرۋ جٶباسىن جىلدام ىسكە قوسىپ، ساقشى كۇشىن ارتتىردى.

  شىڭگىل اۋداندىق قاتىناس باسقارۋ ۇلكەن اترەتىنىڭ ساقشىسى ۋاڭ ليشىڭ: قازىرگە دەيىن ءىرى تۇرپاتتى 40 نەشە اۆتوكولىك ايالداپ قالدى، ءبىز تاسجول تاراۋىنداعىلارمەن دەركەزىنە حابارلاسىپ، ءىرى تۇرپاتتى اۆتوكولىكتەردىڭ قاتىناۋىنا جەتەكشىلىك ەتىپ، قاتىناستىڭ ىركىلسسىزدىگىنە كەپىلدىك ەتتىك.

  11-ايدىڭ 9-كۇنى ساعات 3 تەن 12-كۇنى ساعات 13 كە دەيىن، ايماعىمىزدىڭ جەر- جەرىندە قار ارالاس جاڭبىر جاۋىپ سوڭى قارعا اينالدى، مۇندا قابا، كوكتوعاي، شىڭگىل اۋداندارى مەن التاي قالاسىندا قالىڭ قار جاۋدى، سولتۇستىكتەگى تاۋلى رايونداردىڭ ءىشىنارا جەرلەرىندە ايىرىقشا قالىڭ قار جاۋدى. مەجەمەن، 11-ايدىڭ 12-كۇنىنەن 18-كۇنىنە دەيىن ايماعىمىزدا اۋا تەمپەراتۋراسى وتكەن جىلدارداعى ۇقساس مەزگىلدەگىدەن تومەن بولادى، جاۋىن-شاشىن مولشەرى باسىم كوپ جەرلەردە از بولادى؛ جازىق جەرلەردە ەڭ تومەنگى اۋا تەمپەراتۋراسى نولدەن تومەن 15 سەلتسي گرادۋس پەن نولدەن تومەن 24 سەلتسي گرادۋس ارالىعىندا، تاۋلى رايونداردا نولدەن تومەن 24 سەلتسي گرادۋس پەن نولدەن تومەن 30 سەلتسي گرادۋس ارالىعىندا بولادى.

جاۋاپتى رەداكتور: ءاننا اكىمقان قىزى
  • التاي ايماقتىق تاسجول تاراۋلارى جولدىڭ بوگەتسىز بولۋىنا بار كۇشىمەن كەپىلدىك ەتتى
  • التاي قالاسى گەنەرال تاۋى قار شاڭعى الاڭى اشىلدى
  • «ماڭ - ماڭ باسقان، ماڭ باسقان»
  • الداعى ءۇش كۇندىك اۋارايىنان الدىن-الا مالىمەت