اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

التاي قالاسىنداعى قاتىستى تاراۋلار سايكەسىپ تاس جولدىڭ ىركىلىسسىزدىگىنە كەپىلدىك ەتتى

  التاي گازەتىنىڭ پراكتيكانت ٴتىلشىسى حان ليڭ حابارلايدى. جاقىندا، ٴتىلشىنىڭ التاي قالالىق تۇرعىن ٴۇي جانە قالا ـ اۋىل قۇرىلىسى مەكەمەسىنىڭ قالا قۇرىلىسىن باسقارۋ كەڭسەسىنەن ۇعىسۋىنشا، قاتىناستىڭ ىركىلىسسىزدىگىنە كەپىلدىك ەتۋ ٴۇشىن، التاي قالاسى 36 ٴىرى تيپتەگى قار تازالاۋ ماشيناسىن جانە 16 قار كۇرەۋ ماشيناسىن ازىرلەگەن.

  ۇعىسۋىمىزشا، التاي قالالىق تۇرعىن جانە قالا ـ اۋىل قۇرىلىسى مەكەمەسى 11 ـ ايدىڭ 8 ـ كۇنى كەشتەن باستاپ اۋا رايىنىڭ وزگەرىسىنە ٴمان بەرىپ، قار تازالاۋ ماشيناسىن ىسكە قوسىپ تاس جولدىڭ ىركىلىسسىزدىگىنە كەپىلدىك ەتكەن. قازىرگە دەيىن قالالىق تۇرعىن ٴۇي جانە قالا ـ اۋىل قۇرىلىسى مەكەمەسى 52 قار تازالاۋ ماشيناسىن ىسكە قوسىپ، ٴبىر تاۋلىكتە ەكى رەت كەزەكشى ورنالاستىرىپ، 100 نەشە ادامدى قار كۇرەۋگە جىبەرىپ، جولداعى قاردى تازالاپ، قالا تۇرعىندارىنىڭ ٴجۇرىس ـ تۇرىسىنا قولايلىلىق جاراتتى.

  قالالىق تۇرعىن ٴۇي جانە قالا ـ اۋىل قۇرىلىسى مەكەمەسى قالا قۇرىلىسىن باسقارۋ كەڭسەسىنىڭ قىزمەتكەرى گو يۇيفىڭ بىلاي دەدى: «قار قالىڭ جاۋعاندىقتان، قار تازالاۋ اترەتىمىزدەگى بارلىق ماشينانى ىسكە قوسىپ، شوفەرلەر كەزەك بويىنشا قىزمەت ىستەپ، تاس جولدىڭ ىركىلىسسىزدىگىنە كەپىلدىك ەتتى. سونىمەن بىرگە، قار تازالاۋ بارىسىندا شوفەرلەردىڭ قار تازالاۋ ماشيناسىنىڭ قالىپتى جۇمىس جۇرگىزۋىنە ىقپال جەتكىزبەۋ شارتى استىندا جول بەرىپ، كولىكتى جولدىڭ ەكى جاعالاۋىنا توقتاتپاۋىن ٴۇمىت ەتەمىز».

  ٴتىلشى التاي قالاسىنداعى جولدىڭ ەكى جاعالاۋىنا ۇيىلگەن قاردىڭ مول ەكەنىن، كولىكتەردىڭ باياۋ قوزعالىپ التاي قالالىق قوعام حاۋىپسىزدىگى مەكەمەسى قاتىناس ساقشى ۇلكەن اترەتىنىڭ حالىق ساقشىلارىنىڭ جول بولەكتەرىندە قاتىناسقا جەتەكشىلىك ەتىپ جاتقانىن كوردى.

  قالىڭ قاردان كەيىن جول بەتىنە مۇز قاتىپ، تاس جول قاتىناسىنا ىقپال جاسادى. التاي قالالىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى اۋا رايى جاعدايىنا قاراي ەكى شارلاۋ گرۋپپاسىن شىعارىپ، شۇعىل تۋىلعان قاتىناس ۋاقيعالارىن ٴبىر جايلى ەتتى.

  التاي قالالىق قوعام حاۋىپسىزدىگى مەكەمەسى قاتىناس ساقشى ۇلكەن اترەتى ٴتارتىپ ورتا اترەتىنىڭ كومەكشى ساقشىسى ما شياۋليڭ بىلاي دەدى: «كوپشىلىكتىڭ كولىككە قىستىق پالونىن الماستىرىپ، تۇتقىر شىنجىر ورناتىپ، مۇز قاتقان جول بولەكتەرىندە ارالىق ساقتاپ، كولىكتى اقىرىن جۇرگىزۋىن تىلەيمىز. جۇرگىنشىلەردىڭ قاتىناس قاعيداسىنا بويسۇنىپ، جولدان ارلى ـ بەرلى كەسىپ وتپەي، جاياۋلار جولىمەن ٴجۇرۋىن ٴۇمىت ەتەمىز».

جاۋاپتى رەداكتور: ءاننا اكىمقان قىزى
  • التاي ايماقتىق تاسجول تاراۋلارى جولدىڭ بوگەتسىز بولۋىنا بار كۇشىمەن كەپىلدىك ەتتى
  • التاي قالاسى گەنەرال تاۋى قار شاڭعى الاڭى اشىلدى
  • «ماڭ - ماڭ باسقان، ماڭ باسقان»
  • الداعى ءۇش كۇندىك اۋارايىنان الدىن-الا مالىمەت