اعاجاي-التاي تورابى   ›   اقپارات ايدىنى   ›   ماڭىزدى حابارلار

چىن چۋانگو اۆتونوميالى رايوننىڭ اۋىل - قىستاقتى گۇلدەندىرۋ ستراتەگياسىن اتقارۋ قىزمەتىن ىلگەرىلەتۋ ماجىلىسىندە مىنالاردى باسا دارىپتەدى

باس شۋجي شي جينپيڭنىڭ اۋىل - قىستاقتى گۇلدەندىرۋ ستراتەگياسى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، جاڭا داۋىردەگى اۆتونوميالى رايونىمىزدىڭ اۋىل شارۋاشىلىعى، اۋىل - قىستاق، شارۋالار قىزمەتىنىڭ جاڭا جاعدايىن قۇلشىنا اشۋ كەرەك

شوكىرات زاكىر قورىتىندى ءسوز سويلەدى، لي پىڭشين ماجىلىسكە قاتىناستى 

      تىلشىلەرىمىز ياۋ تۇڭ، جاۋ جىيۇن 11 - ايدىڭ 12 - كۇنى ۇرىمجىدەن حابارلايدى. 11 - ايدىڭ 12 - كۇنى اۆتونوميالى رايوننىڭ اۋىل - قىستاقتى گۇلدەندىرۋ ستراتەگياسىن اتقارۋ قىزمەتىن ىلگەرىلەتۋ ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو ماجىلىسكە قاتىناستى جانە ءسوز سويلەدى. ول مىنالاردى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ اۋىل - قىستاقتى گۇلدەندىرۋ ستراتەگياسى جونىندەگى ماڭىزدى بايىمداۋلارىن دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، نازاردى باس نىساناعا بۇلجىتپاي شوعىرلاندىرىپ، ورنىقتىلىقتىڭ پايداسىنان ۇزدىكسىز ويداعىداي پايدالانىپ، اۋىل - قىستاقتى گۇلدەندىرۋ ستراتەگياسىن اتقارىپ، جاڭا داۋىردەگى اۆتونوميالى رايونىمىزدىڭ اۋىل شارۋاشىلىعى، اۋىل - قىستاق، شارۋالار قىزمەتىنىڭ جاڭا جاعدايىن قۇلشىنا اشۋ كەرەك.
      اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىسكە قاتىناستى ءارى قورىتىندى ءسوز سويلەدى، اۆتونوميالى رايوندىق پارتكومنىڭ ورىنباسار شۋجيى لي پىڭشين ماجىلىسكە قاتىناستى.
      چىن چۋانگو مىنالاردى اتاپ كورسەتتى: باس شۋجي شي جينپيڭنىڭ اۋىل - قىستاقتى گۇلدەندىرۋ ستراتەگياسى جونىندەگى ماڭىزدى بايىمداۋلارى اۋىل - قىستاقتى نە ءۇشىن گۇلدەندىرۋ كەرەك، اۋىل - قىستاقتى قالاي گۇلدەندىرۋ كەرەك دەگەن سياقتى ءبىر قىدىرۋ ماڭىزدى تانىمدىق ماسەلەلەر مەن امالياتتىق ماسەلەلەرگە عىلمي جاۋاپ قايتاردى، بۇل بايىمداۋلار ەلىمىزدىڭ وسىزامانداندىرۋ قۇرىلىسىنىڭ زاڭدىلىعى مەن جۇمىسشى - شارۋا قارىم - قاتىناسىن تەرەڭ يگەرۋ، پارتيامىزدىڭ اۋىل شارۋاشىلىعى، اۋىل - قىستاق، شارۋالار قىزمەتىندەگى نازاريالىق جاڭالىق اشۋدىڭ ەڭ جاڭا جەتىستىگى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، اۋىل - قىستاقتى گۇلدەندىرۋ ستراتەگياسىن اتقارۋدىڭ، جاڭا داۋىردەگى اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدىڭ ءتۇبىرلى ولشەمى جانە ارەكەت باعدارناماسى بولىپ تابىلادى. اۋىل - قىستاقتى گۇلدەندىرۋ ستراتەگياسىن اتقارۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ناقتى ارەكەتى، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ تابيعي تالابى، جاڭا دامۋ ۇستانىمدارىن دايەكتىلەندىرىپ، جوعارى ساپالى دامۋدى جۇزەگە اسىرۋدىڭ رەال قاجەتى، كەدەيلىكتەن دالمە - ءدال ارىلتۋدان قامال الۋ شايقاسىن ويداعىداي جۇرگىزۋدىڭ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ قۇدىرەتتى قوزعاۋشى كۇشى، قالا مەن اۋىلدىڭ توعىسپالى دامۋىن ىلگەرىلەتۋدىڭ ماڭىزدى شاراسى، ءار ۇلت بۇقاراسىنىڭ كۇن سايىن ارتقان تاماشا تۇرمىس قاجەتىن قاناعاتتاندىرۋدا، ءسوزسىز، باسىپ وتەر جول، قوعام ورنىقتىلىعى مەن باياندى تىنىشتىقتى جۇزەگە اسىرۋدا ماڭىزدى رەال مانگە جانە تەرەڭ تاريحي مانگە يە. ءبىز يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، باس شۋجي شي جينپيڭنىڭ ماڭىزدى سوزدەرىنىڭ رۋحىمەن بىرلىككە كەلتىرىپ، كۇشتى جاۋاپكەرلىك سەزىممەن جانە كوكەي تەستىلىك سەزىممەن شارالاردى نىعايتىپ، تياناقتاندىرۋدى يگەرىپ، ناتيجە شىعارىپ، شينجياڭ اۋىل - قىستاقتارىنىڭ جاپپاي گۇلدەنۋىن جۇزەگە اسىرۋعا قۇلشىنۋىمىز كەرەك.
      چىن چۋانگو مىنالاردى باسا دارىپتەدى: باس شۋجي شي جينپيڭنىڭ اۋىل - قىستاقتى گۇلدەندىرۋ ستراتەگياسى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جۇزەگە اسىرۋ سىندى اۋىل - قىستاقتى گۇلدەندىرۋ ستراتەگياسىن اتقارۋدىڭ جالپىلىق نىساناسىن تىعىز ارقاۋ ەتىپ، اۋىل - قىستاقتى گۇلدەندىرۋ ستراتەگياسىن جاڭا داۋىردەگى اۋىل شارۋاشىلىعى، اۋىل - قىستاق، شارۋالار قىزمەتىنىڭ باس تۇتقاسى ەتىپ، اۋىل شارۋاشىلىعىن، اۋىل - قىستاقتى الدىمەن دامىتۋ جالپى باعىتىنا تاباندى بولىپ، شارۋاشىلىعى شالقىعان، ەكولوگيالىق ورتاسى جايلى، اۋىل سالتى وركەنيەتتى، وڭاۋى ۇتىمدى، تۇرمىسى باي بولۋ سىندى جالپى تالاپتى تياناقتاندىرىپ، قالا مەن اۋىل توعىسپالى دامۋ ءتۇزىلىس - مەحانيزمىن جانە ساياساتتىق جۇيەنىڭ تۇزىمدىك كەپىلىن ورناتىپ، كەمەلدەندىرىپ، ۇزاق مەرزىمدىك نىسانا مەن قىسقا مەرزىمدىك نىسانانىڭ قاتىناسىن، جوعارى دەڭگەيدە جوبالاۋ مەن نەگىزگى ساتىدا ىزدەنىس جاساۋدىڭ قاتىناسىن، بازاردىڭ شەشۋشى رولىن تولىق ساۋلەلەندىرۋ مەن ۇكىمەتتىڭ رولىن اناعۇرلىم ويداعىداي ساۋلەلەندىرۋدىڭ قاتىناسىن، بۇقارانىڭ تابىس سەزىمىن كۇشەيتۋ مەن دامۋ كەزەڭىنە ۇيلەسۋدىڭ قاتىناسىن ويداعىداي ءبىر جاقتى ەتىپ، كاسىپتەردى وركەندەتۋدى، دارىندىلاردى وركەندەتۋدى، مادەنيەتتى وركەندەتۋدى، ەكولوگيانى وركەندەتۋدى، ۇيىمداردى وركەندەتۋدى ىلگەرىلەتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەل جۇزەگە اسىرىپ، اۋىل شارۋاشىلىعىن ءۇمىتتى سالاعا، شارۋا بولۋدى قىزىعاتىن كاسىپكە، اۋىل - قىستاقتى شات - شادىمان ءومىر كەشىرەتىن مەكەنگە اينالدىرۋ كەرەك. ءبىرىنشى، اۋىل - قىستاق كاسىپتەرىن وركەندەتۋدى تىڭعىلىقتى ىلگەرىلەتۋ كەرەك. اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن نەگىزگى جەلى، اۋىل - قىستاقتاعى 1 -، 2 -، 3 - كاسىپتەردىڭ توعىسىپ دامۋىن ارقاۋ ەتىپ، اۋىل - قىستاقتىڭ كاسىپ سالاسى جۇيەسىن جەدەل ورناتىپ، كاسىپ سالالانۋ دەڭگەيىن جوعارىلاتىپ، قۇرىلىمدى رەتتەپ، ساپالىلاندىرىپ، شارۋاشىلىق جۇرگىزۋ جۇيەسىندە جاڭالىق اشىپ، عىلىم - تەحنيكا تىرەگىن كۇشەيتىپ، اۋىل - قىستاق ساياحاتىن جانداندىرىپ، كەدەيلىكتەن ارىلتۋدان قامال الۋعا كۇش شوعىرلاندىرىپ، اۋىل شارۋاشىلىعىنىڭ ساپاسىن جوعارىلاتۋدى، ونىمدىلىگىن ارتتىرۋدى جەبەپ، كاسىپ سالاسىنىڭ كوركەيۋىن جۇزەگە اسىرۋدى ىلگەرىلەتۋ كەرەك. ەكىنشى، اۋىل - قىستاق دارىندىلارىن وركەندەتۋدى تىڭعىلىقتى ىلگەرىلەتۋ كەرەك. دارىندىلاردىڭ اۋىلعا بارۋ ارنالارىن كۇش سالا ىركىلىسسىزدەندىرىپ، جاڭاشا كاسىپتىك شارۋالار قوسىنىن جەتىلدىرىپ، اۋىل - قىستاقتاعى كاسىپتىك دارىندىلار قوسىنىن الۋەتتەندىرىپ، ءتۇرلى دارىندىلاردى اۋىل - قىستاق قۇرىلىسىنا ات سالىسۋعا جەتەكتەپ، اۋىل - قىستاقتى گۇلدەندىرۋدىڭ اۋقىمدى دارىندىلار قوسىنىن تۇلعالاپ، اۋىل - قىستاقتا دارىندىلار، جەر، قارجى، كاسىپ سالاسى شوعىرلانعان ۇتىمدى اينالىم قالىپتاستىرۋ كەرەك. ءۇشىنشى، اۋىل - قىستاق مادەنيەتىن وركەندەتۋدى تىڭعىلىقتى ىلگەرىلەتۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسى ۇلى تۋىن اسقاقتاتا جەلبىرەتىپ، باس نىسانانى تىعىز ارقاۋ ەتىپ، اۋىل - قىستاقتىڭ ۇگىت - يدەيا قىزمەتىن ويداعىداي ىستەپ، زاتتىق وركەنيەت پەن رۋحاني وركەنيەتتى بىردەي ۇستاۋعا تاباندى بولىپ، اۋىل - قىستاق يدەولوگيا شەبىن بەكەم ەتىپ قۇرىپ، اۋىل - قىستاقتىڭ يدەيا - ءمورال قۇرىلىسىن نىعايتىپ، اۋىل - قىستاقتىڭ الەۋمەتتىك مادەنيەت جۇيەسىن كەمەلدەندىرىپ، اۋىل - قىستاقتىڭ وركەنيەت قۇرىلىسىن شىنايى كۇشەيتىپ، مادەنيەتتى اۋىل سالتىن، تاماشا وتباسى سالتىن، ادال حالىق سالتىن جەتىلدىرىپ، اۋىل - قىستاق مادەنيەتىنىڭ كوركەيۋىن ىلگەرىلەتىپ، وركەنيەتتى جاڭا لەپ قاۋلاتۋ كەرەك. ءتورتىنشى، اۋىل - قىستاق ەكولوگياسىن وركەندەتۋدى تىڭعىلىقتى ىلگەرىلەتۋ كەرەك. تۇنىق سۋ مەن جاسىل تاۋ − باعالى بايلىق، مۇزدى القاپ، قارلى دالا دا باعالى بايلىق دەيتىن ۇستانىمدى بەرىك ورناتىپ، ەكولوگيانىڭ تومەنگى شەگىن قاتاڭ ساقتاپ، «ءۇش جوعارى» نىسانداردىڭ شينجياڭعا كىرۋىن قاتاڭ شەكتەپ، ەكولوگيانى قورعاۋدى كۇشەيتىپ، جاسىل دامۋدى ىلگەرىلەتىپ، قونىس ورتاسىن جاقسارتىپ، ەكونوميكا مەن ەكولوگيانىڭ ۇتىمدى اينالىمىن جەبەپ، توپىراقتان «التىن جامبى» ءوسىرۋ، ەكولوگيانى «ءدىلدا اعاشقا» اينالدىرۋ، اۋىل - قىستاقتى «اسىل جيعىش استاۋعا» اينالدىرۋ كەرەك. بەسىنشى، اۋىل - قىستاق ۇيىمدارىن وركەندەتۋدى تىڭعىلىقتى ىلگەرىلەتۋ كەرەك. ۇيىمدىق قۋاتتى جوعارىلاتۋدى ماڭىزدى ءتۇيىن ەتۋگە تاباندى بولىپ، جاقسى باسقارىلاتىن اۋىل - قىستاق قۇرۋدى ارقاۋ ەتىپ، اۋدان - قالانىڭ فۋنكتسيالارىن كۇشەيتىپ، اۋىل - قالاشىقتىڭ رولىن كورنەكتىلەندىرىپ، قىستاق دارەجەلى ۇيىمداردى كۇشەيتىپ قۇرىپ، ءار جاقتىڭ كۇشىن ءبىر تۇتاس ورنالاستىرىپ، وسى زامانعى اۋىل - قىستاق قوعامىن جونگە سالۋدىڭ پارتكوم باسشىلىق ەتەتىن، ۇكىمەت جاۋاپتى بولاتىن، قوعام سەلبەسەتىن، الەۋمەت ات سالىساتىن، زاڭمەن قامتاماسىز ەتىلەتىن جۇيەسىن ورناتىپ، كەمەلدەندىرىپ، اۋىل - قىستاقتى گۇلدەندىرۋ ستراتەگياسىن اتقارۋدىڭ قۋاتتى بىرىككەن كۇشىن ۇيىستىرۋ كەرەك.
      چىن چۋانگو مىنالاردى باسا دارىپتەدى: پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، ورنىقتىلىقتى قورعاۋدى بارلىعىن باسىپ تۇسەتىن كەلەلى مىندەت ەتۋگە تاباندى بولىپ، نازاردى باس نىساناعا شوعىرلاندىرىپ، كەشەندى شارانى ويداعىداي اتقارىپ، اۋىل - قىستاقتىڭ ءوزىن - ءوزى باسقارۋىن، زاڭمەن جونگە سالۋدى، مورالمەن جونگە سالۋدى ءوزارا بىرلەستىرۋگە تاباندى بولىپ، تىنىش اۋىل - قىستاق قۇرىلىسىن كۇشەيتىپ، قارا - سۇرقيا كۇشتەردى الاستاۋدىڭ ارناۋلى كۇرەسىن ىشكەرىلەي ورىستەتىپ، جۇمىسقا ورنالاستىرۋ، وقۋ - اعارتۋ، دەنساۋلىق ساقتاۋ جانە سالاماتتىق، قوعامدىق قامتاماسىزداندىرۋ سياقتى حالىق تۇرمىسى ىستەرىن ءبىر تۇتاس جوسپارلاپ، ويداعىداي ىستەپ، شارۋا بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن مۇمكىندىگىنشە ارتتىرىپ، اۋىل - قىستاق قوعامى جالپى جاعدايىنىڭ ۇزدىكسىز جاراسىمدىلىعىنا، ورنىقتىلىعىنا كەپىلدىك ەتىپ، اۋىل - قىستاقتى گۇلدەندىرۋ ستراتەگياسىن اتقارۋ ءۇشىن تاماشا ورتا ازىرلەۋ كەرەك.
      چىن چۋانگو مىنالاردى اتاپ كورسەتتى: ۇيىمدىق باسشىلىقتى كۇشەيتىپ، اۋىل - قىستاقتى گۇلدەندىرۋ ستراتەگياسىن ىشكەرىلەي اتقارۋعا پارمەندى كەپىلدىك ازىرلەۋ كەرەك. ءار دارەجەلى پارتكوم مەن ۇكىمەت باسشىلىق جاۋاپكەرلىگىن تياناقتاندىرىپ، اۋىل - قىستاقتى گۇلدەندىرۋگە باسشىلىق ەتۋدىڭ پارتكوم جاپپاي، ءبىر تۇتاس باسشىلىق ەتەتىن، ۇكىمەت جاۋاپتى بولاتىن، پارتكومنىڭ اۋىل - قىستاق قىزمەتى تاراۋلارى ءبىر تۇتاس جوسپارلاپ، سايكەستىرەتىن ءتۇزىلىسىن كەمەلدەندىرۋ، ءار دارەجەلى قاتىستى تاراۋلار سەلبەسۋدى، سايكەسۋدى كۇشەيتىپ، قىزمەتتىڭ بىرىككەن كۇشىن قالىپتاستىرىپ، اۋىل - قىستاقتى گۇلدەندىرۋ ستراتەگياسىنىڭ ناقتىلانۋىن، تياناقتانۋىن ىلگەرىلەتۋ كەرەك. ءبىر تۇتاس جوسپارلاپ، ەرەكشەلىكتى كورنەكتىلەندىرىپ، اۆتونوميالى رايوننىڭ اۋىل - قىستاقتى گۇلدەندىرۋ ستراتەگيالىق جوباسىن قاتاڭ تياناقتاندىرىپ، جوبانىڭ قۇزىرەتتىلىگىن، قاتاڭدىعىن، جالعاسىمدىلىعىن شىنايى قورعاۋ كەرەك. ۇسىنىلىمدى كۇشەيتىپ، ۇسىنىلىم مەحانيزمىن كەمەلدەندىرىپ، ۇسىنىلىم سەرپىنىن ارتتىرىپ، پايدالانىلۋ ونىمدىلىگىن جوعارىلاتىپ، ءار فىن اقشانىڭ، ءاربىر نىساننىڭ اۋىل - قىستاققا دەيىن تياناقتانۋىنا كەپىلدىك ەتۋ كەرەك. رەفورمانى تەرەڭدەتىپ، اۋىل - قىستاقتىڭ نەگىزگى شارۋاشىلىق جۇرگىزۋ ءتۇزىمىن بەكەمدەپ جانە كەمەلدەندىرىپ، اۋىل - قىستاق جەر ءتۇزىمى رەفورماسىن تەرەڭدەتىپ، اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسىن ورنىقتى قاداممەن ىلگەرىلەتىپ، نوپوس ءتۇزىمى رەفورماسىن تەرەڭدەتىپ، اۋىل شارۋاشىلىعىنىڭ، اۋىل - قىستاقتىڭ، شارۋالاردىڭ دامۋىنا ومىرشەڭدىك كۇش، قوزعاۋشى كۇش ۇستەۋ كەرەك. تۇرلەر بويىنشا جەتەكشىلىك ەتىپ، ءىس جۇزىندىكتى شىعار ءتۇيىن ەتۋگە تاباندى بولىپ، بۇقارانىڭ تىلەگىنە قۇرمەت ەتىپ، ءال - دارمەنگە قاراي ىستەۋگە، ۇلكەن بولۋعا، شەتەلدەگىدەي بولۋعا سالىنباي، ۇزاق ۋاقىت ەڭبەك ەتۋگە تاباندى بولىپ، وڭايعا ۇمتىلماۋ، ءىس جۇزىندىككە ءمان بەرۋ، سىرتىن جىلتىراتۋعا سالىنباۋ، وبراز ينجەنەرياسىمەن اينالىسپاۋ كەرەك. تاماشا راي قالىپتاستىرىپ، اۆتونوميالى رايونىمىزدىڭ اۋىل - قىستاقتى گۇلدەندىرۋدەگى جاقسى تاجىريبەلەرىن، جاقسى ادىستەرىن جانە العاباسار تيپتەردى كۇش سالا ۇگىتتەپ، بۇكىل قوعامدا اۋىل شارۋاشىلىعىنا نازار اۋداراتىن، اۋىل - قىستاققا كوڭىل بولەتىن، شارۋالارعا قامقورلىق جاسايتىن تاماشا اۋقىم قالىپتاستىرۋ كەرەك.
      شوكىرات زاكىر قورىتىندى سوزىندە مىنالاردى اتاپ كورسەتتى: يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىنايى بىرلىككە كەلتىرىپ، باس شۋجي شي جينپيڭنىڭ اۋىل - قىستاقتى گۇلدەندىرۋ ستراتەگياسى جونىندەگى ماڭىزدى بايىمداۋلارىنىڭ وزەكتى ءمانىن مىقتى يگەرىپ، اۆتونوميالى رايونىمىزدىڭ اۋىل - قىستاقتى گۇلدەندىرۋ ستراتەگياسىن اتقارۋدا ءدوپ كەلگەن جاڭا جاعدايلاردى، جاڭا مىندەتتەردى تولىق تانىپ، اۆتونوميالى رايوندىق پارتكومنىڭ ورنالاستىرۋلارىن، تالاپتارىن باتىل دايەكتىلەندىرىپ، اۆتونوميالى رايونىمىز اۋىل - قىستاقتارىنىڭ جاپپاي گۇلدەنۋىن قۇلشىنا ىلگەرىلەتۋ كەرەك. بۇكىل رايونداعى ءار دارەجەلى تاراۋلار كاسىپ سالاسىن وركەندەتۋدى اۋىل - قىستاقتى گۇلدەندىرۋدىڭ زاتتىق نەگىزى ەتىپ، اۋىل شارۋاشىلىعى ونىمدەرىن وڭدەۋدى كۇش سالا دامىتىپ، كاسىپ سالالانۋ دەڭگەيىن جوعارىلاتىپ، اۋىل - قىستاق كاسىپتەرىن وركەندەۋگە جەتەكتەۋ؛ دارىندىلاردى وركەندەتۋدى اۋىل - قىستاقتى گۇلدەندىرۋدىڭ شەشۋشى ءتۇيىنى ەتىپ، ءتۇرلى ۇزدىك دارىندىلاردى تيانشاننىڭ تۇستىگى مەن تەرىستىگىندەگى بايتاق اۋىل - قىستاقتا ەڭبەك ەتىپ، ناتيجە شىعارۋعا تارتۋ؛ مادەنيەتتى وركەندەتۋدى اۋىل - قىستاقتى گۇلدەندىرۋدىڭ ماڭىزدى ىرگە تاسى ەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى جانە پارتيا 19 - قۇرىلتايىنىڭ رۋحى جونىندەگى ۇگىت - تاربيەنى كەڭىنەن ورىستەتىپ، جۇڭگوشا سوتسياليزم جانە جۇڭگو ارمانى جونىندەگى ۇگىت - تاربيەنى ۇزدىكسىز ويداعىداي ورىستەتىپ، «بەستى شىنايى مويىنداۋدى»، «ءۇشتىڭ ءبىر - بىرىنەن ايرىلا الماۋىن» كۇشەيتىپ، اناعۇرلىم مول وڭ ەنەرگيامەن شارۋالاردى شابىتتاندىرۋ، شارۋالاردى تاربيەلەۋ جانە جەتەكتەۋ؛ ەكولوگيانى وركەندەتۋدى اۋىل - قىستاقتى گۇلدەندىرۋدىڭ ىشكى تالابى ەتىپ، ەكولوگيانىڭ قىزىل سىزىعىن قاتاڭ ساقتاپ، ەكولوگيانى قورعاۋ جانە قالپىنا كەلتىرۋ جونىندەگى جەلىلەس ينجەنەريالاردى ىشكەرىلەي ىلگەرىلەتىپ، اۋىل شارۋاشىلىعىن جاسىل دامىتۋ ارەكەتىن ىشكەرىلەي ورىستەتىپ، اۋىل - قىستاق قونىس ورتاسىن رەتتەۋ - وڭاۋدىڭ 3 جىلدىق ارەكەتىن باتىل دايەكتىلەندىرۋ؛ ۇيىمداردى وركەندەتۋدى اۋىل - قىستاقتى گۇلدەندىرۋدىڭ ماڭىزدى كەپىلى ەتىپ، اۋدان - قالا جانە اۋىل - قالاشىق پارتكوم القاسى، قىستاق دارەجەلى القا قۇرىلىسىن مىقتى ۇستاپ، قىستاقتا تۇراتىن قىزمەت اترەتى، كەدەيلەردى سۇيەمەلدەۋ بويىنشا ءبىرىنشى شۋجي، «ءۇش كومەك، ءبىر سۇيەمەلدەۋ» سياقتى ءتۇرلى كۇشتەردى ءبىر تۇتاس، ويداعىداي ورنالاستىرىپ، اۋىل - قىستاقتى گۇلدەندىرۋ ستراتەگياسىنىڭ ۇزدىكسىز تەرەڭدەۋىن ىلگەرىلەتۋ كەرەك.
       ماجىلىستە اۆتونوميالى رايوندىق پارتكومنىڭ اۋىل - قىستاق قىزمەتى كەڭسەسىندەگى، اۆتونوميالى رايوندىق دامۋ جانە رەفورما كوميتەتىندەگى، ءۇرىمجى قالاسىنداعى، بايىنعولين موڭعۇل اۆتونوميالى وبلىسىنداعى، اراتۇرىك اۋدانىنداعى قاتىستى جاۋاپتى جولداستار پىكىر اۋىستىرىپ، لەبىز ءبىلدىردى.
       ءماجىلىس تەلەۆيزور - تەلەفون ءماجىلىسى تۇرىندە اشىلدى. اۆتونوميالى رايون باسشىلارىنان شۇي حايرۇڭ، ەركىن تۇنياز، تيان ۋىن، سارقىت اقان ۇلى، دۇڭ شينگۋاڭ، كۇڭ شيڭلۇڭ، دوۋ ۋانگۇي، چيۋ شۋحۋا، ما شيۇڭچىڭ ماجىلىسكە قاتىناستى. اۆتونوميالى رايونعا (ورتالىققا) توتە قاراستى ورىندارداعى نەگىزگى جاۋاپتى جولداستار، اۆتونوميالى رايوننىڭ اۋىل شارۋاشىلىعى سالاسىنداعى ءار ورىنداردىڭ القا مۇشەلەرى نەگىزگى ءماجىلىس ورنىندا ماجىلىسكە قاتىناستى.

جاۋاپتى رەداكتور: ايدوس بازارحان ۇلى
  • التاي ايماقتىق تاسجول تاراۋلارى جولدىڭ بوگەتسىز بولۋىنا بار كۇشىمەن كەپىلدىك ەتتى
  • التاي قالاسى گەنەرال تاۋى قار شاڭعى الاڭى اشىلدى
  • «ماڭ - ماڭ باسقان، ماڭ باسقان»
  • الداعى ءۇش كۇندىك اۋارايىنان الدىن-الا مالىمەت