اعاجاي-التاي تورابى   ›   اقپارات ايدىنى   ›   ماڭىزدى حابارلار

پارتياعا ادال بولىپ، ءتارتىپتى قاتايتىپ، وتتان، سۋدان تايىنباي، حالىققا شىن پەيىلدە بولىپ، حالىق بۇقاراسىنىڭ ءومىرى مەن مال - مۇلكىنىڭ اماندىعىن قورعاۋ جولىندا ەرلىكپەن كۇرەسۋ كەرەك

شي جينپيڭ مەملەكەتتىڭ ءورت ءسوندىرۋ، ورتتەن ساقتانۋ امبەباپ قۇتقارۋ - كومەكتەسۋ قوسىنىنا تۋ تاپسىردى ءارى ءتالىم بەرىپ بىلاي دەپ باسا دارىپتەدى
ۋاڭ حۋنيڭ قاتىناستى، حان جىڭ باسقاردى

  مەملەكەتتىڭ ءورت ءسوندىرۋ، ورتتەن ساقتانۋ امبەباپ قۇتقارۋ - كومەكتەسۋ قوسىنىنا تۋ تاپسىرۋ سالتى 11 - ايدىڭ 9 - كۇنى حالىق سارايىندا وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەملەكەتتىڭ ءورت ءسوندىرۋ، ورتتەن ساقتانۋ امبەباپ قۇتقارۋ - كومەكتەسۋ قوسىنىنا تۋ تاپسىردى ءارى ءتالىم بەردى. سۋرەتتە: شي جينپيڭ ءتالىم بەرۋدە. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 11 - ايدىڭ 9 - كۇنى بەيجيڭنەن بەرگەن حابارى (تىلشىلەر زوۋ ۋي، يە حاۋميڭ). مەملەكەتتىڭ ءورت ءسوندىرۋ، ورتتەن ساقتانۋ امبەباپ قۇتقارۋ - كومەكتەسۋ قوسىنىنا تۋ تاپسىرۋ سالتى 11 - ايدىڭ 9 - كۇنى حالىق سارايىندا وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەملەكەتتىڭ ءورت ءسوندىرۋ، ورتتەن ساقتانۋ امبەباپ قۇتقارۋ - كومەكتەسۋ قوسىنىنا تۋ تاپسىرىپ ءارى ءتالىم بەرىپ، پارتيا ورتالىق كوميتەتى اتىنان بارلىق ءورت ءسوندىرۋ، قۇتقارۋ قىزمەتكەرلەرىن قىزۋ قۇتتىقتادى. ول بىلاي دەپ باسا دارىپتەدى: مەملەكەتتىڭ ءورت ءسوندىرۋ، ورتتەن ساقتانۋ امبەباپ قۇتقارۋ - كومەكتەسۋ قوسىنىن قۇرۋ − پارتيا ورتالىق كوميتەتىنىڭ مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىنا ۇيلەسىپ جاساعان ستراتەگيالىق شەشىمى، ەلىمىزدىڭ مەملەكەت جاعدايىن جانە اپات، شىرعالاڭداردىڭ ەرەكشەلىگىن تياناق ەتىپ، جاڭا داۋىردەگى مەملەكەتتىڭ شۇعىل جاعدايعا توتەپ بەرۋ قۇتقارۋ - كومەكتەسۋ جۇيەسىن قۇرۋىنىڭ ماڭىزدى شاراسى، بۇل اپاتتان ساقتانۋ، اپات زيانىن ازايتۋ، اپاتتان قۇتقارۋ قابىلەتىن وسىرۋدە، قوعامدىق الەۋمەتتىك حاۋىپسىزدىكتى قورعاۋدا، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قورعاۋدا كەلەلى ماڭىزعا يە. مەملەكەتتىڭ ءورت ءسوندىرۋ، ورتتەن ساقتانۋ امبەباپ قۇتقارۋ - كومەكتەسۋ قوسىنى پارتياعا ادال بولىپ، ءتارتىپتى قاتايتىپ، وت پەن سۋدان تايىنباي، حالىققا شىن پەيىلدە بولىپ، حالىق بۇقاراسى ەڭ قاجەت ەتكەن كەزدە اتويلاپ العا شىعىپ، اپاتقا جولىققاندا حالىقتى قۇتقارىپ، قىسىلتاياڭ ساتتە حالىققا كومەكتەسىپ، حالىققا كۇش - قۋات بەرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قورعاۋ جولىندا ەرلىكپەن كۇرەسۋى كەرەك.

  حالىق سارايىنىڭ سولتۇستىك زالىندا ءتۇستى شامدار جارقىراپ، ايبىندى دا قىزۋ بەينەگە شومدى. ارت جاقتاعى قىزىل ءتۇستى تاقتاداعى «مەملەكەتتىڭ ءورت ءسوندىرۋ، ورتتەن ساقتانۋ امبەباپ قۇتقارۋ - كومەكتەسۋ قوسىنىنا تۋ تاپسىرۋ سالتى» دەگەن ءسوز ەرەكشە كوز تارتادى. جاڭا ۇلگىدەگى ارناۋلى كيىم كيگەن 500دەن استام ءورت ءسوندىرۋ، ورتتەن ساقتانۋ قۇتقارۋ - كومەكتەسۋ قىزمەتكەرى اسقاق رۋحاني بەينەمەن سالتتىڭ ءوتۋىن كۇتىپ تۇردى.

  ساعات 10نان 30 مينۋت وتكەندە، تۋ تاپسىرۋ سالتى باستالدى. بۇكىل زالدا مەملەكەت ءانى اسقاقتاتا شىرقالدى.

  قۇرمەت قاراۋىلدارى جۇڭگو ءورت ءسوندىرۋ، ورتتەن ساقتانۋ امبەباپ قۇتقارۋ - كومەكتەسۋ اترەتىنىڭ اترەت تۋىن قورعاپ، نىق قاداممەن ءتوراعالار مىنبەسىنىڭ الدىنا كەلدى. شي جينپيڭ توتەنشە جاعدايلاردى باسقارۋ مينيسترلىگىنىڭ ءورت ءسوندىرۋ، ورتتەن ساقتانۋ قۇتقارۋ - كومەكتەسۋ باس باقىلاۋشىسى حۋاڭ ميڭگە تۋ تاپسىردى. حۋاڭ ميڭ شي جينپيڭگە قۇرمەت سالەمىن بەرىپ، شي جينپيڭنىڭ قولىنان جۇڭگو ءورت ءسوندىرۋ، ورتتەن ساقتانۋ قۇتقارۋ - كومەكتەسۋ اترەتىنىڭ تۋىن تاپسىرىپ الىپ، ىززەتپەن تۋدى ۇستاپ تۇردى. تۇتاس زالداعى ءورت ءسوندىرۋ، ورتتەن ساقتانۋ قۇتقارۋ - كومەكتەسۋ قىزمەتكەرلەرى اترەت تۋىنا ايبىندى تۇردە سالەم بەردى.
 وسىدان كەيىن شي جينپيڭ ءتالىم بەرىپ ءسوز سويلەدى. ول بىلاي دەپ اتاپ كورسەتتى: ۇزاق ۋاقىتتان بەرى، ءورت ءسوندىرۋ، ورتتەن ساقتانۋ قوسىنى بۇقارامەن ەڭ ەتەنە، قارىم - قاتىناسى ەڭ تىعىز قوسىن رەتىندە، دابىل قاعىلعاندا، ءسوز جوق، شىعىپ، دابىل داۋىسىن ەستىگەندە دەرەۋ اتتانىپ، حالىق بۇقاراسى ەڭ قاجەت ەتكەن جەرلەردە شايقاس جاسادى، اسىرەسە، اۋىر اپات، شىرعالاڭ الدىندا جاپا - ماشاقات، حاۋىپ - قاتەردەن تايسالماي، اتويلاپ الدا ءجۇرىپ، كورنەكتى ۇلەس قوستى. رەفورما جاسالىپ، قۇرىلىم جاڭالانعاننان كەيىن، شۇعىل جاعدايعا توتەپ بەرۋدىڭ قۇتقارۋ - كومەكتەسۋ نەگىزگى كۇشى جانە مەملەكەتتىك قوسىنى رەتىندە، سىزدەر اۋىر حاۋىپسىزدىك قاتەرلەردەن ساقتانۋ، شەشۋ، ءار ءتۇرلى اپات، شىرعالاڭدارعا توتەپ بەرۋ، ءبىر جاقتى ەتۋ ماڭىزدى قىزمەت جاۋاپكەرشىلىگىن ارقالاپ وتىرسىزدار، پارتيا مەن حالىق سىزدەرگە ۇلكەن ءۇمىت ارتادى.

  مەملەكەتتىڭ ءورت ءسوندىرۋ، ورتتەن ساقتانۋ امبەباپ قۇتقارۋ - كومەكتەسۋ قوسىنىنا تۋ تاپسىرۋ سالتى 11 - ايدىڭ 9 - كۇنى حالىق سارايىندا وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەملەكەتتىڭ ءورت ءسوندىرۋ، ورتتەن ساقتانۋ امبەباپ قۇتقارۋ - كومەكتەسۋ قوسىنىنا تۋ تاپسىردى ءارى ءتالىم بەردى. سۋرەتتە: شي جينپيڭ مەملەكەتتىڭ ءورت ءسوندىرۋ، ورتتەن ساقتانۋ امبەباپ قۇتقارۋ - كومەكتەسۋ قوسىنىنا تۋ تاپسىرۋدا.
سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

  شي جينپيڭ ءورت ءسوندىرۋ، ورتتەن ساقتانۋ امبەباپ قۇتقارۋ - كومەكتەسۋ قوسىنىنا 4 ءتۇرلى تالاپ قويدى: ءبىرىنشى، قاشاندا پارتياعا ادال بولىپ، پارتيانىڭ ابسوليۋتتى باسشىلىعىنا تاباندى بولىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، مۇرات - سەنىمدى بەكەمدەپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيانىڭ جارلىعىنا باتىل قۇلاق اسىپ، ماڭگى پارتيا مەن حالىقتىڭ ادال قورعاۋشىسى بولۋ كەرەك. ەكىنشى، ءتارتىپتى قاتايتىپ، تارتىپشەڭ قوسىن قۇرۋ ولشەمىنە تاباندى بولىپ، داڭقتى ءداستۇر مەن تاڭداۋلى ستيلدى ساۋلەلەندىرىپ، تاربيەنى، جاتتىعۋدى، باسقارۋدى، تالاپتى قاتايتىپ، بۇيرىققا بويسۇنىپ، قولباسشىلىققا باعىنىپ، شوعىرلى تۇردە بىرلىككە كەلىپ، اياق الىستى بىركەلكىلەندىرىپ، بولاتتاي ءتارتىپ ارقىلى قۇرىشتاي بەرىك قوسىن قۇرۋ كەرەك. ءۇشىنشى، باتىلدىقپەن وت پەن سۋدان تايسالماي، قاشاندا پارتيا مەن حالىقتىڭ ۇندەۋىنە ءۇن قوسىپ، ساقاداي ساي تۇراتىن، جەدەل قيمىلدايتىن دايىندىق كۇيدى ساقتاپ، عىلمي، ءونىمدى، ارنايىلانعان، دالمە - ءدال بولۋداي ەرەك ونەردى شىڭاپ، ەرجۇرەكتىك، قايسارلىق كورسەتەتىن، قۇربان بەرۋدەن قورىقپايتىن جاۋىنگەرلىك ستيلدى ساۋلەلەندىرىپ، قۇلاما قۇزدان، لاۋلاعان ورتتەن تايسالماي، شاقىرعان زامان اتتانىسقا كەلەتىن، شايقاستا، ءسوز جوق، جەڭىپ شىعاتىن بولۋ كەرەك. ءتورتىنشى، ماڭگى حالىققا شىن پەيىلدە بولىپ، سانالى تۇردە حالىقتى كوڭىلدىڭ تورىنە قويىپ، حالىقتىڭ ماراپاتىن ەڭ ۇلكەن داڭق ساناپ، حالىق بۇقاراسى ەڭ قاجەت ەتكەن كەزدە اتويلاپ العا شىعىپ، اپاتقا جولىققاندا حالىقتى قۇتقارىپ، قىسىلتاياڭ ساتتە حالىققا كومەكتەسىپ، حالىققا كۇش - قۋات بەرىپ، حالىققا قىزمەت ەتۋ بارىسىندا پارتيا مەن ۇكىمەتتىڭ مەيىر - شاپاعاتىن جەتكىزىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قورعاۋ جولىندا ەرلىكپەن كۇرەسۋ كەرەك.

  تۋ تاپسىرۋ سالتىندا ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ «ج ك پ ورتالىق كوميتەتىنىڭ، مەملەكەتتىك كەڭەستىڭ مەملەكەتتىڭ ءورت ءسوندىرۋ، ورتتەن ساقتانۋ امبەباپ قۇتقارۋ - كومەكتەسۋ قوسىنىنا <جۇڭگو ءورت ءسوندىرۋ، ورتتەن ساقتانۋ قۇتقارۋ - كومەكتەسۋ اترەتى> دەگەن اترەت تۋىن تاپسىرۋ جونىندەگى قارارىن» وقىدى.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ تۋ تاپسىرۋ سالتىن باسقاردى.

  تۋ تاپسىرۋ سالتىنا قاتىناسقان ءورت ءسوندىرۋ، ورتتەن ساقتانۋ قۇتقارۋ - كومەكتەسۋ قىزمەتكەرلەرى توپتىق سەرت بەردى، سەرت ءسوزى مىناداي: مەن ءوز ەركىممەن مەملەكەتتىڭ ءورت ءسوندىرۋ، ورتتەن ساقتانۋ قۇتقارۋ - كومەكتەسۋ قوسىنىنا كىردىم، پارتياعا ادال بولىپ، ءتارتىپتى قاتايتىپ، وت پەن سۋدان تايسالماي، حالىققا شىن پەيىلدە بولىپ، باتىل تۇردە بۇيرىققا بويسۇنىپ، قولباسشىلىققا قۇلاق اسىپ، قىزمەت جاۋاپكەرلىگىمدى ىجداعاتتىلىقپەن وتەپ، قابىلەتتى قۇلشىنا شىڭاپ، جاپا - ماشاقاتتان، حاۋىپ - قاتەردەن قورىقپاي، قۇربان بەرۋدەن تايسالماي، حالىقتىڭ ءومىرى مەن مال - مۇلكىنىڭ حاۋىپسىزدىگىن قورعاۋعا، قوعام ورنىقتىلىعىن قورعاۋعا بارىمدى ارنايمىن.

  تۋ تاپسىرۋ سالتىنان كەيىن، شي جينپيڭ، ت.ب باسشىلار مەملەكەتتىڭ ءورت ءسوندىرۋ، ورتتەن ساقتانۋ امبەباپ قۇتقارۋ - كومەكتەسۋ قوسىنىنىڭ باس اترەتتەن جوعارى دارەجەلى كادرلارىن ىقىلاسپەن قابىلدادى، كوپشىلىكپەن ەستەلىك سۋرەتكە ءتۇستى.

  ديڭ شۋەشياڭ، جاڭ يوۋشيا، چىن شي، گو شىڭكۇن، ۋاڭ يۇڭ قيمىلعا قاتىناستى. ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار تۋ تاپسىرۋ سالتىنا قاتىناستى.
 تاياۋدا، «مەملەكەتتىڭ ءورت ءسوندىرۋ، ورتتەن ساقتانۋ امبەباپ قۇتقارۋ - كومەكتەسۋ قوسىنىن قۇرۋ تۋرالى جۇلگەلىك جوباعا» ساي، قوعام حاۋىپسىزدىگى ءورت ءسوندىرۋ، ورتتەن ساقتانۋ بولىمدەرىنىڭ، قارۋلى ساقشى ورمان - توعاي بولىمدەرىنىڭ قۇرىلىمى جاڭالانىپ، مەملەكەتتىڭ ءورت ءسوندىرۋ، ورتتەن ساقتانۋ امبەباپ قۇتقارۋ - كومەكتەسۋ قوسىنى قۇرىلدى. بۇل قوسىندى توتەنشە جاعدايلاردى باسقارۋ مينيسترلىگى باسقارىپ، ءبىر تۇتاس باسشىلىق ەتەدى، دارەجە بويىنشا قولباسشىلىق ىستەيدى، ارناۋلى شەن دارەجەلەرى، قىزمەت دارەجەلەرى جانە قوسىن تۋى، قوسىن گەربى، قوسىن تاربيەسى، قوسىن كيىمى بەلگىلەنەدى.

جاۋاپتى رەداكتور: ءاننا اكىمقان قىزى
  • ايماقتىق اكىمشىلىك مەكەمەسى 52 ـ رەتكى ۇنەمىلىك ىستەر ءماجىلىسىن اشتى
  • بۇگىننەن باستاپ قار جاۋادى
  • 19-رەتكى جۇڭگو تىلشىلەر مەرەكەسى، جەر-جەردەگى اقپارات قىزمەتكەرلەرى ءتۇرلى قيمىلدار وتكىزىپ، تاماشا رۋحاني بەينەسىن ايگىلەدى
  • بالا تاربيەسىندەگى ماڭىزدى ۇستانىمدار