اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ءورت ءوشىرۋ حاۋىپسىزدىـگىنە تاربيەلەدى ءارى مانۆەر وتكىزدى

  9-قاراشادا شىڭگىل اۋداندىق ءورت ءوشىرۋ ۇلكەن اترەتى اۋداندىق تولىق ورتا مەكتەپكە بارىپ ءورت ءوشىرۋ حاۋىپسىزدىگىنە تاربيەلەۋ ءارى مانۋەر وتكىزۋ ارقىلى وقىتۋشى وقۋشىلاردىڭ ءوزىن قۇتقارۋ ورەسىن ارتتىردى. جيىنى 2300 قانشا وقىتۋشى وقۋشى مانۆەرگە قاتىناستى.

  تۇستەن بۇرىن ساعات 12:00 دە مانۆەر رەسىمي باستالدى. ورتتەن ساقتانۋ قوڭىراۋى شالىنىسىمەن مەكتەپ بەلگىلەنگەن ءورت اپاتىنان قۇتقارۋ جوباسىن ىسكە اسىرىپ، وقىتۋشىلار وقۋشىلاردى ساباقحانادان شىعۋعا ۇيىمداستىرسا، وقۋشىلار قولدارىمەن اۋىزىن باسىپ، دەنەسىن ءسال ەڭكەيتىپ ءورت تۋىلعان مايداننان حاۋىپسىز قاشىپ قۇتىلدى. قىسقا عانا بىرنەشە مينۋتتا وقىتۋشى وقۋشىلار دەنە تاربيە مايدانىنا شىعىپ ۇلگىردى. سونىمەن بىرگە ءورت ءوشىرۋ ۇلكەن اترەتى «قامالىپ قالۋشىنى» قۇتقارۋ قىزمەتىن جۇرگىزىپ، مانۋەردى ءساتتى تامامدادى.

  ءورت ءوشىرۋ ۇلكەن اترەتىندەگىلەر وقۋشىلارعا ءورت اپاتى تۋىلعاندا قالاي مالىمدەۋ، قالاي حاۋىپسىز قاشىپ شىعۋ، قىس ماۋسىمىندا ءورت اپاتىنان قالاي ساقتانۋ جونىندەگى قاتىستى بىلىمدەردى ۇيرەتتى. ءارى ناقتىلى ۋاقيعالاردان جاندى مىسال كەلتىرە وتىرىپ وقىتۋشى وقۋشىلارعا ءورت اپاتى تۋىلۋدىڭ كەلتىرەتىن زاردابىن ءتۇسىندىرىپ، ءورت اپاتىنان ساقتانۋدى قاتاڭ ەسكەرتتى. سونىمەن بىرگە وقىتۋشى وقۋشىلارعا ءورىت ءوشىرۋ جابدىعىنان دۇرىس پايدالانۋ ءادىسىن ۇيرەتتى.

  وقۋشى ءۇي شياۋ سۇڭ تىلشىگە:«بۇگىن مەكتەبىمىزدە ورتتەن ساقتانۋ مانۆەرى وتكىزىلىپ، ءورت ءوشىرۋ ۇلكەن اترەتىندەگىلەر بىزگە ءورت ءوشىرۋ اسپابىنان دۇرىس پايدالانۋدى ۇيرەتتى. بۇدان بىلاي ەگەر ءورت اپاتى تۋىلسا ءبىز استە ساسقالاقتاماي، بۇل جولعى مانۆەردە ۇيرەنگەنىمىزدەن پايدالانىپ، حاۋىپسىزدىكتى كەپىلدەندىرۋىمىز كەرەك»،-دەدى.

  وقىتۋشى جۋ ءدانجۋان تىلشىگە:« بۇگىن ءورت ءوشىرۋ مانۆەرى ارقىلى وقىتۋشى وقۋشىلار كوپتەگەن بىلىمدەرگە يە بولدىق. بۇگىنگى ۇيرەنگەندەرىمىزدى ماڭىمىزداعىلارعا جەتكىزىپ، باس اماندىق جانە مال مۇلىك حاۋىپسىزدىگىن كەپىلدەندىرۋگە كۇش سالامىز»،-دەدى.

  ءورت ءوشىرۋ ۇلكەن اترەتىنىڭ قىزمەتكەرى جۋ جىشۋە تىلشىگە: «وقۋشىلاردى ءورت ءوشىرۋ بىلىمدەرىن ۇيرەنۋگە، پايدالانۋعا باستاساق دەيمىز. ەگەردە تولىق ورتا مەكتەپتە ءورت اپاتى تۋىلسا وقۋشىلاردىڭ بۇگىنگى ۇيرەنگەن بىلىمدەرىن قولدانىپ، حاۋىپسىز قۇتىلۋلارىن ءۇمىت ەتەمىز»،-دەدى.

  بۇل جولعى ءورت ءوشىرۋ حاۋىپسىزدىك بىلىمىنە تاربيەلەۋ جانە مانۆەر وتكىزۋ ارقىلى وقىتۋشى وقۋشىلاردىڭ ءورت ءوشىرۋ حاۋىپسىزدىك تانىمىن جانە ءوزىن قۇتقارۋ، ءوزارا قۇتقارۋ قابىلەتىن جوعارلاتتى. سونىمەن بىرگە كوپشىلىكتىڭ حاۋىپسىز ساقتىق تانىمىن ارتتىرىپ، تىنىش، جاراسىمدى مەكتەپ اۋلاسىن قۇرۋعا بەرك نەگىز قالادى.

  ءتىلشىنىڭ قىزمەت ورنى: شىڭگىل اۋداندىق راديو-تەلەۆيزيا مەكەمەسى

جاۋاپتى رەداكتور: ءاننا اكىمقان قىزى
  • ايماقتىق اكىمشىلىك مەكەمەسى 52 ـ رەتكى ۇنەمىلىك ىستەر ءماجىلىسىن اشتى
  • بۇگىننەن باستاپ قار جاۋادى
  • 19-رەتكى جۇڭگو تىلشىلەر مەرەكەسى، جەر-جەردەگى اقپارات قىزمەتكەرلەرى ءتۇرلى قيمىلدار وتكىزىپ، تاماشا رۋحاني بەينەسىن ايگىلەدى
  • بالا تاربيەسىندەگى ماڭىزدى ۇستانىمدار