اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

قىزمەت اترەتىندەگىلەر قىستاق تۇرعىندارىن اۋقاتتانۋعا باستادى

  شىڭگىل اۋداندىق مادەنيەت دەنە-تاربيە مەكەمەسىنەن ارال قالاشىعىنىڭ دورگىن قىستاعىنا قىزمەت وتەۋگە تۇسكەن قىزمەت اترەتىندەگىلەر وسى قىستاقتىڭ اۋدان قالاشىعىنا جاقىن بولۋداي ابزالدىلىعى جانە ونىمدىلىگى جوعارى شاعىن نىساننان پايدالانىپ، بۇقارانىڭ كىرىستەرىن ارتتىرىپ اۋقاتتانۋلارىن ىلگەرلەتتى.

  8-قاراشادا ارال قالاشىعى دورگىن قىستاعىندا قىستاق كوللەكتيۆ ەكونوميكاسىنان 50 مىڭ يۋان قارجى قوسىپ سالىنعان ءسۇت ونىمدەرىن مانەرلەۋ زاۆودىندا قىستاق تۇرعىندارى قۇرت كەپتىرۋ، سارىماي ءپىسۋ، ايران ۇيىتۋ قاتارلى جۇمىستارمەن قاربالاستاندى. قىستاق تۇرعىنى گۇليمان ساعيدوللا قىزىنىڭ وسىندا جۇمىس ىستەگەنىنە ءۇش اي بولعان.

  ارال قالاشىعى دورگىن قىستاعىنىڭ تۇرعىنى گۇلمان تىلشىگە: «ايىنا 300يۋان كىرىس كىرگىزەمىن. جۇمىس ورنىمىز ۇيىمىزگە دە جاقىن»-دەدى.

  قىستاق ەكى كوميتەتى وسى ءسۇت ونىمدەرىن مانەرلەۋ زاۆودىنىڭ قالىپتى اينالىمىن كەپىلدەندىرۋ ءۇشىن قىستاق تۇرعىنى نۇرلاندى ارنايى وسى زاۆودقا جاۋاپتاندىردى.

  ارال قالاشىعى دورگىن قىستاعىنىڭ تۇرعىنى نۇرلان تىلشىگە:« كۇنىنە 1 توننا، ايىنا 30 توننا ءسۇت ساتىپ الىپ، 70 مىڭ يۋان تابۋىمىزعا بولادى. قىستاقتاعى 70 قانشا وتباسى ءسۇتتى وسى اراعا اكەلىپ ساتادى»-دەدى.

  قىستاقتان ءسۇت ونىمدەرىن مانەرلەۋ زاۆودى اشىلعالى كوپتەگەن قىستاق تۇرعىندارى ءوز ۇيلەرىنە جاقىن ماڭدا كاسىپتەنىپ، كىرىستەرىن ارتتىرۋ ورايىنا يە بولعاندارىنا ايىرىقشا قۋاندى.

  ارال قالاشىعى دورگىن قىستاعىنىڭ تۇرعىنى مۇرات تىلشىگە:« بۇرىن ءسۇت ساتا المايتىنبىز، ەندى قىستاعىمىزداعى زاۆوتقا كۇنىنە 20 قانشا كيلو ءسۇت اپارىپ ساتىپ، ايىنا 2000 قانشا يۋان كىرىس كىرگىزە الاتىن بولدى. بىزگە وتە قولايلى ەكەن»-دەدى.

  اۋداندىق مادەنيەت دەنە تاربيە مەكەمەسىنىڭ قىزمەت اترەتىندەگىلەرى قىستاقتاعى وتباسىلارىن ارالاپ جاعداي ۇعىسۋ بارىسىندا كوپتەگەن قىستاق تۇرعىنى وتباسىندا سيىردىڭ كوپ ءارى ءسۇتتى ەكەنىن ۇعىسقاننان كەيىن قىستاق ەكى كوميتەتىمەن اقىلداسىپ، قىستاق كوللەكتيۆ ەكونوميكاسىنان 50 مىڭ يۋان قارجى شىعارىپ، وسى ءسۇت ونىمدەرىن مانەرلەۋ زاۆودىن سالادى، سونىمەن بىرگە قاجەتتى قۇرىلعىلاردى سايكەستىرەدى.

  اۋداندىق مادەنيەت دەنە تاربيە مەكەمەسىنەن ارال قالاشىعىنىڭ دورگىن قىستاعىنا تۇسكەن قىزمەت اترەتىنىڭ باستىعى، ءبىرىنشى شۋجيى اسان تىلشىگە:« شي ءتوراعا ايتقانىنداي كەدەيلىكتەن قۇتىلدىرۋ بارىسىندا ءبىر ەگىنشى مالشىلاردىڭ ىشكى وندىرگىش كۇشىن ءسوزسىز ساۋلەلەندىرىپ، مەملەكەتتىڭ ءتيىمدى ساياساتىنان تولىق پايدالانۋ جانە بۇقارانىڭ قۇلشىنىسى ارقىلى وسىنداي شاعىن نىسانادان پايدالانىپ، ەگىنشى مالشىلار كىرىسىن ارتتىرۋعا باستادىق. بۇدان بىلاي ۇكىمەتتىڭ ءتۇرلى ءتيىمدى ساياساتى جانە قارجىسىنان پايدالانىپ، ءوندىرىس كولەمىن ۇلعايتىپ، ەگىنشى مالشىلاردى تۇراقتى كاسىپتەنىپ، كىرىستەرىن ورنىقتى ارتتىرساق دەيمىز. وسى قىستاقتاعى 130 قانشا وتباسى باسقا كاسىپكە ويىسىپ، ادام باسىندىق كىرىس ورتاشا 10 مىڭ يۋاننان اسقان»-دەدى.

  ءتىلشىنىڭ قىزمەت ورنى: شىڭگىل اۋداندىق راديو-تەلەۆيزيا مەكەمەسى

جاۋاپتى رەداكتور: ءاننا اكىمقان قىزى
  • ايماقتىق اكىمشىلىك مەكەمەسى 52 ـ رەتكى ۇنەمىلىك ىستەر ءماجىلىسىن اشتى
  • بۇگىننەن باستاپ قار جاۋادى
  • 19-رەتكى جۇڭگو تىلشىلەر مەرەكەسى، جەر-جەردەگى اقپارات قىزمەتكەرلەرى ءتۇرلى قيمىلدار وتكىزىپ، تاماشا رۋحاني بەينەسىن ايگىلەدى
  • بالا تاربيەسىندەگى ماڭىزدى ۇستانىمدار