اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

قىستاقتارداعى قىزمەت اترەتتەرى بۇقارا ءۇشىن ناقتى ءىس ىستەدى

  ايماعىمىزدا «ۇعىسۋ، پايدا جەتكىزۋ، توعىستىرۋ» قيمىلى ورىستەتىلگەننەن بەرى، جەر-جەردەگى قىزمەت اترەتتەرى ءوز ابزالدىلىعىن ساۋلەلەندىرىپ، سۇيەمەلدەۋ قيمىلدارىن ىقىلاس قويا سۇيىسپەنشىلىكپەن ورىستەتىپ، ءار ۇلت بۇقاراسى تۇرمىسىنىڭ كۇننەن-كۇنگە جاقسارا تۇسۋىنە مۇمكىندىك جاسادى.

  بيىل 80 جاستان اسقان مارقابا شۇعاي ۇلى قازىر بۋرىلتوعاي اۋدانى شىعانجيدە قىستاعىنىڭ استاۋشا وڭىرىندە تۇرادى، وسى وڭىردەگى قونىستاعان ادام سانى ءبىرشاما از بولعاندىقتان، جولدارى جوندەلمەگەن ەدى، «ۇعىسۋ، پايدا جەتكىزۋ، توعىستىرۋ» قيمىلى بويىنشا قىستاققا ورنالاسقان قىزمەت اترەتىندەگىلەر كەدەيلەردى سۇيەمەلدەۋ بويىنشا حالىق قالاۋىنان شىعۋ نىسانىنا بەلسەنە قول جەتكىزۋىپ، 4 كيلومەتر توپىراق جٶلدى سەمونت جولعا اينالدىرىپ، جٶل بويىنشا شىراق ورناتقىزدى.

  بۋرىلتوعاي اۋدانى شىعانجيدە اۋىلى شىعانجيدە قىستاعىنىڭ تۇرعىنى مارقابا شۇعاي ۇلى:

  بۇرىن وسى جٶلدار تۇگەلدەي توپىراق جٶل بولاتىن دا جاڭبىر جاۋعان كەزدەرى اۆتوكولىك پەن جاياۋ ادامنىڭ جۇرۋىنە مۇمكىن بولماي قالاتىن، قازىر سەمونت جٶل سالىندى، وتە قولايلى، اۋىلدىق ۇكىمەتكە 5 اق مينۋتتا جەتەمىز، جٶل بويىندا تاعى كوشە شىراقتارى ورناتىلدى، جاڭادان دارەتحانانى دا سالىپ بەردى، ءبىز بۇعان توتەنشە ريزامىز.

  بيىل بۋرىلتوعاي اۋداندىق كەدەيلەردى سۇيەمەلدەۋ وركەندەتۋ كەڭسەسى مەن اۋىل-قىستاق امانات قارىز بىرلەسپە كووپەراتيۆىنىڭ «ۇعىسۋ، پايدا جەتكىزۋ، توعىستىرۋ» قيمىلى بويىنشا شىعانجيدە اۋىلى شىعانجيدە قىستاعىنا جىبەرگەن قىزمەت اترەتىندەگىلەر كاسىپتىك ابزالدىلىعىن ساۋلەلەندىرىپ، حالىق قالاۋىنان شىعۋ نىسانىنا بەلسەنە قول جەتكىزىپ، 4 ميليوننان استام قارجى جۇمساۋ ارقىلى، قىستاقتاعى ءۇش وڭىردە 9 كيلومەتر سۋ سىڭبەيتىن توعان جانە 4 كيلومەتر سەمونت جول سالعىزدى، 6 كيلومەتر ەلەكتر تورابىن وزگەرتكىزدى، 100 وتباسىنىڭ كونە ءۇيىن جاڭالاپ، 50 نەشە دارەتحانانى تىڭنان سالعىزدى.

  بۋرىلتوعاي اۋدانى شىعانجيدە اۋىلى شىعانجيدە قىستاعىنىڭ ءبىرىنشى شۋجيى مۇقيات زەينەلقان ۇلى: قىزمەت اترەتىمىز قىستاققا ورنالاسقاننان بەرى، قىستاق تۇرعىندارىنىڭ ءىس جۇزىندىك قيىنشىلىعىن شەشۋ ءۇشىن، وتباسىلارىن ارالاپ قىستاق تۇرعىندارىنىڭ ءىس جۇزىندىك قيىنشىلىعىن ۇعىستى. ەندى قىزمەت اترەتىمىز اۋىلدىق پارتكومنىڭ باسشىلىعىندا نىساندارعا جالعاستى قول جەتكىزىپ، قىستاق تۇرعىندارى ءۇشىن ناقتى ءىس، يگى ءىس تىندىرىپ، ولاردىڭ ءىس جۇزىندىك قيىنشىلىقتارىن شەشەمىز.

  «ۇعىسۋ، پايدا جەتكىزۋ، توعىستىرۋ» قيمىلى بويىنشا بۋىرشىن اۋدانى ەگىزتوبە اۋىلى توپتەرىك قىستاعىنا ورنالاسقان قىزمەت اترەتىندەگىلەر، «اۋىلانى وزگەرتىپ كاسىپتەنۋدى جەبەۋ» دامۋ وي جەلىسى بويىنشا، ەڭبەككۇشتەردى سىرتقا شىعارۋدى ءتۇيىن ەتىپ، قىستاق تۇرعىندارىن كەدەيلىكتەن قۇتىلىپ، اۋقاتتانۋ جولىنا تۇسۋگە باستادى. 34 جاستاعى قىستاق تۇرعىنى جۇمان قىزىرقان ۇلى جالاڭ ەگىنشىلىك كاسىبىنە سۇيەنىپ تۇرمىس كەشىرىپ كەلگەن ەدى، «ۇعىسۋ، پايدا جەتكىزۋ، توعىستىرۋ» قيمىلى بويىنشا قىستاققا ورنالاسقان قىزمەت اترەتىندەگىلەر وسى جاعدايدان حابار تاپقان سوڭ، قىزمەت اترەتىن جىبەرگەن ورنىمەن ىرىقتىلىقپەن بايلانىس جاساپ، جۇماندى بۋىرشىن اۋدانى ساياحات مەيمانحاناسىندا اماندىق قورعاۋشى بولۋعا تانىسىتىردى.

  بۋىرشىن اۋدانى ەگىز توبە اۋىلى توپتەرىك قىستاعىنىڭ تۇرعىنى جۇمان قىزىرقان ۇلى: بۇرىن ۇيدە ەگىنشىلىكپەن عانا اينالىساتىنمىن، كىرىسىم دە تۇراقتى ەمەس ەدى، قازىرگى كىرىسىم تۇراقتى، حال-جاعدايىم دا جاقسى، قازىرگىدەي جاقسى جاعدايىم جالعاسا بەرسە كەلەر جىلى ءۇي ساتىپ الۋىما دا بولادى، قىزمەت اترەتىندەگىلەرگە العىس بىلدىرەمىن.

  بۋىرشىن اۋدانى ەگىز توبە اۋىلى توپتەرىك قىستاعىنىڭ ءبىرىنشى شۋجيى جۋ ۋەيۋەي: قىستاعىمىزداعى ەگىستىك جەر اۋماعى ءبىرشاما از بولعاندىقتان، ەڭبەككۇشتەردى باسقا سالاعا ويىستىرۋ كووپەراتيۆىن قۇرىپ، ارتىق ەڭبەككۇشتەردى باسقا سالاعا ويىستىردىق، قىستاعىمىزدا بيىلعى ەڭبەككۇشتى باسقا سالاعا ويىستىرۋ مولشەرى وتكەن جىلداعىدان ءبىر ەسە ارتتى.

جاۋاپتى رەداكتور: ءاننا اكىمقان قىزى
  • بۇگىننەن باستاپ قار جاۋادى
  • 19-رەتكى جۇڭگو تىلشىلەر مەرەكەسى، جەر-جەردەگى اقپارات قىزمەتكەرلەرى ءتۇرلى قيمىلدار وتكىزىپ، تاماشا رۋحاني بەينەسىن ايگىلەدى
  • بالا تاربيەسىندەگى ماڭىزدى ۇستانىمدار
  • كومپيۋتەر الدىنا وتىرعاندا ەسكەرەتىن ءبىر ەرەجە