اعاجاي-التاي تورابى   ›   اقپارات ايدىنى   ›   سۋرەتتى حابارلار

بۇگىننەن باستاپ قار جاۋادى

  سيبەرياداعى سۋىق اعىستىڭ شىعىسقا جىلجىپ، وڭتۇستىككە ويىسۋىنان، 11-ايدىڭ 8-كۇنى تۇننەن 13-كۇنى كۇندىزگە دەيىن، ايماعىمىزدا ءۇرتىس قار جاۋادى، مەجەمەن جازىق جەرلەردە جاڭادان جاۋعان قاردىڭ قالىڭدىعى 3 سانتيمەتر مەن 10 سانتيمەتر ارالىعىندا، تاۋلى رايونداردا 15 سانتيمەتر مەن 30 سانتيمەتر ارالىعىندا بولادى.

  ايماقتىق اۋارايى ستانسياسىنداعىلاردىڭ مەجەسىنە نەگىزدەلگەندە، 11-ايدىڭ 8-كۇنى تۇننەن 13-كۇنى كۇندىزگە دەيىن، ايماعىمىزدىڭ باسىم كوپ جەرلەرىندە ورتاشا دارەجەدە جاڭبىر ارالاس قار جاۋىپ سوڭى قارعا اينالادى، مۇندا قابا اۋدانىندا، التاي قالاسىنىڭ تاۋ بوكتەرلەرىندە قالىڭ قار جاۋادى، ءىشنارا وڭىرلەردە ەرەكشە قالىڭ قار جاۋادى، سولتۇستىكتەگى تاۋلى رايونداعى اققابا – جالدىڭ ءۇيى – قوم – قىزىل تاۋ شەكارا وتكەلى جەلىسى مەن شىعىستاعى تاۋلى رايونداردا قالىڭ قار جاۋادى، ءىشىنارا وڭىرلەردە ايىرىقشا قالىڭ قار جاۋادى. باستى جاۋىن-شاشىن 11-ايدىڭ 9-كۇنى تۇننەن 11-كۇنى تۇنگە دەيىن جارىققا شىعادى.

  مۇنان سىرت، وسى رەت قار جاۋعاندا اۋا تەمپەراتۋراسى دا كورنەكتى تومەندەپ، بوران سوعادى. 11-ايدىڭ 13-كۇنى كۇندىزدەن تۇنگە دەيىن، جەمەنەي اۋدانى، قابا اۋدانى، بۋىرشىن اۋدانى، بۋرىلتوعاي اۋدانى، التاي قالاسى جانە كوكتوعاي اۋدانىنىڭ قيىس وڭتۇستىك وڭىرلەرىندە قيىس باتىستان 5 بال شاماسىندا جەل سوعادى، ءشول دالا مەن جەل وتتەرىندە 7 بال شاماسىندا بوران سوعادى. 11-ايدىڭ 12-كۇنى تۇننەن 14-كۇنگە دەيىن اۋا تەمپەراتۋراسى 8 سەلتسي گرادۋس پەن 12 سەلتسي گرادۋس ارالىعىندا تومەندەيدى، كۇن اشىلعاننان كەيىن، ايماعىمىزدا جازىق جەرلەردەگى اۋا تەمپەراتۋراسى نولدەن تومەن 18 سەلتسي گرادۋس پەن نولدەن تومەن 26 سەلتسي گرادۋس ارالىعىنا تومەندەيدى، تاۋلى رايونداردا نولدەن تومەن 24 سەلتسي گرادۋس پەن نولدەن تومەن 28 سەلتسي گرادۋس ارالىعىنا تومەندەيدى. ەڭ تومەن اۋا تەمپەراتۋراسى 14-كۇنى تاڭەرتەڭ جارىققا شىعادى.

  اۋارايى ماماندارى مىنانى ەسكەرتەدى: وسى رەت ءۇرتىس جاۋعان قار ايماعىمىزدىڭ مال شارۋاشىلىعى مەن قۇرىلعىلى ەگىن شارۋاشىلىعىنا ءبىرشاما زور ىقپال جاسايدى، قاتىستى ورىندار مەن ەگىنشى-مالشىلار ساقتىق قىزمەتىن كۇن ىلگەرى ىستەۋلەرى ءتيىس، سونىمەن بىرگە قاتىناس باسقارۋ تاراۋىنداعىلار جٶل قورعاۋ جانە قاتىناسقا جەتەكشىلىك ەتۋ قىزمەتتەرىن دەركەزىندە ىستەۋلەرى كەرەك. كۇن اشىلعاننان كەيىن، اۋا تەمپەراتۋراسى ءۇرتىس ءبىرشاما تومەن بولاتىندىقتان، قالا تۇرعىندارى دالاعا شىققاندا كيىمدى قالىڭ كيىنۋلەرى ءتيىس، سونىمەن بىرگە، جىلۋمەن قامداۋ تاراۋىنداعىلار جىلۋمەن قامداۋ پارامەترىن دەر كەزىندە رەتتەۋى كەرەك.

جاۋاپتى رەداكتور: ءاننا اكىمقان قىزى
  • 19-رەتكى جۇڭگو تىلشىلەر مەرەكەسى، جەر-جەردەگى اقپارات قىزمەتكەرلەرى ءتۇرلى قيمىلدار وتكىزىپ، تاماشا رۋحاني بەينەسىن ايگىلەدى
  • بالا تاربيەسىندەگى ماڭىزدى ۇستانىمدار
  • كومپيۋتەر الدىنا وتىرعاندا ەسكەرەتىن ءبىر ەرەجە
  • اۆتونوميالى رايوندىق قوعامدىق عىلىمدار بىرلەستىگىنىڭ 5- قۇرىلتايى ۇرىمجىدە اشىلدى