اعاجاي-التاي تورابى   ›   اقپارات ايدىنى   ›   شينجياڭ حابارلارى

نازاردى باس نىساناعا شوعىرلاندىرىپ، ءتۇرلى رەفورما مىندەتتەرىن قاز - قالپىندا تياناقتاندىرايىق

اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءماجىلىسىن اشتى

  شينجياڭ گازەتىنىڭ ءتىلشىسى جاۋ جىيۇن 11 - ايدىڭ 7 - كۇنى ۇرىمجىدەن حابارلايدى. 11 - ايدىڭ 7 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءماجىلىسىن باسقارىپ اشىپ، اۆتونوميالى رايوننىڭ قۇرىلىم رەفورماسى جونىندەگى اتتانىسقا كەلتىرۋ ءماجىلىسى مەن ۇگىت - يدەيا قىزمەتى جونىندەگى اۆتونوميالى رايوندىق ءماجىلىستىڭ رۋحىن جەتكىزدى، ۇيرەندى، ۇكىمەت جۇيەسىنىڭ دايەكتىلەندىرۋ، تياناقتاندىرۋ شارالارىن اقىلداستى.

  ءماجىلىس مىنانى اتاپ كورسەتتى: اۆتونوميالى رايوننىڭ قۇرىلىم رەفورماسى جونىندەگى اتتانىسقا كەلتىرۋ ماجىلىسىندە پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ پارتيا مەن مەملەكەت قۇرىلىمى رەفورماسىن تەرەڭدەتۋ جونىندەگى ماڭىزدى نۇسقاۋىن دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، اۆتونوميالى رايوننىڭ قۇرىلىم رەفورماسىن تىڭعىلىقتى ىلگەرىلەتۋ باسا دارىپتەلدى. ۇكىمەت پارتيا باسشىلىق گرۋپپاسى مەن ۇكىمەت كەڭسەسى پارتيا باسشىلىق گرۋپپاسى، سونداي - اق ۇكىمەت جۇيەسىندەگى ءار قايسى تاراۋلار، ورىندار پارتيا مەن ۇكىمەتتىڭ قۇرىلىم رەفورماسىن تەرەڭدەتۋدىڭ كەلەلى ماڭىزىن جەتە تانىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، ساياسي دەڭگەيدى اناعۇرلىم ءوسىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاپ»، ساياسي ءتارتىپ پەن ساياسي قاعيدانى قاتايتىپ، ءتۇرلى رەفورما مىندەتتەرىن قاز - قالپىندا ويداعىداي تياناقتاندىرۋ كەرەك.

  ءماجىلىس مىنانى باسا دارىپتەدى: اۆتونوميالى رايوننىڭ ورنالاستىرۋ تالاپتارىن مىقتاپ يگەرىپ، اۆتونوميالى رايوندىق پارتكومنىڭ پارمەندى باسشىلىعىندا دۇرىس رەفورما باعدارىنان جازباي، «<اۆتونوميالى رايوننىڭ قۇرىلىم رەفورماسى جوباسى> جونىندەگى اتقارۋ پىكىرى» بويىنشا ساياسي ءتارتىپتى، ۇيىمدىق ءتارتىپتى، قۇرىلىمدىق شتات ءتارتىبىن، كادرلار قىزمەتى ءتارتىبىن، قازىنا - ەكونوميكا ءتارتىبىن، قۇپيالىقتى ساقتاۋ ءتارتىبىن قاتاڭ اتقارىپ، قۇرىلىم رەفورماسىن تاباندىلىقپەن پارمەندى تۇردە ىلگەرىلەتۋ كەرەك. «ەكى القا» قىزمەت مەحانيزمىن مۇقيات تياناقتاندىرىپ، نازاردى باس نىساناعا بۇلجىتپاي شوعىرلاندىرىپ، قوعامدىق جالپى جاعدايدىڭ جاراسىمدىلىعىن، ورنىقتىلىعىن بار كۇشپەن قورعاپ، جاڭا دامۋ ۇستانىمدارىن دايەكتىلەندىرۋدەن جازباي، كەزەكتەگى ەكونوميكالىق قىزمەتتى جاقسى ۇستاۋ، اۆتونوميالى رايوننىڭ قۇرىلىم رەفورماسى جونىندەگى قىزمەت ورنالاستىرۋلارىن قاز - قالپىندا تياناقتاندىرۋمەن بىرگە، جىلدىق ءتۇرلى نىسانا - مىندەتتەردى تولىق، ويداعىداي ورىنداپ، ورنىقتىلىق پەن دامۋعا قاتىستى ءتۇرلى قىزمەتتەردى ويداعىداي ىستەۋ مەن قۇرىلىم رەفورماسىنىڭ بىردەي ىلگەرىلەۋىن، ءوزارا جەبەۋىن جۇزەگە اسىرۋ كەرەك.

  ءماجىلىس مىنانى باسا دارىپتەدى: ۇگىت - يدەيا قىزمەتى جونىندەگى مەملەكەتتىك ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، يدەيا مەن ارەكەتتى تاباندىلىقپەن باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرۋ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا جاعدايداعى ۇگىت - يدەيا قىزمەتى جونىندەگى ستراتەگيالىق ورنالاستىرۋلارىمەن بىرلىككە كەلتىرۋ كەرەك. ۇگىت - يدەيا قىزمەتى جونىندەگى اۆتونوميالى رايوندىق ءماجىلىستىڭ تالاپتارىن مۇقيات ۇيرەنىپ، دايەكتىلەندىرىپ، ءدوپ كەلگەن جاعدايدى، مىندەتتى جىعا تانىپ، مىندەت، جاۋاپكەرشىلىكتى باتىل ارقالاپ، قاشاندا دۇرىس ساياسي باعداردان جازباي، يدەولوگيا سالاسىنىڭ حاۋىپسىزدىگىن باتىل قورعاۋ كەرەك. دۇرىس قوعامدىق پىكىردى مىقتاپ يگەرىپ، ءار ۇلت كادر - بۇقاراسىن مەملەكەت تانىمىن، ازاماتتىق تانىمدى، جۇڭحۋا ۇلتى ورتاق تۇلعا تانىمىن مىقتاپ ورناتۋعا، «ءۇشتىڭ ءبىر - بىرىنەن ايرىلماۋى» يدەياسىن مىقتاپ ورناتۋعا، «بەستى شىنايى مويىنداۋدى» كۇشەيتۋگە جەتەكتەپ، ءار ۇلت كادر - بۇقاراسىنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن ءبىر نيەتپەن ىنتىماقتاسا العا ىلگەرىلەيتىن مىعىم كۇشىن ۇيىستىرۋ كەرەك.

جاۋاپتى رەداكتور: ءاننا اكىمقان قىزى
  • كومپيۋتەر الدىنا وتىرعاندا ەسكەرەتىن ءبىر ەرەجە
  • اۆتونوميالى رايوندىق قوعامدىق عىلىمدار بىرلەستىگىنىڭ 5- قۇرىلتايى ۇرىمجىدە اشىلدى
  • شينجياڭ — جاقسى جەر
  • ءبىر اپتالىق اۋارايىنان الدىن-الا مالىمەت