اعاجاي-التاي تورابى   ›   اقپارات ايدىنى   ›   شينجياڭ حابارلارى

رايونىمىز حالىقتىق كاسىپورىنداردىڭ ساۋداگەر شاقىرىپ، قارجى ەنگىزۋىنە قاداعالاي قىزمەت وتەۋدى كۇشەيتتى

نىسانداردىڭ ورىندالۋ مولشەرى مەن تياناقتانۋ مولشەرىن جوعارىلاتتى

  شينجياڭ گازەتىنىڭ ءتىلشىسى ۋاڭ يۇڭفي 11 - ايدىڭ 7 - كۇنى ۇرىمجىدەن حابارلايدى. «11 - ايدىڭ 5 - كۇنىنەن باستاپ ءبىز ارناۋلى قىزمەت گرۋپپاسىن قۇردىق، مەڭگەرمە باسشىلارى گرۋپپا باستاپ، ءۇرىمجى قالاسى، سانجى حۇيزۋ اۆتونوميالى وبلىسى، بايىنعولين موڭعۇل اۆتونوميالى وبلىسى، ىلە قازاق اۆتونوميالى وبلىسى سياقتى ساۋداگەر شاقىرۋ نىساندارى ءبىرشاما كوپ ايماق - وبلىستارعا بارىپ، سوڭىنا ءتۇسىپ قىزمەت كورسەتىپ، ساۋداگەر شاقىرىپ، قارجى ەنگىزگەن حالىقتىق كاسىپورىندارعا 2 اي ۋاقىتپەن ءتۇيىندى تۇردە ساياسات جەتكىزىپ، قامقورلىق جاساپ، مەيىر باعىشتاپ، جۇمىس باسىندا كاسىپورىندار ءدوپ كەلگەن ناقتى قيىنشىلىقتاردى ءبىر - بىرلەپ شەشتى»، - دەدى 11 - ايدىڭ 6 - كۇنى اۆتونوميالى رايوندىق ساۋداگەر شاقىرۋ، دامۋ مەكەمەسىنىڭ ورىنباسار باستىعى ۋاڭ ۋىنميڭ. بيىل رايونىمىز ساۋداگەر شاقىرىپ، قارجى ەنگىزۋ قىزمەتىندە ەنگىزىلگەن نىسانداردىڭ سوڭىنا ءتۇسىپ ويداعىداي قىزمەت كورسەتۋگە ايرىقشا ءمان بەرىپ، ساۋداگەر شاقىرىپ، قارجى ەنگىزۋ نىساندارىنىڭ ورىندالۋ مولشەرى مەن تياناقتانۋ مولشەرىن شىنايى جوعارىلاتتى.

  بيىل جىل باسىنان بەرى، رايونىمىز ساۋداگەر شاقىرىپ، قارجى ەنگىزۋ ورتاسىن ۇزبەي ساپالىلاندىرىپ، ساۋداگەر ارقىلى ساۋداگەر شاقىرۋ، كورمە ارقىلى ساۋداگەر شاقىرۋ، كاسىپ سالاسى بويىنشا شينجياڭعا كومەكتەسۋ ارقىلى ساۋداگەر شاقىرۋ سەرپىنىن ارتتىرىپ، ساۋداگەر شاقىرىپ، قارجى ەنگىزۋ قىزمەتىندە تىڭ جەتىستىكتەرگە قول جەتكىزىپ، كاسىپورىنداردىڭ قارجى قوسۋى ۇزبەي جاندانعان جاعدايدى جارىققا شىعاردى. 6 - كەزەكتى جۇڭگو − ازيا - ەۆروپا كورمەسىندە ىشپەن جانە سىرتپەن بىرلەسىپ سەلبەسۋ نىساندارىنان 162 نىسانعا قول قويىپ، 9 - ايدىڭ سوڭىنا دەيىن ىشپەن بىرلەسىپ سەلبەسۋدەگى 160 نىساننىڭ 69ى جۇمىس باستادى. 10 - ايدا وتكىزىلگەن «جۇڭگوداعى داڭقتى ىستەر − وڭتۇستىك شينجياڭداعى ساپارى» قيمىلى بويىنشا تياناقتانعان نىساندارعا قول قويۋ جينالىسىندا وڭتۇستىك شينجياڭداعى 4 ايماق - وبلىس پەن رايونىمىز سىرتىنداعى كاسىپورىندار جالپى 84 سەلبەستىك نىسانىنا قول قويىستى. بيىل جىل باسىنان بەرى، شينجياڭدا تۇراتىن ساۋداگەرلەر قوعامى كاسىپورىندارى 76 نىساندى تياناقتاندىردى. «بيىل رايونىمىزدىڭ ساۋداگەر شاقىرىپ، قارجى ەنگىزۋ قىزمەتىندە جوعارى ساپالى دامۋ ۇستانىمى كورنەكتىلەنىپ، ەڭبەككۇش شوعىرلى كاسىپورىنداردى، ستراتەگيالىق جاڭادان گۇلدەنگەن كاسىپ سالالارىن، ساياحات، ساۋدا، زات اينالىمى كاسىپ سالالارىن ءتۇيىندى تۇردە ەنگىزىپ، جىبەك جولى ەكونوميكالىق بەلدەۋى وزەكتى رايون قۇرىلىسىنا دەم بەردى. ساۋداگەر شاقىرىپ، قارجى ەنگىزۋ بارىسىندا رايونىمىزدىڭ ورنىقتىلىق يگىلىگىنىڭ ۇزبەي ايگىلەنۋىنە ىلەسىپ، كاسىپورىنداردىڭ شينجياڭعا كەلىپ قارجى قوسۋ سەنىمى مەن ىنتاسىنىڭ ارتىپ كەلە جاتقانىن سەزىندىك»، - دەدى ۋاڭ ۋىنميڭ.

  ساۋداگەر شاقىرىپ، قارجى ەنگىزگەن وسى نىسانداردىڭ ىشىندە اۆتونوميالى رايوندىق ساۋداگەر شاقىرۋ، دامۋ مەكەمەسى 200 حالىقتىق كاسىپورىندى ءتۇيىندى نىساندارعا قول قويىسۋعا تۇراقتاندىرىپ، سوڭىنا ءتۇسىپ تياناقتاندىرۋ مەن سايكەستى قىزمەت كورسەتۋدى كۇشەيتىپ، نىسانداردىڭ ورىندالۋ مولشەرى مەن تياناقتانۋ مولشەرىن قۇلشىنا جوعارىلاتتى. «ءبىز ەسەپ تۇرعىزۋ، ساناققا تالداۋ جاساۋ ءتۇزىمىن ورناتۋ، ماۋسىم سايىن تالداۋ جاساۋ ءماجىلىسىن اشۋ، ءار 10 كۇن سايىن نىسانداردى ىلگەرىلەتۋ ءماجىلىسىن اشۋ، اڭىس ەتۋ مەحانيزمىن ورناتۋ سياقتى شارالار ارقىلى نىسانداردىڭ جاعدايىن جانە كاسىپورىنداردىڭ ىرگە تەبۋ بارىسىندا ورىن تەپكەن ماسەلەلەرىن دەر كەزىندە ۇعىسىپ، يگەرىپ، بىرگە ءبىر بويىنشا جەتەكشىلىك ەتىپ جانە قىزمەت كورسەتىپ، قيىنشىلىقتارىن شەشۋگە كومەكتەسىپ، نىسانداردىڭ اتقارىلۋىن ىلگەرىلەتىپ، ساۋداگەرلەرمەن تاتۋ بولۋداي تاماشا ورتا ازىرلەدىك»، - دەدى ۋاڭ ۋىنميڭ.

  ءۇرىمجى قالاسى ميدۇڭ رايونىنا ورنالاسقان ميگۋلي قالا مادەنيەتى، ساياحاتى كەشەنى − بيىل رايونىمىزدىڭ ءتۇيىندى تۇردە ساۋداگەر شاقىرىپ، قارجى ەنگىزگەن نىساندارىنىڭ ءبىرى، شينجياڭ دۇڭحۋا قۇرىلىسقا قارجى قوسۋ (توبى) مەن سىچۋان شينحۋا قورا - جاي اشۋ شەكتى سەرىكتەستىگى بىرلەسىپ اشقان. «بيىل 6 - ايدا قۇرىلىس باستاعاننان بەرى، ءاربىر كەزەڭدە كەزىككەن ماسەلەلەردى اۆتونوميالى رايوندىق ساۋداگەر شاقىرۋ، دامۋ مەكەمەسى بىزبەن بەلسەنە ۇشتاسىپ، دەر كەزىندە قاتىستى تاراۋلاردى جولىققان ماسەلەلەرىمىزدى شەشۋگە سايكەستىرىپ، تۇرلىشە تاراۋلار اراسىندا ارلى - بەرلى شاپقىلاۋداي قيىنشىلىعىمىزدى شەشتى»، - دەدى وسى نىساننىڭ جۇمىس باسى جاۋاپتىسى لي پيڭ.

  ۋاڭ ۋىنميڭ بىلاي دەپ تانىستىردى: مۇنان بىلاي رايونىمىز ساۋداگەر شاقىرىپ، قارجى ەنگىزۋ سەرپىنىن اناعۇرلىم ارتتىرىپ، ورنىقتىلىقتىڭ پايداسىنان ۇزبەي تولىق پايدالانىپ، شينجياڭدا تۇراتىن 22 ساۋداگەرلەر قوعامىنىڭ دانەكەرلىك رولىن تولىق ساۋلەلەندىرىپ، ساۋداگەرلەر قوعامى كاسىپورىندارىنا سۇيەنىپ ساۋداگەر ارقىلى ساۋداگەر شاقىرادى؛ رايونىمىز ءىشى - سىرتىنداعى كورمە تۇعىرلارىنا سۇيەنىپ نىسانداردى ۇشتاستىرۋ جانە ونىمدەردى تانىستىرۋ قيمىلىن ورىستەتەدى؛ اۆتونوميالى رايون مەن شينجياڭعا باعىتتامالى كومەكتەسەتىن 19 ولكە، قالانىڭ ەكونوميكادا اۋىس - كۇيىس جاساۋ جانە سەلبەستىك مەحانيزمىن بەلسەنە تياناقتاندىرىپ، شينجياڭعا كومەكتەسەتىن ولكە، قالالارمەن سەلبەسۋ، ۇشتاسۋ قىزمەتىن ويداعىداي ىستەپ، ءتىپتى كوپ حالىقتىق كاسىپورىنداردى شينجياڭعا كەلىپ قارجى قوسىپ، شارۋاشىلىعىن گۇلدەندىرۋگە باۋرايدى.
 

جاۋاپتى رەداكتور: ءاننا اكىمقان قىزى
  • كومپيۋتەر الدىنا وتىرعاندا ەسكەرەتىن ءبىر ەرەجە
  • اۆتونوميالى رايوندىق قوعامدىق عىلىمدار بىرلەستىگىنىڭ 5- قۇرىلتايى ۇرىمجىدە اشىلدى
  • شينجياڭ — جاقسى جەر
  • ءبىر اپتالىق اۋارايىنان الدىن-الا مالىمەت