اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

بۇقارا ۇيىنە جاقىن جەردە كاسىپتەنىپ كىرىسىن ارتتىردى

  بۋىرشىن اۋدانى مەن شڭگىل اۋدانى ءتۇرلى فورماداعى كاسىپتەنۋگە قىزمەت وتەۋ قيمىلدارىن ورىستەتۋ ارقىلى، ەگىنشى-مالشىلاردى جۇمىسقا ورنالاستىرىپ، ولارعا ۇيىنە جاقىن جەردە كاسىپتەنىپ اقشا تاباتىن تاماشا شارت-جاعداي جاراتتى.

  بۋىرشىن اۋدانىنىڭ «يۋەتىڭ» ساۋدا ەكسپورت-يمپورت شەكتى جاۋاپكەرلىك سەرىكتەستىگىندە، قىزمەتكەرلەردىڭ كەيبىرەۋى جابدىقتاردىڭ اينالىم جاعدايىن تەكسەرسە، ەندى ءبىر ءبولىمى ەلەكتروندىق مەڭگەرۋ ەكرانىنىڭ الدىندا مەڭگەرۋ قىزمەتىن دەن قويا ىستەۋدە.

  بۋىرشىن اۋدانى «يۋەتىڭ» ساۋدا ەكسپورت-يمپورت شەكتى جاۋاپكەرلىك سەرىكتەستىگىنىڭ اتقارۋشى باس ديرەكتورى جاڭ ۋىنجيا:

  سەرىكتەستىگىمىزدە تۇراقتى قىزمەت ىستەيتىن قىزمەتكەر 40 ادام اينالاسىندا، ال قىزمەتتىڭ قاۋىرت مەزگىلىندە قىزمەتكەر سانى 50 دە 60 ادامعا دەيىن بارادى، سەبەبى ول كەزدە اۆتوكولىككە تيەۋ اترەتىندەگى ادام سانى 10 دا 20 ادام كوبەيەدى. سەرىكتەستىگىمىز 2013-جىلى زاۆود سالعاننان بەرگى بىرنەشە جىلدا بۋىرشىن اۋدانىنداعى كوپتەگەن ەگىنشى-مالشى بۇقاراسىنا كاسىپتەنۋ ورايىن جاراتىپ، ولاردىڭ كىرىسىنىڭ ارتۋىنا مۇمكىندىك جاسادى.

  بۇرىن سىرتتا جالدانبا جۇمىس ىستەيتىن جاڭ باۋلي، ۇيىنىڭ ىرگەسىندە كاسىپتەندى، بيىل 4- ايدا سەرىكتەستىككە جاڭا قىزمەتكەر بولىپ قابىلدانىپ، 6 ايدا 20 مىڭ يۋاننان استام كىرىس تاپتى.

  بۋىرشىن اۋدانى «يۋەتىڭ» ساۋدا ەكسپورت-يمپورت شەكتى جاۋاپكەرلىك سەرىكتەستىگىنىڭ قىزمەتكەرى جاڭ باۋلي :

  قازىر «يۋەتىڭ»سەرىكتەستىكىندەگى ايلىق ەڭبەكاقىم 3500 يۋان، ارتىق ىستەگەن كەزدەرىمدە 4000 يۋانعا دەيىن ەڭبەكاقى الامىن، وسى سەرىكتەستىككە كەلىپ قىزمەت ىستەگەلى وتباسىمنىڭ تۇرمىس شارت-جاعدايى جاقسارا باستادى.

  ارعىن ابەن ۇلى بۋىرشىن اۋدانى ويماقى قالاشىعىنىڭ تۇرعىنى، ول قازىر قولىنداعى قويشى تاياعىن تاستاپ، وسى سەرىكتەستىككە كەلىپ قىزمەت ىستەپ جاتىر. ءۇش جىلداعى قىزمەت بارىسىندا ول كوپتەگەن تەحىنيكا يگەردى، ەڭبەكاقىسى دا بۇرىنعىسىنان ءبىر ەسەدەن استام جوعارلادى، قازىر ول ايىنا 4000 يۋاننان استام ەڭبەكاقى الادى.

  سەرىكتەستىكتىڭ قىزمەتكەرى ارعىن ابەن ۇلى :

  مەن قازىر سەرىكتەستىكتىڭ ماشينالاردى مەڭگەرۋ جۇمىسىن ىستەيمىن، كوپتەگەن تەحنيكا ۇيرەنىپ الدىم، وسى قىزمەتىمە ەرەكشە ريزامىن.

  100 مىڭ مۋ جەردەگى شىرعاناققا سۇيەنىپ مانەرلەۋ كاسپورنىنا اينالعان شىڭگىل اۋدانى «حۇيحۋا» بيولوگيالىق عىلىم-تەحنيكا شەكتى سەرىكتەستىگىندە ءارجىلى 100 دەن استام ادامدى كاسىپتەنەدى.

  شىڭگىل اۋدانى «حۇيحۋا» بيولوگيالىق عىلم-تەحنيكا شەكتى سەرىكتەستىگىنىڭ قىزمەتكەرى ساۋلەگۇل:

  ايىنا 3000 يۋان ەڭبەكاقى الامىن، زەينەتكەرلىك قامسىزداندىرۋ اقىسىن دا تاپسىرىپ جاتىر، ۇيىمە دە جاقىن، قىزمەت ىستەۋىمە وتە قولايلى.

  شىڭگىل اۋدانى «حۇيحۋا» بيولوگيالىق عىلم-تەحنيكا شەكتى سەرىكتەستىگىنىڭ ورىنباسار باس ديرەكتورى ۋ تۇڭحۋا :

  كاسىپتى دامىتۋ بارىسىندا، 112 ادامدى تىكەلەي كاسىپتەندىرسەك، شىرعاناق ەگۋ، شىرعاناق تەرۋ، شىرعاناقتى باسقارۋ سەكىلدى جۇمىستار ارقىلى 4000 نان استام ادامدى جانامالاي كاسىپتەندىردىك.

  شىڭگىل اۋدانىندا، شىرعاناق كاسىبىنە سۇيەنىپ ەلەكتروندى ساۋدا ىستەرى جاعىنداعى قىزمەت وتەۋ كاسىبىمەن اينالىساتىن 30 نەشە ورىن بار، شىڭگىل قالاشىعىنىڭ تۇرعىنى زو بو بۇرىن سىرت جەرلەردە جۇمىس ىستەگەن بولسا، قازىر شىڭگىل اۋدانىندا عالامتوردان پايدالانىپ، توراپتا جانە توراپتان تىس شىرعاناق ونىمدەرىن ساتۋ تورىن قالىپتاستىرىپ، كاسىپتەنۋدەن كاسىپ كوزىن اشۋعا ويىستى.

  شىڭگىل اۋدانى «دۋمۋرىن» ەلەكتروندى ساۋدا ىستەرى جاعىنداعى قىزمەت وتەۋ شەكتى سەرىكتەستىگىنىڭ ورىنباسار باس ديرەكتورى زو بو:

  وتكەن جىلدان قازىرگە دەيىن، توراپتاعى جالپى ساتىلىم سوماسى 5 ميليون يۋاننان استى، بيىل قاناس كورىنس رايونىندا ءبىر دۇكەن اشتىق، توراپتا جانە توراپتان تىس ساتۋ ارقىلى شىڭگىل اۋدانىنىڭ شىرعاناق ونىمدەرىن بۇكىل ەلىمىزگە بەتالدىردىق.

  شىڭگىل اۋدانىندا ىرگە تەپكەن بەس شىرعاناق مانەرلەۋ كاسپورىنى شىرعاناق جەمىسى، جاپىراعى جانە ءدانىن سترەولىق كادەگە جاراتۋدى جۇزەگە اسىرىپ، شىرعاناق جەلىلەس ونىمدەرىنىڭ سانىن 30 دان اسىرىپ، باستاماشى كاسپورىندار ەگىنشى وتباسىلارىنىڭ كىرىسىن ارتتىرۋىنا تۇرتكىلىك ەتۋ ۇلگىسىن قالىپتاستىردى، قازىر، باستاماشى كاسپورىنداردىڭ تۇرتكى بولۋىمەن كاسىپتەنگەندەردىڭ سانى 20 مىڭنان استام ادام رەتكە جەتىپ، ادام باسىنا تۋرا كەلەتىن ورتاشا كىرىس 2 مىڭ يۋاننان استام ارتتى.

  2018-جىلى 10-ايدىڭ اياق شەنىنە دەيىن، ايماعىمىز بويىنشا باسقا سالاعا ويىسىپ كاسىپتەنگەن اۋىل-قىستاقتاعى ارتىق ەڭبەككۇشتەردىڭ سانى 42 مىڭ 274 ادامعا جەتتى، تىڭنان ارتقان كاسىپ كوزىن اشقاندار سانى 3112 ادام بولىپ، 6882 ادامنىڭ كاسىپتەنۋىنە تۇرتكى بولدى. ايماعىمىز بويىنشا كاسىپ كوزىن اشۋعا ارنالعان كەپىلدىك قارىز اقشاسىنان 10 ميلليون 820 مىڭ يۋان تاراتىلدى؛ ايماعىمىز بويىنشا كاسىپتەندىرۋگە ارنالعان 158 ميليون يۋان قارجى توپتالدى، شىعىس 130 ميليون يۋان بولىپ، كاسىپتەندىرۋ جاعىنداعى سۇيەمەلدەۋ ساياساتىنان يگىلىكتەنگەندەردىڭ سانى 245 مىڭ ادام رەتكە جەتتى.

جاۋاپتى رەداكتور: ءاننا اكىمقان قىزى
  • كومپيۋتەر الدىنا وتىرعاندا ەسكەرەتىن ءبىر ەرەجە
  • اۆتونوميالى رايوندىق قوعامدىق عىلىمدار بىرلەستىگىنىڭ 5- قۇرىلتايى ۇرىمجىدە اشىلدى
  • شينجياڭ — جاقسى جەر
  • ءبىر اپتالىق اۋارايىنان الدىن-الا مالىمەت