اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماقتىق اكىمشىلىك مەكەمەسى 52 ـ رەتكى ۇنەمىلىك ىستەر ءماجىلىسىن اشتى

  التاي گازەتىنىڭ ءتىلشىسى حۋ جۇنشيۋ حابارلايدى. 11 ـ ايدىڭ 5 ـ كۇنى ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى قادەن كابەن ۇلى اكىمشىلىك مەكەمەسىنىڭ 52 ـ رەتكى ۇنەمىلىك ىستەر ءماجىلىسىن اشىپ،«التاي ايماعىنىڭ قىسقى ساياحاتىنا تىك ۇشاقپەن قىزمەت وتەۋدى قامتاماسىزداندىرۋ جوباسى(2018 ـ جىلدان 2019 ـ جىلعا دەيىن)»، «التاي ايماعىنىڭ 2018 ـ جىلدان 2019 ـ جىلعا دەيىنگى قىسقى ساياحاتىنداعى تيىمدىلىك جاساۋ ءادىسى (سىناق رەتىندە اتقارىلادى)»، «التاي ايماعىنىڭ نوپۋسسىز جان سانىن قالا نوپۋسىنا قوندىرۋدى جەبەۋدىڭ اتقارۋ جوباسى» قاتارلى جۇمىستاردى ارناۋلى اقىلداسىپ، قاتىستى قىزمەتتەرگە ورنالاستىرۋ جاسادى.

  ماجىلىستە بىلاي دەپ اتاپ كورسەتىلدى: قىستا ۇشاقپەن جاقىن ارالىققا جەر باۋىرلاي ۇشۋ، كەڭىستىكتەن تاماشالاۋ قاتارلى ساياحات تۇرلەرىن اشۋ التاي ايماعىنىڭ قار ـ مۇز ساياحاتى ەكونوميكاسىنىڭ دامۋىن جەبەپ، «جەر ءجانناتى _ قاناس، قارلى مەكەن _ التاي» ايگىلى ماركاسى داڭقىن اسىرۋدا ايرىقشا ماڭىزدى ءمان الادى. ماجىلىستە مىنالار تالاپ ەتىلدى: ءار قايسى قاتىستى تاراۋلار (ورىندار) سايكەستىرۋ، قىزمەت وتەۋدى ىرىقتىلىقپەن ويداعىداي ىستەپ، التايدان قاناسقا(جالدىڭۇيى)، قوم قاتارلىلارعا باراتىن ۇشاقتى تەز ارادا ىسكە قوسىپ، ايماقتىڭ قىسقى ساياحاتىنداعى قاتىناستىڭ جالاڭ بولۋى، قامتاماسىزداندىرۋ قۋاتىنىڭ جەتكىلىكسىز بولۋ قاتارلى ماسەلەسىن شەشىپ، قىسقى ساياحاتتا تىك ۇشاقپەن قىزمەت وتەۋدى بەلسەنە جولعا قويىپ، التاي ايماعىنىڭ قىسقى ساياحاتىنىڭ دامۋىن جەبەۋ كەرەك. حابارعا قاراعاندا، ايماقتىڭ قىسقى ساياحاتىنىڭ دامۋىن اناعۇرلىم جەبەۋ ءۇشىن، تاياۋدا، تاعى «التاي ايماعىنىڭ 2018 ـ جىلدان 2019 ـ جىلعى قىسقى ساياحاتىندا تيىمدىلىك جاساۋ ءادىسىن(ۋاقىتتىق اتقارىلادى)» ورتاعا قويىپ، تيىمدىلىك ساياساتىنىڭ اتقارىلۋ ۋاقىتىن، سيلىق قوسىمشا قاراجاتىن، نەگىزگى تۇلعاسىن، ءادىسىن جانە كولەمىن ايقىنداعان، بۇل ايماقتىڭ قىسقى ساياحاتىندا تىڭ جاڭالىق اشۋدى ىلگەرلەتەدى.

  ماجىلىستە مىنالار باسا دارىپتەلدى: جەرگىلىكتى ورىنداعى جانە سىرتتان كەلگەن نوپۋسسىز جان سانىن قالا نوپۋسىنا قوندىرۋدى جەدەل جەبەۋ _ـ مەملەكەتتىڭ، اۆتونوميالى رايوننىڭ ەگىن شارۋاشىلىق رايوندارىنان كەلگەن 100 ميلليون مولشەرىندەگى جان سانى مەن باسقادا تۇراقتاپ قالعان جان سانى قاتارلى نوپۋسسىز جان سانىنىڭ قالا نوپۋسىنا قوندىرۋ نىساناسىن دايەكتىلەندىرىپ، تياناقتاندىرىپ، قالا، قالاشىقتاندىرۋ اياق الىسىن جەدەلدەتۋدەگى ماڭىزدى شارا جانە پارمەندى نەگىز. ماجىلىستە بىلاي دەپ اتاپ كورسەتىلدى: ءار قايسى قاتىستى تاراۋلار (ورىندار) «التاي ايماعىنىڭ نوپۋسسىز جان سانىن قالا نوپۋسىنا قوندىرۋدى اتقارۋ جوباسىنا» نەگىزدەلىپ، ءونىمدى قىزمەت شاراسىن قولدانىپ، نوپۋسسىز جان سانىن قالا نوپۋسىنا قوندىرۋدىڭ نىسانالى مىندەتىنىڭ ۋاقىتىندا ورىندالۋىنا كەپىلدىك ەتۋى كەرەك.

  ماجىلىستە بىلاي دەپ اتاپ كورسەتىلدى: ەگىنشى ـ جۇمىسكەرلەردىڭ كەشەۋىلدەتىلگەن ەڭبەكاقى ماسەلەسىن ۇيلەسىمدى شەشۋ _ـ ەگىنشى ـ جۇمىسكەرلەردىڭ ءتول مۇددەسىنە، قوعامدىق جالپى جاعدايدىڭ جاراسىمدى، ورنىقتىلىعىنا سايادى. ماجىلىستە مىنالار تالاپ ەتىلدى: اكىمشىلىك مەكەمەسىندەگى ءار قايسى جاۋاپتى باسشىلار جانە ايماقتاعى كاسىپتىك جاۋاپتى تاراۋلار ءار قايسىسى ءوز سالاسىنا قاراتا تاعى ءبىر رەت اداقتاۋ، تەكسەرۋ جۇرگىزىپ، نەگىزدى، جاعدايدى يەلەۋمەن بىرگە، ىزىنە ءتۇسىپ تياناقتاندىرىپ، شەشۋگە قۋزاۋشىلىق ەتۋ كەرەك. سونىمەن بىرگە «ءۇش ءتۇرلى باسقارۋ تۇزىمىن» جاپپاي تياناقتاندىرىپ، عىلمي، ءونىمدى شارانى اقىلداسىپ بەلگىلەپ، ەگىنشى ـ جۇمىسكەرلەردىڭ ەڭبەكاقىسىن كەشەۋىلدەتۋ ماسەلەسىن ۇيلەسىمدى شەشۋگە كەپىلدىك ەتۋ كەرەك.

  ايماقتىق پارتكومنىڭ مۇشەسى، اكىمشىلىك مەكەمەسىنىڭ ۇنەمىلىك ىستەرگە جاۋاپتى ورىنباسار ءۋاليى چىن بو، ايماقتىق پارتكومنىڭ مۇشەسى، اكىمشىلىك مەكەمەسىنىڭ ورىنباسار ءۋاليى ۋاڭ جۇن ـ ان، لان شىڭشين جانە اكىمشىلىك مەكەمەسىنىڭ قىزمەت ورنىندا بار باسشىلارى، ورىنباسار باس حاتشىلار، قاتىستى تاراۋلاردىڭ (ورىنداردىڭ) جاۋاپتىلارى ماجىلىسكە قاتىناستى.

جاۋاپتى رەداكتور: ءاننا اكىمقان قىزى
  • كومپيۋتەر الدىنا وتىرعاندا ەسكەرەتىن ءبىر ەرەجە
  • اۆتونوميالى رايوندىق قوعامدىق عىلىمدار بىرلەستىگىنىڭ 5- قۇرىلتايى ۇرىمجىدە اشىلدى
  • شينجياڭ — جاقسى جەر
  • ءبىر اپتالىق اۋارايىنان الدىن-الا مالىمەت