اعاجاي-التاي تورابى   ›   اقپارات ايدىنى   ›   احپارات اعىمى

جۇڭگوشا سوتسياليزم ايەلدەر دامۋ جولىنا تاباندى بولىپ، ايەلدەردى ءداۋىردىڭ الدىڭعى لەگىندە ءجۇرىپ، ەڭبەك ءسىڭىرىپ، ۇلەس قوسۋعا ۇيىمداستىرۋ، جۇمىلدىرۋ كەرەك

شي جينپيڭ مەملەكەتتىك ايەلدەر بىرلەستىگىنىڭ جاڭا كەزەكتى باسشىلىق القاسىنىڭ مۇشەلەرىمەن توپتىق سويلەسكەندە مىنالاردى باسا دارىپتەدى

  

ۋاڭ حۋنيڭ قاتىناستى

  شينحۋا اگەنتتىگىنىڭ 11 - ايدىڭ 2 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 11 - ايدىڭ 2 - كۇنى تۇستەن بۇرىن جۇڭنانحايدا مەملەكەتتىك ايەلدەر بىرلەستىگىنىڭ جاڭا كەزەكتى باسشىلىق القاسىنىڭ مۇشەلەرىمەن توپتىق سويلەستى ءارى ماڭىزدى ءسوز سويلەدى. شي جينپيڭ مىنالاردى باسا دارىپتەدى: پارتيانىڭ ايەلدەر قىزمەتىن جاقسى ىستەۋ ەلىمىزدەگى حالىق سانىنىڭ جارتىسىن ۇستايتىن ايەلدەردى ىنتىماقتاستىرۋعا جانە ۇيىستىرۋعا قاتىستى، پارتيا مەن حالىق ىستەرىنىڭ دامۋىنا قۇدىرەتتى كۇش - قۋات ازىرلەۋگە قاتىستى. ايەلدەر قىزمەتىنە پارتيانىڭ باسشىلىعىن كۇشەيتىپ، جۇڭگوشا سوتسياليزم ايەلدەر دامۋ جولىنا تاباندى بولىپ، قازىرگى جۇڭگو ايەلدەر قوزعالىسىنىڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ داۋىرلىك نەگىزگى تاقىرىبىن يگەرىپ، ەر - ايەل تەڭدىگىن جەبەپ، ايەلدەردىڭ ءار جاقتاعى بەلسەندى رولىن ساۋلەلەندىرىپ، ايەلدەردى ءداۋىردىڭ الدىڭعى لەگىندە جۇرۋگە، رەفورمانىڭ، دامۋدىڭ، ورنىقتىلىقتىڭ ءبىرىنشى شەبىندە ەڭبەك ءسىڭىرىپ، ۇلەس قوسۋعا ۇيىمداستىرۋ جانە جۇمىلدىرۋ كەرەك.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ توپتىق سويلەسۋگە قاتىناستى.

  شي جينپيڭ الدىمەن مىنالاردى ءبىلدىردى: جۇڭگو ايەلدەردىڭ مەملەكەتتىك 12 - قۇرىلتايى جەڭىسپەن جابىلدى. قۇرىلتاي پارتيا ورتالىق كوميتەتىنىڭ تالاپتارىن دايەكتىلەندىرىپ جانە تياناقتاندىرىپ، كەزەكتەگى جانە الداعى ءبىر مەزگىلدەگى ايەلدەر ءىسى مەن ايەلدەر قىزمەتىنە ورنالاستىرۋ جاساپ، ءتۇرلى كەڭەستىك تارتىپتەرىن ورىندادى. شي جينپيڭ پارتيا ورتالىق كوميتەتى اتىنان قۇرىلتايدىڭ تابىسپەن اشىلعاندىعىن، مەملەكەتتىك ايەلدەر بىرلەستىگىنىڭ جاڭا كەزەكتى باسشىلىق القاسىن قىزۋ قۇتتىقتادى. شي جينپيڭ مىنالاردى ءبىلدىردى: كوپشىلىكتىڭ لەبىزىنەن مەملەكەتتىك ايەلدەر بىرلەستىگىنىڭ جاڭا كەزەكتى باسشىلىق القاسىنىڭ پارتيا ورتالىق كوميتەتىنىڭ شەشىمدەرىن، ورنالاستىرۋىن دايەكتىلەندىرۋ جونىندەگى پوزيتسياسىنىڭ باتىل، سەنىمىنىڭ بەكەم ەكەندىگىن سەزىنۋگە بولادى. پارتيا ورتالىق كوميتەتى سىزدەرگە شىنايى ءۇمىت ارتادى.

  شي جينپيڭ مىنالاردى اتاپ كورسەتتى: پارتيانىڭ 18 - قۇرىلتايىنان بەرى، پارتيا ورتالىق كوميتەتى پارتيا مەن مەملەكەت ىستەرىنىڭ دامۋىنىڭ جالپى جاعدايىن تياناق ەتىپ، ايەلدەر قىزمەتىنە باسا نازار اۋداردى جانە ونى بەلسەندىلىكپەن ىلگەرىلەتتى. وتكەن 5 جىلدا، ايەلدەر بىرلەستىگى پارتيا ورتالىق كوميتەتىنىڭ ايەلدەر بىرلەستىگى رەفورماسى جونىندەگى شەشىمدەرىن، ورنالاستىرۋىن دايەكتىلەندىرىپ جانە تياناقتاندىرىپ، ايەلدەردى يدەيالىق - ساياسي جاقتان جەتەكتەۋدى كۇشەيتىپ، ەر - ايەل تەڭدىگى سىندى نەگىزگى مەملەكەت ساياساتىن تياناقتاندىرۋ، ايەلدەر قاۋىمىمەن بايلانىس جاساۋ جانە ولارعا قىزمەت وتەۋ، ايەلدەردىڭ زاڭدى ۇقىق - مۇددەسىن زاڭ بويىنشا قورعاۋ، ايەلدەر بىرلەستىگى رەفورماسىن تەرەڭدەتۋ سياقتى جاقتاردا قىرۋار قىزمەتتەر ىستەپ، ەلىمىزدىڭ ايەلدەر ءىسىنىڭ تىڭ قادام تاستاپ، ايەلدەر قىزمەتىنىڭ تاريحي جەتىستىكتەرگە قول جەتكىزۋىن ىلگەرىلەتتى. ايەلدەر بىرلەستىگىنىڭ قىزمەتىن پارتيا ورتالىق كوميتەتى تولىق تۇراقتاندىرادى.

  شي جينپيڭ مىنالاردى باسا دارىپتەدى: پارتيانىڭ باسشىلىعىنا تاباندى بولۋ − پارتيانىڭ ايەلدەر قىزمەتىن جاقسى ىستەۋدىڭ ءتۇبىرلى كەپىلى. «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن سانالى تۇردە قورعاپ، يدەيالىق جاقتا، ساياسي جاقتا، ارەكەت جاعىندا قاي - قاشان دا پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك. ايەلدەردى جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنۋگە، دايەكتىلەندىرۋگە باستاپ، مۇرات - سەنىم تاربيەسىن ورىستەتىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن ساياسي جاقتان شىنايى مويىنداۋدى، يدەيالىق جاقتان شىنايى مويىنداۋدى، سەزىمدىك جاقتان شىنايى مويىنداۋدى نىعايتىپ، پارتيانىڭ سوزىنە قۇلاق اسۋ، پارتياعا ىلەسۋ سەنىمىن بەكەمدەۋ كەرەك. يدەيالىق، ساياسي جەتەكشىلىكتى ايەلدەر بىرلەستىگى ورىستەتكەن ءتۇرلى قيمىلمەن ساباقتاستىرىپ، ايەلدەردى جۇڭگوشا سوتسياليزم جولى سەنىمىن، نازارياسى سەنىمىن، ءتۇزىمى سەنىمىن، مادەنيەتى سەنىمىن نىعايتىپ، جۇڭگوشا سوتسياليزم ورتاق مۇراتى ءۇشىن سانالى تۇردە كۇرەس جۇرگىزۋگە باستاۋ كەرەك. يدەيانى بىرلىككە كەلتىرۋ، جۇرت تىلەگىن ۇيىستىرۋ، قايشىلىقتى شەشۋ، سۇيىسپەنشىلىكتى نىعايتۋ قىزمەتتەرىن كوبىرەك ىستەپ، ايەلدەردى دۇرىس بەتالىسقا جانە مۇرات نىساناعا قاراي تاباندىلىقپەن ءۇرتىس العا تارتۋعا باستاۋ كەرەك.

  شي جينپيڭ مىنالاردى اتاپ كورسەتتى: ايەلدەر بىرلەستىگى ايەلدەردىڭ ۇقىق - مۇددەسىنە ۋاكىلدىك ەتۋ جانە ونى قورعاۋ، ەر - ايەل تەڭدىگى مەن ايەلدەردىڭ جان - جاقتى دامۋىن جەبەۋ ماڭىزدى مىندەتىن ويداعىداي ارقالاۋى كەرەك. جەتەكتەۋ، قىزمەت وتەۋ، بايلانىس جاساۋ قىزمەتتەرىن جاقسى ىستەپ، پارتيا 19 - قۇرىلتايىندا العا قويىلعان نىسانا - مىندەتتەرگە سالىستىرىپ، «بەستىءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋ مەن «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدى ارقاۋ ەتىپ، جاڭا دامۋ ۇستانىمىن دايەكتىلەندىرىپ، قامداۋ جاعىنداعى قۇرىلىمدىق رەفورمانى تەرەڭدەتۋگە نازاردى شوعىرلاندىرىپ، ايەلدەردىڭ ەرەكشەلىگىنە باي ەڭبەك ءسىڭىرۋ، ۇلەس قوسۋ قيمىلدارىن قانات جايدىرىپ، ايەلدەردىڭ بەلسەندىلىگىن، ىرىقتىلىعىن، جاسامپازدىعىن ەڭ جوعارى دەڭگەيدە جۇمىلدىرۋ كەرەك. اۋىر حاۋىپ - قاتەردەن ساقتانۋ جانە ونى شەشۋ، كەدەيلەردى دالمە - ءدال سۇيەمەلدەۋ، لاستانۋدان ساقتانۋ جانە ونى جونگە سالۋ سىندى ءۇش ۇلكەن قامال الۋ شايقاسىندا جەڭىسكە جەتۋ − بۇكىل پارتيانىڭ، بۇكىل ەلدىڭ كەزەكتەگى ماڭىزدى مىندەتى، ايەلدەر بىرلەستىگى وسى بارىستا بارىنشا ناتيجەلى جۇمىستار جۇرگىزۋگە ءتيىستى. ايەلدەردىڭ تاماشا تۇرمىسقا دەگەن تالپىنىسىن باعامداپ، ايەلدەرمەن بايلانىس جاساۋ، ايەلدەرگە قىزمەت وتەۋ جۇمىستارىن باعىتتامالى تۇردە جاقسى ىستەپ، ەڭ قاراپايىم ايەلدەرگە، اسىرەسە، قيىنشىلىعى بار ايەلدەرگە كوبىرەك نازار اۋدارىپ، كەدەي ايەلدەر، مۇگەدەك ايەلدەر، اۋىلدا قالعان ايەلدەر سياقتى قيىنشىلىعى بار ايەلدەرگە ايرىقشا كوڭىل ءبولىپ، ولار ءۇشىن جاقسى ىستەر ىستەپ، قيىن ىستەردى شەشىپ، ناقتى ىستەر تىندىرۋ كەرەك.

  شي جينپيڭ مىنالاردى باسا دارىپتەدى: ەر - ايەل تەڭدىگى سىندى نەگىزگى مەملەكەت ساياساتىنا تاباندى بولىپ، ايەلدەر مەن بالالاردىڭ زاڭدى ۇقىق - مۇددەسىن قورعاۋ كەرەك. ۇزاق مەزگىلدەن بەرى، ەر - ايەل تەڭدىگى مەن ايەلدەردى قۇرمەتتەۋ كوزقاراسى جۇرت كوڭىلىنەن بارعان سايىن تەرەڭ ورىن الىپ كەلەدى، سونىمەن بىرگە ايەلدەردى كەمسىتۋشىلىك ءالى دە ورىن تەۋىپ وتىر. بۇل ماسەلەلەردى شەشۋ ءۇشىن، مەملەكەتتىك دەڭگەيدەن جونگە سالىپ، ايەلدەردىڭ ۇقىق - مۇددەسىن اۋىر زيانعا ۇشىراتقان قىلمىستىق ارەكەتتەرگە باتىل زاڭ بويىنشا سوققى بەرىپ، قاتە پىكىرلەرگە دەر كەزىندە تويتارىس جاساۋ كەرەك. ايەلدەر بىرلەستىگى ىرىقتى تۇردە ىسكەرلىك تانىتۋى، قاي جەردە ايەلدەردىڭ زاڭدى ۇقىق - مۇددەسىنە زالال كەلتىرىلسە، سول جەردەگى ايەلدەر بىرلەستىگى العا شىعىپ، ولاردىڭ ءسوزىن سويلەۋى، زاڭ بويىنشا، ەرەجە بويىنشا ايەلدەردىڭ جان - جاقتى دامۋىنا ورتا دايىنداپ، كەدەرگىلەردى الاستاپ، شارت - جاعداي ازىرلەۋى كەرەك.

  شي جينپيڭ مىنالاردى اتاپ كورسەتتى: وتباسى قىزمەتىن جاقسى ىستەپ، ايەلدەردىڭ قوعامدىق ءومىر مەن وتباسى ومىرىندەگى وزگەشە رولىن ساۋلەلەندىرۋ − ايەلدەر بىرلەستىگى ۇيىمدارىنىڭ جالپى جاعدايعا، ايەلدەرگە قىزمەت ەتۋىندەگى ماڭىزدى كۇش سالۋ ءتۇيىنى. وتباسىنا نازار اۋدارىپ، وتباسى تاربيەسىنە نازار اۋدارىپ، وتباسى سالتىنا نازار اۋدارىپ، وتباسى سالاسىندا جارىققا شىققان جاڭا جاعدايدى، جاڭا ماسەلەلەردى مۇقيات زەرتتەپ، وتباسى قىزمەتىن ىلگەرىلەتۋدى ۇزاق مەرزىمدىك مىندەت رەتىندە تىڭعىلىقتى، ويداعىداي يگەرۋ كەرەك. سوتسياليستىك وزەكتى قۇن كوزقاراسىن ءبىر تۇتاس باسشىلىققا الۋعا تاباندى بولىپ، ايەلدەردى وتباسىن دا، وتاندى دا ءسۇيىپ، وتباسى مۇشەلەرىن وتاندى سۇيەتىن، وتباسىن سۇيەتىن وتانشىلدىق سەزىمدى بىرگە اسقاقتاتۋعا، مەيىر مەن ماحابباتقا تولى وتباسى قاتىناسىن ورناتۋعا، ءورشىل، ىزگىلىكتى وتباسى ءمورالىن ساۋلەلەندىرۋگە، بىرگە كوركەيتىپ، تەڭ يگىلىكتەنەتىن وتباسى تالپىنىسىن ايگىلەۋگە جەتەكتەپ، وتباسى تاتۋلىعىن نىعايتۋ، تۋىس - تۋعاندار ارا سۇيىسپەنشىلىكتى، ۇرپاقتاردىڭ ساۋ - سالامات جەتىلۋىن، قارتتاردىڭ زەينەتتى ءومىر ءسۇرۋىن جەبەۋ سياقتى جاقتاردا ارتىقشىلىقتارىن ساۋلەلەندىرىپ، جاۋاپكەرشىلىك ارقالاۋعا باستاۋ كەرەك. ايەلدەردى وتباسى مۇشەلەرىنە باستاماشى بولا وتىرىپ، قارتتاردى قادىرلەپ، سابيلەردى ايالاۋ، ەر - ايەل تەڭ، ەرلى - زايىپتىلار تاتۋ بولۋ، ۇنەمشىلدىكپەن ءۇي ۇستاۋ، كورشىلەر ارا بەرەكە - بىرلىكتە بولۋ سياقتى جۇڭحۋا ۇلتىنىڭ ءداستۇرلى تاماشا ءمورالىن ساۋلەلەندىرۋگە جەتەكتەپ، بۇرىس ستيل، تەرىس پيعىلداردى شەكتەپ، پاك ستيلدى، دۇرىس سالتتى ساۋلەلەندىرىپ، تاماشا وتباسى سالتى ارقىلى تاماشا قوعامدىق سالت تۇلعالاۋعا باستاۋ كەرەك. ايەلدەردىڭ وتباسى مەن قىزمەتتىڭ قاتىناسىن دۇرىس شەشىپ، قوعام الدىندا جاۋاپتى بولاتىن، وتباسىنا ۇلەس قوساتىن جاڭا ءداۋىر ايەلدەرى بولۋىنا كومەكتەسۋ كەرەك. ايەلدەردى وتاندى ءسۇيۋ، ۇلەس قوسۋ رۋحىن ساۋلەلەندىرىپ، ءوزىن قادىرلەپ، وزىنە سەنىم ارتىپ، ءوزىن الۋەتتەندىرىپ، ءوزىن قۇدىرەتتەندىرىپ، ءوز ارەكەتتەرىمەن جاڭا داۋىرگە ەڭبەك ءسىڭىرىپ، ءوز كۇرەستەرىمەن كوركەم تۇرمىس جاراتىپ، وتاننىڭ رەفورما، دامۋ ۇلى ىستەرىندە وزدەرىنىڭ دامۋىن ىسكە اسىرىپ، حالىقتىڭ تاريح جاراتۋ ۇلى كۇرەسىندە جارقىن ومىرگە قول جەتكىزۋگە باستاۋ كەرەك.

  شي جينپيڭ مىنالاردى باسا دارىپتەدى: اناعۇرلىم ناقتى شارالار ارقىلى ايەلدەر بىرلەستىگى رەفورماسىن ىلگەرىلەتىپ، نەگىزگى ساتى ايەلدەر بىرلەستىگى ۇيىمدارى رەفورماسىن تەرەڭدەتىپ، ورگان كادرلارىنىڭ قىزمەت ستيلىنە بۇرىلىس جاساپ، قىزمەت وتەۋ قابىلەتىن جوعارىلاتىپ، قامال الۋ، قيىنشىلىقتى جەڭۋ تەبىنىن ارتتىرىپ، رەفورمانىڭ نەگىزگى ساتىدا تياناقتانۋىنا كەپىلدىك ەتۋ كەرەك. ايەلدەرمەن بايلانىس جاساۋدى، ايەلدەرگە قىزمەت وتەۋدى قىزمەتتىڭ ارقاۋى ەتىپ، ايەلدەردىڭ سەنىم ارتاتىن، سۇيەنىش تۇتاتىن، قول ۇزە المايتىن توركىنىنە اينالۋ قاجەت. ايەلدەر بىرلەستىگىنىڭ كادرلار قوسىنى قۇرىلىسىن كۇشەيتىپ، جوعارى ساپالى ايەلدەر بىرلەستىگى كادرلار قوسىنىن قۇلشىنا باۋلۋ كەرەك. ستيل قۇرىلىسىن اناعۇرلىم ماڭىزدى ورىنعا قويىپ، تەكسەرۋ - زەرتتەۋ ستيلىن بارىنشا ساۋلەلەندىرىپ، ايەلدەرمەن بايلانىس جاساۋ ارناسىن ىركىلىسسىزدەندىرۋ كەرەك. ءار دارەجەلى پارتكومدار نازار اۋدارۋ، كوڭىل ءبولۋ، قولداۋ كورسەتۋ، قامتاماسىز ەتۋ تەبىنىن ارتتىرىپ، ايەل كادرلاردى تاربيەلەۋگە ءمان بەرىپ، ايەلدەر بىرلەستىگىنىڭ كادرلار قوسىنى قۇرىلىسىنا نازار اۋدارىپ، ايەلدەر ءىسىنىڭ اقاۋسىز دامۋىنا، ايەلدەر بىرلەستىگى ۇيىمدارىنىڭ قىزمەت ورىستەتۋىنە تاماشا شارت - جاعداي ازىرلەۋ كەرەك.

  مەملەكەتتىك ايەلدەر بىرلەستىگىنىڭ ءتوراعاسى شىن يۋەيۋە مەملەكەتتىك ايەلدەر بىرلەستىگىنىڭ جاڭا كەزەكتى باسشىلىق القاسى اتىنان جۇڭگو ايەلدەردىڭ مەملەكەتتىك 12 - قۇرىلتايىنىڭ اشىلۋ جاعدايىنان مالىمەت بەردى جانە ايەلدەر بىرلەستىگى قىزمەتىن جاقسى ىستەۋ جونىندەگى ويلارىن ورتاعا قويدى. مەملەكەتتىك ايەلدەر بىرلەستىگىنىڭ ورىنباسار ءتوراعالارى حۋاڭ شياۋۋي، ليۋ ياڭ، چىن حۋالان لەبىز ءبىلدىردى.

  ديڭ شۋەشياڭ، سۇن چۇنلان، ياڭ شياۋدۋ، چىن شي، گو شىڭكۇن، حۋاڭ كۇنميڭ، يوۋ چۋان سويلەسۋگە قاتىناستى.
 

جاۋاپتى رەداكتور: ءاننا اكىمقان قىزى
  • جولدارعا مۇز قاتاتىندىعى جونىندەگى سارى ءتۇستى ساقتىق سيگىنال
  • 11-ايدىڭ 1-كۇنىنەن باستاپ التاي ــ كورلا ارالىعىندا توتە ۇشاق قاتىنايتىن بولادى
  • ايماعىمىزدان 370 قارت كادر «باقىت ءنومىرلى» ارناۋلى پويەزبەن ەكسكۋرتسياعا اتتاندى
  • باتىس ءوڭىر قار- مۇز مەرەكەسى التاي دالالىق شاڭعى باقشاسىندا باستالدى