اعاجاي-التاي تورابى   ›   اقپارات ايدىنى   ›   احپارات اعىمى

شي جينپيڭ مەن تونگانىڭ پاتشاسى تۋپۋ Ⅵ ءوزارا قۇتتىقتاۋ تەلەگرامماسىن جولدادى

جۇڭگو مەن تونگانىڭ ديپلوماتيالىق قارىم - قاتىناس ورناتقاندىعىنىڭ 20 جىلدىعىن قۇتتىقتادى

  شينحۋا اگەنتتىگىنىڭ 11 - ايدىڭ 2 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 11 - ايدىڭ 2 - كۇنى تونگانىڭ پاتشاسى تۋپۋ Ⅵ مەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 20 جىلدىعىن قىزۋ قۇتتىقتادى.

  شي جينپيڭ قۇتتىقتاۋ تەلەگرامماسىندا مىنانى اتاپ كورسەتتى: جۇڭگو مەن تونگا ديپلوماتيالىق قارىم - قاتىناس ورناتقان 20 جىلدان بەرى، ەكى ەلدىڭ قارىم - قاتىناسى ۇزدىكسىز ىشكەرىلەي دامىپ، ناقتى سەلبەستىگى مەن گۋمانيتارلىق اۋىس - كۇيىسى بارعان سايىن كەڭەيدى. بيىل 3 - ايدا ءسىز جۇڭگوعا مەملەكەتتىك ساپارمەن كەلگەنىڭىزدە، ءبىز ەكى ەلدىڭ كەڭ كولەمدى سالاداعى اۋىس - كۇيىسى مەن سەلبەستىگىن ىلگەرىلەتۋ جونىندە ماڭىزدى ورتاق تانىمعا كەلىپ، جۇڭگو - تونگا قارىم - قاتىناسىنىڭ دامۋىنا باعدار كورسەتتىك. مەن جۇڭگو - تونگا قارىم - قاتىناسىنىڭ دامۋىنا ايرىقشا ءمان بەرەمىن، سىزبەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 20 جىلدىعىن تىڭ باستاما ەتىپ، ءتۇرلى سالاداعى اۋىس - كۇيىستى، سەلبەستىكتى كۇشەيتىپ، جۇڭگو - تونگا قارىم - قاتىناسىنىڭ ۇزدىكسىز جاڭا بيىكتەردەن كورىنە بەرۋىن ىلگەرىلەتىپ، ەكى ەلدىڭ حالقىنا اناعۇرلىم كوپ، اناعۇرلىم ويداعىداي تيىمدىلىك جەتكىزۋدى قالايمىن.

  تۋپۋ Ⅵ قۇتتىقتاۋ تەلەگرامماسىندا بىلاي دەدى: تونگا مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 20 جىلدىعىن قىزۋ قۇتتىقتايمىن. بەرتىنگى جىلداردا، ەكى ەلدىڭ جوعارى جىكتەگىلەرىنىڭ بارىس - كەلىسى قويۋلاپ، ءتۇرلى سالاداعى سەلبەستىگى ۇزدىكسىز تەرەڭدەدى، ەكى ەل حالقىنىڭ ءوزارا ءتۇسىنىسۋى جانە دوستىعى كۇننەن - كۇنگە كۇشەيدى. مەن جۇڭگونىڭ گۇلدەنىپ - كوركەيۋىن، حالىقتىڭ باقىتتى، امان - ەسەن بولۋىن شىن جۇرەكتەن تىلەيمىن.

جاۋاپتى رەداكتور: ءاننا اكىمقان قىزى
  • جولدارعا مۇز قاتاتىندىعى جونىندەگى سارى ءتۇستى ساقتىق سيگىنال
  • 11-ايدىڭ 1-كۇنىنەن باستاپ التاي ــ كورلا ارالىعىندا توتە ۇشاق قاتىنايتىن بولادى
  • ايماعىمىزدان 370 قارت كادر «باقىت ءنومىرلى» ارناۋلى پويەزبەن ەكسكۋرتسياعا اتتاندى
  • باتىس ءوڭىر قار- مۇز مەرەكەسى التاي دالالىق شاڭعى باقشاسىندا باستالدى