اعاجاي-التاي تورابى   ›   اقپارات ايدىنى   ›   احپارات اعىمى

شي جينپيڭ مەن فرانسيانىڭ زۇڭتۇڭى ماكرون ءوزارا قۇتتىقتاۋ تەلەگرامماسىن جولدادى جۇڭگو - فرانسيا تەڭىز - مۇحيت جاساندى سەرىگىنىڭ ءساتتى ۇشىرىلعاندىعىن قۇتتىقتادى

  شينحۋا اگەنتتىگىنىڭ 10 - ايدىڭ 29 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ مەن فرانسيانىڭ زۇڭتۇڭى ماكرون 10 - ايدىڭ 29 - كۇنى ءوزارا قۇتتىقتاۋ تەلەگرامماسىن جولداپ، جۇڭگو - فرانسيا تەڭىز - مۇحيت جاساندى سەرىگىنىڭ ءساتتى ۇشىرىلعاندىعىن قۇتتىقتادى.

  شي جينپيڭ قۇتتىقتاۋ تەلەگرامماسىندا مىنانى اتاپ كورسەتتى: عارىش سەلبەستىگى جۇڭگو مەن فرانسيانىڭ جالپى بەتتىك ستراتەگيالىق سەرىكتەستىك قاتىناسىنىڭ ماڭىزدى مازمۇنى. جۇڭگو - فرانسيا تەڭىز - مۇحيت جاساندى سەرىگىنىڭ ءساتتى ۇشىرىلۋى ەكى ەلدىڭ عارىش سەلبەستىگىنىڭ ەڭ جاڭا ناتيجەسى، جەر شارىنىڭ تەڭىز - مۇحيت ورتاسىن باقىلاۋ - تەكسەرۋ، اپاتتان ساقتانۋ، اپاتتى ازايتۋ، كليمات وزگەرىسىنە توتەپ بەرۋ سياقتى سالالاردا ماڭىزدى رول اتقارادى. جۇڭگو جاق جۇڭگو - فرانسيا قاتىناسىنا وسكەلەڭ ءمان بەرەدى، فرانسيا جاقپەن بىرگە قۇلشىنىپ، ەكى ەلدىڭ ءتۇرلى سالاداعى اۋىس - كۇيىسىن، سەلبەستىگىن ىلگەرىلەتىپ، تەرەڭدەتىپ، جۇڭگو مەن فرانسيانىڭ قويۋ، باياندى جالپى بەتتىك ستراتەگيالىق سەرىكتەستىك قاتىناسىنىڭ اناعۇرلىم جوعارى ورەگە ۇزبەي اياق باسۋىن ىلگەرىلەتىپ، ەكى ەلگە جانە ەكى ەل حالقىنا اناعۇرلىم تاماشا باقىت جاراتۋدى قالايدى.
 ماكرون قۇتتىقتاۋ تەلەگرامماسىندا مىنانى ءبىلدىردى: فرانسيا - جۇڭگو تەڭىز - مۇحيت جاساندى سەرىگىنىڭ ءساتتى ۇشىرىلۋى ەكى ەلدىڭ عارىش سەلبەستىگىنىڭ ماڭىزدى ءبىر قادام باسقاندىعىن ايگىلەيدى. بۇل نىسان ەكى ەل عارىش قۇرىلىمدارىنىڭ جانە عىلمي زەرتتەۋ قىزمەتكەرلەرىنىڭ قاجىرلى قۇلشىنىستارىن ۇيىستىرىپ، فرانسيا مەن جۇڭگونىڭ حالىقارالىق قوعامنىڭ كليمات وزگەرىسىنىڭ سىن - سايىستارىنا بىرگە توتەپ بەرۋىن ىلگەرىلەتەتىن بەلسەندى تىلەگىن تاعى ءبىر رەت ايگىلەدى. عارىش سەلبەستىگى فرانسيا مەن جۇڭگونىڭ ستراتەگيالىق سەلبەستىگىنىڭ ماڭىزدى قۇرامداس بولىگى، فرانسيا جۇڭگو جاقپەن بىرگە، ەكى ەلدىڭ عارىش جانە كليمات وزگەرىسىنە توتەپ بەرۋ سالاسىنداعى اۋىس - كۇيىسىن، سەلبەستىگىن ۇزبەي تەرەڭدەتۋدى قالايدى.

جاۋاپتى رەداكتور: ءاننا اكىمقان قىزى
  • باتىس ءوڭىر قار- مۇز مەرەكەسى التاي دالالىق شاڭعى باقشاسىندا باستالدى
  • شي جينپيڭ وڭتۇستىك سوعىس رايونىن كوزدەن كەشىرگەندە
  • بۋرىلتوعاي اۋدانى جەرگىلىكتى ەرەكشە ءتۇستى ارقاۋ ەتىپ، تۇتاس وڭىرلىك ساياحاتتى جاراتتى
  • ءبىر اپتالىق اۋارايىنان الدىن-الا مالىمەت