اعاجاي-التاي تورابى   ›   البۋم   ›   كورىكتى التاي

باتىس ءوڭىر قار- مۇز مەرەكەسى التاي دالالىق شاڭعى باقشاسىندا باستالدى

«قىستا شينجياڭدى ساياحاتتاۋ، جۇڭگوداعى قارلى مەكەن التايعا بارۋ» تاقىرىبىنداعى جۇڭگو باتىس ءوڭىر قار-مۇز ساياحات مەرەكەسىنىڭ جانە 13-كەزەكتى شينجياڭ ساياحات كاسىبى ساۋدا كورمەسىنىڭ، جۇڭگوداعى قارلى مەكەندەگى تۇڭعىش شاڭعى تەبۋ قيمىلىنىڭ باستالۋ سالتى 10-ايدىڭ 28-كۇنى التاي قالاسىنداعى التاي دالالىق شاڭعى باقشاسىندا وتكىزىلدى، بۇل التاي دالالىق شاڭعى باقشاسىنىڭ رەسمي اشىلىپ، ساياحاتشى قابىلداعاندىعىن، شينجياڭنىڭ قىسقى قار-مۇز ساياحاتىنىڭ باستالعاندىعىن، شينجياڭنىڭ جەر-جەرىندەگى قىسقى ساياحات جەلىلەس قيمىلدارىنىڭ جاپپاي باستالعاندىعىن بىلدىرەدى.

  اۆتونوميالى رايوندىق حالىق ۇكىمەتىنىڭ ورىنباسار باس حاتشىسى گاۋجىمين باستالۋ سالتىنا قاتىناستى ءارى تۇڭعىش شاڭعى تەبۋ قيمىلىنىڭ باستالعانىن جاريالادى.

  اۆتونوميالى رايوندىق حالىق ۇكىمەتىنىڭ ورىنباسار باس حاتشىسى گاۋ جىمين: «قىستا شينجياڭدى ساياحاتتاۋ، جۇڭگوداعى قارلى مەكەن التايعا بارۋ» تاقىرىبىنداعى جۇڭگو باتىس ءوڭىر قار-مۇز ساياحات مەرەكەسىنىڭ جانە 13-كەزەكتى شينجياڭ قىسقى ساياحات كاسىبى ساۋدا كورمەسىنىڭ، جۇڭگوداعى قارلى مەكەندەگى تۇڭعىش شاڭعى تەبۋ قيمىلىنىڭ رەسمي باستالعاندىعىن جاريالايمىن.

  اۆتونوميالى رايوندىق ساياحات دامىتۋ كوميتەتى پارتگرۋپپاسىنىڭ شۋجيى حوۋ حانمين، ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى قادەن كابەن ۇلى، مەملەكەتتىك دەنە-تاربيە باس مەكەمەسى قىسقى سپورتتى باسقارۋ ورتالىعىنىڭ ورىنباسار مەڭگەرۋشىسى، شينجياڭ ۇيعۇر اۆتونوميالى رايوندىق دەنە تاربيە مەكەمەسىنىڭ ورىنباسار باستىعى جياڭ شىساي باستالۋ سالتىنا قاتىناستى ءارى ءسوز سويلەدى، ايماقتىق پارتكومنىڭ ورىنباسار شۋجيى لي بيڭ باستالۋ سالتىن باسقاردى، ايماقتىق پارتكومنىڭ مۇشەسى، اكىمشىلىك مەكەمەسىنىڭ ورىنباسار ءۋاليى ۋاڭ جۇن-ءان، اۆتونوميالى رايوندىق ساياحات دامىتۋ كوميتەتىنىڭ، سونداي-اق التاي قالالىق حالىق ۇكىمەتىنىڭ قاتىستى جاۋاپتى جولداستارى باستالۋ سالتىنا قاتىناستى.

  قادەن باستالۋ سالتىندا ءسوز سويلەپ بىلاي دەدى: جاقىنعى ەكى جىلدان بەرى ايماقتىق پارتكوم مەن اكىمشىلىك مەكەمەسى شي جينپيڭنىڭ جاڭا داۋىردەگى جۇڭگوشا سوتسياليزىم يدەياسىن جەتەكشى ەتىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، اۆتونوميالى رايوندىق پارتكومنىڭ«1+3+3+ رەفورما جاساۋ، ەسىك اشۋ» جونىندەگى قىزمەت ورنالاستىرۋىن بۇلجىتپاي دايەكتىلەندىرۋدىڭ ارقاسىندا ايماعىمىزدا جالپى جاعدايى ورنىقتى بولعان، جاعداي مەڭگەرىلگەن، بەتالىس جاقسى بولعان تاماشا جاعداي جارىققا شىقتى، ءارۇلت بۇقاراسى مەن ساياحاتشىلاردىڭ حاۋىپسىزدىك سەزىمى كورنەكتى كۇشەيىپ، ورنىقتىلىقتىڭ پايداسى جالعاستى كورىلىپ، ايماعىمىزدىڭ ساياحات كاسىبىنىڭ تەز قارقىنمەن ارتۋى جەبەلدى.

  قادەن مىنالاردى اتاپ كورسەتتى: «تاۋى التىن، سۋى شاربات» دەگەن ادەمى اتى بار التاي دۇنيە جۇزىندەگى بىرەگەي كورىنىس رايوندارىنا ۋاكىلدىك ەتەتىن ءوڭىر، شينجياڭداعى ەڭ تازا، ەڭ كوركەم جەر ەسەپتەلەدى. اسىرەسە ۇلى تابيعات التايعا تاماشا قار-مۇز بايلىعىن تارتۋ ەتكەن، ءبىر جىلداعى قارلى مەزگىلى 179 كۇنگە جەتەدى. قارى مول، قارلى مەزگىلى ۇزاق، قارى نىعىز بولعاندىقتان، كاسىپتىك قار شاڭعىشىلار قار بايلىعى مول شاڭعى تەبۋگە ەڭ ۇيلەسەتىن جەر دەپ اتاعان، دۇنيە جۇزىنە ايگىلى شۆەتساريانىڭ الپىس تاۋ سىلەمى، ا ق ش تىڭ الاسكا شتاتى، جاپونيانىڭ حوككايدو ارالىنداعى وڭىرلەرمەن دەڭگەيلەس كەلەدى، دۇنيە جۇزىندە سيرەك كەزدەسەتىن جەر بولۋمەن بىرگە بۇكىل ەلىمىزدەدە وتە از كەزدەسەتىن جەر ەسەپتەلەدى. بيىل 9-ايدا مەملەكەتتىك كليمات ورتالىعى ەلىمىزدەگى بىردەن-ءبىر «جۇڭگوداعى قارلى مەكەن» دەگەن اتاق بەردى، ادامزات قار شاڭعى ونەرىنىڭ جارىققا شىققان جەرى بولعان التايدىڭ قار-مۇز تاريحىنىڭ مازمۇنى باي، قار-مۇز مادەنيەتى مايەكتى كەلەدى.

  قادەن مىنانى باسا دارىپتەدى: باس شۋجي شي جينپيڭ العا قويعان «تاماشا تابيعاتتىڭ ءوزى باعالى بايلىق» جانە «قار-مۇز كاسىبىنىڭ دامۋىن جەبەپ، قىسقى بۇقارالىق سپورت قيمىلىن ورىستەتۋدى ىلگەرىلەتۋ» ۇستانىمىن ىشكەرلەي دايەكتىلەندىرىپ، 300 ميلليون ادامدى قار- مۇز سپورت قيمىلىنا اتسالىستىرۋ سىندى ايبىندى ۇندەۋىنە بەلسەنە ءۇن قوسىپ،

  بەيجيڭنىڭ 2022-جىلعى قىسقى وليمپيا سپورت جارىسىن وتكىزۋدەي ماڭىزدى ورايدى مىقتى يگەرىپ، چىن چۋانگو شۋجيدىڭ التاي ايماعىنىڭ ساياحات كاسىبىن دامىتۋ جونىندە ورتاعا قويعان 2020-جىلى قابىلداناتىن ساياحاتشى سانىن 30 ميلليون ادام-رەتكە جەتكىزۋ، ۇزاق مەرزىمدە 100 ميلليون ادام-رەتكەن اسىرۋ» نىساناسىن ىسجۇزىندىك ارەكەتىمىز ارقىلى دايەكتى تياناقتاندىرىپ، ساياحات كاسىبىن ايماعىمىز ەكونوميكاسىنىڭ جوعارى ساپالى دامۋىن ىلگەرلەتۋدەگى ستراتەگيالىق تىرەكتى كاسىپ رەتىندە مىقتى يگەرىپ، قار-مۇز بايلىعىن سۇيەنىش ەتكەن قىسقى ساياحات كاسىبىن ساياحات كاسىبىنىڭ ءتۇرىن جاڭالاپ دارەجەسىن وسرۋدەگى ماڭىزدى ءتۇيىن رەتىندە قاراپ، كۇن ىلگەرى جوبالاۋدان جازباي، جوعارى دەڭگەيدە ىلگەرىلەتىپ، ساپالى دامىتۋعا كۇش سالامىز.

ناق مايدانداعى قىزىقتى كورىنىستەر

جاۋاپتى رەداكتور: ءاننا اكىمقان قىزى
  • باتىس ءوڭىر قار- مۇز مەرەكەسى التاي دالالىق شاڭعى باقشاسىندا باستالدى
  • شي جينپيڭ وڭتۇستىك سوعىس رايونىن كوزدەن كەشىرگەندە
  • بۋرىلتوعاي اۋدانى جەرگىلىكتى ەرەكشە ءتۇستى ارقاۋ ەتىپ، تۇتاس وڭىرلىك ساياحاتتى جاراتتى
  • ءبىر اپتالىق اۋارايىنان الدىن-الا مالىمەت