اعاجاي-التاي تورابى   ›   البۋم   ›   كورىكتى التاي

كوكتوعايدى قىستا قالاي ساياحاتتاۋ كەرەك ەكەنىن بىلەسىز بە؟

قىراۋ الەمى

گۇل قىراۋى ــ تومەن تەمپەراتۋرادا سۋدىڭ بۋعااينالىپ قاتۋىنان نەمەسە بۋدىڭ توتە اعاش بۇتاقتارىنىڭ باسىندا قاتىپ قالۋىنان پايدا بولاتىن اق ءتۇستى كىريستال زات، وڭايلىقتا بولا بەرمەيتىن تابيعي قۇبىلىس.
قىس ماۋسىمىنداعى كوكتوعاي قالىڭ قاراستىندا تىنىش ۇيقىعا شومادى. ءارجولى باياۋ جەل سوققاندا اعاش باسىنداعى «كۇمىس»گۇلدەر مەن اق مامىق قارلار جەلمەن بىرگە اسەم تەربەلەدى.
سوناۋ الىستاعى بيىك تاۋلار مەن اپپاق قارلار، گۇل قىراۋلارى ايتىپ جەتكىزگىسىز جاراسىم تاۋىپ تۇر.
ەرتىس وزەنىنىڭ سىرلى باستاۋىن تاماشالاڭىز
كوكتوعايدىڭ قالىڭ قارى
ءامىرسانا
جۇپ اعاش

  وسىناۋ قاسات قارلار استىندا كوكتوعايدىڭ تالايلاعان تارلان تاريحى جاسىرىنىپ جاتىر.

ات شاناعا وتىرىڭىز

  ات شانا ــ كوكتوعايدىڭ قىس مەزگىلىندەقولدانىلاتىن ماڭىزدى قاتىناس قۇرالى. ءداستۇرلى ات شاناعا وتىرىپ قىس كورىنىسىن تاماشالاۋ ومىرىڭىزدەگى ەستەن كەتپەس تاماشا ەلەس بولىپ قالاتىنى داۋسىز.

  قازاق ۇلتىنىڭ ۇلتتىق سالت-ساناسىن تاماشالاپ قايتىڭىز

قازاق مالشىلارىنىڭ كيىز ءۇيىنىڭ ىشىندە قازاق ۇلتىنىڭ ءداستۇرلى تۇرمىسىن سەزىنىپ، قوناعۋار قازاق مالشىلارىنىڭ دايىنداعان مول داستارقانىنان ءدام تاتىپ قايتىڭىز.

قازاق ۇلتىنىڭ بايگە، كوكبار، قىز قۋار قاتارلى مازمۇنى باي ۇلتتىق دەنە-تاربيە قيمىلدارى ءالى دە اۋەلگى قالپىن ساقتاپ كەلەدى، بۇل ارادان قازاق ۇلتىنىڭ ات ۇستىندەگى كوشپەلى مادەنيەتىن سول قالپىندا شىنايى سەزىنە الاسىز.

  قىستىڭ ۇزاق ءتۇنىندە جىپ-جىلى كيىز ءۇي ىشندە وتىرىپ قازاق ۇلتنىڭ ءداستۇرلى ءدامدى تاعامدارى مەن قۇلاق قۇرىشىن قاندىرار اسەم ءانى مەن ءتاتتى كۇيلەرى، مىڭ بۇرالعان ءبيلەرى كوڭىلىڭىزدى ءبىر سەرپىلتىپ تاستايتىنى داۋسىز.

ايگىلى 3- كەن قۇدىعى

  3- كەن قۇدىعى دۇنيە جۇزىندەگى ەڭ ۇلكەن كەن قۇدىعى سانالادى. دۇنيەدە قازىرگە دەيىن بەلگىلى بولعان 140 تان استام كەن تۇرلەرىنىڭ ىشىندەگى 88 ى وسى كەن رايونىندا ساقتالعان. كەن بايلىعى مول، ساقتالۋمولشەرى زور، جىگى ايقىن، اشىلۋ كولەمى كەڭ، ەل ىشىندە ماڭداي الدى، دۇنيە ءجۇزى كولەمىندە كەمدە-كەم كەن رايونى سانالىپ، اتاعى دۇنيە جۇزىندەگى ەڭ اتاقتى كانادا بەرنيك كولى كەنىمەن تەڭ اتالادى.دۇنيە جۇزىلىك گەولوگيا سالاسىنداعىلار ساناسىنداعى «تابيعي گەولوگيالىق مۇراجاي»سانالادى.

  جاھۇت تاس الىپ قايتىڭىز

ولاي بولسا، بيىل قىستا بىرلىكتە كوكتوعايعابارىپ، ناعىز قىستىڭ قانداي بولاتىنىن كورىپ قايتايىق!

اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى
  • التاي ايماعىندا قالىڭ قار جاۋدى
  • شينجياڭ مارالباسى: قالا ماڭىندا سەرۋەندەۋ اۋىل-قىستاق گۇلدەندىرۋدى دەمەدى
  • جولدارعا مۇز قاتقاندىعى جونىندەگى سارى ٴتۇستى ساقتىق سيگنال
  • حانزۋ ۇلىن ساعىنىپ جول قاراعان اجە